Напрыканцы візіту ў Канаду Святлана Ціханоўская правяла працоўную сустрэчу з прэм’ерам Джасцінам Трудо. У 2020 годзе ўрад Трудо рашуча зрэагаваў на падзеі ў Беларусі, надаўшы фінансавую падтрымку беларускім праваабаронцам і грамадскім ініцыятывам.

Святлана Ціханоўская распавяла пра неабходнасць кансалідаванай стратэгіі па Беларусі краінамі Вялікай сямёркі. Яна адзначыла, што неабходныя захады па абароне беларускай незалежнасці. Ціханоўская прапанавала падтрымаць беларускую дыяспару, а таксама перадаць гуманітарную дапамогу беларускім добраахвотнікам, якія змагаюцца на перадавой.

​Збор на падарункі дзецям палітвязняў

Святлана Ціханоўская: «Хутка Новы год. Для нашых дзяцей гэтае свята – сапраўдны цуд. І чым больш складаны час, тым больш яны чакаюць запаветных падарункаў пад ялінкай. Таму мы з вамі як бацькі заўсёды імкнемся стварыць для сваіх дзяцей свята. Каб, узгадваючы пра сваё дзяцінства, яны памяталі ў першую чаргу цеплыню і клопат.

Я спадзяюся, вашыя сем'і ў гэтым годзе змогуць сустракаць Каляды і Новы год разам. Але мы з вамі ведаем, што не ва ўсіх ёсць такая магчымасць. Тысячы беларускіх дзяцей у гэтыя святы не змогуць абняць маму ці тату, а нехта – абодвух, бо іх бацькоў незаконна трымаюць у турмах па палітычных матывах. Гэта рэальнасць, у якой зараз знаходзіцца нашая краіна, але мы можам дапамагчы маленькім беларусам: зрабіць ім падарункі, якія яны спадзяюцца атрымаць.

Фонд «Краіна для жыцця» цяпер прымае лісты ад дзяцей палітвязняў, у якіх яны распавядаюць Дзеду Марозу пра свае мары. Далучыцеся да гэтай акцыі, усяго адзін данат ад вас можа ўвасобіць мару Машы, чый тата ў ШІЗА. Або Толі, які апошні раз бачыў маму два гады таму. Распавядзіце сябрам пра гэтую акцыю, запрасіце калегаў і зрабіце гэта карпаратыўнай добрай справай напярэдадні Калядаў. Узгадайце сябе дзіцем – у вас, пэўна, дагэтуль з'яўляецца ўсмешка, калі вы ўзгадваеце запаветны падарунак, атрыманы даўным-даўно. А зараз вы можаце зрабіць такімі ж шчаслівымі і іншых дзяцей. Для гэтага трэба перайсці па спасылцы ў профілі і запоўніць заяўку.

Дарэчы, Сяргей Будкін , кіраўнік Беларускай Рады культуры, выпраўляе мяне і кажа, што ў беларускай традыцыі прынята пісаць не Дзеду Марозу, як у рускай, а Святому Мікалаю. Ці ведаеце вы пра гэта? Можа, у гэтым годзе мы разам распавядзем дзеткам пра яго? Ці вашыя дзеці і так пішуць яму лісты?»

Анкету для ўдзелу ў акцыі можна запоўніць тут.
Прыняць удзел у акцыі «Пошта Дзеда Мароза» і павіншаваць дзяцей палітвязняў можна тут.

​Вынікі візіту Святланы Ціханоўскай у Канаду: падымалі пытанне дапамогі добраахвотнікам, рэабілітацыйных праграмаў для дзяцей палітвязняў і стыпендыяў для беларусаў

Падчас першага афіцыйнага візіту ў Канаду Ціханоўская сустрэлася з прэм'ерам Трудо, міністаркай замежных справаў Жалі, міністаркай абароны Ананд, спікерам сенату Фʼюры. Таксама Святлана Ціханоўская правяла сустрэчу з Івонкай Сурвілай, старшынёй Рады БНР.

Пра што дамовіліся падчас візіту?

– Да канца года Канада разгледзіць пакет падтрымкі грамадзянскай супольнасці. Ужо была нададзеная падтрымка на 3 мільёны канадскіх даляраў жаночым ініцыятывам, праваабаронцам, медыям, а таксама беларускаму праекту Chatham House, які праводзіць апытанні грамадскай думкі ў Беларусі.

– Будзе пашыраная парламенцкая група сяброў дэмакратычнай Беларусі. Праз яе будзе адбывацца афіцыйная камунікацыя паміж парламентам Канады і беларускімі дэмакратычнымі сіламі. Ціханоўская заклікала парламент прызнаць рэжым Лукашэнкі спонсарам тэрарызму, а КДБ і ГУБАЗіК тэрарыстычнымі арганізацыямі

– Канада будзе падымаць пытанне Беларусі ў G7, АБСЕ і ААН, каб не дапусціць паглынання Беларусі Расіяй, а таксама прыцягнуць Лукашэнку да адказнасці за тэрор у Беларусі і вайсковыя злачынствы супраць Украіны.

– Святлана Ціханоўская прапанавала Канадзе разглядзець магчымасць запуску рэабілітацыйнай праграмы для дзяцей палітвязняў па прынцыпе чарнобыльскіх праграмаў, і стажыровак ды стыпендыяў для беларусаў. Таксама Ціханоўская папрасіла Канаду забяспечыць беларускіх добраахвотнікаў ва Украіне неабходнымі зімовымі рэчамі і абсталяваннем.

Святлана Ціханоўская: «У 2020 годзе Макей здрадзіў беларускаму народу і падтрымаў тыранію. Такім яго запомніць беларускі народ.

Мы ж працягнем бараніць незалежнасць і свабоду Беларусі, незалежна ад зменаў у атачэнні Лукашэнкі».

​Святлана Ціханоўская: «Сёння – дзень, які амаль не ўзгадваюць у падручніках гісторыі. Толькі 20-30 гадоў таму шырокаму колу беларусаў стала вядома пра Слуцкі збройны чын. Гэта важная частка нашай гісторыі. У 1920 годзе ў Слуцку ўзнялі паўстанне: беларусы хацелі абараніць сваё права жыць у Беларускай Народнай Рэспубліцы – у Беларусі, вольнай ад любой іншай улады, акрамя беларускай.

Гэта быў не «галодны бунт», якіх у тыя гады было шмат на аскепках Расійскай імперыі. Гэта быў рух, у якім і сяляне, і інтэлігенцыя абаранялі ідэю існавання Беларусі. Людзі, якія нават не былі прафесійнымі ваеннымі, змагаліся супраць значна большага войска. Яны не мелі шматгадовай падрыхтоўкі – але мелі годнасць і мэту жыць у сваёй вольнай краіне, а не быць часткай чужой імперыі.

Прайшло сто гадоў – але гісторыя паўтараецца. І мы мусім ведаць урокі гісторыі, каб не хадзіць па коле войнаў і крызісаў. Зараз прапаганда намагаецца схаваць гэтую дату. Бо Слуцкі збройны чын даказвае, што нашая нацыя самастойная, што беларусы могуць бараніць сваю незалежнасць. Калі вы, як калісьці я, не ведалі пра Дзень Герояў, пачытайце пра яго і распавядзіце сваім сябрам.

Бо гэта гісторыя пра тое, як нашыя суайчыннікі ўзялі на сябе адказнасць за тое, каб не быць ахвярамі – і быць сапраўднымі абаронцамі».

​Ціханоўская сустрэлася з прэм'ерам Румыніі і выступіла на Мюнхенскай сустрэчы лідараў у Бухарэсце

Ціханоўская і прэм'ер Румыніі Нікалае Чукэ абмеркавалі магчымыя захады міжнароднай супольнасці, каб не дапусціць уваход беларускіх войскаў у вайну супраць Украіны. Ціханоўская заклікала Румынію адрозніваць рэжым Лукашэнкі і беларускі народ, і аказаць максімальную падтрымку ініцыятывам, накіраваным на ўмацаванне незалежнасці і беларускай нацыянальнай ідэнтычнасці.

Таксама Ціханоўская правяла сустрэчы ў румынскім парламенце з удзелам усіх партыйных групаў. Яна заклікала дэпутатаў стварыць парламенцкую групу сяброў Беларусі, правесці слуханні па Беларусі ў камітэтах па замежных адносінах у абедзвюх палатах парламента і ўзяць шэфства над палітвязнямі.

Далей Ціханоўская выступіла на «Мюнхенскай канферэнцыі лідараў». У сваім выступе Ціханоўская заклікала прызнаць рэжым спонсарам тэрарызму і пашырыць санкцыі на супрацоўнікаў дзяржаўных прапагандысцкіх медыяў, КДБ і спецслужбаў. Таксама Ціханоўская заклікала пашырыць выдачу візаў для беларусаў у беларускіх гарадах і не прызнаваць дамовы і пагадненні, якія падпісвае Лукашэнка, бо ён не мае законнай сілы, а гэтыя дамовы падрываюць беларускі суверэнітэт.

Святлана Ціханоўская заклікала міжнародных лідараў падтрымаць рэзалюцыю Еўрапейскага Парламента і дадзеныя ў ёй рэкамендацыі, у тым ліку ізаляцыю рэжыму, падтрымку беларускага народа ў яго барацьбе, распачаць следчыя дзеянні супраць рэжыму за злачынствы супраць апанентаў, за падтрымку вайны ва Украіне і ўсталяваць кантакты з Аб'яднаным Пераходным Кабінетам.

На фота: Святлана Ціханоўская і Нікалае Чукэ.

Святлана Ціханоўская запрашае на асабістыя размовы з беларусамі ў гэтую сераду

Вы можаце зарэгістравацца на асабістую размову са Святланай і яе камандай па гэтай спасылцы: https://us06web.zoom.us/meeting/register/tZEvf-CtrT0jGdXJ4YOulGFQsxrX9y_hnXRA

Размова пройдзе ў сераду, 30 лістапада, з 13:30 да 14:30 па Мінску. Пасля рэгістрацыі вы атрымаеце персанальны час для званка, на якім зможаце падзяліцца сваімі ідэямі, задаць пытанне і абмеркаваць сваю праблему.

Мы хочам быць упэўненыя, што ўсім, хто зарэгістраваўся, хопіць часу на званок, таму колькасць рэгістрацый абмежаваная. Калі вы не паспееце зарэгістравацца на гэтым тыдні, зможаце зрабіць гэта на наступным. Адзначым, што такія размовы праходзяць кожны тыдзень. У першую чаргу прымаюцца людзі, якія раней не ўдзельнічалі ў размовах.

​Светлана Тихановская: «Ужасные новости. Наша дорогая Маша, сейчас мы все надеемся, что ты будешь в порядке!

Дорогие беларусы, если вы знаете какую-либо информацию из гомельской больницы скорой помощи – пожалуйста, делитесь с журналистами. Не дайте режиму замолчать состояние здоровья Марии Колесниковой».

UPD. Команда Виктора Бабарико сообщает, что Марию Колесникову привезли в больницу с хирургической патологией и прооперировали 28 ноября. Сейчас она в стабильно тяжелом состоянии с улучшением. Завтра Марию Колесникову должны перевести в хирургическое отделение.

​​​Светлана Тихановская: «Сегодня на свободу вышли почти все политзаключённые по «делу студентов», включая мою экс-представительницу Алану Гебремариам и преподавательницу Ольгу Филатченкову.

Сейчас ребятам в первую очередь нужна реабилитация и возможность продолжить обучение. «Задзіночанне беларускіх студэнтаў» собирают средства на стипендию Смолича – она будет распределена среди вышедших на свободу политзаключённых. Две недели назад мы договорились с правительством Чехии о стипендиях для обучения вышедших на свободу студентов – они смогут ей воспользоваться, если захотят.

Но самое главное, что невиновные люди наконец смогут вернуться к своим родным и близким – и это замечательная новость».

​Светлана Тихановская: «Больше двух лет в Беларуси людей пытают в тюрьмах. Я считаю своим долгом рассказывать об этом, кричать об этом как можно громче – и не только про тех, кого я знаю лично, а абсолютно про каждого. Вчера, когда я узнала, что Мария Колесникова в реанимации, сердце сжалось ещё сильнее.

Маша – настоящий лидер и символ перемен для всей Беларуси. Но еще она моя боевая подруга. Она показала мне, какими сильными могут быть женщины, побудила поверить в себя, она заряжала меня и всех окружающих верой в то, что нам по плечу даже самые сложные вызовы. Даже из тюрьмы Маша старалась поддерживать нас, передавала тёплые слова, приободряла, показывая, что она не сдаётся, значит мы тем более не должны опускать руки.

Пусть на расстоянии, но я крепко обнимаю тебя, моя родная. Здоровья тебе и силы выбраться из этого кошмара. Сейчас для всех нас главное – твое здоровье.

От всей души – моя поддержка семье Маши, её папе Александру и сестре Тане Хомич, а также Виктору Бабарико и всей его сильной команде».

Прайдзіце новае апытанне пра стан сістэмы адукацыі

Народнае апытанне запрашае паўдзельнічаць у апытанні пра неабходнасць рэформаў адукацыі, распавесці пра праблемы, з якімі сутыкаюцца беларусы ў гэтай сферы.

Калі вы зараз знаходзіцеся ў Беларусі, праходзьце апытанне па спасылцы. Апытанні цалкам ананімныя, ніякія асабістыя дадзеныя, у тым ліку нумар тэлефона, не збіраюцца.

Выступ Святланы Ціханоўскай на Кіеўскім форуме па бяспецы

Святлана Ціханоўская: «У нашых размовах з украінскімі палітыкамі, дыпламатамі, экспертамі, журналістамі ўсе пагаджаюцца з тым, што падкантрольная імперыялістычнаму Крамлю Беларусь будзе крыніцай пагрозы для вольнай Украіны. Таму ёсць яснасць у тым, што Украіна зацікаўленая ў тым, каб Беларусь была дэмакратычнай. Без вызвалення Беларусі ад двух дыктатараў Украіна застанецца пад пагрозай рэваншызму імперыі. Толькі дэмакратычная Беларусь здолее надаць гарантыі бяспекі Украіне.

Менавіта праз удзел Лукашэнкі распачалася гэтая агрэсія. Без доступу да Кіева з тэрыторыі Беларусі гэтая вайна не пачалася б увогуле, ці выглядала б зусім па-іншаму. А значыць вывад Беларусі з вайны стане тым фактарам, які зробіць немагчымым яе працяг для Расіі. Таму нам так крытычна важна дзейнічаць супраць дыктатараў-агрэсараў разам. Мы ўжо зараз шмат узаемадзейнічаем з украінскімі ўладамі па вырашэнні практычных пытанняў: інфармацыйны абмен, каардынацыя дзеянняў па барацьбе з прапагандай, вырашэнне праблем, з якімі сутыкнуліся беларусы, якія засталіся ва Украіне пасля пачатку вайны.

Я перакананая, што разам урад Украіны і дэмакратычная Беларусь змогуць дамагчыся большага праз каардынацыю, узгадненне, спалучэнне нашых рэсурсаў. Мы стварылі Аб'яднаны Пераходны Кабінет Беларусі – галоўны выканаўчы орган, чыёй галоўнай задачай сёння з'яўляецца абарона незалежнасці нашай краіны і аднаўленне суверэнітэту.
Болей за тое, нашае супрацоўніцтва над сённяшняй павесткай павінна развіцца ў поўнафарматнае партнёрства пасля перамогі над двума дыктатарскімі рэжымамі. Калі адносіны Беларусі і Украіны не будуць замыкацца толькі на гандлі і інвестыцыях, але будуць заходзіць і ў сферу рэгіянальнай бяспекі, міжнароднай палітыкі і абароны.

Імперыя павінна быць разбураная. Мы павінны разбурыць гэтую турму – разам».

Уся прамова Святланы Ціханоўскай – па спасылцы.