#яшил_йиллик
#ҳудудлардан_хабарлар

📣Олмалиқда нима гап?

❇️Жорий йилнинг 4-5-6 март кунлари юртимизнинг барча ҳудудлари бўйлаб уюшқоқлик билан ўтказилаётган "Яшил йиллик" умуммиллий тадбири доирасида уюшқоқлик билан ўтказилаётган оммавий кўчат экиш тадбирларидан Олмалиқ шаҳри 5/2 кичик ноҳиясида жойлашган кўп қаватли уйларга техник хизмат кўрсатиб келаётган «Отабек» ширкати ишчи-ходимлари ҳам четда қолишгани йўқ.

❇️Жумладан, мазкур ширкат жамоаси томонидан кўчат экиш ва ободонлаштириш ишлари изчиллик билан олиб борилди.

📌Мазкур тадбирларда кенг жамоатчилик вакиллари, маҳалла фаоллари, кўп каватли уйларда истиқомат қилаётган олмалиқликлар фаол иштирок этишди.

✍Тошкент вилояти Уй-жой коммунал хизмат кўрсатиш бошқармаси Ахборот хизмати

#яшил_йиллик
#Юқори_Чирчиқ_тумани

Яшиллик олами сари...

❇️Давлатимиз раҳбари ташаббуси билан юртимизнинг турли ҳудудларида кенг қулоч ёйган «Яшил йиллик» тадбири доирасида жойларда старт олган дарахт ва бута кўчатларини экиш ишлари Тошкент вилояти Уй-жой коммунал хизмат кўрсатиш бошқармасининг ҳудудий бўлимларида ҳам тизимли ташкил этилаяпти.

Бу сафарги дарахт экиш тадбирларида Юқори Чирчиқ тумани Уй-жой коммунал хизмат кўрсатиш бўлими ходимлари об-ҳавонинг инжиқликларига қарамай, астойдил бел боғлаб ишга киришишди.

✴️«Кўпдан қуён қочиб қутулмас»дейди доно халқимиз.

🔎Ҳаш-паш дегунча «Иттифоқ» маҳалласи ҳудудидаги кўп қаватли уйлар атрофига
160 туп арча, 10 туп каштан, 10 туп «шарқ туяси» деб номланган бута, мевали дарахтлардан 20 туп олма, 25 туп гилос ва 10 туп нок кўчатларини экиш ишлари амалга оширилди.

🌳🍀Меҳр билан парвариш қилинса яхши ниятлар билан экилган дарахт кўчатлари бир кун келиб кўп қаватли уйларда истиқомат қилаётган маҳалла аҳлининг жонига оро кириши турган гап. Масалан, манзарали дарахтлар ёзнинг жазирамасида соя-салқинлик бериб роҳат бағишласа, мевали дарахтлар ҳосилга киргач, унинг меваларидан ҳудуддаги ёшу кексалар бирдек баҳраманд бўлишади.
🍀🌿🌱🌳🍀☘

✍Маълумот учун, «Иттифоқ» маҳалласи ҳудудида 16 та икки қаватли уйлар мавжуд.

🌳Эслатиб ўтамиз, «Яшил йиллик» тадбирлари доирасида дарахт ва бута кўчатларини экиш ишлари вилоят Уй-жой коммунал хизмат кўрсатиш бошқармаси тасарруфидаги барча ҳудудлар бўйлаб давом этаяпти.

✍Тошкент вилояти Уй-жой коммунал хизмат кўрсатиш бошқармаси Ахборот хизмати

#яшил_йиллик

«КЎП ҚАВАТЛИ УЙДА ЯШАЙМАН»

🌳☘Халқимизда «Яхшидан боғ қолади» деган ажойиб нақл бор.

🔎Тошкент тумани Озодлик МФЙ ҳудудида жойлашган кўп қаватли уйларга туташ ҳудудларда юртимиз бўйлаб кенг миқёсда давом этаётган «Яшил йиллик»лойиҳаси доирасида кўчат экиш ишлари маҳалла аҳли билан баҳамжиҳат ҳолда ташкил этилди.

❇️Энг муҳими, бу эзгу ташаббусдан шу маҳаллада истиқомат қилаётган ёши улуғ нуронийлар ҳам асло четда қолишгани йўқ.

🔎Тоҳиржон Мирзаев ушбу маҳаллада жойлашган 17-уй 15-хонадонда қарийб 20 йилдан буён истиқомат қилади.
Ҳозирда 63 ёшни қаршилаган бу тиниб-тинчимас инсоннинг дарахт экиш бўйича ёшлик чоғларида кекса бобосидан ўрганган ўзига хос тажрибаси бор.
«Ер билан тиллашиб, баҳра оламан. Чарчоқларим, ғуборим бир зумда тарқаб кайфиятим кўтарилади» дейди у қўлидаги олча дарахти новдасини ерга қадаб.
✴️Маҳалладаги 22-уйнинг 5-хонадон соҳибаси Наталья Мараимова бўш вақтини беҳудага ўтказишни ёқтирмайдиган, меҳнат билан ҳамнафас яшаётган тиниб-тинчимас инсонлар хилидан. У ҳам кўчат экиш ишларида фаол қатнашиб, ўз маҳалласида кичик яшиллик оламини яратишга муносиб ҳисса қўшди.
Наташа опа умид билан суқилган таёқ бир кун келиб меваю япроқ беришига, маҳалладошлари ўзи эккан ниҳоллар кўкка бўй чўзиб дарахтга айлангач, унинг соясидан паноҳ топгучиларнинг кўпайишига, болажонларнинг эса мевали дарахтлар нишона бергач, ундан баҳраманд бўлишларига астойдил ишонади.

✡Маълумот учун, шу кунга қадар «Озодлик» МФЙга 120 та дарахт кўчатлари олиб келиниб, шулардан 80 туп беҳи, 20 туп олча ҳамда 20 туп бодом кўчатларини экиш ишлари амалга оширилди.

✍Тошкент вилояти Уй-жой коммунал хизмат кўрсатиш бошқармаси Ахборот хизмати