❤️من گَلمیرم ؛ سَنده گَلمه ❤️

🍉 #چیلله ده 🍉

قارداش ، چیلله گوروشونه
من گلمیرم ؛ سنده گلمه
انسان گرک بیر دوشونه
من گلمیرم ؛ سنده گلمه

گِدمی ییب هَله ، کرونا
چوخلاری دوشور تورونا
گرک رعایت اولونا
من گلمیرم ؛ سنده گلمه


فاصله لر آزالماسین
آخر چیلله میز ، اولماسین
گورمویق عزیزلر یاسین
من گلمیرم ؛ سنده گلمه


بیر علاجی ، ماسک وورماقدی
ئوزوموزو قوروماقدی
بو بلادان قورتولماقدی
من گلمیرم ؛ سنده گلمه


چیلله گَزمَغه ، فرصتدی
بو ایل ، بو ایش چوخ غَلَطدی
اِوده قالماق ، مصلحتدی
من گلمیرم ؛ سنده گلمه


بیلیرم ایستیرسَن ، منی
منده ایستی ییرم ، سنی
خطره سالمییاق ، جانی
من گلمیرم ؛ سنده گلمه


ایستیرسَن ساغ قالا بَدَن ؟
احتیاط اِیله هر نه دن
کوسمه ، #محمدزاده دن
من گلمیرم ؛ سنده گلمه

✍#رضامحمدزاده
🌺🌸