#COVID19Ethiopia

በኢትዮጵያ ኮቪድ-19 ወረርሽኝን ለመከላከል 100 አዳዲስ አልጋዎች፣ ከነፍራሽና አነሶላዎች ከአሜሪካ ሂውስተን ቴክሳስ በመርከብ ወደ ኢትዮጵያ መንቀሳቀሱን በአሜሪካ የኢትዮጵያ አምባሳደር ፍፁም አረጋ አሳውቀዋል።

መዳረሻ ጳውሎስ ሆስፒታል እንደሆነም አምባሳደሩ ገልፀዋል።

ይህ ስራ እንዲሳካ የኢትዮጵያ የጤና ሚ/ር፣ የገንዘብ መዋጮ ያደረጉ ሰዎች (በቁጥር 106) ፣ እና ሲስተር አዜብ አደራ የሻሎም ሰርክል ግሩፕ ፋውንደር (አይዞሽ ሰፖርት ግሩፕ)፣ ከፕሮጀክት ኪዩር (C.U.R.E.) ፣ ከዶ/ር ጌታቸው እና ከዶ/ር መስከረም አስረሳኸኝ ጋር በመሆን ላበረከቱት አስተዋጽኦ ምስጋና ቀርቦላቸዋል።

@tikvahethiopiaBOT @tikvahethiopia

#COVID19Ethiopia

የኮቪድ-19 ክትባትን አቅርቦት እና ተደራሽነት ለማሻሻል የኮቪድ-19 ክትባት ለአገልግሎት ፈላጊዎች በግሉ የጤና ዘርፍ በሽያጭ ሊቀርብ መሆኑ ተሰምቷል።

ክትባቱን በሽያጭ የሚያቀርቡት ሜዲቴክ ኢትዮጵያ እና ዋሽንግተን የህክምና ማዕከል በትብብር ነው።

ሁለቱ ተቋማት ከቻይናው የክትባት አምራች ሲኖፋርም ብቻ ለኢትዮጵያ ከሚያቀርቡት 2 ሚሌዬን ዶዝ የአለም ጤና ድርጅትን መስፈርት ያሟላ ክትባት ውስጥ የመጀመሪያውን ዙር 2 መቶ ሺ ክትባት ትላንት ተቀብለዋል።

ክትባቱ ትላንት ቦሌ አለምአቀፍ አውሮፕላን ማረፊያ ሲደርስ የጤና ሚኒስቴር ከፍተኛ ባለስልጣናትን ጨምሮ ጥሪ የተደረገላቸው የክብር እንግዶች ተገኝተው እንደነበር ታውቋል።

ሜዲቴክ ኢትዮጵያ እና ዋሽንግተን የህክምና ማዕከል የሚያቀርቡት የኮቪድ 19 ክትባት ዋጋ ተመጣጣኝ እና የህብረተሰቡን የመክፈል አቅም ውስንነት ከግንዛቤ ያስገባ እንደሚሆንም ተገልጿል፡፡

Credit : ጋዜጠኛ ማናዬ እውነቱ

@tikvahethiopia