#ድርድር

ካለፉት ሳምንታት ጀምሮ መንግስት ከTPLF ጋር ድርድር ሊያደርግ እንደሆነ የተለያዩ ምንጫቸው በግልፅ ያልተገለፁ/ ያልተረጋገጡ መረጃዎች ሲወጡ ነበር።

ዛሬ ከህ/ተ/ም/ቤት ለተነሱ ጥያቄዎች ምላሽ እና ማብራሪያ የሰጡት ጠ/ሚ ዶ/ር ዐቢይ አህመድ ድርድርን በተመለከተ መረጃ ሰጥተዋል።

" ከማንም ጋር ሰላም ነው የምንፈልገው። " ያሉት ዶ/ር ዐቢይ ፤ " እያንዳንዷ የሰላም ቀን ለእኛ ትርፍ ታስገኝልናለች። ሕዝብ ሳያውቀው የሚደረግ ድርድር የለም። " ብለዋል።

አክለውም ፥ " በይፋ የታወቀ አጥኚ ኮሚቴ ተቋቁሞ በምክትል ጠቅላይ ሚኒስትሩ አማካኝነት እየተመራ ሲሆን፣ እስካሁን ውጤቱን አላሳወቀም። የሚደራደረው ኮሚቴም ይሄ ነው። " ብለዋል።

" ውጊያ ሲመጣ ለሕዝብ አሳውቀን የጀመርን ሰዎች፣ ድርድር ከተጀመረ የሚያስደብቀን ነገር የለም። ነገር ግን፣ የብቻ ጠላት የለም የሀገር ጠላት እንጂ፣ ለብቻም የሚሰራ ሥራ የለም በጋራ እንጂ። " ሲሉ ለምክር ቤቱ ተናግረዋል።

የእኛም የሕዝባችንም ፍላጎት ለጥይት የሚወጣ ውጪ ለልማት እንዲወጣ ነው ያሉት ጠቅላይ ሚኒስትሩ " ሰላም እንፈልጋለን ማለታችን የተደበቀ ድርድር እናደርጋለን ማለት አይደለም " ብለዋል።

ጠቅላይ ሚኒስትር ዶ/ር ዐቢይ ፦
- በፀጥታ ተቋማት ዝግጅት፣
- በህግ ማስከበር፣
- በ ' ተረኝነት ' ጉዳይ ፣
- በማህበራዊ ሚዲያዎች ጉዳይ ፣
- ሌብነትን በተመለከተ፣
- የብሄራዊ ምክክሩን በተመለከተ የሰጧቸው ምላሽ እና ማብራሪያዎች በዚህ ታገኛላችሁ https://telegra.ph/PM-Abiy-Ahmed-06-14-2 (#PMOEthiopia)

@tikvahethiopia

#Update #Gambella

የጋምቤላ ክልል ፤ ጋምቤላ ከተማን ማረጋጋት መቻሉን አሳወቀ።

ክልሉ ፥ " ተኩስ ከፍተው በነበሩ የሸኔና የጋምቤላ ነፃነት ግንባር ላይ በፀጥታ አካላት በተወሰደ ጠንካራ እርምጃ ከተማዉን ማረጋጋት ተችሏል " ሲል አሳውቋል።

አክሎም በተወሰደዉ እርምጃ በታጣቂ ቡድኑ ላይ ከፍተኛ ሰበአዊና ቁሳዊ ኪሳራ ደርሷል ሲል አመልክቷል።

ክልሉ የከተማው ህብረተሰብ ከቤት ባለመውጣት ለፀጥታ ሀይሉ እያደረገ ላለው ትብብር ምስጋና አቅርቧል።

በከተማው ከጠዋቱ 12:30 ጀምሮ ያለማቋረጥ ለረጅም ሰዓት የተኩስ ልውውጥ ሲደረግ እንደነበር አስታውሶ በአሁኑ ሰዓት ተቆርጠው የቀሩ የቡድኑ አካላትን የማጥራት ስራ እየተከናወነ መሆኑን አስረድቷል።

" ታጣቂ ቡድኑን ሙሉ በሙሉ ለመደምሰስ በመንግስት ፀጥታ አካላት እየተወሰደ ያለዉ የማያዳግም እርምጃም ተጠናክሮ ይቀጥላል " ሲልም የክልሉ አስተዳደር አስታውቋል።

የደረሰው ጉዳት በቀጣይ እንደሚገለጽ ተገልጿል።

በሌላ በኩል ከጋምቤላ መልዕክት የላኩ የቲክቫህ አባላት ዛሬ ከጥዋት ጀምሮ በነበረው የተኩስ ልውውጥ በርካታ ታጣቂዎች መገደላቸው በአይናቸው መመልከታቸውንና በአንዳንድ የከተማው ቦታ የሞቱ ሰዎች አስክሬን ይታይ እንደነበር አስረድተዋል። በመንግስት የፀጥታ ኃይል በኩል የሞት ስለመኖሩም መስማታቸውን ገልፀዋል።

በሲቪል ሰዎች ላይ ስለደረሰ ጉዳት ግን ለጊዜው የሰሙት ነገር እንደሌላቸው አመልክተዋል።

ዛሬ በሆነው ደረጃ በከተማው የተኩስ ልውውጥ ሰምተው እንደማያውቁ የገለፁት የቤተሰብ አባላቶቻችን ታጣቂዎች ከተማ ድረስ እንኪደርሱ ቀደም ብሎ መከላከል ያልተቻለበት ሁኔታ ምርመራ ይፈልጋል ሲሉ አስገንዝበዋል።

@tikvahethiopia @tikvahethiopiaBOT

#Update

የአርቲስት ዳዊት ነጋ የቀብር ስነስርዓት ተፈፀመ።

የአርቲስት ዳዊት ነጋ ስርዓተ ቀብር ወዳጅ ዘመዶቹ ፤ አድናቂዎቹ በተገኙበት በአ/አ ቅድስት ስላሴ ካቴድራል ቤተክርስቲያን ዛሬ ሰኔ 7 ቀን 2014 ዓ/ም ተፈፅሟል፡፡

ፎቶ ፦ ኦቢኤን / ሳምሶን

@tikvahethiopia

#Update #Gambella

የጋምቤላ ክልል ፕሬዜዳንት አቶ ኡሞድ ኡጁሉ በጋምቤላ ከተማ ተከስቶ የነበረው የፀጥታ ችግር ሙሉ በሙሉ መቆጣጠር መቻሉን ገለፁ።

ፕሬዝዳንቱ ይህን የገለፁት የከተማውን ወቅታዊ ሁኔታ በተመለከተ መግለጫ በሰጡበት ወቅት ነው።

" በክልሉ የሚገኙ የፀጥታ ሀይሎች ባካሄዱት ቅንጅታዊ ማጥቃት ከተማውን ሙሉ በሙሉ መቆጣጠር ተችሏል " ያሉት አቶ ኡሞድ " በጥቃቱ በጠላት በኩል ከፍተኛ ሰብዓዊና ቁሳዊ ኪሳራ ደርሷል ፤ ከወገን ጦር በኩልም መጠነኛ ጉዳት ደርሷል " ሲሉ ገልፀዋል።

አቶ ኡሞድ ፤ በጋምቤላ ከተማ በሚገኙ የመንግስት ተቋማት ላይ ምንም አይነት ጉዳት አለመድረሱን ገልፀው በተለያዩ ማህበራዊ ሚዲያዎች የርዕሰ መስተዳድሩን ጽህፈት ቤት ተቆጣጥረዋል [ ታጣቂዎቹን ማለታቸው ነው ] በሚል የተናፈሰው ወሬ #ሀሰተኛ መሆኑን የኢትዮጵያ ህዝብ ሊገነዘብ ይገባል ብለዋል።

" ነዋሪዎች በአሁኑ ሰዓት በከተማው በአንዳንድ አካባቢ ተደብቆ የሚገኝ የጠላት ሀይል ካለ በአቅራቢያቸው ለሚገኝ የፀጥታ ሀይል ጥቆማ ይስጡ " ሲሉ መልዕክት አስተላልፈዋል።

ህብረተሰቡ አካባቢውን ነቅቶ እንዲጠብቅ በተለይም #ከምሽቱ_2_ሰዓት ጀምሮ በቤቱ በመቀመጥ ለሠላሙ ተባባሪ መሆን ይኖርበታልም ብለዋል።

የጋምቤላ ክልል ፕሬዜዳንት አቶ ኡሞድ ኡጁሉ " በጥቃቱ ህይወታቸውን ላጡና ጉዳት ለደረሰባቸው አካላት በክልሉ መንግስት እና ህዝብ ስም መጽናናትን እመኛለሁ " ማለታቸውን ከክልሉ ፕሬስ ሴክሬተሪያት የተገኘው መረጃ ያመለክታል።

@tikvahethiopia

ፎቶ - ቪድዮ ፦ ለህፃን ማርኮን የሻማ ማብራትና የፀሎት ሰነ ሰርአት በላዛርስት ትምህርት ቤት አካባቢ እየተከናወነ ይገኛል። እጅግ ብዙ ሰዎች ተገኝተዋል።

ህፃን ማርኮን ከትምህርት ቤት ሲወጣ በጎርፍ ከተወሰደ እንሆ ወደ 8ኛ ቀን እየተሸጋገርን ሲሆን እስካሁን ሊገኝ አልቻለም ፤ ፍለጋው ግን ቀጥሏል ።

(ዳኒ - Tikvah Family)

@tikvahethiopia

#DireDawa

የድሬዳዋ ከተማ አስተዳደር ለቀጣይ አምስት ወር በመኖሪያ ቤት ተከራዮች ላይ ጭማሪ ማድረግም ሆነ ተከራዮችን ቤት ማስለቀቅ እንደማይቻል ውሳኔ አሳልፏል።

ከተማ አስተዳደሩ ፤ በመኖርያ ቤት ተከራዮች ላይ ምክንያታዊ ያልሆነ እና አለአግባብ ከፍተኛ ጭማሪ እየተደረገ መሆኑን በተለያየ መንገድ አረጋግጫለሁ ብሏል።

ይህን ተከትሎ ነው ለ 5 ወራት ተከራዮች ላይ ጭማሪ ማድረግ ሆነ ከተከራዩት ቤት ማስወጣት እንደማይቻል ውሳኔ ያሳለፈው።

#ዶቼቨለ

@tikvahethiopia

#HACHALU_HUNDESSA_AWARD

የመጀመሪያው የሃጫሉ ሁንዴሳ አዋርድ ሊካሄድ ነው።

የሃጫሉ ሁንዴሳ ፋውንዴሽን የመጀመሪያውን የሃጫሉ ሁንዴሳ አዋርድ ለማካሄድ በዝግጅት ላይ ይገኛል።

ይህን አዋርድ በተመለከተ ነገ ሰኔ 8-10-2014 የሃጫሉ ሁንዴሳ ፋውንዴሽን መግለጫ እንደሚሰጥ ተጠቁሟል።

መግለጫውን ባለቤቱ ወ/ሮ ፋንቱ ደምሰው የቦርድ አባል እና አስተባባሪ ኮሚቴ እንደሚሰጡ ታውቋል።

የሃጫሉ ሁንዴሳ አዋርድ ዕጩዎችን ለማየት እና ድምፅ ለመስጠት የሃጫሉ ሁንዴሳ ፋውንዴሽን የተረጋገጠ ድረገፅ ይጠቀሙ : https://hachaluhundessaaward.org/vote-now/

@tikvahethiopia

#ማስታወሻ

የጋምቤላ ነዋሪዎች #ከምሽት_2_ሰዓት_በኃላ ቤት በመቀመጥ / ከቤት ባለመውጣት እና አካባቢን በንቃት በመጠበቅ ለሰላም ተባባሪ እንዲሆኑ ክልሉ ጥሪ አቅርቧል።

በሌላ በኩል ፦

የቲክቫህ አባላት በጋምቤላ ትላንት የነበረው ሁኔታ እየተረጋጋ መምጣቱን የገለፁ ሲሆን አንዳች ስጋት ያደረባቸው ሁኔታ መኖሩን አመልክተዋል።

ይኸውም የኦነግ ሸኔ / OLA ታጣቂዎች በከተማ መታየታቸው እና ተኩስ መለዋወጣቸውን ተከትሎ አንዳንድ ወጣቶች ከፀጥታ ኃይሎች ጋር ሆነው በተለይ ንፁሃን ላይ የማዋከብ እና አንዳንድ ቦታም የማጠቃት ምልክት ታይቷል።

ከተማው ሰላሙ እየተመለሰ ነው ያሉን የቤተሰባችን አባላት አንዳንድ ወጣቶች በፖሊስ ታግዘው የዛው የክልሉ ተወላጅ ያልሆነን ሰው መደብደብ፣ ማዋከብ፣ ድርጊት እየፈፀሙ ነው ብለዋል።

ይህን መሰል ኢፍትሃዊ ድርጊት ቶሎ መቆም አለበት ፤ TPLFም ሁሉንም ኦሮሞ እንደ OLF ይቆጥር ነበር ይህ ግን እውነት አልነበረም። አሁን እያየን ያለነው ምልክት ይኸው ነው ይህ ሀገሪቱ እንዳትረጋጋ ያደርጋል ንፁሃንን ከአማፅያን ጋር አንደባልቆ ማየት ተገቢ አይደለም ብለዋል።

በአሁን ሰዓት መድሃኒዓለም ፣ ጎንደሬ፣ ወሎ ሰፈር ልዩ ትኩረት ሊሰጣቸው ይገባል ፤ በአግባቡ ህግ ሊከበር እና ንፁሃን እንዳይሳቀቁ ማደረግ ተገቢ ነው ሲሉ አስገንዝበዋል።

@tikvahethiopia