ኢትዮ ቴሌኮም የ4G LTE አገልግሎት ተደራሽነትን እያሰፋ ይገኛል።

ከዚህ ቀደም በበርካታ የሀገሪቱ ከተሞች ተግባራዊ የተደረገው የ4G LTE አገልግሎት በጋምቤላ ክልል ጋምቤላ ከተማ ዛሬ ተጀምሯል።

ጋምቤላ ከተማ በኢትዮ ቴሌኮም የ "ደቡብ ምዕራብ ምዕራብ ቀጠና" የሚገኝ ሲሆን የ4G እና LTE Advanced የማስፋፊያ ፕሮጀክት ሥራውን ተጠናቆ ስራ ጀምሯል።

በዚህ ቀጠና 28,000 ደንበኞች የዳታ ተጠቃሚዎች ናቸው።

በጋምቤላ ከተማ አገልግሎቱን የማስጀመሪያ ስነስርዓት የተካሄደ ሲሆን የኢትዮ ቴሌኮም ዋና ስራ አስፈፃሚ ወ/ሪት ፍሬህይወት ታምሩ ተገኝተው ነበር።

በሌላ ከኢትዮ ቴሌኮም ጋር በተያያዘ መረጃ ኢትዮ ቴሌኮም ከአፍሪካ የቴሌኮም አገልግሎት ኩባንያዎች ውስጥ በሁለተኛ ደረጃ መቀመጡ ተሰምቷል።

በአፍሪካ 195 የቴሌኮም ኦፐሬተሮች ያሉ ሲሆን፤ ኢትዮ ቴሌኮም በግዝፈት፣ በደንበኛ ቁጥር እና በአገልግሎት ደረጃ ሁለተኛ ደረጃ ላይ ይገኛል። ከዓለም ደግሞ 28ኛ ደረጃን ይዟል።

ይህን ያሳወቀው ግሎባል ሲስተምስ ፎር ሞባይል ኮሙኒኬሽንስ ወይም በእንግሊዝኛ ምህጻረ ቃል GSMA የተባለ ተቀማጭነቱ እንግሊዝ ሀገር የሚገኝ ተቋም ነው።

GSMA በዓለም ዙርያ ከ750 በላይ የቴሌኮም አገልግሎት ሰጪ ተቋሞችን በአባልነት አቅፎ የያዘና ኩባንያዎቹን በሥራቸው ልክ ጥራት እና ደረጃ መዝኖ ሪፖርት የሚያድርግ ዓለም አቀፍ ተቋም መሆኑን ሸገር አስነብቧል።

@tikvahethiopia

ለተፈናቀሉ ወገኖች ድጋፍ ያደረጉት የደሴ ልጆች...

ኑሯቸውን በአሜሪካ፣ ካናዳ እና አውሮፓ ያደረጉ የደሴ ልጆች እና ወዳጆች ለተፈናቀሉ ዜጎች የ1.6 ሚሊየን ብር የሚያወጣ የቁሳቁስ ድጋፍ አድርገዋል::

ድጋፉ ከሰሜን ወሎ እና አፋር አካባቢ ተፈናቅለው በደሴ ከተማ ለሚገኙ የህብረተሰብ ክፍሎች የተደረገ ነው።

ድጋፉ በውጭ ሀገር ነዋሪ በሆኑት አቶ ሽመልስ መኮንን እና ሰለሀዲን እሸቱ አስተባባሪነት የተሰበሰበ ሲሆን÷
- 600 ብርድልብስ፣
- 400 ፍራሽ፣
- 60 ኩንታል ደዱቄት፣
- 60 ኩንታል መኮረኒ፣
- 260 ወተትናና በርካታ የንጽህና መጠበቂያ መሆኑ ታውቋል።

የተደረገው ድጋፍም በሁሉም ትምህርት ተቋማት ተጠልለው ለሚገኙ ከአማራ እና አፋር ክልል ለተፈናቀሉ ወገኖች ይውላልም ነው የተባለው፡፡

ድጋፉ ኢትዮጵያ ውስጥ የሚኖሩት አቶ ብርሀኑ አሰፋ እና ወይዘሮ ሳባ ገ/ሥላሴ ለከተማዋ ከንቲባ አቶ አበበ ገብረመስቀል ማስረከባቸውን የከተማ አስተዳደሩ ኮሜኒኬሽን አሳውቋል።

ከትግራይ ክልል ወደ አፋር እና አማራ ክልሎች የሰፋው ጦርነት በመቶ ሺዎችን ከቤት ንብረታቸው ፣ቄያቸው አፈናቅሏል፣ ንብረት አውድሟል፤ ነዋሪዎችም ተሰደው በየትምህርት ቤቱ እንዲጠለሉ አድርጓል።

@tikvahethiopia

#BahirDar

ዛሬ በባህርዳር ከተማ በአፄ ቴዎድሮስ ክፍለከተማ በህገወጥ መልኩ የተከዘነ በርበሬ በቁጥጥር ስር መዋሉን የከተማ አስተዳደሩ ኮሚኒኬሽን አሳውቋል።

በርበሬው ተከማችቶ የተገኘው በአፄ ቴዎድሮስ ክ/ከተማ በአዲስ አለም ቀበሌ መስኪዱ አካባቢ ነው::

በቁጥጥር ስር የዋለው በርበሬ በኩንታል ከፍተኛ ቁጥር ያለው ሲሆን በህብረተሰቡ ጥቆማ ነው ሊያዝ የተቻለው::

ባለሃብቱም ከንብረቱ ጋር በቁጥጥር የዋለ ሲሆን በአሁኑ ሰዓት በ5ኛ ፖሊስ ጣቢያ ምርመራ እየተካሄደበት ይገኛል።

በባህር ዳር ከተማ ህገወጥ ነጋዴዎች እና ስግብግብ ነጋዴዎች የኑሮ ውድነቱን እንዲባባስ መንስኤ በመሆናቸው ህብረተሰቡ የዚህ አይነት ተግባራትን ሲያገኝ ለፖሊስና ለሚመለከተው አካል በመጠቆም ትብብሩን አጠናክሮ መቀጠል አለበት ተብሏል::

@tikvahethiopia

#Afar

ህወሓት በአፋር ክልል በበህራሌ በኩል በመግባት በፈፀመው ድንገተኛ ጥቃት ንፁሃን ላይ ጉዳት መድረሱን የጉዳቱ ሰለባዎች ተናገሩ።

በአካባቢው ጥቃት መፈፀመ የተጀመረው ካለፈው ዓርብ አንስቶ ነው።

በተከፈተው ጥቃት ብዙ ሰው መገደሉን፣ ከተገደሉት መካከልም ሴቶች እና ህፃናት እንደሚገኙበት ከጥቃቱ የተረፉና በአሁን ሰዓት በህክምና እርዳታ ላይ የሚገኙ ሰለባዎች ገልፀዋል።

በሰው ላይ ከደረሰው ጉዳት በተጨማሪ የቡድኑ ታጣቂዎች በርካታ ቤቶች መሰበራቸውንና እቃዎችን መዝረፋቸውን፣ ግመሎች፣ ፍየሎች ፣ ላሞች ላይ ዝርፊያ መፈፀሙን አስረድተዋል።

ቡድኑ ጥቃት ያደረሰበት ቦታ ለሽፍትነት ተግባር ምቹ በመሆኑ ይህንን በመጠቀም ነው ንፁሃንን የገደለው ሲሉም ተጎጂዎቹ አክለዋል።

በአሁን ሰዓት የአብዓላ የፕራይመሪ ሆስፒታል ከ40 በላይ ተጎጂዎች ህክምናቸውን እየተከታተሉ ሲሆን ሆስፒታሉ በየቀኑ ከ10 እስከ 15 ተጎጂዎችን እያስተናገደ እንደሚገኝ ለኤፍ ቢ ሲ አሳውቋል።

ሆስፒታሉ እንዳለው ካለፈው አርብ ጀምሮ በተከፈተ ውጊያ በየዕለቱ ተጎጂዎች እርዳታ ፍለጋ እየመጡ ናቸው። የሚመጡት ተጎጂዎች ጉዳታቸው የከፋ በመሆኑ አንዳዶቹ ለማከም ከአቅም በላይ የሆኑትን ሪፈር የማድረግ ስራ እየተሰራ እንደሆነ አክሏል።

ከውጊያው በፊት ሆስፒታሉ የተለያዩ የህክምና አገልግሎቶችን ሲሰጥ የነበረ ሲሆን ከውጊያ በኃላ ግን ሌሎች ስራዎቹን አቁሞ ተጎጂዎችን ለማከመ ተገዷል።

የአፋር ክልላዊ መንግስት ከዚህ ቀደም በክልሉ ፈንቲ ረዱ ጋሊኮማ ህወሓት በከፈተው ድንገተኛ ጥቃት ህፃናት እና ሴቶችን ጨምሮ በርካታ ንፁሃን መገደላቸውን ፣ መጎዳታቸውን ገልፆ እንደነበር ይታወሳል።

@tikvahethiopia