#መቐለ

በሀገር መከላከያ ሰራዊት በቁጥጥር ስር የዋለችው መቐለ ከተማ ምንም እንኳን ህዝቦቿ ወደቀደመ የዕለት ተዕለት እንቅስቃሴያቸው ባይመለሱም በአስተማማኝ ሰላም ላይ ትገኛለች።

በሌላ በኩል የህወሓት ቡድን በርካታ ቁጥር ያላቸውን የተለያዩ የጦር መሳሪያዎች ጥሎ ሄዷል ፥ የቡድኑ ልዩ ሃይል አባላት ሲጠቀሙበት በነበረ ቅጥር ግቢ ውስጥ በርካታ የጦር መሳሪያዎች በሀገር መከላከያ ተይዘዋል።

ህዝቦቿም ለሀገር መከላከያ ሰራዊቱ ያላቸውን ክብር እና አድናቆት መግለፃቸውን መከላከያ ሰራዊት ዛሬ አሳውቆናል።

መረጃውን የላከልን በራያ ግንባር የሚገኘው ሃምሳ አለቃ አበበ ሰማኝ ነው።

@tikvahethiopiaBOT @tikvahethiopia

#መቐለ_ዩኒቨርሲቲ

በመቐለ ዩኒቨርሲቲ ትምህርታቸውን የሚከታተሉ እና በዘንድሮው ዓመት ለምረቃ የሚበቁ ተማሪዎች ምንም አይነት ችግር ሳይገጥማቸው መቆየታቸውን ተናግረው ሆኖም ግን ለከፍተኛ ርሃብ እና የውሃ ጥም ተዳርገው መቆየታቸውንና በአሁኑ ሰዓት የመከላከያ ሰራዊቱ ድጋፍ እያደረገላቸው ይገኛል።

በአሁን ሰዓት ተማሪዎቹ ምንም አይነት ምግብ የሚያዘጋጁ ሰራተኞች በቅጥር ግቢው ባለመኖራቸው ምክንያት እየተቸገሩ መሆናቸውን በመግለፅ መንግስት እና የሚመለከታቸው አካላት በጉዳዩ ላይ አፋጣኝ መፍትሄ እንዲሰጣቸውም በአፅንኦት ጠይቀዋል።

መረጃውን የላከልን በራያ ግንባር የሚገኘው ሃምሳ አለቃ አበበ ሰማኝ ነው።

@tikvahethiopiaBOT @tikvahethiopia

አጫጭር መረጃዎች ፦

1. በሽረ ከተማ ዙሪያ በሚገኝ ስፍራ በርካታ የመሳሪያ ተተኳሾች እና ፈንጂ መሳሪያዎች በመከላከያ ሰራዊት አማካኝነት ለመንግስት ገቢ መደረጉን ኢፕድ አስነብቧል።

2. የዕርዳታ ቁሳቁሶችን የጫኑ ተሽከርካሪዎች ወደ ትግራይ ክልል እየተጓዙ ቢሆንም አሁንም ድረስ በአካባቢው ጦርነት ቀጥሏል ሲል ሮይተርስ ዘግቧል።

ሮይተርስ አንድ የዕርዳታ ሰራተኛን ጠቅሶ እንደዘገበዉ በመቐለ ከተማ ደቡባዊ እና ምዕራባዊ ክፍል ዛሬም ጦርነት እየተካሄደ ነዉ ሲል በድረገፁ አስነብባል።

3. አቶ ጌታቸው ረዳ አሁንም በትግራይ ክልል ጦርነቱ አልቆመም ፤ የሚቆምም አይደለም፤ አሁንም ቀጥሏል ሲሉ ዛሬ በትግራይ ቴሌቪዥን ወጥተው ተናግረዋል።

አቶ ጌታቸው ፥ "መቐለ ገቡ ማለት መቐለ ተቆጣጠሩ ማለት አይደለም። መቐለ ገብተዋል ፥ መቐለን መቆጣጠር ግን የህዝብን መንፈስና ስለልቦና መግዛት ይጠይቃል" ሲሉ ተደምጠዋል።

4. አቶ ዛጊድ ኣብርሃ (የዴሞክራሲ ማዕከል ግንባታ ሚኒስትር) ለBBC፥ በትግራይ ክልል ጦርነት የሚባል ነገር የለም ፤ ህወሓት ጦርነት ለማድረግ የሚያስችል ወታደራዊ ቁመና ፣ መሳሪያ እንዲሁም የህዝብ ድጋፍ የለውም ሲሉ ተናግረዋል።

አቶ ዛዲግ፥ አሁን ላይ ጥቂት በጣት የሚቆጠሩ በህግ የሚፈለጉ የህወሓት ቡድን አባላትን እየተከታተሉ መያዝ ነው የቀረው ፤ ይሄ ጦርነት አይደለም ፤ በልምምድ አንዳንዴ እንደዚህ አይነት ድምፅ ሊሰማ ይችላል ብለዋል።

5. ሰሞኑን በትግራይ ክልል ኤርትራ ድንበር አቅራቢያ ለ2 የተለያዩ የውጭ ድርጅቶች ይሰሩ ነበር የተባሉ 4 ኢትዮጵያዊያን መገደላቸውን ሮይተርስ ዘግቧል።

አቶ ዛዲግ ኣብርሃ ፥ አሁን ላይ ስለዚህ ጉዳይ መረጃ እንደሌላቸው ገልፀው ፤ የሀገር መከላከያ ሰራዊት ግን የማንኛውም አይነት ሲቪል ጉዳት ማስወገዱን ለቢቢሲ ተናግረዋል።

@tikvahethiopia