በቤንሻንጉል ጉሙዝ በሎ ጅጋንፎይ ወረዳ ነሃሴ 24 እና 25/2013 በታጣቂዎች በተፈፀመ ጥቃት ከ50 በላይ ሴቶች መገደላቸውን የክልሉ ፖሊስ ሪፖርት አደረገ።

የክልሉ ፖሊስ ም/ኮሚሽነር ምስጋናው ኢንጂፈታ ለቪኦኤ በሰጡት ቃል፤ከ50 በላይ ሴቶችን በጅምላ የገደሉት የ 'ጉህዴን' ታጣቂዎች ናቸው ሲሉ ከሰዋል።

'ጉህዴን' ከዚህ ቀደም በአካባቢው እንደነበር አስታውሰው የሰላም ትግላቸውን ትተው በአፈሙዝ ጥቃት እየፈፀሙ ነው ብለዋል፤ ኃይሉ ከመተከል ዞን ባለፈም ወደካማሺ ዞን መግባቱን ጠቁመዋል።

አካባቢው ላይ በስፋት የጉምዝ ማህበረሰብ እንዳለ በማንሳት ነሃሴ 23 እና ነሃሴ 24 ቡድኑ ከ50 በላይ ሴቶችን በጅምላ መረሸኑን ገልፀዋል።

ም/ኮሚሽነሩ፤ አጠቃላይ የደረሰውን ጉዳት ለማወቅ እና አካባቢውን ከታጠቀው ኃይል ለማስለቀቅ ተጨማሪ ኃይል እየጠየቅን ነው ብለዋል።

የቤኒሻንጉል ጉሙዝ የፀጥታ ኃይሎች በካማሺ 5 ወረዳዎች ከጉህዴን ታጣቂዎች ጋር ውጊያ እያካሄዱ መሆኑንም ም/ኮሚሽነሩ ገልፀዋል።

"እነዚህ ታጣቂዎች ጉምዝን ነፃ እናወጣለን፣ በመሰረተ ልማት ወደኃላ ቀርተናል፣ጉምዝ እራሱን በእራሱ ያስተዳደር የሚሉ...መዓት ነገር ነው የሚያነሱት ነገር ግን ጥያቄያቸውን በሰላም ከማቅረብ ይልቅ ኢ-ህገመንግስታዊ መንገድ ይዘው ነው የሚንቀሳቀሱት" ሲሉ አክለዋል።

ከቡድኑ እንቅስቃሴ ጋር በተያያዘ የክልሉ ፖሊስ በርካታ ተጠርጣሪዎችን ማሰሩን ጠቁመዋል። 

ምክትል ኮሚሽነሩ በአካባቢው ባለው የታጣቂዎች እንቅስቃሴ የሱዳን እጅ በጣም ረጅም መሆኑን ያነሱ ሲሆን "በሱዳን አካባቢ የነበረው የፀረ ሰላም እንቅስቃሴ ከፍተኛ ነው፤ በመሳሪያ በሃሳብ፣ እዛ አካባቢ ያሉ ወጣቶችን መልምሎ ሱዳን አስቀምጦ የሚደግፉበትና ሽፋን የሚሰጡበት ሁኔታ አለ" ብለዋል።

ያንብቡ : telegra.ph/BG-09-03

@tikvahethiopia

የኢትዮጵያ እና የጋና ፍልሚያ !

የሀገራችን የእግር ኳስ ብሄራዊ ቡድን ከደቂቃዎች በኃላ የጋና ብሄራዊ ቡድንን ይገጥማል።

ግጥሚያው ለዓለም ዋንጫ ለማለፍ የሚደረግ #ማጣሪያ ሲሆን በጋና ኬፕ ኮስት በተባለው ስታዲየም ነው የሚደረገው።

በቋሚ አሰላለፍ ሀገራችን #ኢትዮጵያን የሚወክሉት ተጫዋቾች የታወቁ ሲሆን እነማን ናቸው የሚለውን በ https://t.me/tikvahethsport/20410 መመልከት ይቻላል።

የሀገራችን ብሄራዊ የእግር ኳስ ቡድን አረጓንዴ ቁምጣ ፣ ቢጫ ካሶተኒ ቀይ የሚለብሱ ሲሆን ተፋላሚያችን ጋና ሙሉ ነጭ መለያ ይለብሳል።

ጨዋታውን ጥሩ የኢንተርኔት ግንኙነት ያላችሁ በFIFA ይፋዊ የዩቲዩብ ገፅ በዚህ 👉 https://t.co/j55uaSRXkI መመልከት ትችላላችሁ።

@tikvahethsport ደግሞ የጨዋታውን ሁኔታ እየተከታተለ በፅሁፍ ያሳውቃል።

መልካም ዕድል ለኢትዮጵያችን !

@tikvahethiopia

#HappeningNow

የኢትዮጵያ የጦር ኃይሎች ጠቅላይ አዛዥና ጠቅላይ ሚኒስትር ዶክተር ዐቢይ አህመድ በተገኙበት የሁርሶ የኮንቲጀንት ማሰልጠኛ ትምህርት ቤት ምልምል አባላትን እያስመረቀ ይገኛል።

በሀገር መከላከያ ሚኒሰቴር የሰላም ማስከበር ማዕከል የሁርሶ የኮንቲጀንት ማሰልጠኛ ትምህርት ቤት ዛሬ እያስመረቀ የሚገኘው ሶስተኛው ዙር በመሠረታዊ ወታደርነት ያሰለጠናቸውን ምልምል አባላትን ነው።

በምርቃ ሥነ-ሥርዓቱ ላይ ከጦር ኃይሎች ጠቅላይ አዛዥ እና ጠቅላይ ሚኒስትር ዶ/ር ዐቢይ አህመድ በተጨማሪ የመከላከያ ሰራዊት ኢታማዦር ሹም ጀነራል ብርሃኑ ጁላ እንዲሁም ምክትል ጠቅላይ ሚንስትር እና የውጭ ጉዳይ ሚኒስትእ አቶ ደመቀ መኮንን እንደሚገኙ ኢብኮ ዘግቧል።

@tikvahethiopia

ሱዳን ምላሽ ሰጠች...

ሱዳን በሰሜን ኢትዮጵያ ክፍል በኩል የኢትዮጵያ መንግስትን እየተዋጉ ለሚገኙት የትግራይ አማፅያን ድጋፍ ታደርጋለች መባሉን አጥብቃ አስተባበለች።

ትላንት ሀገር መከላከያ ሰራዊት ኢትዮጵያ እየገነባች ያለውን ግዙፉን የታላቁ ሕዳሴ የኃይል ማመንጫ ግድብ ግንባታ ለማደናቀፍ ከሱዳን በአልምሃል ሰርጎ ለመግባት የሞከረውን የህወሓት ቅጥረኛ ሃይል መደምሰሱን (50 መግደሉን፤ 70 ደግሞ ማቁሰሉን) ሪፖርት ማድረጉ ይታወሳል።

ይህንን ተከትሎ የሱዳን ጦር ቃል አቀባይ ብርጋዴር አል-ታሂር አቡ ሀጃ "መሰረተ ቢስ ውንጀላ" ሲሉ ውድቅ አድርገዋል።

አቡ ሃጃ ፥ "ሱዳን እና ሰራዊቷ በአጎራባች ኢትዮጵያ ወይም በሌሎች ሀገሮችን የውስጥ ጉዳይ ጣልቀ አይገቡም" ሲሉ ተናግረዋል።

አክለው፤ "ይህ መግለጫ የኢትዮጵያ ህዝብ የመብት ጥሰቶች በመቀጠላቸው ምክንያት የኢትዮጵያ አገዛዝ የገጠመውን ከባድ እውነታ ያንፀባርቃል” ብለዋል።

ከዚህ ቀደም ሱዳን ለአማፅያን የተለያዩ ድጋፎችን እያደረገችን እንደሆነ ሲገልፅ ነበር።

በትላንትናው ዕለት የሀገር መከላከያ ሰራዊት ከገለፀው በተጨማሪ የቤኒሻንጉል ጉሙዝ ክልል ፖሊስ ፤ የፀጥታ ችግር ባለባቸው አካባቢዎች የታጣቂዎች እንቅስቃሴ #የሱዳን_እጅ በጣም ረጅም መሆኑን ገልጿል።

የክልሉ ም/ኮሚሽነር "በሱዳን አካባቢ የነበረው የፀረ ሰላም እንቅስቃሴ ከፍተኛ ነው፤ በመሳሪያ በሃሳብ፣ እዛ አካባቢ ያሉ ወጣቶችን መልምሎ ሱዳን አስቀምጦ የሚደግፉበትና ሽፋን የሚሰጡበት ሁኔታ አለ" ሲሉ አስረድተዋል።

ከሰሞኑን በቤኒሻንጉል ጉሙዝ ክልላዊ መንግስት ፤ በካማሺ ዞን ፤ በሎ ጅጋንፎይ ወረዳ በታጣቂዎች በተፈፀመ ጥቃት ከ50 በላይ ሴቶች በጅምላ በግፍ መገደላቸውን የክልሉ ፖሊስ ሪፖርት ማድረጉ፤ ለጥቃቱ ደግሞ "ጉህዴን"ን ተጠያቂ ማድረጉ አይዘነጋም።

@tikvahethiopia

ICRC በደሴ ድጋፍ እያደረገ ነው።

ዓለም አቀፍ ቀይ መስቀል ኮሚቴ በሰሜን ኢትዮጵያ በተከሰተው ግጭት ከቆቦ፣ ወልዲያ፣ መርሳ እና ላሊበላ ተፈናቅለው በደሴ ከተማ ተጠልለው ለሚገኙ 36,000 ሰዎች መሰረታዊ የቤት ውስጥ መገልገያ ቁሳቁስ ፣ የንጽህና መጠበቂያዎችን እና መጠለያን ያካተተ ድጋፍ በማድረግ ላይ ይገኛል፡፡

#ICRCEthiopia

@tikvahethiopia

#AddisAbaba

በአዲስ አበባ ከተማ 108 የመገበያያ ቦታዎችን እና ከ250 ሺህ ኩንታል በላይ ተጨማሪ የግብርና ምርት መዘጋጀቱን ምክትል ከንቲባ ወ/ሮ አዳነች አቤቤ አሳወቁ።

ምክትል ከንቲባዋ በሁሉም ክፍለ ከተሞች ስራ የጀመሩት መሸጫዎቹ በከተማዋ የሚስተዋለዉን የኑሮ ዉድነት በማረጋጋት በተለይ የግብርና ውጤት የሆኑ የሰብል፣ የአትክልትና ፍራፍሬ ምርቶችን እንዲሁም እንደ እንቁላል ያሉ የእንስሳ ተዋጽኦ አቅርቦትን ይበጥል በማሻሻል ከፍተኛ አስተዋጽኦ ይኖራቸዋል ሲሉ ገልፀዋል።

ም/ከንቲባ ወ/ሮ አዳነች ፥ በከተማዋ 56 የቁም እንሰሳት መገበያያ እንዲሁም 52 የአትክልትና ፍራፍሬ መሸጫዎች በሁሉም ክፍለከተሞች ስራ መጀመራቸውን ገልፀው ፤ መሸጫ ማዕከላቱ ለሸማቹ ህብረተሰብ ምርት በቀጥታ ከአርሶ አደሩ ማሳ ከማቅረባቸው በተጨማሪ ምርቶቻቸውን በተመጣጣኝ ዋጋ ማቅረባቸው ተመራጭ ያደርጋቸዋል ሲሉ አክለዋል።

@tikvahethiopia