#TPLF #ProsperityParty

ብልጽግና ፓርቲ በትግራይ ክልል በሁሉም ወረዳዎች ቢሮ እንደሚከፍት ያስታወቀ ቢሆንም የክልሉ መንግስት ግን የሚያዉቀዉ ነገር እንደሌለ የፓርቲው ስራ አስፈፃሚ ኮሚቴ አባል የሆኑት አቶ ጌታቸው ረዳ ተናግረዋል።

አቶ ጌታቸዉ ረዳ ለኢትዮ ኤፍ ኤም 107.8 የተናገሩት፦

ብልጽግና ፓርቲ ለትግራይ ክልል የተሾሙ ግለሰቦች እንዳሉ ሰምቻለሁ እነማን እንደተሾሙ ግን ወደ ፊት የሚሆነዉን የምናይ ይሆናል፡

ብልጽግና በትግራይ ክልል ብዙ ደጋፊ አለው ብዬ አላምንም፤ ማንኛዉም ፓርቲ ህጋዊ እስከሆነ ድረስ ግን በትግራይ ክልል የመንቀሳቀስ መብት አለዉ።

#EthioFM #አባቱመረቀ
@tikvahethiopiaBot @tikvahethiopia

#UPDATE

በዳንጉር ወረዳ ተስተውሎ የነበረው የፀጥታ ችግር በቁጥጥር ስር መዋሉን የመከተል ዞን አስታወቀ፡፡ የፀጥታ ችግሩ 3 ሰዎችን ለህልፈት፣ 7ቶችን ደግሞ ለከባድና ቀላል የመቁሰል አደጋ ሰለባ ከማድረግ ባለፈ የተወሰኑ ቤቶች እንዲቃጠሉ ምክንያት መሆኑንም ተገልጿል።

በፀጥታ ኃይሎች ፣ በሀገር ሽማግሌዎች እና በሐይማኖት አባቶች የተቀናጀ ስራ የተስተዋለው የፀጥታ ችግር በቁጥጥር ስር መዋሉንና ህብረተሰቡን የማረጋጋት ስራ እየተሰራ ነው ተብሏል። በአካባቢው የህግ የበላይነትን ለማስከበር እየተሰራ እንደሚገኝ ተገልጿል።

ችግሩ ወደ ሌሎች አካባቢዎች እንዳይዘመትም በተቀናጀ መልኩ ስራዎች እየተሰሩ እንደሚገኝ የተገለፀ ሲሆን፤ ህብረተሰቡ ያቆየውን አብሮ የመኖር እሴት አክብሮ ለዘላቂ ሰላም መስፈን የበኩሉን ድርሻ እንዲወጣ ጥሪ ቀርቧል፡፡

[የክልሉ ብዙሃን መገናኛ ድርጅት]
@tikvahethiopiaBot @tikvahethiopia

#UPDATE

በማጂ ወረዳ ተቃውሞ የሰዎች ህይወት አልፏል!

በደቡብ ክልል ምዕራብ ኦሞ ዞን ማጂ ወረዳ ቱም ከተማ በዛሬው ዕለት በተደረገ ተቃውሞ ላይ የጸጥታ ኃይሎች በተኮሱት ጥይት ስድስት ሰዎች መገደላቸውን የሕክምና ተቋም ኃላፊ ለጀርመን ድምፅ ተናገሩ።

የዞኑ ባለሥልጣናት እና የዐይን እማኞችም ጸጥታ ኃይሎች በተኮሱት ጥይት ከተገደሉት በተጨማሪ ሌሎች ከአስር በላይ ሰዎች መቁሰላቸውን አረጋግጠዋል።

ሰልፉ የተደረገዉ አዲስ በተዋቀረው በምዕራብ ኦሞ ዞን የምትገኘው የማጂ ወረዳ ምክትል አስተዳዳሪ እና የጸጥታ ቢሮ ኃላፊ መታሰራቸውን በመቃወም ነበር።

«አስራ አንድ ሰው [በጥይት] ተመቷል። ሶስቱ ሴቶች ናቸው። ትልልቅ ሰዎች እና ሕፃናትም አሉበት» የሚሉት የዐይን እማኙ «ሰልፍ ሲደረግ መንገድ ይዘጋል። መንገድ ሲዘጋ መከላከያ እና ልዩ ኃይል መጣ። ከዚያ በአካባቢው በተሰበሰበው ሕዝብ ላይ ምንም ነገር ሳያማክር ተኩስ ጀመረ» ሲሉ መነሾውን አብራርተዋል።

More : https://telegra.ph/Maji-02-28

ምንጭ፦ የጀርመን ድምፅ ሬድዮ
@tikvahethiopiaBot @tikvahethiopia

የማጂ ወረዳ ጤና ፅህፈት ቤት ኃላፊ አቶ ከበደ አኩ፦

"ቱም በተባለችው ከተማ በተደረገው ሰልፍ ስድስት ሰዎች በጸጥታ አስከባሪዎች ተገድለዋል። ዛሬ ጠዋት በነበረው ሰላማዊ ሰልፍ ላይ የነበሩ አራት ሰዎች በልዩ ኃይል እና በመከላከያ ሠራዊት በተተኮሰ ጥይት ተመተው እኛ ጋ ተኝተዋል። የሞቱት ሬሳቸው ሳይነሳ እዚያው ነው ያለው። የሞቱት ወደ ስድስት የሚሆኑ ሰዎች ናቸው። በአራት ጥይት የቆሰሉ አንድ ሰው ለተጨማሪ ሕክምና ወደ ማጂ ተልከዋል።"

#DW
@tikvahethiopiaBot @tikvahethiopia

የምዕራብ ኦሞ ዞን የሚሊሺያ ፅህፈት ቤት ኃላፊ አቶ ሰለሞን መኮንን፦

"በቱም ከተማ የተገደሉት ሰዎች ሁለት (2) ብቻ ናቸው። ችግሮችን ለማረጋጋት ዛሬ ቱም ማዕከል ላይ ልዩ ኃይል እና መከላከያ ሰራዊት ወደ ከተማው ከገባ በኋላ በተተኮሰው ጥይት አንድ ሴት፤ አንድ ወንድ ሞተዋል የሚል መረጃ አለን። አስር ወንዶች፤ ሁለት ሴቶች ቆስለዋል የሚል መረጃ ነው በስልክ እየደረሰን ያለው"

#DW
@tikvahethiopiaBot @tikvahethiopia

#COVID19

በዉሃን የኢትዮጵያ ተማሪዎች ኅብረት 'ወደ አገራችን መልሱን' የሚለውን የተማፅኖ ደብዳቤ ከጠቅላይ ሚኒስትሩ እና ለጤና ጥበቃ ሚኒስቴር መላካቸውን ጠቁመዋል።

የቻይና መንግሥት በወረርሽኙ ምክንያት መውጣትም ሆነ መግባት ከከለከለባት የዉሃን ከተማ መውጣት የሚችሉበትን ሁኔታ ቢያመቻች አብዛኞቹ ተማሪዎች ወጪያቸውን ራሳቸው ሸፍነው ወደ ኢትዮጵያ መመለስ እንደሚፈልጉ ኅብረቱ ለተማሪዎቹ አሰራጭቶት በነበረው መጠይቅ ለማረጋገጥ ችሏል።

ምንም እንኳ የሀገሪቱ [የቻይና መንግሥት] አስፈላጊ ነገሮችን እያቀረበላቸው ቢሆንም ተማሪዎች ከባድ የሥነ ልቦና ጫና ላይ በመሆናቸው የግድ ለጠቅላይ ሚኒስትሩ ደብዳቤ ለመፃፍ መገደዳቸውን ተናግረዋል።

#BBC
@tikvahethiopiaBot @tikvahethiopia

#COVID19

የኮሮና ቫይረስ [#COVID19] መተላለፊያ መንገዶች እንድታውቋቸው፦

የኮሮና ቫይረስ [COVID-19] የመተንፈሻ አካል የሚያጠቃ በሽታ ነው። ዋናው የመተላለፊያ መንገድ በቫይረሱ የተያዙ ሰዎች በሚያስሉበት እና በሚያስነጥሱበት ወቅት ትንፋሽ ጋር በሚወጡ ፈሳሾች ጋር በሚደረግ ንክኪ ነው።

እንዴት መከላከል ይቻላል?

- በሚያስነጥሱበት ወይም በሚያስሉበት ወቅት አፍና አፍንጫዎን በክንድ ወይም በሶፍት መሸፈን

- አይን፣ አፍንጫ እና አፍን ባልታጠበ እጅ አለመንካት

- በውሃ እና በሳሙና መታጠብ፣ አልኮል ነክ በሆኑ የንፅህና መጠበቂያዎች እጅዎን በአግባቡ ማሸት

- የተጠቀሙበትን ሶፍት በፍጥነት በጥንቃቄ መክደኛ ወዳለው የቆሻሻ ማጠራቀሚያ መጣል

#ጤናሚኒስቴር
@tikvahethiopiaBot @tikvahethiopia

#COVID19 #ETHIOPIA

ከጤና ሚንስትር ዴኤታ ዶ/ር ሊያ ታደሰ የተገኘ መረጃ፦

ዛሬ በለይቶ ማቆያ ማእከል ውስጥ አንድ የተጠረጠረ ቻይናዊ እንደሚገኝ ተሰምቷል። ግለሰቡ እ.ኤ.አ. ፌብሩዋሪ 22 ከቤጂንግ የመጣ እንደሆነ የተገለፀ ሲሆን በወቅቱ ምንም ምልክቶች እንዳልታዩበት፤ በቤት ውስጥ ተገልሎ የቆየ ነበር፡፡ ዛሬ ትኩሳት ፣ ሳል እና የጉሮሮ መቁሰል ገጥሞት ክትትል እየተደረገለት ይገኛል፡፡ የግለሰቡ ናሙና ውጤት ዛሬ ማታ ይፋ ይደረጋል።

የበሽታው ስርጭት ከጀመረበት ጊዜ አንስቶ እስካሁን 20 የተጠረጠሩ ኬዞች የነበሩ ሲሆን ሁሉም ከቫይረሱ ነፃ ናቸው። በአሁኑ ወቅት በአገራችን በኮሮና ቫይረስ መያዙ የተረጋገጠ ግለሰብ የለም።

@tikvahethiopiaBot @tikvahethiopia

#COVID19 #ETHIOPIA

የኢትዮጵያ የህብረተሰብ ጤና ኢንስቲትዩት ፦

"ይህ መረጃ እስከ ተጠናቀረበት ጊዜ ድረስ በ አገራችን የተረገገጠ የኮሮና ቫይረስ ተጠቂ የለም ነገር ግን እስከ አሁን ድረስ 20 ሰዎች በኮሮና ቫይረስ ተጠርጥረዉ በመለያ ማእከል ክትትል ተደርጎላቸዉ ከቫረሱ ነጻመሆናቸዉ ይታወቃል፡፡ በአሁኑ ጊዜ አንድ ተጠርጣሪ በማለያ ማእከል ተለይቶ ክትትል እየተደረገለት ሲሆን ናሙና ተወስዶ ላብራቶሪ እየተሰራ ነዉ፡፡ ዉጤቱም እንደደረሰ እናሳዉቃለን፡፡ ሕብረተሰቡ በቫረይሱ መያዙ የተረጋገጠ ሰዉ አለመኖሩን አዉቆ ሳይዘናጋ የበለጠ ጥንቃቄ እንዲያደርግ ኢንስቲትዩቱ ያሳስባል፡፡"

@tikvahethiopiaBot @tikvahethiopia

የኤሌክትሪክ ኃይል መቋረጥ...

በርካታ በሚባሉ የሀገሪቱ ከተሞች የኤሌክትሪክ ኃይል መቋረጡን የቲክቫህ ኢትዮጵያ ቤተሰቦች ጥቆማ በማድረስ ላይ ይገኛሉ። በምን ምክንያት ይህ ሊሆን እንደቻለ የሚመለከታቸው አካላት ሚሰጡት መረጃ ካለ እንድታነቡት እናደርጋለን።

@tikvahethiopiaBot @tikvahethiopia

#UPDATE

የኢትዮጵያ ኤሌክትሪክ ኃይል የኮምዩኒኬሽን ዳይሬክተር እቶ ሞገስ መኮንን የኃይል መቋረጥ ማጋጠሙን ለቢቢሲ ተናግረዋል።

ለዚህ የኤሌክትሪክ ኃይል መቋረጥ ምክንያቱ ምን እንደሆነ ለአሁን እለመታወቁን፤ ነገር ግን ከግልገል ጊቤ ሦስት ከሚቀርበው የኃይል አቅርቦት መስመር ጋር የተያያዘ ሊሆን እንደሚችል አቶ ሞገስ ግምታቸውን ተናግረዋል።

አክለውም የድርጅቱ ባለሙያዎች የኃይል መቋረጡን ምክንያት ለመለየትና አገልግሎቱን ለመመለስ እየሰሩ መሆናቸውንም ጨምረው ገልጸዋል።

በአጭር ጊዜ ውስጥም በአዲስ አበባ ከተማ ያጋጠመው የኤሌክትሪክ ኃይል መቋረጥ እንደሚስተከል እና በተከታይነትም የሌሎቹም አካባቢዎች አገልግሎት እንደሚመለስ አቶ ሞገስ ገልጸዋል።

በአንዳንድ ስፍራዎችም ተቋርጦ የነበረው የኤሌክትሪክ ኃይል አቅርቦት እየተመለሰ መሆኑን ለማወቅ ተችሏል።

#BBC
@tikvahethiopiaBot @tikvahethiopia

#UPDATE

አመሻሹ ላይ በመላው ሃገሪቱ የኤሌክትሪክ መቋረጡን በተመለከተ የኢትዮጵያ ኤሌክትሪክ ሃይል የኮሙዩኒኬሽን ዳይሬክተር የሰጡት ምላሽና ማብራሪያ :-

ምንጭ፦ ኢቢሲ
@tikvahethiopiaBot @tikvahethiopia

#UPDATE

በአዲስ አበባ ከተማ አንዳንድ አካባቢዎች ተቋርጦ የነበረው የኤሌክትሪ ኃይል መመለሱን የቲክቫህ ኢትዮጵያ አዲስ አበባ ከተማ ቤተሰቦች አሳውቀዋል። አሁንም ግን የኤሌክትሪክ ኃይል ያልተመለሰባቸው አካባቢዎች በርካታ ናቸው።

PHOTO : FILE
@tikvahethiopiaBot @tikvahethiopia

የኢትዮጵያ ኤሌክትሪክ ኃይል፦

በኃይል ማስተላለፊያ ስርዓታችን ላይ በገጠመን ችግር የተነሳ በመላው ሀገሪቱ ኃይል ተቋርጧል።

በአሁኑ ወቅት ችግሩ የተከሰተው በዚህ ምክንያት ነው ለማለት አስቸጋሪ ቢሆንም ከጊቤ 3 የኃይል ማመንጫ ጋር የተያያዘ ሊሆን እንደሚችል ተገምቷል።

የጣና በለስና የፊንጫ ኅይል ማመንጫ ጣቢያዎችን ከሲስተም ጋር ማገናኘት በመቻሉ የአዲስ አበባን የተወሰኑ አካባቢዎች ኃይል እንዲያገኙ ማድረግ ተችሏል።

በቀጣይም በየደረጃው ሁሉንም የሀገሪቱ ክፍሎች ኃይል እንዲያገኙ ከፍተኛ ርብርብ እየተደረገ ነው።

በዚህ አጋጣሚ ለተፈጠረው ችግር የኢትዮጵያ ኤሌክትሪክ ኃይል ይቅርታ ይጠይቃል።

የካቲት 20/2012 ዓ/ም

#EthiopianElectricPower
@tikvahethiopiaBot @tikvahethiopia

#COVID19

"ከጥቂት ሳምንታት በኃላ የኮሮና ቫይረስ [COVID-19] ክትባት ይኖረናል!" - የእስራኤል ሳይንቲስቶች

የእስራኤል ሳይንቲስቶች የኮሮና ቫይረስ [#COVID19] ክትባትን ለማዘጋጀት መቃረባቸው እየተነገረ ይገኛል። ጥረቱ በታሰበው ልክ የሚሄድ ከሆነ ክትባቱን በጥቂት ሳምንታት ውስጥ ማዘጋጀት እና ከ3 ወራት በኃላ ለገበያ ማቅረብ እንደሚቻል የእስራኤል ሳይንስ እና ቴክኖሎጂ ሚኒስትር ኦፊር አኩኒስ ለእየሩሳሌም ፖስት ተናግረዋል።

#እየሩሳሌምፖስት #አልዓይን
@tikvahethiopiaBot @tikvahethiopia

የብዙዎችን ልብ የሰበረው የካሌብ ህልፈት...

እውቁ ዩትዩበር፣ በማህበራዊ ሚዲያ ወጣቶችን ለውጥ በማነሳሳት የሚታወቀው፣ ስራ ፈጣሪው፤ እንግሊዛዊ - ኢትዮጵያዊው ካሌብ ሜኪንስ በደረሰበት የመኪና አደጋ ጉዳት ደርሶበት ባለፉት ቀናት ህይወቱን ለማትረፍ ብዙ ጥረት ቢደረግም ህይወቱን ማትረፍ አልተቻለም። ቲክቫህ ኢትዮጵያ ለቤተሰቦቹ፣ ወዳጅ ዘመዶቹ መፅናናትን ይመኛል።

@tikvahethiopiaBot @tikvahethiopia

#CalebMeakins

ካሌብ ሜኪንስ አባቱ እንግሊዛዊ እናቱ ደግሞ ኢትዮጵያዊ ነበሩ፤ እስከ ስምንት አመቱ ድርስም እዚሁ ነው ያደገው። ወደ ቤተሰቦቹ ሃገር ወደ ኢትዮጵያ በመምጣት የተለያዩ የስራ ፈጠራ ሀሳቦችን በማቅረብ ወጣቱን ለለውጥ ሲያነሳሳ ቆይቷል።

በጣም የታወቀበት የታክሲ ስራን ከረዳቶች ጋር በመሆን እየሰራ በዩቲዩብ ቪድዮ በመልቀቅ ማህበረሰቡን ግንዛቤ ማስጨበጥ አንዱ ነበር፣ እንዲሁም ካሌብ በስራ ፈጠራ እና በአመራር ብቃቱ ይታወቅ ነበር። ሆኖም በደረሰበት የመኪና አደጋ ጉዳት ደርሶበት ህክምና ሲከታተል ቆይቶ ዛሬ ህይወቱ አልፏል።

ካሌብ አባቱንም በህይወት ያጣው ገና በልጅነቱ ነበር። በኮሞሮስ በወደቀው የኢትዮጵያ አየር መንገድ ተሳፍረው ወደ ለንደን ሲያቀኑ የነበሩት አባቱ ህይወታቸው ያለፈው የኢትዮጵያ አየር መንገድ በደረሰበት ጠለፋ ምክንያት በኮሞሮስ በተከሰከሰበት ወቅት ነበር።

#BENEYAM

📹9 MB [WiFi]
@tikvahethiopiaBot @tikvahethiopia

#UPDATE

ከግልገል ጊቤ 3 ከሚቀርበው የኃይል አቅርቦት መስመር ጋር የተያያዘ እንደሆነ የተገመተው የኃይል መቋረጥ መዲናዋን ጨምሮ መላው የሀገሪቱ ከተሞች ለሰዓታት ጨለማ ውስጥ ከቶ ነበር።

የኤሌክትሪክ ኃይል ተቋርጦ የነበረባቸው የአዲስ አበባ የተለያዩ አካባቢዎች እንዲሁም በአንዳንድ የክልል ከተሞች የሚገኙ የቲክቫህ ቤተሰብ አባላት ተቋርጦ የነበረው የኤሌክትሪክ ኃይል እየተመለሰ እንደሆነ ሪፖርት እያደረጉ ነው።

አሁንም የኤሌክትሪክ ኃይል ሙሉ በሙሉ ያልተመለሰባቸው የአዲስ አበባ ከተማ አካባቢዎች እና በርካታ የክልል ከተሞች መኖራቸውን ማረጋገጥ ችለናል። የኢትዮጵያ ኤሌክትሪክ ኃይልም ችግሩን ለመፍታት እየሰራ እንደሆነ ሰምተናል።

@tikvahethiopiaBot @tikvahethiopia

#COVID19 #ETHIOPIA

የኮሮና ቫይረስ ወደ ኢትዮጵያ እንዳይገባ የቻይና መንግሥት ከኢትዮጵያ ጋር በቅርበት እየሰራ መሆኑን በኢትዮጵያ የቻይና አምባሳደር ታን ጂያን ገለጹ።

አምባሳደሩ የኢትዮጵያ መንግሥት ከቻይና ጋር በዚህ ወሳኝ ሰዓት አብሮ መሆኑን አንስተው ለዚህም ምስጋና አቅርበዋል። አምባሳደር ታን ጂያን በሰጡት መግለጫ፣ ቫይረሱ በቻይና ከተቀሰቀሰበት ጊዜ አንስቶ እስካሁን የኢትዮጵያ መንግሥት ከጎናችን ነው ብለዋል።

ጠቅላይ ሚንስትር ዶክተር ዐቢይ አህመድና ፕሬዚዳንት ሳህለ ወርቅ ዘውዴ ለቻይና መንግሥት ያስተላለፉትን መልዕክትም ጠቅሰዋል። ይህም ብቻ ሳይሆን የኢትዮጵያ አየር መንገድ ወደ ቻይና በረራ አለማቋረጡን ጠቁመው ኢትዮጵያ የቻይና ቁርጠኛ ወዳጅ መሆኗን ያሳያል ብለዋል።

በኢትዮጵያ የሚገኘው የቻይና ኤምባሲም ከሚመለከተው ተቋም ጋር በመተባበር ቫይረሱ ወደ ኢትዮጵያ እንዳይገባ በጥንቃቄ እየሰራ መሆኑን ገልጸዋል። በተለይም ቻይናውያን ወደ ኢትዮጵያ አላስፈላጊ ጉዞ እንዲያቆሙና፣ ከመጡም 14 ቀናት ለብቻቸው እንዲቀመጡ እየተደረገ መሆኑን ጠቁመዋል።

በቻይና ኤምባሲ የሚገኙት ሰራተኞችም ቫይረሱን መከላከል በሚቻልበት ምቹ ሁኔታ ዙሪያ በአፍሪካ የበሽታ መቆጣጠር ማዕከል ሥልጠና እየተሰጣቸው መሆኑንም ተናግረዋል። በቻይና ሁቤይ ግዛት የሚገኙ 311 ኢትዮጵያዊያን ተማሪዎችም እንደ ማንኛውም ቻይናውያን ጥበቃና ከለላ እየተደረገላቸው መሆኑን አረጋግጠዋል።

#ENA
@tikvahethiopiaBot @tikvahethiopia

#COVID19 #ETHIOPIA

የኢትዮጵያ ህብረተሰብ ጤና ኢንስቲትዩት፦

"ከዚህ ቀደም ብሎ አንድ የኮሮና ቫይረስ በሽታ ምልክት ያሳየ በማለያ ማእከል ተለይቶ ክትትል እየተደረገለት መሆኑን እና ናሙናው ተወስዶ ላብራቶሪ እተሰራ መሆኑን የገለጽን መሆኑ ይታወቃል፣ በመሆኑም አሁን በደረሰን ውጤት መሰረት ግለሰቡ ከበሽታው ነጻ (ኔጋቲቭ) መሆኑ በላቦራቶሪ እንደተረጋገጠ መግለጽ እንወዳለን፡፡"

@tikvahethiopiaBot @tikvahethiopia