#ኢሠማኮ

የኢትዮጵያ ሠራተኛ ማኅበራት ኮንፌዴሬሽን (ኢሠማኮ) " ኮንቬንሽን 189፣ 190፣ 97 እና 143 ለተጋላጭ የቤት ሠራተኞች፣ ፍልሰተኞች ሠራተኞች፣ እና በሥራ ቦታ ጥቃት እና ትንኮሳ ሰለባዎች ኑሮ ለሚኖረው አዎንታዊ ለውጥ ይደግፉ!ያግዙ ! ያጽድቁ ! " በሚል መሪ ቃል ኮንቬንሽኖቹ ጸድቀው የአገሪቱ የሕግ አካል እንዲሆኑ እና ተግባራዊ እንዲደረጉ የሚያስችል የግንዛቤ ፈጠራ የካቲት 12 ቀን 2016 ዓ.ም. በኢንተርሌግዠሪ ሆቴል ከፍተኛ ባለስልጣናት፣ ሕግ አውጪዎች ፣የዓለም ሥራ ድርጅት ተወካይ የሰብአዊ መብት ተሟጋቾችና የሲቪል ማኅበረሰብ ድርጅቶች፣ የአሠሪ ተወካዮች ሚዲያዎችና ሌሎች የሚመለከታቸው አካላት በተገኙበት እንደሚያደርግ አሳውቆናል።

ኢሠማኮ የላከልን ሙሉ መግለጫ ከላይ ተያይዟል።

@tikvahethiopia

#ኢሠማኮ

አቶ ካሳሁንን በተመለከተ እውነታው ምንድነው ?

በቅርቡ 112ኛው የዓለም የሥራ ድርጅት (ILO) ጉባኤ ተካሂዶ ነበር።

በዚህ ጉባኤ ላይ የኢትዮጵያ ሠራተኛ ማኅበራት ኮንፌዴሬሽን ፕሬዚዳንት አቶ ካሳሁን ፎሎ በከፍተኛ ድምጽ የዓለም ሥራ ድርጅት አስተዳደር አካል (Governing Body) አባል ሆነው ተመርጠዋል።

ነገር ግን በማኅበራዊ ሚዲያዎች እና በሌሎች ሚዲያዎች መረጃዎች በተጨባጭ ካለው እውነታ በራቀና #በተዛባ መልኩ መዘገቡን የኢትዮጵያ ሠራተኛ ማኅበራት ኮንፌዴሬሽን (ኢሠማኮ) ዛሬ በላከልን ደብዳቤ አሳውቋል።

እውነታው ምንድነው ?

➡ አቶ ካሳሁን የዓለም ሥራ ድርጅት የአስተዳደር አካል ምክትል አባል (Deputy member of the Governing Body) ሆነው ተመርጠዋል።

ከዓለም ሠራተኞች 14 መደበኛ ( Regular) እና 19 ምክትል (Deputy) በአጠቃላይ 33 የሠራተኛ ተወካዮች ባላቸው ብቃት እና ልምድ በድምፅ ይመረጣሉ።

ከአሠሪም በተመሳሳይ ይመረጠሉ፡፡

የመንግሥት ከአሠሪና ሠራተኛ /ቁጥራቸው ከፍ ይላል።

ስብሰባቸውም በዓመት 3 ጊዜ በጥቅምት እና በመጋቢት ወራቶች ለአንዳንድ ሳምንት ሲሆን በሰኔ ወር ላይ ከሚካሄደው ጠቅላላ ጉባኤ በኃላ ለ1 ቀን ይሰበሰባሉ።

በቋሚነትም አይሠሩም። #ሹመትም_አይደለም።

➡ ይህ የአስተዳደር አካል (Governing Body) ፖሊሲዎችና ፕሮግራሞችን የሚያፀድቅ ነው።

በየዓመቱ በእኤአ አቆጣጣር ሰኔ ወር መጀመሪያ ላይ ለሚካሄደው የዓለም ሥራ ድርጅት ጉባዔም (International Labour Conference) አጀንዳ ያዘጋጃል ፤ የበጀት ረቂቅ ያዘጋጃል ፤ እንዲሁም የድርጅቱ ዋና ዳይሬክተር ይመርጣል።

እንዲሁም በዓለም ላይ ማህበራዊ ፍትህ እንዲሰፍንና በመንግሥት፤ በአሠሪ እና ሠራተኛ መካከል ማኅበራዊ ምክክር እንዲጠናከር ይሰራል።

አቶ ካሣሁን ፎሎ የተመረጡት የዓለም ሠራተኞች በመወከል የአስተዳደሩ አካል (Governing Body) ምክትል አባል ( Deputy member of Governing Body) ነው እንጂ ከዋና ዳይሬክተሩ ጋር በመሆን የዓለም ሥራ ድርጅትን እንዲመሩ በማንኛውም የሥራ አስፈፃሚ ደረጃ #አልተሾሙም።

#ኢሠማኮ

#TikvahEthiopia

@tikvahethiopia