#እንድታውቁት

የኢፌዲሪ የኢሚግሬሽን እና ዜግነት አገልግሎት የቪዛ ማራዘም እና የመኖሪያ ፈቃድ እድሳት አገልግሎት መጀመሩን አሳውቋል።

አገልግሎቱ ከሐምሌ 18/ 2014 ዓ.ም ጀምሮ ቪዛቸዉ እና የመኖሪያ ፈቃዳቸው የሚፀናበት ጊዜ ከአንድ ወር በላይ ላለፈባቸው ግለሰቦች የቪዛ ማራዘምና የመኖሪያ ፈቃድ እድሳት አገልግሎት ተቋርጦ መቆየቱን አስታውሷል።

ነገር ግን ፤ ከመስከረም 16 ቀን 2015 ዓ.ም. ጀምሮ አገልግሎቱን መስጠት መጀመሩን ገልጿል።

@tikvahethiopia

" ነዋሪዎቹ ጠባቂና ከለላ አጥተዋል ፤ እየደረሰ ያለው ስቃይ ከፍተኛ ነው " - የሆሮ ጉድሩ ወለጋ ቲክቫህ ቤተሰቦች

ከዚህ ቀደም በኦሮምያ ክልል በተለይ ደግሞ በሆሮ ጉድሩ ወለጋ ያለው የፀጥታ ሁኔታ እጅግ አሳሳቢ መሆኑን በዛው አካባቢ ቤተሰቦቻቸው የሚኖሩ አባላት አሳውቀው ነበር።

ባለው ሁኔታ የቤተሰቦቻቸውን ደህንነት እንኳን ለማወቅ ስልክ ሊሰራ ባለመቻሉ በከፍተኛ ጭንቀት ውስጥ መውደቃቸውን ሲገልፁ ነበር።

አሁንም ያለው ሁኔታ አሳሳቢ ነው። ምን ያህል ሰዎች እንኳን ህይወታቸውን እንዳጡ ማወቅ አዳጋች ሆኗል።

ትላንት መልዕክታቸውን የላኩልን አንድ የቤተሰባችን አባል ፤ " በተለይ በአሙሩ ፣ ጃርዳጋ ጃርቴ ፣ አቡና ህዝቡ ከፍተኛ ስቃይ እየደረሰበት ነው። በእነዚህ ቦታዎች ላይ ብቻ ሳይሆን በአጠቃላይ በዞኑ ውስጥ ያለው ህዝብ በሰላም እጦት ከፍተኛ ስቃይ ላይ ነው " ብለዋል። "

የፖለቲካ ሊህቃን ጉዳዩን ለራሳቸውን የፖለቲካ ጥቅም ሲሉ እያባባሱት ነው " ያሉት እኚሁ የአካባቢው ነዋሪ " የአካባቢው ነዋሪዎች ጥበቃ እና ከለላ አጥተዋል ፤ መንግስት ታክስ ይሰበስባል ነገር ግን ምንም ጥበቃ እያደረገላቸው አይደለም ይልቁንም ጉዳዩ ለፖለቲካ አለማ እየዋለ ነው " ሲሉ አስረድተዋል።

ሌላ የቤተሰባችን አባል ደግሞ ፤ " በሆሮ ጉድሩ ወለጋ ዞን በጃርደጋ ጃርቴ፣ አሙሩ ያለው ሁኔታ በሰሜን ኢትዮጵያ ካለው ሁኔታ የማይተናነስ ነው " ብለዋል። አብዛኛው ቦታ ስልክ ዝግ መሆኑን ገልፀው አልፎ አልፎ በሚወጣባቸው አካባቢዎች የሰዎች ህይወት እያለፈ እና ቤቶች እየወደሙ መሆኑን ሰምተናል ሲሉ ገልፀዋል።

ሌላኛው የቤተሰባችን አባልም ፤ " በወለጋ ያለው ሁኔታ በቂ ትኩረት አላገኘም " ሲሉ ወቅሰዋል ፤ በየዕለቱ ስለ ሰሜን ኢትዮጵያ የሚናገሩት ሀገራት፣ ተቋማት እና የተቋማት መሪዎች በወለጋ ስለሚረግፈው ንፁሃን ትንፍሽ አይሉም ፤ ይህ ሰብዓዊነት የጎደለው ተግባር ነው ብለዋል።

" በየትኛውም ስፍራ ላሉ ንፁሃን ዜጎች መጮኽ ተገቢ ነው " ነገር ግን ከሰው ሰው በመለየት ሌላ ቦታ ያለው ንፁሃን ደህንነት ሳያሳስባቸው ትኩረትም ሳይሰጡት እየመረጡ መጮሃቸው ትርጉሙ ሌላ ነው ሲሉ ተችተዋል።

" የሰብዓዊ መብት ተሟጋቾች ነን የሚሉ ፣ የኢትዮጵያ ሁኔታ እና የንፁሃን ህይወት ደህንነት  ያሳስበናል የሚሉ፣ በየዕለቱ በትዊተርና ፌስቡክ ሲፅፉ የሚውሉ የተለያዩ ተቋማት ፣ የተቋማት መሪዎች እውነትም ስለ ሰብዓዊነት ተቆርቋሪ ከሆኑ ሁሉንም የሰው ልጆች በእኩል ሊመለከቱ እና ትኩረት ሊሰጡ ይገባል " ሲሉ አስገንዝበዋል።

" መንግስት የዜጎችን ደህንነት ማስጠበቅ ቀዳሚው ስራው መሆኑን በመገንዘብ በየዕለቱ ስጋት አለብኝ / በሰላም እጦት ተሰቃየሁ እያለ ለሚጮኸው ህዝብ ህይወቱን ለመታደግ ሙሉ አቅሙን ሰጥቶ መስራት አለበት " ብለዋል።

@tikvahethiopia

የቲክቫህ ኢትዮጵያ ቤተሰቦች  - የከፍተኛ ትምህርት ተቋማት / የትምህርት ጉዳዮች መልዕክት መለዋወጫ ፦ https://t.me/TikvahUniversity/5049

#ሪፖርት

ዛሬ የኢትዮጵያ ሰብአዊ መብቶች ኮሚሽን (ኢሰመኮ) በጋምቤላ ክልል፣ ጋምቤላ ከተማ ያካሄደውን የምርመራ ሪፖርት ይፋ አድርጓል።

ኮሚሽኑ ይፋ ያደረገው ሰኔ 7 ቀን 2014 ዓ/ም በክልሉ የጸጥታ ኃይሎች፣ በኦሮሞ ነጻነት ሰራዊት (በተለምዶ ኦነግ ሸኔ) በጋምቤላ ነጻነት ግንባር (ጋነግ) መካከል የተደረገው ውጊያን ተከትሎ ከሰኔ 7 እስከ 9 ቀን 2014 ዓ/ም በክልሉ የመንግሥት የጸጥታ ኃይሎች እንዲሁም ታጣቂ ኃይሎች በተወሰዱ እርምጃዎች በሲቪል ሰዎች ላይ የተፈጸሙ ግድያዎችን፣ የአካል ጉዳቶችን፣ የንብረት ጉዳት እና ዘረፋዎችን በተመለከተ ነው።

ከሰኔ 20 እስከ ነሐሴ 16 ቀን 2014 ዓ.ም. ድረስ ምርመራ ያደረገው ኢሰመኮ ዛሬ ይፋ ያደረገው ባለ 13 ገጽ ሪፖርት ነው።

(ሙሉ ሪፖርቱ ከላይ ተያይዟል)

@tikvahethiopia