السلام عليكم ورحمة الله وبركاته 🤎.

-شوية مهام تقوم بيها وتفوت بيهم عطلتك الفترة هادي وفي نفس الوقت ادير حاجات كويسة في يومك 🤎.

-مش شرط كل شيء ادير أو كل يوم ادير نفس الشيء، ونصحية الحياة بدون تخطيط فهيا عبارة عن دمار لنفسك فقط، تبي تكون ناجح خطط ،يومك يبدأ من الفجر تصلي الفجر في وقته + أذكارك أهم شيء مش تكون في حفظ الله يوم كامل، وحتى لو رقدت بعدها مش مشكلة بس ما تخليش يومك عبارة عن نوم فقط، فيومياً في ليل قبل ما ترقد خطط وجدد خطك، وشوف في ليل شن أنجزت وشن لاا وغالباً في البداية إنجاز حيكون ضعيف شوية لكن مع التعود حتنجز أكثر.


-ولانك في مرحلة شبه بتولي جامعية فأنت من الضروري تتعلم اعتماد على النفس في كل شيء من توا في أبسط الأشياء.


-سواء كنت بنت أو ولد حاولت تشتغل على نفسك في الفترة هادي كلها، حاول ادير نجاح ولو كان بسيط، حدد هدفك ثم انطلق حتى لو كان مؤقت يكفي إنك تحاول وادير شيء جديد في حياتك، ولكن ما ننسوش الجانب الديني في كل شيء اي خطوة بديرها في حياتك شوف لجانبها الديني أولاً ثم تؤكل على ربي وتقدرها .



#نصائح
#منصة_رواد_المستقبل.