السلام عليكم ورحمة الله وبركاته 🤎
غدوة أول امتحان ليكم في الفترة الثالثة أسال الله التوفيق ليكم جميعاً .
التعبير غدوة حنعطي حاجات مهمة على السريع ياريت تركزوا اعليها.


▪️ركزوا على المقدمة بحيث تكون قوية وملفتة وخود الفكرة من العنوان يلي حيكتبه 🤎💯.
▪️ركزوا على إن يكون في فاصل بين المقدمة وصلب الموضوع والخاتمة، بحيث إنك تكتب لايقل على ثلاثة سطور كمقدمة بعدها ادير نقطة وتبدأ في السطر الجديد وكهذا 🤎💯.

▪️في صلب الموضوع خلي كلامك متناسق وراكب على بعضه ومنظم بإضافة ما تكررش الكلام هلبا 💯🤎.

📌كيف نجيب الفل مارك ؟
-ركز على الإملاء.
-ركز على علامات الترقيم .
-خلي خطك واضح (لا تصغره ولا تكبره).
-متخليش الكلمات لاصقة ببعضها

▪️بخصوص موضوع الأسطر :
يفضل إنك تكتب 18 سطراً ويكون خطك واضح ومنظم.

▪️هادي جملة كتبتها في الخاتمة في امتحاني وخديت بيها الفل مارك في ثانوية مستحيل تعطيك الفل 💯🤎
الجملة :
وفي الخاتم اللهم ارحمني بالقرآن وأجعله لي إماماً ونوراً وهدى ورحمةً، نشكركم على حسن القرآءة وأتمنى أن ينال إعجابكم، إن أصابت فهوا من عند الله وإن أخطأت فهوا من الشيطان،والسلام عليكم ورحمة الله وبركاته.

📌واسمعوا فويساتي هادم لموضوع التعبير :
https://t.me/Don_iaArabic06/1478

📌وهادم ملاحظات وشرح لعلامات الترقيم والفصل ووصل :
https://t.me/Don_iaArabic06/1190

📌المواضيع المقررة اعليكم بإضافة إلى موضوع قضية فلسطين :
https://t.me/Don_iaArabic06/1477?single
واخيرا وليس اخراً بالتوفيق للجميع 🤎.
#دنيا_حكيم .
#اللغة_العربية .

رأي الشخصي ل اسئلة:
امتحان جدا جدا جدا سهل وبسيط وثلث ربعها من الكتاب نسخ لصق ، مركزين على الصرف وإملاء أكثر من النحو 🤎 .

وبالنسبة للإملاء ركزوا فيها زي هيا زي القسم العلمي 🤎.
بالتوفيق للجميع 🤎.

#دنيا_حكيم.
#اللغة_العربية .

هي اجمعوا 🤎
8:40 بنبدأ بإذن الله
#دنيا_حكيم.

اعتذر 🤎 النت ضعف معاش قدرت نخش للبث، وصلنا ل اخر صفحة ونقطة وقطع 🤎
نتمنى استفدتوا ولو شوية موفقين جميعاً 🤎.

#دنيا_حكيم.
#اللغة_العربية.

السلام عليكم ورحمة الله وبركاته 🤎

📌كل ما يخص التربية الإسلامية
اضغط على يلي تبي بس حيطلع طول .

▪️ شرح الحج الجزء الأول
▪️شرح الحج الجزء الثاني
▪️شرح الحج الجزء الثالث
◽◽◽◽◽◽◽◽◽◽◽◽◽◽◽◽
▪️شرح الزكاة الجزء الاول
▪️شرح الزكاة الجزء التاني
▪️شرح الزكاة الأموال
▪️شرح مسائل الزكاة
▪️شرح زكاة الحيوان
▪️شرح زكاة الحرث

◽◽◽◽◽◽◽◽◽◽◽◽◽◽◽
📌الملخصات:

▪️ملخص الحج (1)
▪️ملخص الحج (2)
▪️ملخص الحج(3)
▪️مسائل الزكاة
▪️ملخصات لزكاة
▪️ملخص الزكاة مهم
▪️ملخص التربية الاسلامية
▪️ملخص الطوائف والفرق

◽◽◽◽◽◽◽◽◽◽◽
▪️حل أسئلة الكتاب كاملاً
▪️أسئلة على الحج
▪️سلسلة السليم لمنهج بالكامل تحت بعض

إن أصابت فهو من عند الله، وإن أخطأت فمني ومن الشيطان 🤎.

تقديم وعطاء:
#دنيا_حكيم.
#التربية_الإسلامية .

السلام عليكم ورحمة الله وبركاته 🤎
سؤال هدا مليح وقنين في الصرف للقسمين ✅ من الدكتور/ياسين محية.

طبعا إجابة أ على طول علاش ؟؟

أول شيء نجو ل أخر خيار ج. قالك مصدر صح ؟؟ وفي سؤال قالك اسم مشتق توا منطقياً واحني ناس تفهم فهم صح ! مش تحفظ مهم
أكيد مصدر مش يكون اسم مشتق ولاا؟


باهي جواب بيكون يا أ يا ب

إجابة اسم المفعول 💯✅.

وتمت ببساطة هادي را

#دنيا_حكيم.
#اللغة_العربية.

وتمت ببساطة هادي را

#دنيا_حكيم.
#اللغة_العربية.

السلام عليكم ورحمة الله وبركاته 🤎
الناس يلي مزال ما بدتيش في انجليزي ماتخافوش مزال الوقت يا جماعة 🤌🏻🤎.

نصحية مني ليكم فوتولي المواد الثانية توا كملتوها أو لاا فوتوها خلاص توا تركيزكم خلوه على إنجليزي توا بس، شدوا فيها كويس وبحكم اول مادة خشوا بقوة واندفاع✅💯.

ولما تقروا ركزوا كويس مش قرايا متع عيون وجو سوبر مان فوتوه 🙂القرايا بتركيز حتى ساعة بس خير من قرايا يومين بلا تركيز وبس.

ولو درت كوزات وهكِ حاليا وغلطت في سؤال عادي طبيعي من التوتر بس، وخودها قاعدة تغلط توا خير من في امتحان ✅💯والحمد لله ديما .

ونصحية ثانية الكوزات خلوها اخر شيء نصيحة، لكن أتجي تقرا صفحة وادير كوز وما تبيش تتلخبط سامحني بس هك غلط❎.

موفقين جميعاً وديما قدها دفعة بعد العيد 💯✅

#دنيا_حكيم.

السلام عليكم ورحمة الله وبركاته 🤎.
#ملخص_العدد
للقسمين العلمي والأدبي 🤎✅
إن توفقنا فمن الله وإن قصرنا فمن أنفسنا والشيطان.
ملخص مراجع مراجعة دقيقة بإذن الله بإضافة حاولنا نبسطوا المعلومة قدر الإستطاعة 🤎💯.

📌كتابة وتحضير:
#دنيا_حكيم.
#ياسين_محية

السلام عليكم ورحمة الله وبركاته 🤎
📌 نصائح امتحان غدوة انجليزي بإذن الله:
1⃣أبدأ بالاختار مش الصح والخطأ ؛ لان بحكم أول امتحان وخصيصاً إن انجليزي التوتر حيكون عالي شوية ↖️ يفضل تبدأ بالاختار لين ينقص التوتر؛لان لما تبدأ بالإختار حتلقى خيارات ف تساهل اعليك شوية شوية وينقص التوتر تدريجياً.

2⃣لما أتجي تحل وسؤال تبدأ شاك فيه واحد في الميه خود القلم دير اعليه دورة أو خط بحيث ترجعله بعدين .

3⃣لو سؤال معرفتاش ما توقفش فيه وتقول حي اعليك ومش عارفة شن، برا يلي بعده طول ومرات سبحان الله تلقى إجابة في سؤال ثاني ف بسيطة توتر لاا ✅🤎.


4⃣ورقة التظليل بعدها على شيشة الميه احسن،بإضافة اول ما تأخد الورقة تأكد من بياناتك كويس قبل ما تحل ( اسمك، اسم بوك ،اسم أمك، رقم جلوسك) لو كلهم صح وقع على الورقة بالقلم وخليها على جنبك لين تحل.


5⃣مافيش حد يلعبك بدماغك ويقولك ضروري تظليل يكون دقيق ولو طلعت شوية ولو جت هافتة مش ح تتصح وجو هدا (كذب)، مدامك ممظلل الدائرة حتصحح متخافيش من تظليل هانية بإذن الله، ولاا قدر الله ظللت وحدة بعدين طلعت خطأ وبتحط إجابة جديدة امسح القديمة كويس بإضافة ماتخافش المكينة متع التصحيح حتأخد الدائرة الغامقة أكثر ف هانية ✅🤎.

6⃣ارفع معاك طرف شكلاطة أو كيكة ولاا اي حاجة حلوة في امتحان خليها في جيبك هيا وشيشة الميه المصقعة ضروري جداً؛ لان تدريجياً لما تبدأ تحل طاقتك ح تنزل شوية شوية ف أبسط شيء تحتاجه ميه ضروري منها 🤎.

7⃣الصبح ضروري تفطر ولو حاجة بسيطة حتى عصير ويكون فيه فائدة ✅مش هك وخلاص، ضرورييييي مش تركز وتجاوب.


8⃣مهما كانت النتجية افتخر بنفسك؛لانك اجتهدت وقاومت وقدها ديما أنتَِ.

9⃣ما تحطش نسبة معينة في دماغك، بس قول أنا بنجيب أعلى شيء نقدر اعليه وتقدرها صدقني ✅🤎.

0⃣1⃣راكم تنسو البطاقة أهم حاجة راهي ( أهم منك في امتحان 🙂)+غدوة برو بكري ل مدرسة ضروري بحكم أول يوم ومدرسة جديدة وكدا


وربي يفتح اعليكم جميعاً وتطلعوا راضين ومجاوبين مليح المليح ✅💯.

موفقين جميعاً 🤎
#دنيا_حكيم.

📌نصائح امتحان غدوة:
▪️النفسية :
-صلي صلاة الفجر في وقتها وقعمز شوية هك وادعي الدعاء ايغير الأقدار هلبا را 🤌🏻🤎، وماتنساش أذكارك ✨🤎.

-افطر كويس قبل امتحان ، امتحان يبي هلبا تركيز، تشغيل دماغ ف عبي بطنك الصبح كويس وكول شيء صحي ويخليك تركز🤌🏻.


▪️قبل امتحان :
حاجتين مهمة بس اديروهم خاطيهم لاا
-راجع قوانين وتحويلات وواحدات القياس كويس هلباا ،حتى لو مش نكمل قرايا عادييي مهم راجع هادم واضمنهم قبل امتحان .

-ارفع معاك ميه مصقعة واي حاجة حلوة حطها في جيبك ضروري جداااا اهو قتلك 🤌🏻🤎.

▪️امتحان بحد ذاته :
- ابدأ ب اختار عشان ينقص التوتر شوية قبل ثم الصح وخطأ، وخصيصا لو الصح وخطأ كله جي نظري ديري سكيب برا ل اختر قبل .

-مسألة قسمها ع ثلاثة ، معطيات ،تحويلات وقانون يلي بتحل بيه صدقني هك بنسبة 60% ح تسهل اعليك حل المسألة بإذن الله 🤎.
- اقرأ السؤال مرتين وثلاثة وركز في تحويلات وواحدات القياس كويس كويس كويس ونظري برضو 🤌🏻✨.


واخيراً ربي يجبر بخاطركم جميعاً يارب تطلعوا فرحانين وراضيين مرضين يارب العالمين 🤎🤎تؤكلوا على ربي ومافيش شيء صعب اعليكم وقدها ديما وهانية ديما ✅💯.


#دنيا_حكيم.

📌عندك الباب الأول هدا شرح الدكتور / فتحي العبيدي:
https://t.me/thehope2022/11117

📌الباب الرابع برضو من عند الدكتور / فتحي العبيدي تبع معاه حتفهم+ تحفظ :
https://t.me/thehope2022/11148


📌الباب السادس وما أدراك ما السادس تبي الشرح المنظم ويلي مافيش منه اثنين 🌝وتضمن كل شيء -اللهم بارك - اعليكم بالمضاض الحيوي الدكتورة/رهام البشير "الريم" وهدا الرابط :
https://t.me/rem_Biology

الدكتورة/ رهام البشير حاجة بسم الله ماشاء الله، تبعوا كل شيء تقولكم اعليه حتضمن هلبا هلبا هلبا حاجات ما نحبش نبالغ بس بجد (حتضمن امتحان ) لانها عارفة كيف توصل معلومة وما تخلي في شيء كله تعطي فيه أسمع كلامها وقعمز في قناتها صدقني حتطلع فرحان وجدا 🌝✅.

📌وعندكم الباب الخامس برضو تقدروا تشوفوا عندك الدكتورة رهام ، أو الدكتور/ زهر الدين ، تحديداً جزئية الهرمونات -مهمة جدا را - وهادي قناته :
https://t.me/ZoologyZaher/1828


📌وهدا شرح الأهرامات الباب الثاني من الدكتور / زهر الدين :
https://t.me/ZoologyZaher/1845


وهك اموركم تمام التمام ✅🤎،ما ايجني حد ويقولي على شخص ثاني؛ لان هادم يلي عاطين بضمير وكل شيء 🤎 وتقدر تعتمد اعليهم اعتماد كلي .

هادم أشخاص يلي مسؤولة أنكم تقروا منهم ✅🤎وتضمنوا إجابة مرضية بإذن الله وخصيصاً الدكتورة /رهام البشير.

📌ملخصات + اسئلة على كل باب :
https://t.me/thehope2022/11256

📌اسئلة سنوات :
https://t.me/thehope2022/11272?singl

وهي موفقين جميعاً 🤎.
#دنيا_حكيم .

السلام عليكم ورحمة الله وبركاته 🤎.

إن شاء الله توققتوا في امتحانكم اليوم وطلعتوا راضين مرضين .

توا تريحوا ارقدوا شوية هك جو ساعة ساعتين بعدين نوض لدراسات اللغوية ✅🤎 .

حتلقى كل شيء يخص المنهج هنا في رسالة المثبتة هادي {شرح ،ملخصات مهمة،اسئلة سنوات }✅🤎 :
https://t.me/Don_iaArabic06/2336


مزال منشور كيف بتقرا المادة اليوم جاهز 🤎✅ينزل بس شوية ثاني .

📌رابط القناة شاركه مع زميلك وما تكونش أناني ✅:
https://t.me/Don_iaArabic06

#دنيا_حكيم
#اللغة_العربية

السلام عليكم ورحمة الله وبركاته 🤎

📌كيف نقرا الدراسات اللغوية ؟

1️⃣زي ما نعرفوا الصرف أكثر المشاكل دائماً فيه،وللامانة سواء في امتحان الخارج السنة هادي أو امتحان القسم الأدبي ركزوا فيه هلبا أكثر من النحو فيفضل تقرأ على صح ✅💯 وتفهمه كويس كالتالي :
▪️قسمه ل اثنين :
-المشتقات بروحهم ( اسم الفاعل، اسم المفعول ، صيغ المبالغة).
-المصادر ( المصدر ، المصدر الثلاثي ،المصدر الرباعي ).
▪️بنسبة للجزء الأول "المشتقات " اقرأ درسي اسم الفاعل واسم المفعول مع بعض مش تزبط كيف تفرق ،وركز على علامة فيها عن الوزن ، وكذالك لما تبي تعرف اسم هدا اسم فاعل او مفعول، رده لماضي حتزبط ✅💯،وبنسبة لدرس صيغ المبالغة اوزان ضروري تحفظهم كويس واثبتهم وتزبط من هما غير مشهورين ومن هما المشهورين ✅، بإضافة ركز ثم ركز ثم ركز على "حركات " اهو قتلك ✅💯.


▪️بنسبة للمصادر:
-المصادر الثلاثية ركز فيا كويس من حيث البناء والمعنى وركز ولو حفظت الأوزان متع المعنى خلاص ضمنته✅💯.

- المصادر الرباعية أحضر فيديو شرح يلي منزلته وشوفني كيف شرحته وطبق الطريقة يلي أنا اوزنت بيها ،هك الطريقة العلمية وصحيحة✅💯.


📌بنسبة للإملاء :
- ركز على درس الفصل والوصل كويس كويس كويس في امتحان الخارج ركزوا عليه ف ما تستهنيش ب املاء نصحية وموجود شرحه في قناة ✅.
- علامات الترقيم،ركز وين مكان كل وحدة أقرا امثلة كويس غالباً تجي نسخ لصق را ✅.

📌النحو :
ساهل جدا جدا جدا بسسس افهمه صح بس .

- اول شيء ابدأ بدرس التمييز والعدد ودرس العدد خصيصاً السنة هادي مركزين هلبا اعليه ف اقرأ صح ✅.

- ثم درس الحال ومفعول به ✅.

-ثم درسي الفاعل ونائب الفاعل اقروهم وراء بعد مش تزبط الفرق بينهم وركزلي على جزئية التأنيث في درس الفاعل مهمة 💯✅.

- اخر شيء دروس الاولى ( الجملة الفعلية، نصب وجزم ورفع الفعل المضارع ).

📌ملاحظات :
-اقرأ كتابك واسئلة الدرس كويس كويس كويس كويس هادم أهم شيء بالدرجة أولى ؛لان امتحان بنسبة 90 % من كتابك ومن امثلة كتابك .

- نماذج امتحانات ضروري تشوفها؛لان عدو امثلة تتكرر نسخ لصق ✅💯.

- في الصرف ركز على حركات بالله اعليك على حركات كويس .

وهذا كل شيء يخص دراسة الدراسات اللغوية 💯✅.

وبإذن الله الفل مارك حيكون ليك غير ركزلي شوية بس 🤌🏻واسمع كلامي ويلي قتلك اعليه وقعمز في القناة وأقرأ بتركيز وامورك هانية✅.

📌كتابة:
#دنيا_حكيم
#اللغة_العربية

هدا منشور كيف بتقرأ المادة ✅ .
نزلته بكري؛لاني مشغولة شوية + بكري أفضل ليكم .

📌كل شيء موجود في رسالة هادي :
https://t.me/Don_iaArabic06/2336

قعمز اقرأ بس، بإضافة زي ما قتلكم أرتاحوا شوية وقعمزوا ابدوا ويلي عنده سؤال جمعهم كلهم مع بعض وخليهم بإذن الله مع العصر نجيكم نرد على اسئلتكم كلها 🤎.

موفقين جميعاً
#دنيا_حكيم

السلام عليكم ورحمة الله وبركاته 🤎
يلي يعرف ويلي مايعرفش هادي قناتي الخاصة بالتربية الإسلامية فيها شرح درسي الحج والزكاة بشرحي الخاص ✅🤎

وفيها ملخصات لدروس الحج والزكاة وملخصات بعض باقي الدروس وحل أسئلة
الكتاب ✅.

اول ما تخشوا قناة رسالة مثبتة فيها كل شيء ✅🤎

وهدا الرابط :
https://t.me/Donia066

#دنيا_حكيم

السلام عليكم ورحمة الله وبركاته 🤎
-منصة روّاد المستقبل ما تخليش طلابها هك وخلاص في العطلة وبدون فايدة وبدون فاعليات ✅🤎.

-فقرتنا الجاية حتكون على موضوع " الاكتفاء بالذات والتصالح مع النفس".

يعني بالمختصر :
-كيف تحب ذاتك ؟
-كيف معاش تقارن نفسك بغيرك ؟
-كيف تتصالح مع نفسك ؟

هدا كله حيكون هنا قريبا في منصة روّاد المستقبل.

شن المواضيع يلي في بالكم تبونا نديروا عليها فقرات تكون قنينة؟

وزي ما تعرفوا روّاد المستقبل مااديريش إلا الشيء المميز👀؟

📌تقديم :
#دنيا_حكيم
#شهد_علي
#منصة_رواد_المستقبل.

السلام عليكم ورحمة الله وبركاته
رواد المستقبل، كنت معاكم من بداية السنة لنهايتها؛ قدمت وشرحت وساعدت، وكل ذالك كان بفضل الله سبحانه وتعالى؛ نسأل الله أن يكون حجة لي لا علي ..

وطبعا كيف ما تعودتوا أن دنيا حكيم مفاجئاتها ما تكملش، ودائما تأتي بالجديد وكل شي يفيد الطالب ..
هالمرة غير وطريقة جديدة وشيء مختلف، دفعة 2006 كيف ماقلتلكم معاكم حتى في الجامعة مواصلة ..
كيف ما كنت معاكم في مادة اللغة العربية ك أساس للقسمين العلمي والأدبي؛ وكنت معاكم في أكثر من مادة بتوفيق الله جل وعلا،
هالمرة شيء غير
الشي الأول بنقوللكم أني أنا دنيا حكيم مكملة معاكم في الجامعة وفي مادة اللغة العربية مش تخصص وإنما لسنة الإعداد، حيكون شغل منظم وممتاز
والشي الثاني حيكون بمساعدة شخص مختص وخبير بمادة اللغة العربية ..
وهكي مادة اللغة العربية تطمنتوا عليها وبإذن الله معاكم دائما ..

{الحمد لله الذي هدانا لهذا وما كُنّا لنهتدي لولا أن هدانا الله}.


وأخيراً هدا الرابط انشروا بين بعضكم:
https://t.me/Langueuniversitaire

#دنيا_حكيم.