🇺🇿🇺🇿🇺🇿

Ozarbayjon Respublikasiga tashrifimiz doirasida Vengriya Milliy Аssambleyasi vitse-spikeri Marta Matray bilan uchrashuv oʼtkazdik.

Muloqotimiz davomida taʼlim, ilm-fan va innovatsiyalar, sogʼliqni saqlash yoʼnalishidagi hamkorlikni yanada mustahkamlash, yoshlar oʼrtasida muloqot platformasini yaratish yuzasidan fikr almashdik.

Oʼzbekiston va Vengriya oʼrasidagi hamkorlikni kuchaytirishning amaliy mexanizmi sifatida parlamentlararo doʼstlik guruhlarining faol ishlashiga kelishib oldik.

#senat

@tanzilanarbaeva

🇺🇿🇺🇿🇺🇿

Malayziya Senati parlamenti Raisi oʼrinbosari Nur Jazlan Mohamad bilan uchrashuv oʼtkazdik.

Suhbatimiz davomida Oʼzbekiston va Malayziya oʼrtasida turli darajadagi muloqotlarning faollashgani savdo-iqtisodiyot, taʼlim, turizm sohalarida hamkorlikni yanada kengaytirish yuzasidan fikr almashdik.

Parlamentlarimizdagi doʼstlik guruhlari aloqalarini jadallashtirish hamda oʼzaro hamkorlik rejalarini amalga oshirishga qaratilgan hujjatlarni qabul qilishga kelishib oldik.

#senat

@tanzilanarbaeva

🇺🇿🇺🇿🇺🇿
Davlat tashrifi bilan mamlakatimizda boʼlib turgan Moʼgʼuliston Prezidenti Uxnaagiyn Xurelsux bilan uchrashuv oʼtkazdik.

Prezident janoblari bilan suhbatimiz davomida ikki davlat yetakchilarining siyosiy irodasi tufayli bugun Oʼzbekiston-Moʼgʼuliston oʼrtasidagi munosabatlarda yangi sahifa ochilib, oʼzaro aloqalar yuqori bosqichga koʼtarilganligi alohida taʼkidlandi.

Davlatlarimiz oʼrtasida, savdo-iqtisodiy, togʼ-kon sanoati, qishloq xoʼjaligi, axborot texnologiyalari, ijtimoiy-gumanitar kabi keng qamrovli sohalarda tuzilgan shartnomalarning ijrosini taʼminlashda parlament nazorati muhimligini qayd etdik.

Kelgusida Oʼzbekiston-Moʼgʼuliston parlamentlararo doʼstlik guruhlarining faoliyatini yanada jadallashtirish va shu yoʼnalishda tegishli hamkorlik hujjatlarini qabul qilish yuzasidan fikr almashdik.

#senat #hamkorlik

@tanzilanarbaeva

🇺🇿🇺🇿🇺🇿
Mamlakatimizda rasmiy tashrif bilan boʼlib turgan BMT bosh kotibi Аntoniu Guterrish janoblari bilan uchrashuv oʼtkazdik.

Suhbatimiz avvalida, BMT bilan Oʼzbekistonning global hamkorligi va Barqaror rivojlanish maqsadlariga erishish boʼyicha chora-tadbirlarni amalga oshirishdagi faol ishtirokiga toʼxtalib oʼtildi.

Bosh kotib janoblari Oʼzbekistonning Markaziy Osiyo davlatlarini birlashtirish yoʼlidagi tashabbusi va saʼy-harakatlarini alohida eʼtirof etdi.

Shuningdek, mamlakatimizda olib borilayotgan siyosiy, iqtisodiy, tashqi siyosatdagi ochiqlik, xususan, ijtimoiy himoya hamda gender tengligi masalalaridagi islohotlarni yuqori baholadi.

Suhbatimiz davomida, ekologiya, iqlim oʼzgarishi, munosib mehnat tamoyillari, raqamli texnologiyalar va sunʼiy intellekt imkoniyatlaridan foydalanish masalalari yuzasidan fikr almashdik.

BMT tomonidan ilgari surilayotgan taraqqiyot dasturlarini joriy etishda parlamentlarning faolligini oshirish borasidagi muhim vazifalar ham koʼrib chiqildi.

#senat #BMT #hamkorlik

@tanzilanarbaeva

🇺🇿🇺🇿🇺🇿
Navoiy viloyatining ijtimoiy-iqtisodiy rivojlanish borasidagi ishlar bilan tanishish maqsadida ushbu hududda bo‘ldik.

Navoiylik hamyurtlarimiz, ayniqsa yoshlar va xotin-qizlarning mehnat qilishi uchun tashkil etilgan korxonalar faoliyati, ularda yaratilgan sharoitlar bilan tanishdik. Tadbirkorlar bilan qator uchrashuvlar o‘tkazdik.

Aholi salomatligini mustahkamlash, farzandlarimizga zamonaviy bilim berish, ularni kasb-hunarga o‘rgatish, mehrga muhtoj insonlarni qo‘llab-quvvatlash ishlarining amalga oshirilishi e’tiborimiz markazida bo‘ldi.

Har bir tashrif buyurgan maskanda, mahallalarda, xonadonlarda mehri daryo, mehnatkash insonlar bilan samimiy suhbatlashdik.

#senat

@tanzilanarbaeva

🇺🇿🇺🇿🇺🇿
Navoiy viloyatiga amalga oshirilgan safarimiz yakunida Oliy Majlis Senati Kengashining sayyor majlisini o‘tkazdik.

Hududni har tomonlama rivojlantirish yuzasidan qabul qilingan ijtimoiy-iqtisodiy dasturlarning ijrosi tanqidiy tahlil qilindi.

Mutasaddi davlat idoralari, hokimliklar oldiga aniq muddatli vazifalar qo‘yildi, ularning nazoratini amalga oshirish tizimi bo‘yicha kelishib olindi.

#senat

@tanzilanarbaeva

🇺🇿🇺🇿🇺🇿
Bugun hamkasbim Xitoy Xalq Respublikasi Butunxitoy xalq vakillari kengashi Doimiy qoʼmitasi raisi Chjao Letszi boshchiligidagi parlament delegatsiyasini Oʼzbekistonda qutlashdan mamnunman.

Biz dastlab Xitoy va Markaziy Osiyo davlatlaridan tashrif buyurgan qator olimlar, tadqiqotchilar, oʼqituvchi va talabalar ishtirokida Toshkentda Konfutsiy instituti tashkil etilganining 20 yilligini nishonlashga bagʼishlangan anjumanda ishtirok etdik.

Ushbu yillar davomida Konfutsiy instituti xalqlarimiz oʼrtasidagi doʼstlik va hamjihatlik ramzi boʼlib, madaniy-maʼrifiy almashinuvlarga alohida hissa qoʼshib kelmoqda.

Bu dargohda 10 mingdan ziyod oʼquvchilar xitoy tilidan saboq olishgan. Oʼz navbatida, Xitoyda ham oʼzbek tiliga qiziqish ortib borayotgani quvonarlidir.

Til oʼrganish barobarida yoshlarga kasb ham oʼrgatilishi har ikki davlat oʼrtasida kengayib borayotgan iqtisodiy-ijtimoiy aloqalarga ijobiy taʼsir qiladi.

#senat #hamkorlik

@tanzilanarbaeva

🇺🇿🇺🇿🇺🇿

Xitoy parlamenti vakillari Chjao Letszi boshchiligida “Yangi Oʼzbekiston” bogʼiga tashrif buyurib, Mustaqillik monumenti poyiga gul qoʼydi.

Mehmonlar majmuada aks ettirilgan tarix, arxitektura yechimlari va kompozitsiyasining oʼziga hos xususiyatlari bilan tanishdi.

Shuningdek, bogʼ yonida eng ilgʼor texnologiyalar va zamonaviy andozalar asosida qad koʼtarayotgan Olimpiya shaharchasida qurilish ishlari bilan tanishdik. Bu yerda 2025 yili mamlakatimiz mezbonlik qiladigan Yoshlar oʼrtasidagi Osiyo oʼyinlarining asosiy musobaqalari oʼtkaziladi.

Dunyoning 70 ta davlatida sport inshootlarini qurish tajribasiga ega Xitoyning SAMS Engineering kompaniyasi bilan hamkorlikda amalga oshirilayotgan Olimpiya shaharchasi qurilish jarayonining borishi hamda korxona xodimlari bilan suhbatlashdik.

Chjao Letszi shaharchada amalga oshirilayotgan ishlar koʼlami va sifatini yuqori baholab, davlat tomonidan sportni rivojlantirishga qaratilayotgan ulkan eʼtibordan dalolat berishini hamda bu loyihalarning barchasi Oʼzbekiston va Xitoy oʼrtasida yoʼlga qoʼyilgan har tomonlama va serqirra hamkorlik samarasi ekanini taʼkidladi.

#senat #hamkorlik

@tanzilanarbaeva

🇺🇿🇺🇿🇺🇿
Xitoy Xalq Respublikasi Butunxitoy xalq vakillari kengashi Doimiy qoʼmitasi raisi Chjao Letszi boshchiligidagi parlament delegatsiyasini qabul qildik.

Suhbatimizda davlatlarimiz yetakchilarining oʼzaro ishonchi asosida qurilgan Oʼzbekiston va Xitoy oʼrtasidagi azaliy doʼstlik va strategik hamkorlikning ahamiyati eʼtirof etildi.

Investitsiya, iqtisodiy- ijtimoiy, madaniy-gumanitar sohalaridagi aloqalarimizni yanada rivojlantirish hamda yashil energetika, taʼlim, IT texnologiya sohalarida yangi loyihalarni kengaytirish boʼyicha fikr almashdik.

Shuningdek, davlatlarimiz oʼrtasida erishilgan kelishuvlarni amalga oshirishda parlament nazoratini kuchaytirish hamda doʼstlik guruhlarining faoliyatini jadallashtirish, oʼzaro tajriba almashish masalalarini muhokama qildik.

Parlamentlararo aloqalarni mustahkamlashga qaratilgan hamkorlik hujjatlarini qabul qilishga kelishib oldik.

#Senat #hamkorlik

@tanzilanarbaeva

🇺🇿🇺🇿🇺🇿
Bugun ilk bor tashkil etilgan “Bandlik va ijtimoiy himoyani uygʼunlashtirish orqali Oʼzbekistonda ijtimoiy adolat tamoyillarini mustahkamlash” mavzusidagi xalqaro konferentsiyada ishtirok etdik.

Ushbu xalqaro anjuman Oʼzbekistonda oʼtkazilishining biz uchun ahamiyati katta. Chunki mamlakatimiz tarixda birinchi marta Xalqaro mehnat tashkiloti Maʼmuriy kengashi tarkibiga qabul qilindi.

Yurtimizda ish oʼrinlari yaratish va aholini ijtimoiy himoya qilishga qaratilgan Global akselerator va Global koalitsiya doirasida milliy “yoʼl xaritasi” ishlab chiqildi.

Bu esa, mamlakatimizda investitsiyalar uchun qoʼshimcha shart-sharoitlar yaratish va aholimiz daromadi oʼrtachadan yuqori boʼlgan davlatlar qatoridan joy olishiga xizmat qiladi.

Mazkur konferentsiya ijtimoiy adolatni mustahkamlash, aholi bandligi, ijtimoiy himoyasini taʼminlash, tengsizlik va kambagʼallikni qisqartirish sohasidagi siyosatimizni takomillashtirish yoʼlidagi navbatdagi qadam boʼladi deb oʼylayman.

#senat #hamkorlik #XMT

@tanzilanarbaeva

🇺🇿🇺🇿🇺🇿
Xalqaro mehnat tashkiloti bosh direktori Jilber Ungbo bilan uchrashuv oʼtkazdik.

Bosh direktor mamlakatimizda majburiy mehnat va bolalar mehnatiga toʼliq barham berilganini, sohaga oid xalqaro standartlarni joriy etishga qaratilgan muhim islohotlarni alohida e’tirof etdi.

Suhbatimiz davomida Xalqaro mehnat tashkilotining mehnat va ijtimoiy sohalardagi ratifikatsiya qilingan Konventsiyalarining amalga oshirilishi holati, ushbu yoʼnalishlarda davlatimiz tomonidan kelgusida tegishli xalqaro hujjatlarga qoʼshilish masalalarini muhokama qildik.

Shuningdek, yaratilayotgan ish oʼrinlarining mehnat standartlariga mos boʼlishi, ayniqsa xotin-qizlar va yoshlar bandligiga koʼmaklashish, nogironligi boʼlgan hamyurtlarimizning ijtimoiy himoyasini ta’minlash yoʼnalishlarida hamkorlikda amalga oshiradigan ishlarda ustuvorliklarni belgilab oldik.

#Senat #XMT #hamkorlik

@tanzilanarbaeva