🇺🇿🇺🇿🇺🇿 Cheksiz axborotlar almashinuvi va ijtimoiy munosabatlar murakkablashib borayotgan hozirgi shiddatli davrda inson ruhiyatiga ta’sirlar, bosimlar tobora kuchayib bormoqda.

Muammolarimiz esa faqat moddiy jihatlar bilan bog‘liq bo‘lavermaydi va qiyinchiliklarga duch kelgan har qanday inson avvalo ruhiy daldaga muhtoj bo‘ladi.

Shu bois aholiga psixologik yordam ko‘rsatish tizimi shaklan va mazmunan takomillashtirilib, ijtimoiy siyosatimizning muhim yo‘nalishi sifatida alohida Qonun bilan tartibga solinmoqda.

Qonunda kam ta’minlanganlar, yolg‘iz keksalar, nogironligi bo‘lganlar, bolalar, tazyiq va zo‘ravonlikdan, odam savdosidan jabrlanganlarga davlat tomonidan bepul psixologik yordam ko‘rsatilishi belgilangan.

Qonun amalda ishlashi va kutilgan samarani berishi uchun uning targ‘ibotini kuchaytirish hamda mutasaddilardan ushbu masalaga alohida e’tibor qaratish talab etiladi.

#senat #yalpimajlis57

@tanzilanarbaeva

🇺🇿🇺🇿🇺🇿 Navbatdagi yalpi majlisda senatorlar bilan mahalliy davlat hokimiyati tizimini takomillashtirishga qaratilgan Qonunni muhokama qildik.

Qonunga asosan hokimlar bir vaqtning o‘zida tegishli hududdagi xalq deputatlari Kengashiga rahbarlik qilish amaliyoti bekor qilinmoqda.

Mahalliy Kengash raisi vakolatlari kengaytirilib, “Kengash so‘rovi”, “Kengash tekshiruvi” institutlari joriy etiladi hamda hududni rivojlantirishda hokim va mahalliy Kengashning mas’uliyati kuchayadi.

Mazkur Qonun konstitutsiyaviy islohotlarimizning muhim tarkibiy qismi sifatida mahalliy Kengashlarni isloh qilish yo‘lida dadil qadam bo‘ladi.

#yalpimajlis57 #senat

@tanzilanarbaeva

🇺🇿🇺🇿🇺🇿 Senatorlar bilan oilaviy (maishiy) zo‘ravonlikdan himoya qilish choralarini kuchaytirishga doir Qonunni ma’qulladik.

Qonun bilan bolalarga nisbatan oilaviy (maishiy) zo‘ravonlik qilganlik uchun javobgarlik kuchaytirilmoqda.

Yana bir muhim jihat, zo‘ravonlik bilan bog‘liq jinoyat ishlari yuzasidan yarashuv to‘g‘risidagi arizani surishtiruv va dastlabki tergov bosqichlarida emas, sud muhokamasi paytida berish tartibi joriy qilinmoqda.

Bu esa, mazkur yo‘nalishda turli noo‘rin, bir yoqlama va yuzaki yondashuvlarga barham berishga hamda oilaviy (maishiy) zo‘ravonlik holatlari kamayishiga xizmat qiladi.

#senat #yalpimajlis57

@tanzilanarbaeva

🇺🇿🇺🇿🇺🇿 Ellik yettinchi yalpi majlisda davlat xaridlari tizimini takomillashtirishga doir Qonunni muhokama qildik.

Qonun bilan kichik qiymatdagi va ikki bosqichli davlat xaridlari tushunchalari hamda davlat xaridlarini amalga oshirishning yangi turlari joriy qilinmoqda.

Bir shartnoma bo‘yicha bazaviy hisoblash miqdorining ellik baravari (byudjet buyurtmachilari yigirma besh baravar) miqdoridan oshmagan xaridlar komissiyasining ishtirokisiz o‘tkazilishi mumkin.

Shu bilan birga, davlat xaridlari sohasida shikoyatlarni ko‘rib chiqish bo‘yicha komissiya faoliyatida manfaatlar to‘qnashuviga yo‘l qo‘ymaslik asoslari Qonunda aniq ko‘rsatilmoqda.

Qonunning qabul qilinishi ochiqlik va shaffoflikni ta’minlashga, raqobat muhitini yanada kuchaytirishiga, tadbirkorlarni keng jalb qilishga xizmat qiladi.

#yalpimajlis57 #senat

@tanzilanarbaeva

🇺🇿🇺🇿🇺🇿 Mamlakatimizda sog‘liqni saqlash, sifatli tibbiy xizmat ko‘rsatish sohasi tubdan isloh qilinib, ming yillik tarixga ega xalq tabobati faoliyatiga ham alohida e’tibor qaratilmoqda.

Biroq, hech birimizga sir emaski tabiblik yo‘li bilan turli kasalliklarni davolaymiz deya, bemor odamlarimizni umidvor qilib, aldab yurgan "soxta" tabiblar ham oramizda yo‘q emas.

Xalqimizni ana shunday firibgarlarning qurboniga aylanmasliklarini oldini olish hamda xalq tabobati faoliyatini tartibga solishga qaratilgan muhim Qonunni ko‘rib chiqdik.

Qonunga ko‘ra tegishli huquqqa ega bo‘lmagan shaxs tomonidan tibbiy tashxis qo‘yish, ruxsat etilmagan tibbiy xizmatni ko‘rsatish va ommaviy targ‘ib etganlik uchun javobgarlik belgilanmoqda.

#yalpimajlis57 #senat

@tanzilanarbaeva

🇺🇿🇺🇿🇺🇿 Xalq siyosiy maslahat kengashi Butunxitoy qo‘mitasi Raisi Van Xunin janoblari bilan uchrashuv o‘tkazdik.

Uchrashuvda davlatlarimiz rahbarlarining sa’y-harakatlari bilan O‘zbekiston va Xitoy o‘rtasida ko‘ptomonlama strategik aloqalar yangi bosqichga yuksalganligi e’tirof etildi.

Muloqotimiz davomida fan-ta’lim va innovatsiya, turizm sohalari hamda qishloq xo‘jaligi va ekologiya masalalari yuzasidan o‘zaro hamkorlik rejalarini muhokama qildik.

Shu bilan birga, savdo-iqtisodiy, texnologiya va transport hamda energetika va sanoat kooperatsiyalari yo‘nalishidagi yirik loyihalarni birgalikda amalga oshirish xususida fikr almashdik.

Parlamentlararo aloqalarni uzviy davom ettirish, do‘stlik guruhlari faoliyatini jadallashtirish hamda mahalliy vakillik organlari o‘rtasidagi hamkorlikka qaratilgan dasturlarni qabul qilishga kelishib oldik.

#senat #hamkorlik

@tanzilanarbaeva

🇺🇿🇺🇿🇺🇿 Xitoyga rasmiy tashrifimiz doirasida Butunxitoy ayollar federatsiyasi raisi Shen Yitsin xonim bilan uchrashdik.

Yurtimizda xotin-qizlar manfaatlariga davlat siyosati darajasida eʼtibor qaratilayotgani yuqori baholanib, ayollar huquqi va gender tengligini taʼminlash yo‘nalishida tajriba almashish  masalalarini muhokama qildik.

Muloqotimiz davomida xotin-qizlarning jamiyatda, ayniqsa, iqtisodiyot, tadbirkorlik sohalarida faolligini kuchaytirish maqsadida hamkorlik dasturlarini joriy etishga eʼtibor qaratdik.

Shuningdek, Xitoy bilan sog‘lom ona va bola dasturlarini davom ettirish hamda faol ayollarning bilim va ko‘nikmalarini rivojlantirish bo‘yicha o‘quvlarni tashkil etish yuzasidan fikr almashdik.

#senat #hamkorlik

@tanzilanarbaeva

🇺🇿🇺🇿🇺🇿 Xitoy Xalq Respublikasi Butunxitoy xalq vakillari kengashi Doimiy qo‘mitasi raisi Chjao Leszi
boshchiligidagi parlament delegatsiyasi bilan uchrashuv o‘tkazdik.

Unda O‘zbekiston va Xitoy o‘rtasidagi ko‘p tomonlama hamkorlik hamda parlament va hukumatlarimiz bilan strategik muloqotlar tizimi yo‘lga qo‘yilganligi ta’kidlandi.

Kelgusida ham iqtisodiyot, investisiya, ta’lim va madaniyat, turizm yo‘nalishlarida hamkorlikni rivojlantirish masalalarini muhokama qildik.

Shu bilan birga, hududlararo aloqalarning kengayib borayotganligiga ham e’tibor qaratib, mahalliy vakillik organlari o‘rtasidagi munosabatlarni kuchaytirish yuzasidan fikr almashdik.

Parlamentlararo munosabatlar davlatlarimiz hamkorligining muhim tarkibiy qismi sifatida ular o‘rtasidagi muloqotlarni yanada faollashtirishga kelishib oldik.

#senat #hamkorlik

@tanzilanarbaeva

🇺🇿🇺🇿🇺🇿 Yangi g‘oyalar, innovatsiya va ijodiy mahsulotlar kapitalning asosiy qiymati hisoblanmish “Kreativ iqtisodiyot” – butun dunyo iqtisodiy rivojidagi yangi davrni boshlab berdi.

Mamlakatimizning iqtisodiy, ijtimoiy taraqqiyotida ham “Kreativ iqtisodiyot”ning o‘rni tobora kengayib bormoqda.

Shu bois, senatorlar bilan kreativ iqtisodiyotni qo‘llab-quvvatlash, rivojlantirish va ushbu sohadagi munosabatlarni tartibga solishga qaratilgan Qonunni muhokama qildik.

Qonun bilan kreativ iqtisodiyotning yo‘nalishlari, davlat siyosatining amalga oshirilish mexanizmi, vazirlik va idoralar, mahalliy davlat hokimiyati organlarining sohaga oid vakolatlari belgilab berilmoqda.

#senat
#yalpimajlis58

@tanzilanarbaeva

🇺🇿🇺🇿🇺🇿 Tojikiston Respublikasi taklifiga binoan “Tojikiston Respublikasi Konstitutsiyasiga 30 yil” mavzusidagi xalqaro parlament konferensiyasida ishtirok etdik.

Mazkur xalqaro anjuman parlamentlararo hamkorlik va muloqotni yanada mustahkamlashga qaratilgan bo‘lib, unda konstitutsiyaviy-huquqiy islohotlarni amalga oshirish yuzasidan fikr almashdik.

Shu bilan birga, milliy va jahon konstitutsiyaviy taraqqiyotida global jarayonlarning mohiyatini aniqlash hamda jamiyatda konstitutsiyaviy qadriyatlarni ilgari surish bo‘yicha tajribalarimiz bilan o‘rtoqlashdik.

Konferensiya doirasida bo‘lib o‘tgan muzokaralarda O‘zbekiston va Tojikiston o‘rtasidagi do‘stona aloqalar kengayib borayotgani, shu jumladan parlamentlararo hamkorlik yanada rivojlanayotgani ta’kidlab o‘tildi.

#senat #hamkorlik

@tanzilanarbaeva

🇺🇿🇺🇿🇺🇿 Dushanbe shahriga tashrifimiz doirasida Ozarbayjon Respublikasi Milliy Mejlisi Raisi Sahiba Gafarova bilan uchrashdik.

Suhbat avvalida Ozarbayjonda bo‘lib o‘tgan parlament saylovi yuqori darajada tashkil qilingani va hamkasbimning saylovdagi muvaffaqiyati bilan qutladim.

Muloqotimiz davomida davlatlarimiz o‘rtasidagi savdo-iqtisodiy, madaniy-gumanitar va ilmiy-texnikaviy sohalardagi ikki tomonlama hamkorlikning holati hamda istiqbollari yuzasidan fikr almashdik.

Shu bilan birga, oliy darajadagi kelishuvlarning bajarilishida parlament nazoratidan foydalanish hamda parlamentlararo aloqalarni rivojlantirish bo‘yicha 2024-2025-yillarga mo‘ljallangan “yo‘l xaritasi” ijrosiga doir amalga oshirilayotgan ishlarni muhokama qildik.

#senat
#hamkorlik

@tanzilanarbaeva

🇺🇿🇺🇿🇺🇿 Jeneva shahriga tashrifimiz doirasida Parlamentlararo ittifoq raisi Tulia Ekson xonim bilan uchrashdik.

Uchrashuvda parlamentlararo ittifoq bilan hamkorlikda olib borayotgan ishlarimiz samaradorligi va istiqbolli rejalar haqida suhbatlashdik.

So‘nggi yillarda mamlakatimizdagi iqtisodiy rivojlanish, ijtimoiy himoya tizimining takomillashgani hamda gender tengligi va yoshlarni qo'llab-quvvatlashga qaratilgan islohotlar suhbatdoshim tomonidan alohida e‘tirof etildi.

Shu bilan birga barqaror rivojlanish maqsadlari yo‘nalishidagi faoliyatimiz va bu borada parlament tomonidan amalga oshirilayotgan ishlar ham qayd etib o‘tildi.

Muloqotimiz davomida 2025-yilda Markaziy Osiyo tarixida ilk marotoba O‘zbekistonda bo‘lib o‘tadigan Parlamentlararo ittifoqning 150- assambleyasi dasturi, tadbirga doir rejalar va yangi loyihalarni ham muhokama qildik.

#senat #IPU
#hamkorlik

@tanzilanarbaeva

🇺🇿🇺🇿🇺🇿 Parlamentlararo Ittifoq Bosh kotibi janob Martin Chungong bilan samarali muloqot o‘tkazdik.

Chungong janoblari Parlamentlararo Ittifoq va O‘zbekiston parlamenti o‘rtasidagi hamkorlik hamda O‘zbekistonning Parlamentlararo Ittifoq faoliyatiga qo‘shgan katta hissasi uchun o‘z minnatdorchiligini bildirdi.

Muzokaralar davomida 2025-yilda O‘zbekistonda bo‘lib o‘tadigan Parlamentlararo Ittifoqning 150- assambleyasiga tayyorgarlik ko‘rish masallarini ham muhokama qildik.

150-assambleya tarixiy ahamiyatga ega bo‘lishi hamda O‘zbekiston parlamenti tajribasini boshqa davlatlarga namunaviy jihatlarini namoyon etish haqida fikr almashdik.

Shu bilan birga Barqaror rivojlanish maqsadlarida belgilangan gender tengligi, ijtimoiy himoya, inson huquqlarini ta’minlash borasida parlament faoliyatini yanada kuchaytirish masalalari ham e’tiborimiz markazida bo‘ldi.

#senat
#hamkorlik

@tanzilanarbaeva

🇺🇿🇺🇿🇺🇿 Parlamentlararo ittifoqning 149-assambleyasi doirasida tashkil etilgan "Tinch va barqaror kelajak uchun fan, texnologiya va innovatsiyalardan foydalanish" mavzusidagi debatida ishtirok etdik.

Unda O‘zbekiston tomonidan so‘nggi yillarda ilm-fanni rivojlantirishga qaratilgan amaliy ishlar, bu borada qisqa vaqt ichida ko‘plab huquqiy hujjatlar qabul qilinganligi qayd etildi.

“O‘zbekiston – 2030 strategiyasi” da zamonaviy texnologiyalarni jadal joriy etish va sanoatning turli tarmoqlarini raqamlashtirish asosiy ustuvor yo‘nalishlar qatorida belgilab berilganligi ham ta’kidlandi.

Amalga oshirilayotgan islohotlar natijasida O‘zbekiston 2023 yilda Global Innovatsiyalar indeksi reytingida 2015 yilga nisbatan 40 pog‘onaga ko‘tarilgani alohida e’tirof etildi.

Kelgusida ham innovatsiya sohalarini rag‘batlantirish hamda parlamentlarning kadrlar salohiyatini oshirish va rivojlantirish yo‘nalishida tajriba almashish, fan va texnologiya sohasida global muloqotni kuchaytirish tashubbusini ilgari surdik.

#senat #IPU
#hamkorlik

@tanzilanarbaeva

🇺🇿🇺🇿🇺🇿 Parlamentlararo ittifoqning 149-assambleyasi doirasida Birlashgan Millatlar Tashkilotining savdo va taraqqiyot konferensiyasi Bosh kotibi Rebekka Grinspan bilan uchrashdik.

Suhbat avvalida Markaziy Osiyoda ilk bora O‘zbekiston mezbonlik qilgan Kreativ iqtisodiyot bo‘yicha IV Butun jahon konferensiyasining yuqori saviyada tashkil etilganligi alohida e’tirof etildi.

Shuningdek, mamlakatimizda kreativ iqtisodiyotni rivojlantirishga qaratilgan keng ko‘lamli ishlar, sohani rivojlantirish bo‘yicha qonunning qabul qilinishi ham ta’kidlab o‘tildi.

Birlashgan Millatlar Tashkilotining savdo va taraqqiyot konferensiyasi hamkorligida mamlakatlar o‘rtasida innovatsiyalar, texnologiyalar, kadrlar salohiyatini yuksaltirish bo‘yicha tajriba almashish masallarini muhokama qildik.

Shuningdek, xalqaro hamkorlikni mustahkamlash maqsadida ijodiy texnoparklarning global tarmog‘ini yaratishga oid takliflar yuzasidan fikr almashdik.

#senat #IPU
#hamkorlik

@tanzilanarbaeva

🇺🇿🇺🇿🇺🇿Jeneva shahrida Parlamentlararo Ittifoqning 149-Assambleyasi delegatsiyalari, xalqaro tashkilotlar, parlament a’zolari va diplomatik korpus vakillari ishtirokida O‘zbekiston kunini nishonladik.

Tadbirda maftunkor yurtimiz va unda amalga oshirilayotgan islohotlar tasvirlangan videorolikni namoyishi mehmonlarda iliq taassurot qoldirdi.

Shuningdek, tadbir davomida kelgusi yilning aprel oyida rejalashtirilgan Parlamentlararo Ittifoqning 150-yubiley Assambleyasi munosabati bilan O‘zbekiston Respublikasi taqdimoti bo‘lib o‘tdi.

O‘zbekistonning turistik salohiyatini aks ettiruvchi ko‘rgazma ham xorijlik hamkorlarimizda vatanimiz haqida boy tasavvur uyg‘ota oldi deb o‘ylaymiz.

#senat

@tanzilanarbaeva

🇺🇿🇺🇿🇺🇿 Jenevadagi rasmiy tashrifimiz asnosida Xalqaro mehnat tashkiloti (XMT) Bosh direktori Jilber Ungo janoblari bilan uchrashuvimiz bo‘lib o‘tdi.

Muloqotimiz davomida munosib mehnat tamoyillarining tizimli tatbiq etilishi hamda 2026-2030 yillarga mo‘ljallangan yangi munosib mehnat bo‘yicha mamlakat dasturini ishlab chiqish bo'yicha rejalarimizni muhokama qildik.

Mamlakatimizda aholi o‘rtasida kambag‘allikni qisqartirish hamda farovonlik sari yuksaltirishga qaratilgan dasturning joriy etilganligi va unda xalqaro mehnat tashkiloti tomonidan tavsiya etilgan standartlar inobatga olinganligi ta’kidlab o‘tildi.

Shuningdek, munosib mehnat tizimini takomillashtirishda qonunchilikka oid islohotlarning ahamiyati inobatga olinib, parlamentning ta’sirchan kuchi va vakolatlaridan samarali foydalanish yuzasidan fikr almashdik.

#senat #MOT
#hamkorlik

@tanzilanarbaeva