🇺🇿🇺🇿🇺🇿

Oliy Majlis Senati a’zolari hududlarni ijtimoiy-iqtisodiy rivojlantirish, aholi turmush farovonligini oshirish, xotin-qizlar bandligini taʼminlash borasida amalga oshirilayotgan ishlar “mahalla yettiligi” hamda mahalliy Kengashlar faoliyati bilan yaqindan tanishish maqsadida Surxondaryo viloyatiga tashrif buyurdi.

#senat

@tanzilanarbaeva

🇺🇿🇺🇿🇺🇿

Oʼzbekiston Xalqaro mehnat tashkilotining (XMT) Maʼmuriy Kengashi aʼzoligiga saylandi

Jenevada XMT Maʼmuriy Kengashi aʼzoligiga saylov boʼlib oʼtdi. Unda Oʼzbekiston Yevropa hududidan eng koʼp ovoz toʼplab, tarixda ilk marotaba Kengash aʼzoligiga saylandi.

Bu albatta, mamlakatimizda fuqarolarning huquqlari, erkinliklari va qonuniy manfaatlarini taʼminlash, mehnat munosabatlarini xalqaro standartlar asosida takomillashtirish borasida amalga oshirilayotgan ishlar natijasidir.

Oʼzbekistonning ushbu Kengash aʼzoligiga saylanishi mehnat munosabatlari tizimini takomillashtirish yuzasidan oʼz taklif va gʼoyalarini xalqaro miqyosga olib chiqishi mumkin boʼladi.

Endilikda mamlakatimiz ilgʼor xorijiy tajribalarni shakllantirishda faol ishtirok etish yuzasidan zarur imkoniyatlarga ega boʼladi.

Oʼz oʼrnida XMTning milliy hamkorlari – aholi bandligini taʼminlashga koʼmaklashadigan tizim masʼullari, kasaba uyushmalari xodimlari hamda ish beruvchilardan munosib mehnat tamoyillarini ilgari surish borasidagi ishlarda yanada faollashish talab qilinadi.

#senat

@tanzilanarbaeva

🇺🇿🇺🇿🇺🇿

Xalqaro mehnat konferentsiyasining 112-sessiyasi doirasida Xalqaro mehnat tashkiloti (XMT) mehnatkashlar faoliyati boʼyicha byurosi direktori Mariya-Xelena Аndre bilan uchrashuv oʼtkazdik.

Muloqotimiz davomida xodimlarning mehnat huquqlarini himoya qilish, ish joylarida ijtimoiy va mehnat meʼyorlariga rioya etishda kasaba uyushmalarining rolini oshirish masalalarini muhokama qildik.

XMT bilan hamkorlikda oʼquv dasturlarini yoʼlga qoʼyish orqali kasaba uyushmalari mutaxassislarining salohiyatini yanada kuchaytirish yuzasidan fikr amlashdik.

#senat

@tanzilanarbaeva

🇺🇿🇺🇿🇺🇿
Xalqaro mehnat tashkiloti (XMT) Bosh direktori Jilber Ungbo janoblari bilan uchrashuv oʼtkazdik.

Ungbo Janoblari tomonidan Oʼzbekistonda mehnat munosabatlarini xalqaro standartlar asosida takomillashtirish, ijtimoiy adolatni taʼminlash sohasida amalga oshirilayotgan islohotlar yuqori baholandi.

Oʼzbekiston ilk bora XMT maʼmuriy kengashi aʼzoligiga saylanganligi bilan qutlab, mamlakatimizning ushbu yoʼnalishdagi tajribasi boshqa davlatlarga oʼrnak boʼlishi lozimligi taʼkidlandi.

Shuningdek, XMT hamda Oʼzbekiston oʼrtasidagi aloqalarning istiqbollari hamda Ijtimoiy adolat boʼyicha Global koalitsiyasi doirasidagi hamkorlik masalalari muhokama qilinib, kelgusidagi vazifalarni belgilab oldik.

#senat

@tanzilanarbaeva

🇺🇿🇺🇿🇺🇿
Jeneva shahrida XMTning Xalqaro mehnat standartlari departamenti direktori Korin Varga xonim bilan uchrashdik.

Suhbatimiz davomida mehnat va ijtimoiy munosabatlar sohasidagi Oʼzbekiston tomonidan ratifikatsiya qilingan xalqaro Konventsiyalarning bajarilishi, ushbu yoʼnalishda boshqa Konventsiyalarga qoʼshilishi masalalarini muhokama qildik.

Mamlakatimizda xususiy sektor rivojlanib borayotganini hisobga olib, korxonalarda ish beruvchilar va xodimlar munosabatlarining huquqiy asoslarini yanada kuchaytirishda hamkorlikni yoʼlga qoʼyishga kelishib oldik.

#senat

@tanzilanarbaeva