🇺🇿🇺🇿🇺🇿
O‘zbekiston va Rossiya o‘rtasidagi munosabatlarda parlament diplomatiyasi muhim o‘rin tutadi.

Sankt-Peterburg shahrida Rossiya Federatsiyasi Federal Majlisi Federatsiya Kengashi Raisi Valentina Matviyenko bilan o‘tkazgan muzokaramiz chog‘ida aynan parlamentlarimiz o‘rtasidagi aloqalarni yangi mazmun bilan boyitish masalalarini muhokama qildik.

Hamkorlikning muhim yo‘nalishlarini qamrab olgan munosabatlarimizning kun tartibida juda ko‘plab muhim masalalar mavjud.

Shu bois, erishilgan kelishuvlarni amalga oshirish, ikki mamlakat hududlari o‘rtasida samarali muloqotni yo‘lga qo‘yish bo‘yicha zarur choralarni ko‘ramiz.

#hamkorlik

@tanzilanarbaeva

🇺🇿🇺🇿🇺🇿BMT Bosh kotibining maxsus vakili, Markaziy Osiyoda Preventiv diplomatiya bo‘yicha mintaqaviy markazi rahbari Kaxa Imnadze bilan uchrashuv o‘tkazdik.

Unda O‘zbekistonning BMT va uning ixtisosolashgan idoralari bilan hamkorligi yangi darajaga yuksalganligi hamda istiqboldagi rejalar haqida suhbatlashdik.

Muloqotimiz chog‘ida mintaqa davlatlari o‘rtasida yaqin qo‘shnichilik aloqalari, iqtisodiy o‘sish, tinchlik va barqarorlikni ta’minlash borasida amalga oshirilayotgan ishlarni izchil davom ettirish yuzasidan fikr almashdik.

Shuningdek, gender tengligini ta’minlash hamda yoshlarni qo‘llab-quvvatlash masalalariga ham alohida e’tibor qaratildi.

Bu borada hamkorlikda amalga oshiradigan ishlarimizning aniq yo‘nalishlarini kelishib oldik.

#hamkorlik

@tanzilanarbaeva

🇺🇿🇺🇿🇺🇿 Qirg‘iz Respublikasining O‘zbekistondagi favqulodda va muxtor elchisi Musa Djamanbayevni qabul qildik.

Uchrashuvda davlatlarimiz rahbarlarining qat’iy siyosiy irodasi va do‘stona munosabatlari tufayli aloqalarimiz kengayib, xalqlarimiz farovonligi uchun manfaatli bo‘layotganligi ta’kidlandi.

Kelgusida ham savdo-iqtisodiy, tadbirkorlik, turizm, madaniy- gumanitar sohalardagi hamkorlikni rivojlantirish, yoshlarimiz o‘rtasida ham doimiy muloqot maydonlarini tashkil etish haqida fikr almashdik.

Shuningdek, hududlararo hamkorlik dasturlarining ijobiy natijalari e’tirof etilib, mazkur aloqalarni yanada faollashtirish masalalarini muhokama qildik.

#hamkorlik

@tanzilanarbaeva

🇺🇿🇺🇿🇺🇿 Koreya Respublikasining xalqaro hamkorlik agentligi  Prezidenti Chang Von Sam boshchiligidagi delegatsiyani qabul qildik.

Suhbat avvalida Janubiy Koreya bilan uzoq yillik hamkorlik davlatlarimiz rahbarlarining siyosiy irodasi tufayli strategik sheriklik darajasiga ko‘tarilganligi e’tirof etildi.

Mamlakatlarimiz o‘rtasidagi munosabatlarning rivojlanishi va mustahkamlanishida Koreya Respublikasining xalqaro hamkorlik agentligining o‘rni alohida ta’kidlandi.

Kelgusida ham ta’lim, sog‘liqni saqlash, suv resurslarini boshqarish hamda investisiyalarni jalb etishga qaratilgan dasturlarni davom ettirish yuzasidan fikr almashdik.

Shuningdek, parlament faoliyatida axborotlashtirish tizimini yanada rivojlantirish maqsadida agentlik bilan hamkorlik bayonnomasi loyihasini imzoladik.

#hamkorlik

@tanzilanarbaeva

🇺🇿🇺🇿🇺🇿 BMT Taraqqiyot dasturi O‘zbekistondagi vakolatxonasining doimiy vakili Akiko Fujii xonim bilan uchrashdik.

Suhbatimiz avvalida O‘zbekistonning Barqaror rivojlanish maqsadlariga erishish bo‘yicha chora-tadbirlarni amalga oshirishdagi faol ishtiroki hamda kelgusidagi taklif va tashabbuslar haqida to‘xtalib o‘tildi.

Mamlakatimiz xalqaro indekslardagi reytingi yuqorilab borayotganligi e’tirof etilib, mazkur yo‘nalishda ham o‘zaro hamkorlik bo‘yicha fikr almashdik.

Shuningdek, mahalliy Kengashlar va xalq deputatlari faoliyatini kuchaytirishga qaratilgan o‘quv dasturlari hamda uslubiy qo‘llanmalarni hamkorlikda ishlab chiqish masalalarini ham muhokama qildik.

#hamkorlik

@tanzilanarbaeva

🇺🇿🇺🇿🇺🇿 Markaziy Osiyo davlatlarining ikkinchi parlamentlararo forumi qizg‘in muhokamalar va amaliy takliflarga boy tarzda o‘tdi.

Forumda parlamentlarning mintaqada tinchlik, xavfsizlik va barqaror rivojlanishni ilgari surishda hal qiluvchi ahamiyati qayd etildi.

Mazkur forum o‘z mohiyatiga ko‘ra, mintaqa davlatlarining har tomonlama hamkorligini kengaytirishga bo‘lgan intilishini o‘zida namoyon etdi.

Forum natijalariga ko‘ra, Markaziy Osiyo davlatlarining parlamentlararo tashabbuslari doirasidagi hamkorlik va keyingi harakatlar uchun asos bo‘ladigan Xiva deklaratsiyasi qabul qilinadi.

#hamkorlik

@tanzilanarbaeva