Ҳукумат пандемия сабаб ишсиз қолган фуқароларни иш билан таъминлаш масаласига алоҳида эътибор қаратиши муҳим

Ялпи мажлис кун тартибидаги навбатдаги масала 2017–2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини “Илм, маърифат ва рақамли иқтисодиётни ривожлантириш йили”да амалга оширишга оид давлат дастурининг 2020 йил биринчи чорагидаги ижроси юзасидан Вазирлар Маҳкамасининг ҳисоботи кўриб чиқилди.

Ҳукумат жорий йилда янги иш ўринларини ташкил этиш ва аҳоли бандлигини таъминлаш параметрлари лойиҳасида пандемия сабабли чет элдан республикага қайтган ва ишсиз қолган бошқа тоифадаги фуқароларни иш билан таъминлаш масаласига алоҳида эътибор қаратиши муҳим.

Дастурга мувофиқ йил давомида бажарилиши белгиланган 62 та вазифанинг ижроси бўйича маълумот киритиб борилиши керак.

Давлат дастуридаги ҳар бир топшириқ ғоят муҳим. Уларнинг жойлардаги ижросини сенаторларимиз ҳам назорат қилиши, маҳаллий Кенгашларда муҳокама қилиши ва керак бўлса, Сенат муҳокамасига киритиб бориш лозим. Бунда Парламент сўрови ва сенатор сўрови институтларидан ҳам самарали фойдаланиш зарур.

Шуни ҳам алоҳида таъкидлаш жоизки, Давлат дастуридаги топшириқларни сурункали равишда ўз вақтида бажармайдиган вазирлик ва идоралар раҳбарларининг лавозимга лойиқ ёки лойиқ эмаслиги масаласини Ҳукумат олдига қўйишимизга тўғри келади.

#4_yalpi_majlis #hukumat #parlament_sorovi

Senat.uz | Facebook | Instagram | Twitter

Бош прокурор ҳисобот берди

Бош прокурор ҳисоботида қишлоқ хўжалиги соҳасида фермерларнинг рўйхатдан ўтиши, ҳисоб рақам очиши, кредит, ер, ўғит, ёқилғи ва ҳатто иш ҳақи билан боғлиқ муаммолари ҳал қилингани қайд этилган.

Аслида, нима учун бу масалалар, албатта, прокуратура аралашуви билан ҳал қилиниши керак? Демак, тизимда муаммолар бор. Тегишли мутасаддилар ўз вазифаларини тўлақонли бажармаётганлигидан далолатдир. Айниқса, озиқ-овқат хавфсизлигини таъминлаш устувор бўлган ҳозирги шароитда бу масалага жиддий эътибор қаратиш лозим.

Бундан ташқари, бошқа соҳалардаги камчиликлар ҳам айтиб ўтилди. Айниқса, қурилиш соҳасида дозарб муаммоли масалалари тўпланиб қолганлигини кўрсатди. Ўйлаймизки, қурилиш соҳасида шаффофликни таъминлаш учун, аввало, соҳага оид ҳужжатларни тубдан қайта кўриб чиқиш керак.

Айнан ушбу соҳага доир анча олдин қабул қилинган меъёрлар коррупция ва суиистъмоллик ҳолатларини келтириб чиқармоқда.

#4_yalpi_majlis #prokuror_hisoboti

Senat.uz | Facebook | Instagram | Twitter

Ҳокимлар томонидан қонун ҳужжатлари талабларига риоя қилмасдан қарорлар қабул қилиш ҳолати юзасидан Вазирлар Маҳкамасига парламент сўрови юборилди.

Сенатнинг Суд-ҳуқуқ масалалари ва коррупцияга қарши курашиш қўмитаси томонидан ҳокимларнинг қонун ҳужжатлари талабларига мувофиқ қарорлар қабул қилиниши ҳолати ўрганилди. Таҳлилларга кўра, биргина 2019 йилнинг ўзида ҳокимларнинг 3400 дан ортиқ қарорлари ҳақиқий эмас, деб топилган.

Бу борада фуқаролар норози бўлиб мурожаат қилиш сони ва ҳокимларнинг қонун ҳужжатлари талабларига риоя қилмасдан қарорлар қабул қилиши ҳолатлари кўпайиб борган.

Давлатимиз раҳбари Мурожаатномада ҳокимликларга оид 300 га яқин вазифаларнинг 175 таси, уларнинг ваколатига кирмаслиги ва турли идораларнинг функцияларини такрорлаши таъкидланган эди.

Шу боис Суд-ҳуқуқ ва коррупцияга қарши курашиш қўмитаси Адлия вазирлиги билан биргаликда ҳокимларнинг ваколатлари ва уларга хос бўлмаган функцияларни қайта кўриб чиқиш ишларини тезлаштириши лозим.

Бунда ҳокимларнинг ваколат доираси ва қарорлар қабул қилиш тартибини қонунчиликда аниқ-равшан қилиб акс эттириш зарур.

Шу ўринда маҳаллий Кенгашларларга мурожаат қилиб айтмоқчиман, жойларда маҳаллий ижро ҳокимиятининг қонунчиликка зид бўлган қарорлар бўйича сизларга берилган ваколатлар доирасида дарҳол зарур чоралар кўриш лозим.

#4_Yalpi_majlis #mahalliy_kengash #parlament_sorovi

Senat.uz | Facebook | Instagram | Twitter