Азизлар,
Аллоҳнинг амрига кўра бизнинг хаётимизга муқаддас Рамазон ойи кириб келди.

Бу ой барча мусулмонлар учун маънавий покланиш ва асрлар давомида шаклланган қадриятларимизга интилиш ойидир. Шу билан бирга Рамазон ойида инсонлар бир бирига меҳр-оқибат кўрсатишга, савобли ишларни қилишга ошиқадилар.

Бугунги синовли кунларда давлатимиз рахбарининг ташаббуси билан «Саховат ва кўмак» ҳаракати доирасида кўплаб эхтиёжманд оилаларга моддий ва маънавий ёрдам кўрсатилмоқда. Улуғ айём кунларида саховатпеша хамюртларимизни ушбу умумхалқ харакати янада бирлаштиришига ишончим комил.

Ушбу муборак Рамазон ойини муносиб ўтказишимиз учун Яратгандан барчамизга куч ва сабр-қаноат тилаб қоламан!

#ramazon
#bizbirgamiz

Kanalga ulanish

Senat.uz | Facebook | Instagram | Twitter

Азизлар,
Муқаддас Рамазон ойи ҳам ниҳоясига етди.
⠀
Рамазон ойи энг нафис ва эзгуликка чорловчи ойдир.
Ҳар йили бутун дунё мусулмонлари қатори биз ҳам бу азиз байрамни кўтаринки кайфият ва хурсандчилик ила кутиб оламиз.
⠀
Бу ойда юртдошларимизнинг меҳр-муруввати ҳар қачонгидан кўра кучли намоён бўлди, оғир кунларда бир-бирини қўллаб-қувватлади.
⠀
Рамазон ойи давомида жуда кўп дуолар қилинди, адо этилган ибодатлар, эзгу амалларимизни Аллоҳ даргоҳида қабул қилсин!
⠀
Ҳозирги мураккаб даврда сиз-у бизнинг саломатлигимиз гарови сифатида бу байрамни оила даврасида чиройли қилиб ўтказамиз.
⠀
Ушбу улуғ айём кунлари сизларга мустаҳкам соғлиқ тилайман, оилангиз билан бахтли-саодатли бўлинг, барчамизнинг бахтимизга юртимизда тинчлик ва фаровонлик ҳукм сурсин!
⠀
Синовли кунлардан чиройли сабр билан ўтиб, соғ- саломат ҳотиржам ҳаётимизга қайтишимизни Аллоҳ насиб айласин.
⠀
Рамазон Ҳайит айёмингиз муборак бўлсин!
⠀
#ramazon_hayit
#bizbirgamiz
#senat

Senat.uz | Facebook | Instagram | Twitter

Рамазон Ҳайит айёмингиз муборак бўлсин!
⠀
#ramazon_hayit #Iyd_al_fitr
#bizbirgamiz
#senat

Senat.uz | Facebook | Instagram | Twitter