Құран жаттау оңай, қайталау қиын.
Себебі бір жаттаған Құранның бетін өмір бойы қайталап жүруді қажет етеді.

Қалай жаттағанды ұмытпауға болады?

Жаттаған параларды немесе беттерді 7-10 күнге бөліңіз, ол тым ауыр болса мейлі 20 күн, шамаңызға қарай. Солай күніне аз-аздан қайталап отырасыз. Ескеретін нәрсе жатқа қайталау қажет.

Бірінші жатқа, содан соң кітаптан (тексеру үшін) қайталасаңыз тіпті жақсы, себебі тек жатқа оқыған кезде қате кетуі мүмкін. Бірақ, тек кітаптан қайталаудың қатты пайдасы жоқ, себебі ол кезде қай жері әлсіз жатталғанын байқай алмайсыз.

Қай кезде қайталауға болады?

Намазда (қайталаудың төресі),
Ұстазға тапсыру,
Досыңызға оқып беру,
Автобуста отырып қайталау,
Кезек күтіп тұрғанда,
Жолда кетіп бара жатып (ойыңыз бөлінбейтін болса),
Ұйқыға жатарда, төсекте әрі аунап бері аунап ұйқы келмей жатқанда,
Не істерін білмей іш пысып отқанда
т.б. қайталауға болады.

#құранжаттау #құранқайталау #такрор