#Seenaa_Rasuulaa

kutaa_⓵⓵ffaa

134~Ganda #Ansaarotaa keessatti bakki ergamaan Aalamaa itti hin dubbatamne hin jiru.
Ergama Rasuulaa irraa waggaa 12ffaatti,Ansaarota keessaa namoota 12tu hajjiidhaaf gara makkaa gale.

135~Namoonni 12 kunniin hunduu Rasuula keenyaan walitti dhufanii,hundi isaaniituu Islaamummaa irratti waadaa(#Ahdii_seenanii) biraa deeman.

➾Ahdiin sunis #Beyatul_Aqabatil_uulaa jedhamti.

136~Waliigalteen kuni maalirratti seetan❓

➾Yeroo gaddaa fi gammachuu qabanis,yeroo baldhinnaa fi Rakkoo keessa jiranis ergamaa Rabbii(SAW) waan isaan jedhan hundaa tole jechuu fi ergaa isaanii fudhachuu irratti waliif galan.
➾Ammas gaafa isaan makkarraa gara Madiinaa galanis isaan wajjiin dhaabachuu irratti ture.

138_Kitaabonni gariin Bey'aan tuni #Bey'atunnisaa'i jedhamti warri jedhus ni jira garuu sirrii miti.

138~Keessummaan Ansaaraa wayta isaan gara Madiinaa galuu barbaadan Ergamaan Aalamaa(SAW) barsiisaa addaa isaaniif kenne.

➛Innis Daa'ii beekkamaa(#Mus'ab_binu_Umeyri) jedhama.

139~Harka Daa'ii beekamaa kanaatti matoolee(Sayyidoota) gosa Banii_Abdil_Ashhal jedhamtuu lamatu harka isaatti Islaamummaa qabate,isaanis;

#Sa'adi_binu_Mu'aazii fi #Useydi_binu_kudeyri jedhamu.

140~Mus'ab ganda #As'ad_binu_Zuraaraa keessa taa'ee Islaamummatti yaamaa ture,hanga ganda san guutuu amantii Islaamaa qabsiisutti.

➾Kanaafuu Namni yeroo jalqabaaf Da'awaa eegale mus'ab jechuudha.

141~Ergama Rasuulaa irraa gaafa #wagga_13ffaa Ansaarota irraa Dhiira 73 fi Dubartoonni lamaa Iddoo Hajjiin itti gaggeeffamutti ergama Rabbiitiif waadaa galuuf manaa bahan.

142~Namoonni 73 kunniin iccittiidhaan walakkaa Ayyaamat-tashriiq keessa karaa Aqabaa biratti walgahan.

143~Guyyaa beellama isaanii sanatti Nabiyyiin keenya Ansaarota 73 fi dubartoota lamaan iddoo iccitii isaanii sanatti waadaa galuuf walgahan.

➾Waadaan kunis(#Bey'aa_Aqabaa_Saaniyaa)jedhamti.
itti fufa...

Share godhaa👇👇👇
@tafak_or
@tafak_or