تعال أنت وياه يلي عم تندبوا ع التوقعات والجلسات وما بقى نلحق 😭...

أسئلة الانكليزي عن غير كل الأسئلة صعب التوقع سهل الدراسة يعني فيكن تقولوا السهل الممتنع 🤷‍♂
أنا شخصيا لما رحت قدمت امتحان الله وكيلكن ما كنت دارس حرف بقلب السنة رحت حضرت جلسة امتحانية بس راجعت القواعد وهيك وما بخفيكن رشتت الموضيع 😅 بس طبعا ما بشجع ع هاد الشي لانه خطر : المهم يا شباب درست 3 مواضيع وقلت يعني أكتر شي ممكن يصير ما يجي الموضوع ولا اقدر انقله بألف من عندي كم جملة وباخد كم علامة وخلص وبالفعل يا شباب رحت ع الامتحان وبمسك الورقة واذ الموضوع نفسه اجى قلت الحمدلله نفدت كتبته أول شي مشان ما انساه بس بآخر الصفحة يعني بمكانه رقمت الأسئلة وبلشت كتابة 😎 والله دراسة ليلة واحدة فقط جبت 293 نقصني 7 بفراغات الذاكرة وع فكرة انا انكليزيتي مو قوية بس بعرف I Love You 😂😂 لك اي خيي ضحاك انت وياها انشالله تقبروا البكالوريا ع هالضحكة 😍
المهم يا شباب خلص خليكن ريلاكس تعالوا معي لندرس سوا ونحرقها 😎
جيبوا جلسة أ. ساري تميم لأنها شاملة أفكار وحلوة 🤷‍♂ وبلشوا حلوا واتدربوا ولنفترض علقتوا عند سؤال راجعوا قاعدته وهيك منهون لل 9 المسا بتكونوا خلصتوا القواعد وبقي النصوص لك كرمال الله النصوص شو بدن 🙄...؟!
بس قاطعوا الأسئلة مع النص والله ببانوا بس بدا تركيز شوي 😍 ولا تخافوا بكرا #الأسئلة سهلة مو مشان خفف عنكن لا بس لأن الانكليزي بشكل عام سهلة 😎 أما التوقعات يا بتصيب يا بتخيب 🤷‍♂
يلا أنت وياها ادرسوا وقوموا احرقوها في وقت بحررر 😍...
#سوريانا_التعليمية 🔥

تعال أنت وياه وأنتي كمان أم شعرات منكوشين وعيون مخوخة من التعب 😂
- اي ابو الجود قلي شو 🙈
اي هيك ها بس شيلي ايدك لشوف وشك 😍
- اي قلي 🐵
لك لاااا رجعي ايدك يعدمني ياكي ع هالمنظر 😂

لك اي اضحك أنت وياه عيب عليكن شقفة #رياضيات بتزعلكن 😒 لك يا ولاد الحلال كلا هالكم يوم وبترتاحوا احمدوا ربكن هي أنا العمر بيخلص والبكالوريا نعي ما بتخلص 😂
الله وكيلكن رح اتخرج ومن 3 سنين لهلق وأنا عم عيد نفس الحكي ونفس الوراق وهييك 😅💔
أي أنت وياه وأنتي لك أم شعر منكوش اسمعوا 🙂
- ناموا أقل شي ساعتين 🙄
- حلوا كيف ما بدكن بكرى المهم ترقموا السؤال والجواب بشكل كامل وصحيح
- ما تخافوا وما تهكلوه للهم 😌 #الأسئلة بكرا سهلة للفرعين العلمي والأدبي بس ما بكذب عليكن تكيد بدا تركيز حسب السنوات السابقة انا عم احكي 🤷‍♂
- بتمسكوا الورقة والقلم بتقروا أول شي الفاتحة ع روح المادة وبتبلشوا حررررق 😎🔥
- أوعك انت وياها وانتي ام شعر منكوش 😅 تتركوا سؤال فاضي أنا بدي أسود ورايي ما بدي طلاب عادية 😍 لك أنتوا سندي هاد شعار صفحتي #طلاب_سوريا_سندي 😎😍
#والله_لنسكرا ويحطوا شو ما بدن أسئلة 😌👌
#موفقين يا أكابر وبحبكن كتير ❤️

#أخوكن و #سندكن #أبو_الجود 👨‍💻
#سوريانا_التعليمية 🔥

#الخطة_الدراسية للتكميلي 👌..
- بعد ما تخلصوا مراجعة من دراستكن سواء مكثفات أو نوط أو مصدر دراستكن.....الخ
⭕️ بتدرسوا مكثفة أو جلسة امتحانية لاستاذ واحد وبالقناة في عنا جلسات امتحانية ومكثفات بحررر اختار أي جلسة لاستاذ معين حملها وخلصها 😁
⭕️ بالنسبة لجماعة #الفيزياء انشالله يوم الأربعاء رح بلش معكن مشان #الأسئلة_الهامة_الشاملة مشان تلحقوا تدرسوهن برياحة 👉
⭕️ كل المواد تقريباَ رح نزل كلشي الها قبل ب أربع أيام على الأقل باذن الله 👌

🌟 شاركوا رابط القناة وهاد البوست لأن ساعة الصفر قررررربت وبدنا نوصل لكل الطلاب 😌❤️
T.me/Bac_sy 👈...😉
#أبو_الجود 👨‍💻
#سوريانا_التعليمية ✅

#الأسئلة_الهامة_الشاملة في مادة الفيزياء 2019 تكميلي 👌
#أبو_الجود ❤️
#سوريانا_التعليمية 🔥

#الأسئلة الفيزياء دورة ثانية 2019 😍
400 غطيناها الحمدلله 😎
#سوريانا_التعليمية

#الأسئلة الرياضيات دورة ثانية 2019 🌟
الورقة الثانية 👉
#سوريانا_التعليمية 🔥

#الأسئلة الرياضيات دورة ثانية 2019 🌟
الورقة الأولى 👉
#سوريانا_التعليمية 🔥

#الشاهين : جميع الطلاب قادرين على البدء من الآن وتحصيل العلامات العالية... والأسئلة ليست صعبة

في زيارة لعدة مدارس ومعاهد تعليمية في العاصمة #دمشق اطلع مؤسس موقع سوريانا التعليمية #صالح_الشاهين على حال الطلاب ودراستهم بالإضافة إلى إجابة على معظم أسئلتهم الشائعة.
#الشاهين أكد أن العملية النفسية والدعم النفسي لجميع الطلاب هو من أولوياتنا منذ إنطلاقتنا وأننا نهتم بالجانب النفسي دائماً لأنه عامل مهم يستطيع قلب الموازين لجميع الطلاب.
أضاف : #البكالوريا مجرد حرب نفسية كاذبة هي حرب مستقبلية ووهمية ترافق الطلاب إن استطاع الطالب التغلب عليها ف ستكون من أسهل المراحل الدراسية ومن أجملها وذلك لما تعلم الطالب من تحمل للمسؤولية والضغط الدراسي الذي سيقوم بتهيئته للمرحلة الجامعية.
حول الوقت المتبقي للامتحان : أعيد وأكرر البكالوريا #حرب_نفسية نستطيع التغلب عليها والأمر ليس معقداً فقط ببرنامج دراسي منظم تستطيع إنهاء المنهاج خلال فترة زمنية قصيرة ، لقد وضعنا عبر موقعنا ثلاث برامج دراسية للعلمي والأدبي والتاسع ولكن هذه البرامج ليست للبدء من الصفر بل لاعادة المنهاج وتستغرق الخطة الدراسية ما يقارب ال 40 يوم.
وفي إجابة حول مستوى الأسئلة لهذا العام :
لماذا نرى الجانب السلبي فقط ؟ لماذا نقول أن هناك ضربة امتحانية وأن الأسئلة صعبة ؟!
دعونا نكون واقعيين ولنقوم بدراسة أسئلة الدورات سترون أن معظم الأسئلة حرفية من الكتاب وبالنسبة لي أنا أعتبر أن المسائل والنظريات الصعبة جداً هي ورقة رابحة وورقة تهديد بيد ضعاف النفوس الذين يستغلونها وأنا هنا أقصد الأبحاث الأخيرة مثل الالكترونيات والعضوية و.... أليست مثلها مثل باقي أبحاث الكتاب ؟ نعم إنها كذلك ولكن أعيد وأكرر ما يحدث هو حرب نفسية فقط يبثها بعض ضعاف النفوس من أجل تعبئة دورات بأسعار خيالية والربح منها.
#الأسئلة مثل كل عام والمنهاج الحديث لن يغير من الأمر شيء جميعها ستكون منطقية وسهلة ومتوسطة ومميزة وما يسمونه البعض #ضربة_امتحانية الوزارة نبهت من قبل أن هناك دائما 20 الى 25 علامة للطالب المتميز الذي اطلع على تفاصيل المنهاج بشكل كامل ، أطلب من الطلاب الدراسة بهدوء والتريث والتخفيف من وسائل التواصل الاجتماعي التي هدفها بث الرعب والتساؤلات بقلوب الطلاب.
#أخيرا : أنا لا أنفي أن الوضع صعب وأن بلادنا تمر بمرحلة حساسة من الأزمة وهي الحرب الاقتصادية فقطع الكهرباء وغلاء الأسعار بالتأكيد له دور كبير في تقصير الطالب بدراسته ولكن لا يمكن أن يكون سبباً ليأس وفشل دراسي فالبكالوريا تحوي خيارين فقط :
إما #انتصار أو #انتصار ليس هناك خيار للفشل في حياتنا وسنبقى معكم حتى آخر يوم تنتهون به من هذه المرحلة الحساسة.

#سوريانا_التعليمية ✅

اضبطوا ساعاتكم ... ها قد بدأ العد التنازلي 🚫⚠️
#معركة_مشوار_النجاح 😍✌
بعد 21 ليلة من الآن وفي مثل هذا الوقت :
انتهيت من مراجعة المادة الأولى... تجهز أقلامك ولباسك 😎
متوتر قليلاً لبداية أول خطوة في مشوار النجاح 😍☝️
عينك لا تنام، القلوب تدعي وتخفق 🥺💚
صرخات يالله من أقاربك وأهلك ترفع إلى سابع سماء 😍🙏
أمك تسجد وتبكي وأبوك يكوي الك التياب 😍❤
وفي منتصف الليل تأتي أمك لتسألك :
هل راجعت الملف الذي قام أبو الجود بنشره على موقع سوريانا التعليمية 🥺...؟!
السنة الماضية جاب تامة بورقة وحدة فيها أهم الأفكار ومراجعة شاملة يا ابني ركزها قبل ما تنام 🥺🙏
بتقلها أي طبعا يا أمي وبتفتح فيس قبل ما تنام لتشوفني منزلك بوست فيه دعوات وما بنام والله لحتى ترجعوا من المادة وأنا عم صلي وادعي وضل للصبح لآخر ثانية عم قويكن وادعمكن كرمال تنجحوا وما تيأسوا 🥺😍🙏
بتضحك وبتنام بروح معنوية عالية وبتفيق بتصلي الفجر حاضر وبتركع وتسجد وتلاقي النور انزرع بقلبك وتلاقي ربك قريب منك : (ونحن أقرب اليك من حبل الوريد) ، (قلنا : لاتخف) 🥺❤❤
وثم تأخذ استراحة مقاتل وتذهب إلى الامتحان وتعود لتلقى بوجهك ذلك البوست : كيف قدمتوا طمنونا 😍👌
مبروووك كلشي ركزنا عليه اجاااا وهي حرقنا أول مادة 😌✌
بتضحك وبتنبسط وأمك بتزلغط وتعيش الفرحة وأختك الصغيرة بتجي تضمك وأنت من فرحتك أنك سكرت المادة بتشوطا برجلك الصغيرة وتعطيها 50 ليرة ع أساس أنك كريم ، وبتزتا بوشك وتقلك انقلع عطيني 500 ليرة 😂💚
وهيك بتضل كل الامتحان تضحك ومعنويات عالية 😍🙏

كل ما تيأس اتذكر هديك الفرحة واتذكر أنك #بتقدر 😎☝️
لك نحن الها وما تخافوا من شي 😌❤
#الأسئلة_سهلة والكل ناجح ونحن قداااا 😎💪
وهلق كرمال يصلك كلشي بدي نزله من تحفيز وتحضير لفحصكن : فقط اعمل متابعة لحسابي 😌👌

طالما في رب بالسما وفي روح بجسمي ما بتركن 😎❤
#صالح_الشاهين أبو الجود ...✍

#الأسئلة_الامتحانية النهائية 2020 😍
#علوم_قديم 👉
#صالح_الشاهين أبو الجود 🔥
#الاستاذ : أحمد حيدر الشيخ 👨‍🏫
#سوريانا_التعليمية ✅

@syr_edu 👈

🔴 شوية حكي عن الكيمياء وعن مستوى الأسئلة بكرا.

أولاً معروف بكل سنة أنه ختامها مسك لأن الكيمياء بشكل عام تعتبر من المواد السهلة نسبياً وأسئلتها بتكون واضحة ومكشوفة وخلونا نعمل مرور سريع ع الأسئلة :
بكرا ح تكون الورقة مقسومة لثلاثة أجزاء :
1️⃣ #اختر_الإجابة الصحيحة : وهاد بكون من دروس منوعة ولكن غالباً بحبوا يجيبوا من النووية مثلا ممكن عمر النصف أو من الحموض والأسس تبع التمديد أو التوازن الكيميائي ماذا يؤثر ... على التفاعل وهيك يعني أمور بسيطة سهلة بس بدا تركيز نتوفة .

2️⃣ #الأسئلة_النظرية : الكيمياء بالذات أسئلتها بتجي سهلة النظرية وما فيهن يصعبوا شي وبالمنهاجين حديث وقديم إذا بتشوفوا أسئلة الدورات رح تشوفوا أنه الأسئلة مكشوفة مثلا بيجيكن تعاليل من الحموض واسس والمعايرة والأملاح هدول اكتر شي النظري فيهن هام ، وكمان ممكن تجيكن معادلة توازن وبيسألوكن عليها أسئلة (هلق بالنموذج الجديد قال انه ممكن يصير في استنتاجات) ف ممكن يجيبوا مثلا استنتج Kc و Kp (ممكن يعني احتمال) لمعادلة معينة أو مثلاً عمر النصف يسألكن عليه وكيف اوصلتوا لنتيجة معينة يعني حتى الاستنتاجات بتكون أسئلة نظرية وحلوة.

3️⃣ #المسائل : وهي السنة لصالحكن انحذفت العضوية ، لأن المسائل صارت مكشوفة 😍
#المسألة_الأولى : يا نووية يا (غازات حديث) و (حرارية قديم)
أنا بعتقد بكرا بالحديث اذا شفتوا النووية بالنظري فوق ف المسألة غازات ، بس ب 2013 اول تحديث لكتاب الكيمياء جابوا مسألة نووية ومو مستبعدة هي السنة (الشمس ممكن) أما المنهاج القديم ف الكفة ترجح أكيد لل حرارية والأهم هي قانون المتفاعلة والناتجة (بدون روابط لان الروابط اجت السنة الماضية فما بعتقد تتكرر)
#المسألة_الثانية : وهي عادة تكون أما سرعة أو توازن وأنا برجح هي السنة للحديث سرعة والقديم توازن والتنين في منن سؤال نظري وسؤال مسألة (حسب السنوات السابقة)
#المسالة_الثالثة : هلق هون الثالثة والرابعة بيتبادلوا يعني ممكن الثالثة حمض وأساس (وهيك غالباً هي السنة مع طلب تمديد) أو مسألة أملاح
#المسألة الرابعة : هون كانوا يهددوا الطلاب بالعضوية لأن اذا بتجي ف بتكون مسألة رابعة بس هي السنة اجباري ح تشوفوا الرابعة معايرة حمض وملح او حمض وأساس وبجوز هي السنة مسألة من أفكار العينات النقية والشوائب وما هو المشعر المناسب .

#أخيراً : باذن الله مستوى الأسئلة متل كل سنة رح يكون سهل والأغلبية رح تطلعوا مبسوطين ، وفي مفاجآت وشغل كتير كتير كتير كتير كتير كتير كتير كتير عم حضره الكن بس ادعولي الله يوفقني بامتحاني واخلص ع خير والله يجمعني بقديستي لأن كمان هي طالبة (لحتى تعطيني القوة اشتغل الكن أكتر وأكتر) ودعواتكن ، وبكرا بصير نزل بوست دعواتكن الي بالفحص 🥺😅❤
#صالح_الشاهين أبو الجود ...✍