كيف بدي ادرس الرياضيات #القطة_الوردية 😂🐈💜

#الرياضيات المادة اللي ذكر اسمها بس بيعمل بلبلة وبخافوا الطلاب منها وع شو ما بعرف ، يعني لا شكل ولا جسم وزنها بيطلع شي ٨٠ كيلو 🙂
المهم تعال أنت وياها وركزوا معي شوي في خطة التفاف ع الوزارة لأن هني ميفكروا يخوفونا بهي المادة لان جوّن وملعبن بس ابضيعتن هني والمادة ابيندفنوا 😒😎👌...
1)- مافي شي اسمه توقعات بالرياضيات ، افهموها لهي وأم شعر منكوش اطمني أبو التيم ما ح يفيدك بهي المادة بالذات يعني نصيحة ادرسي ولا بقى تلتهي 😒
2)- ارجع اقرأ واحد 👆
3)- ادرس من دفترك خلال السنة كرمال ما تتخربط وتتغير عليك طريقة الحل لأن كل استاذ اله طريقة تفكير وحل شكل أنت متعود عليها 🤷‍♂
4)- حل لكل فكرة تمرين أو تمرينين كرمال تحسن تراجع الكتاب كله 👉
5)- ارجع اقرأ واحد 👆
6)- اذا بدك مكثفة هي رابط مكثفة شاملة ومرتبة من اعداد الاستاذ فارس جقل 👇
https://www.syr-edu.com/2020/04/Road-600.html
7)- بدك تمارين وأسئلة مع الحل ...؟!
هي كمان للاستاذ فارس جقل 👇
https://www.syr-edu.com/2020/04/17-math-test.html
8)- بدك ملف فيه الأفكار والتمارين عليها ...؟!
هاد ملف فيه كل فكرة وبجنبا رقم تمرين من الكتاب كرمال تحلن وتركزن 👇
https://www.syr-edu.com/2020/02/math-alawael.html
9)- ارجع اقرأ واحد 👆
10)- ملف بتقروه قراءة بيحتوي ع أفكار مادة الرياضيات يعني بس النظري كرمال المراجعة السريعة 👇
https://www.syr-edu.com/2020/03/math-alrwad.html
11)- أسئلة الدورات مع السلالم حلوها ضروري للتدريب لحتى ايدكن تصير سريعة وتتعودوا ع النموذج الامتحاني 👇
https://www.syr-edu.com/2020/01/math-exam.html

أنت رح تنزل شي يا أبو الجود ....؟!
أنا أي يوم السبت غالباً باذن الله بنزللكن تمارين غير محلولة مثلاً مسائل وتمارين يعني تدريبات الي بده يختبر حاله يعني لا ملف توقعات ولا أسئلة هامة بس هيك أسئلة ع نمط الامتحان يعني #للتدريب ولحتى تشوفوا إذا أموركن تمام 😎❤️

#صالح_الشاهين أبو الجود ...✍
#سوريانا_التعليمية

طلاب #البكالوريا_العلمي إليكم #الأوراق_الامتحانية الخاصة بي لقسم #الهندسة في مادة #الرياضيات 2020 😍
تحتوي على:
- مراجعة شاملة لأهم الأفكار والقوانين التي ستحتاجونها بكل تأكيد بامتحان يوم غد.
- 10 مسائل شاملة لمادة الهندسة للتدريب عليها في حال كانت مسألة يوم غد هي مسألة هندسة ب 100 علامة 😉
- ملف ثاني يحتوي على حلول المسائل وتطبيقات على معادلات غاوس لأنها فكرة تحتاج إلى شرح مع التمارين

لتحميل الأوراق بدقة عالية جداً وملف الحلول 👇
https://www.syr-edu.com/2020/06/eng-bac-2020.html
( #ملاحظة: إذا ما فتح معك الرابط هاد بسبب انك بسورية شغل vpn وانسخ الرابط وافتحه من المتصفح والروابط شغالة وبدون إعلانات ومباشرة ❤)
👈 الملف أخد تعب كتير كبير كتير كتير وخصوصاً أنه مكتوب ع الكومبيوتر وكمان الحلول أخدت وقت أكبر بس كرمال ما تضيعوا وتتأكدوا من كلشي؛ لهيك بتمنى ترفعوا البوست قد ما فيكن نقاط وتعليقات ليوصل للكل وتشاركوه طبعاً و #تابعوا حسابي كرمال توصلكن مراجعات #الجبر و #التحليل بس تخلص بإذن الله 🙏

#صالح_الشاهين أبو الجود ...✍

🔴 #الخطة_الدراسية لمادة العلوم #منهاج_قديم 2020 👇
- ملاحظات وتركيز على أهم الفقرات والأسئلة
- تقسيم دراسة المادة على الأيام المتبقية
- موعد تنزيل الأوراق الامتحانية
- موعد تنزيل أهم الأسئلة للمراجعة

#الأوراق سيتم نشرها كما هو موضح في الخطة عندما ننتهي من تعديلها لنقدم لكم أفضل عمل بإذن الله ❤
#بعد_قليل : المنهاج #الحديث 👉
#صالح_الشاهين أبو الجود ...✍

#الأسئلة_الامتحانية النهائية 2020 😍
#علوم_قديم 👉
#صالح_الشاهين أبو الجود 🔥
#الاستاذ : أحمد حيدر الشيخ 👨‍🏫
#سوريانا_التعليمية ✅

@syr_edu 👈

#علوم_قديم هي خمس مسائل وراثة الي بحب يتدرب فيهن، هني نفسن موجودين بأوراق جلسة الاستاذ أحمد والحل موجود هنيك (للتدريب قبل ما تنام مو توقع) 👉

#المسألة_الأولى: تم التهجين بين سلالتين صافيتين من نبات البازلاء؛ الأول: بذوره صفراء Y ملساء R والثاني: بذوره خضراء y مجعدة r فكانت جميع نباتات الجيل الأول ببذور صفراء ملساء؛ والمطلوب: (أو دورة 2013 تكميلي)
ما نمط الهجونة لكل من الصفتين مع التعليل؟
- وضح بجدول وراثي تزاوج الأبوين؟
- وضح بجدول وراثي تزاوج نباتين من الجيل الأول؟ ( بالصيغة العامة )
- فسر ظهور سلالات جديدة بالجيل الثاني؟

#المسألة_الثانية: تم التزاوج بين فأر أصفر Y وبره طويل T مع فأرة رمادية y وبرها قصير t فكانت بعض الفئران الناتجة صفراء
ووبرها طويل
- وضح بجدول وراثي تزاوج الأبوين،علماً أ َّن صفة اللون تخضع لظاهرة المورثات المميتة والشكل تخضع للرجحان التام؟
- لماذا يعتبر الأليل Y عند الفئران الصفراء متعدد التأثير

#المسألة_الثالثة: أنجب زوجان لا تظهر عليهما علائم الإصابة بمرض فقر الدم المنجلي أطفالاً بعضهم مصاب بهذا المرض, إذا علمت أن أليل خضاب الدم الطبيعي: HbA والطافر HbS؛ المطلوب:
- ما النمط الوراثي للأبوين وأعراسهما المحتملة؟ وما الأنماط الوراثية والظاهرية للأبناء وما نسبة الأبناء المصابة؟
- ما علاقة الرجحان بين الأليلين HbAو HbS ولماذا؟

#المسألة_الرابعة: تم التهجين بين سلالتين صافيتين من نبات القرع ثمارها ذات الشكل الكروي فكان الجيل الأول كله ذات ثمار قرصية أما الجيل الثاني فكان 9/16 قرصي و 6/16 كروي و 1/16 متطاول، والمطلوب:د
- ما النمط الوراثي للأبوين ولأعراسهما وللجيل الأول؟
- ما أعراس الجيل الأول؟

#المسألة_الخامسة: تم التزاوج بين أب أصم AA bb مع أم صماء BB aa فكان جميع الأفراد في الجيل الأول سمعهم طبيعي، والمطلوب:
- وضح بجدول وراثي تزاوج الأبوين، علماً أ َّن ظاهرة السمع تخضع للأثر المتتام؟
- ما الأنماط الظاهرية لأفراد الجيل الثاني وما الأنماط الوراثية المقابلة لها مع النسب الموافقة؟
- هل يمكن ولادة طفل غير مصاب بالصمم من أبوين مصابين بالصمم علماً أن الصمم وراثي؟
- علل ظهور النسبة 9:7بدلاً من 9:3:3:1 في جيل ثاني لهجونة ثنائية أحيانا
- ماتفسيرك إذا كان جميع الأبناء قادرين على السمع؟ وماذا نسمي العلاقة بين الأليلات غير المتقابلة في هذه الحالة

#أخيراً هي مسائل للتدريب مو للتوقع اذا حبيت تتأكد من وضعك بالوراثة حلن 🤷‍♂❤️
#صالح_الشاهين أبو الجود ...✍

أهم الأسئلة #وطنية_2020
#صالح_الشاهين أبو الجود ...✍
#سوريانا_التعليمية ✅

🔴 #توجيهات أخيرة بمادة #القومية || طريق ال 200 كامل وحلول اسعافية.

شباب الي بكرا متوقعه يجيب 200 هو شخص واحد ، درس الملف كامل ومن ثم (حل أسئلة الدورات مو ضروري) ومن ثم أهمهم شي يكون درس الورقة الي نزلتا العصر (نفسا هي)

#شو هي الأسئلة يا #أبو_الجود المحددة ...؟!
هلق هي الورقة تعادل 20 ل 25 بالمية من المنهاج المطلوب يعني في حذف كبير كرمال محدا يقلي كتاب كامل 👌
الورقة أنا حطيتا برأيي وبإجماع أساتذة كبار ساعدوني ❤
الي تحتن خط هني أهمهم شي (#برأيي المتواضع) 👉

#شو_جابت هي الورقة بالسنين الماضية ...؟!
الله وكيلكن 200 (بتوفيق الله مو بفضلي) واسألوا طلاب 2019 بالأخص ، بس بشرط الصح والخطأ هني أسئلة فهمية لازم تكون فهمان الدروس يعني 👉

#أنا_فارش بدي حد نجاح بس #شو_اعمل ..؟!
( بتعمل شاي 😂❤) بعرف بايخة بس حبيت ضحكن ، هلق أنا #برأيي_المتواضع أنه تدرس الدروس التالية (من ملفي حصراً) الدروس (1 + 2 + 3 + 4 + 14) يعني خمس دروس برأيي هدول بجيبوا حد النجاح وحبة مسك، وأنت إذا مو دارس شي ادرس هدول مو خسران شي إن جابوا حد النجاح أو لا 🤷‍♂️

⚠️⚠️ #نصيحة_وتحذير : حط بكرا كلمة صح وكلمة خطأ مو إشارات أفضل وأحسن، ليك وكمان بكرا مثلاً اجتك مقارنة روسو مع شي حدا مثلا فارابي ارسطو خيالية أو مثلاً قارن بين ايجابيات وسلبيات الثورة المعلوماتية أو سمات عالم الشمال والجنوب ....الخ بتحط جدول مقارنة ، اجاك تعداد اكتب كلشي بتعرفه ، مثلا أهمية الشعب اكتبه كامل أو قلك العولمة الاقتصادية اكتبه كامل أو الأنماط التي استخدمتها أمريكا في هيمنتها على الأمم المتحدة اسردها كاملة ولو طويلة (مو توقعات افهموا هي عم أعطيكن أمثلة ما تفهموا أنه هدول جايين 😂🤦‍♂️)

(( #شاركوا البوست وارفعوه بالتعليقات كرمال يصل وبعتذرع التأخير و #موفقين يارب )) ❤
#دعواتكن ل #قديستي وأخي بالامتحان بكرا ❤❤
#صالح_الشاهين أبو الجود ...✍

🔴 #الخطة_الدراسية الكاملة لمادة اللغة الانكليزية || لطلاب الأدبي والعلمي

مادة اللغة الانكليزية اللي كتير طلاب بتستصعبها بالرغم من أنها مادة سهلة دراسياً يعني برأيي حرام الطالب يهملها ويقول يلا بكرا بدرس كم سؤال وتوقعات وانجح فيها ومشي أموري .
#دراسة هي المادة بالذات مختلفة شوي ، أكيد أنت بهاليومين ما بعتقد رح ترجع تعيد النصوص نص نص وترجع تحفظ المواضيع موضوع موضوع .
أنا رح اعطيك ملف فيه قواعد اللغة الانكليزية للأستاذ فراس رشدان وهو ملف شامل وفيه القواعد بطريقة مرتبة وحلوة .
👈 طيب يا أبو الجود شو أهم النصوص والمواضيع ..؟!
يا جماعة مافي شي اسمه أهم النصوص والمواضيع، في شي اسمه دراسة ذكية بتقدر تدرس فيهن المواضيع والنصوص 😌..:
مثلاً: أنت فيك تدمج موضوعين مع بعض بموضوع واحد (الصحة والرياضة) يعني هدول التنين بس إذا ضفت كم كلمة من الأول ع التاني صار موضوع كامل وبتاخد عليه علامة 🤷‍♂
وأكيد كل استاذ دامج المواضيع لطلابه لهيك أنا ما رح قلكن تدرسوا هيك وتدرسوا هيك، وصدقوني يا جماعة اذا لغتكن الانكليزية منيحة وكتبتوا موضوع من عندكن وكان ترجمته زابطة والقواعد فيه تمام ولو 80% رح تاخدوا علامة 👌
#النصوص : متل ما بتعرفوا النصوص عنا بالكتاب كتيرة ف مستحيل تقدر تحصر النصوص وتقول هاد مطلوب وهاد لا لأن هيك بكون عم ضرك، بس في مفتاح سحري لكل نص وهو انك تقرأه قراءة فهم وليس بصم وتفهم الكلمات المفتاحية من النص والمغزى منه وأكيد رح تقدر تحله بسهولة لما تقرأ السؤال الامتحاني بفهم 😍

#حل_أسئلة_الدورات : هي أفضل شي لتختبر حالك بالانكليزي ورح تكتشف وين أخطاءك قواعدياً 👌
بالنسبة لجمل الترجمة شو ما اعرفت من الجملة اكتب وترجم، اطمن طالما ترجمتك صح ولو ما كانت حرفية بس صحيحة وبالمعنى المطلوب رح تاخد علامة عليها 😍👌

#رابط_ملف القواعد للتحميل بدقة عالية 👇
https://www.syr-edu.com/2019/08/2019_69.html

و اللي ما فتح معه الرابط هاد رابط تيلغرام 👇
https://t.me/Syr_edu/4107

بعد شوي ان شالله رح ننشر رابط أسئلة الدورات لتجربوا فيهن وتشوفوا أنها مادة سهلة وحلوة وأهم شي ركزوا ع القواعد وما تبقى من النصوص والمواضيع ف بتعتمد ع الفهم أكتر من البصم 👍
وشدوا همتكن فيها كتير منيح خاصة الي حلمه أدب إنكليزي 😍
لأنو إذا جبتوا علامة منيحة بغض النظر عن مجموعكن شو ما كان بتقدروا تدخلوا أدب إنكليزي بعد ما تنجحوا بالاختبار اللي بتعمله الجامعة 💪
#موفقين يارب وأكيد بإذن الله بس ادرسوا منيح رح تلاقوها سهلة وأهم شي ما تحذفوا مواضيع أو نصوص من حالكن 🙏
#دعواتكن لقديستي وأخي بالنجاح ❤️

#صالح_الشاهين أبو الجود ...✍
#سوريانا_التعليمية

🔴 شوية حكي عن الكيمياء وعن مستوى الأسئلة بكرا.

أولاً معروف بكل سنة أنه ختامها مسك لأن الكيمياء بشكل عام تعتبر من المواد السهلة نسبياً وأسئلتها بتكون واضحة ومكشوفة وخلونا نعمل مرور سريع ع الأسئلة :
بكرا ح تكون الورقة مقسومة لثلاثة أجزاء :
1️⃣ #اختر_الإجابة الصحيحة : وهاد بكون من دروس منوعة ولكن غالباً بحبوا يجيبوا من النووية مثلا ممكن عمر النصف أو من الحموض والأسس تبع التمديد أو التوازن الكيميائي ماذا يؤثر ... على التفاعل وهيك يعني أمور بسيطة سهلة بس بدا تركيز نتوفة .

2️⃣ #الأسئلة_النظرية : الكيمياء بالذات أسئلتها بتجي سهلة النظرية وما فيهن يصعبوا شي وبالمنهاجين حديث وقديم إذا بتشوفوا أسئلة الدورات رح تشوفوا أنه الأسئلة مكشوفة مثلا بيجيكن تعاليل من الحموض واسس والمعايرة والأملاح هدول اكتر شي النظري فيهن هام ، وكمان ممكن تجيكن معادلة توازن وبيسألوكن عليها أسئلة (هلق بالنموذج الجديد قال انه ممكن يصير في استنتاجات) ف ممكن يجيبوا مثلا استنتج Kc و Kp (ممكن يعني احتمال) لمعادلة معينة أو مثلاً عمر النصف يسألكن عليه وكيف اوصلتوا لنتيجة معينة يعني حتى الاستنتاجات بتكون أسئلة نظرية وحلوة.

3️⃣ #المسائل : وهي السنة لصالحكن انحذفت العضوية ، لأن المسائل صارت مكشوفة 😍
#المسألة_الأولى : يا نووية يا (غازات حديث) و (حرارية قديم)
أنا بعتقد بكرا بالحديث اذا شفتوا النووية بالنظري فوق ف المسألة غازات ، بس ب 2013 اول تحديث لكتاب الكيمياء جابوا مسألة نووية ومو مستبعدة هي السنة (الشمس ممكن) أما المنهاج القديم ف الكفة ترجح أكيد لل حرارية والأهم هي قانون المتفاعلة والناتجة (بدون روابط لان الروابط اجت السنة الماضية فما بعتقد تتكرر)
#المسألة_الثانية : وهي عادة تكون أما سرعة أو توازن وأنا برجح هي السنة للحديث سرعة والقديم توازن والتنين في منن سؤال نظري وسؤال مسألة (حسب السنوات السابقة)
#المسالة_الثالثة : هلق هون الثالثة والرابعة بيتبادلوا يعني ممكن الثالثة حمض وأساس (وهيك غالباً هي السنة مع طلب تمديد) أو مسألة أملاح
#المسألة الرابعة : هون كانوا يهددوا الطلاب بالعضوية لأن اذا بتجي ف بتكون مسألة رابعة بس هي السنة اجباري ح تشوفوا الرابعة معايرة حمض وملح او حمض وأساس وبجوز هي السنة مسألة من أفكار العينات النقية والشوائب وما هو المشعر المناسب .

#أخيراً : باذن الله مستوى الأسئلة متل كل سنة رح يكون سهل والأغلبية رح تطلعوا مبسوطين ، وفي مفاجآت وشغل كتير كتير كتير كتير كتير كتير كتير كتير عم حضره الكن بس ادعولي الله يوفقني بامتحاني واخلص ع خير والله يجمعني بقديستي لأن كمان هي طالبة (لحتى تعطيني القوة اشتغل الكن أكتر وأكتر) ودعواتكن ، وبكرا بصير نزل بوست دعواتكن الي بالفحص 🥺😅❤
#صالح_الشاهين أبو الجود ...✍

شرح مرسوم السيد الرئيس #للدورة_الاضافية (تكميلي) :
1⃣ اللي راسب بمادتين ما ح يرسب السنة (يعني قرار الرسوب ع مادتين ضل متل ما هو)
2⃣ أنت راسب بمادة أو مادتين وبدك تقدم تكميلي --> ما بحقلك تقدم غير الي راسب فيهن .
3⃣ أنت ناجح بكل المواد --> فيك تقدم مادتين من اختيارك .
4⃣ الناجح ويعيد ما بحقله (إلا إذا صدر شي جديد)
5⃣ الطلاب الي ما اتقدمت للامتحان بشكل نهائي بسبب الظروف الصحية او طلاب إدلب المحاصرين بحقلن يقدموا كل المواد بهي الدورة .

#صالح_الشاهين أبو الجود ...✍
#سوريانا_التعليمية☑️

🔴 ثمانية أفرع دراسية تستطيع دراستها وإن كان معدلك منخفض || تكلفة منخفضة وشهادة معترف عليها

بعد صدور نتائج البكالوريا ، إجتني كتير استفسارات " أنا مجمع كذا ، شو بيطلعلي " وفي ناس ما بدها تعيد وبدها تدخل فرع منيح وبمبالغ مقبولة وتكلفة قليلة .
أحد أفضل الحلول هي الدراسة بالجامعة الافتراضية السورية ، ومن أهم الأسباب أنك تدرس فيها :
1⃣ - معدل قبول منخفض
2⃣ - الدراسة اونلاين من منزلك وتقديم الامتحان في الجامعة التي موجودك بمحافظتك
3⃣ - وقت الدراسة : محاضرة واحدة اسبوعياً مدتها ساعة إلى ساعتين ك حد أقصى لكل مادة
4⃣ - تساعدك في العمل إلى جانب الدراسة
5⃣ - رسومها : قريبة من الموازي وفي بعض الأحيان أقل بمعدل وسطي : 175,000 ل.س (( سنوياً ))
6⃣ - الشهادة : معترف عليها بمعظم دول العالم لأنها شهادة حكومية من وزارة التعليم العالي
7⃣ - تصنيفها حسب المواقع العالمية : السادسة على مستوى سورية بين الجامعات الحكومية والأولى على مستوى الجامعات الخاصة حيث لم تسبقها أي جامعة خاصة من حيث الترتيب

🔴 الأفرع الجامعية المتوفرة للدراسة ضمن الجامعة :
1⃣ - المعهد التقاني للحاسوب :
🔵 الشهادة المقبولة : علمي - صناعي ومهني - اتصالات - تجاري
🔵 الاختصاصات : برمجيات ونظم المعلومات
معدل القبول : 50%
🔵 تكلفة المادة الواحدة : 17.500 ل.س
🔵 عدد المواد كاملة للتخرج : 26 مادة
🔵 عدد سنوات الدراسة الأدنى : سنتان

(( عند النسخ يرجى ذكر المصدر : #صالح_الشاهين ))

2⃣ - المعهد التقاني لإدارة الأعمال :
🔵 الشهادة المقبولة : علمي - أدبي - تجاري - فنية
🔵 الاختصاصات : المالية والمصارف - إدارة الموارد البشرية - التسويق
🔵 معدل القبول : 50%
🔵 تكلفة المادة الواحدة : 17.500 ل.س
🔵 عدد المواد كاملة للتخرج : 27 مادة
🔵 عدد سنوات الدراسة الأدنى : سنتان

3⃣ - الحقوق :
🔵 الشهادة المقبولة : علمي - أدبي - شرعية
🔵 الاختصاصات : لا يوجد اختصاصات متعددة
🔵 معدل القبول : 50%
🔵 تكلفة المادة الواحدة : 17.500 ل.س
🔵 عدد المواد كاملة للتخرج : 51 مادة
🔵 عدد سنوات الدراسة الأدنى : أربع سنوات

4⃣ - علوم الإدارة :
🔵 الشهادة المقبولة : علمي - تجاري
🔵 الاختصاصات : المالية والمصارف - إدارة الموارد البشرية - التسويق
🔵 معدل القبول : 60%
🔵 تكلفة المادة الواحدة : 17.500 ل.س
🔵 عدد المواد كاملة للتخرج : 54 مادة للموارد والتسويق - 55 مادة للمالية والمصارف
🔵 عدد سنوات الدراسة الأدنى : أربع سنوات

5⃣ - الإعلام :
🔵 الشهادة المقبولة : علمي - أدبي - شرعية
🔵 الاختصاصات : الإعلام والاتصال الالكتروني - العلاقات العامة - الإعلان - الصحافة - الإذاعة والتلفزيون
🔵 معدل القبول : 60%
🔵 تكلفة المادة الواحدة : 17.500 ل.س
🔵 عدد المواد كاملة للتخرج : 52 مادة
🔵 عدد سنوات الدراسة الأدنى : أربع سنوات

(( عند النسخ يرجى ذكر المصدر : #صالح_الشاهين ))

6⃣ - الإجازة في تقانة المعلومات :
🔵 الشهادة المقبولة : علمي - تجاري - اتصالات - صناعية (محدودة)
🔵 الاختصاصات : نظم معلومات وشبكات معطيات - اختصاص نظم المعلومات الإدارية
🔵 معدل القبول : 170 للفرع العلمي - 70% للتجاري والاتصالات وبعض الأفرع الصناعية بينما البعض الآخر 80%
🔵 تكلفة المادة الواحدة : 17.500 ل.س
🔵 عدد المواد كاملة للتخرج : 51 مادة للشبكات معطيات - 54 مادة للنظم الإدارية
🔵 عدد سنوات الدراسة الأدنى : أربع سنوات

7⃣ - الإجازة في تقانة الاتصالات :
🔵 الشهادة المقبولة : علمي - تجاري - اتصالات - صناعية (محدودة)
🔵 الاختصاصات : الاتصالات الراديوية والمكروية - الاتصالات الراديوية والمكروية - نظم الاتصالات النقالة
🔵 معدل القبول : 170 للفرع العلمي - 70% للتجاري والاتصالات - 80% صناعي
🔵 تكلفة المادة الواحدة : 17.500 ل.س
🔵 عدد المواد كاملة للتخرج : 53 مادة
🔵 عدد سنوات الدراسة الأدنى : أربع سنوات

8⃣ - الهندسة المعلوماتية :
🔵 الشهادة المقبولة : علمي - مهني (معلوماتية - تقنيات حاسوب)
🔵 الاختصاصات : برمجة - شبكات - ذكاء صنعي
🔵 معدل القبول : 80% للفرع العلمي - 90% للفرع المهني
🔵 تكلفة المادة الواحدة : 17.500 ل.س
🔵 عدد المواد كاملة للتخرج : 75 مادة
🔵 عدد سنوات الدراسة الأدنى : خمس سنوات

ومتل ما ذكرنا فوق فيكن تنزلوا كل سنة 10 مواد بمعدل 5 مواد كل فصل بتكلفة 175,000 ل.س سنوياً وفي حسومات لأبناء الشهداء والمعلمين وللجرحى والعسكريين وفي نظام منح دراسية مجانية أيضاً .
#صالح_الشاهين أبو الجود ...✍

🔴 قصة يزن طالب ال 22 عام ورسالته لكم || جريح حرب من ذوي الاحتياجات الخاصة

اليوم الظهر عم اتصفح فيس ، اجتني رسالة من طالب اسمه يزن وحكالي قصته :
مرحباً أبو الجود كيفك ، أنا اسمي يزن **** من جبلة وعمري 22 سنة .
أنا بعد ما اخدت تاسع اتطوعت بالجيش وكان عمري شي 17 سنة ، وبعد شي شهرين ونص من تطوعي اجت قذيفة قريبة عنا والشظية دخلت على عمودي الفقري وسببتلي شلل وما بقى فيني اتحرك إلا ع الكرسي .
ازعلت كتير وحق الله يا أبو الجود ازعلت كتير وابكيت أنه شو عامل أنا لحتى هيك يصير معي 😢
اتعالجت فيزيائياً ما يقارب الست شهور ويئست من حالتي وبطلت علاج وما تابعت دراسة وكل الوقت بالبيت وعم ازعل ع شبابي أنه ليش هيك صار فيني وكيف بدي اكبر واتزوج ومين عندا استعداد تاخد هيك واحد .
السنة الماضية أختي كانت بكالوريا وكانت عم تابع صفحتك وع قد ما حبت بوستاتك صارت تقراها النا وتتحفز والحمدلله هلق هي بكلية الهندسة المعمارية .
وأنا الي ما يقارب الست شهور عم تابعك وتابع بوستاتك وبالفترة الأخيرة كتير حبيتك وصار عندي إيمان بالله أنه أنا قادر قدم بكالوريا وانجح وحتى أنه خبرت أمي رح ارجع اتعالج فيزيائياً ولو طول العلاج بس أنت قلت انه الله ما بيكسر بخاطر حدا ومتأكد رح ارجع طيب و اوقف ع رجليي ورح انجح السنة الجاية بالبكالوريا وجمع منيح واذا ما طبت رح سجل افتراضية وصير متل أخي الكبير أبو الجود وأنت بدك تدعمني أكيد بهاد المجال ..😍❤️
(( عند النقل يرجى ذكر المصدر : #صالح_الشاهين ))

طبعا ما كان فيني رد غير ببضع كلمات : يا يزن مو بس صالح معك ، أنا وكل طلاب سورية رح ندعيلك بالشفاء وتقدم بكالوريا وتنجح وتتفوق وتنتصر ع الظروف ولعيونك رح ادعم طلاب دفعة 2021 قد ما الله عطاني من قوة وناطرك بالجامعة #زميلي سواء بالافتراضية أو بتشرين وشدلي همتك يا #زميل 😎
#الرسالة : دائمآ في أمل ولازم نكون أقوياء ونتحدى ظروفنا ولو كانت قاسية بس لازم يكون عنا إيمان أنه بكرا أحلى ونحن انخلقنا لنقدر وهي كم كلمة حلوة مني طالعة من القلب بجوز رح تغير مستقبل شب بشكل كامل ، وأنتوا كمان بتقدروا بس انشروا الحب والسلام والتفاؤل وكونوا سند لبعض كرمال كلنا نوقف ع رجلينا لأن سورية ما بيكفيها بس صالح يحكي ويدعم ، بدنا كلنا نحكي وندعم لنرجع الحياة لهي البلد ..😍❤️

#صالح_الشاهين أبو الجود ...✍

🔴 #مفاجأة_السنة ارفعوا البوست في 200 علامة || تطبيق وملف القومية لكل طلاب البكالوريا (اقرأ للأخير) 😍

بعد ما اتعذر علينا الشحن للمحافظات وارتفاع التكاليف وعدم ثبات الأسعار بالنسبة للطباعة ، اضطرينا نبحث عن طريقة سهلة لنوصل لكل طالب وبدون تكاليف 🤷‍♂
ف خطر ببالنا نحول هي النوطة لتطبيق موبايل بميزات حلوة للطلاب كرمال تدرسوا وقت تقطع الكهرباء وما تحسوا بالملل 😁

✅ #ميزات_تطبيق_الوطنية :
1⃣ - النسخة الكاملة من الأوراق والملونة وقابلة للدراسة من الموبايل للدراسة أثناء قطع الكهرباء
2⃣ - بجانب كل سؤال أين ورد في الدورات السابقة مع الحل وفق سلم التصحيح للوصول إلى العلامة الكاملة
3⃣ - بنك المواضيع (إذا حليته المواضيع هاد بيعني انك نيرد وبكل صراحة ما بينخاف عليك 😁)
4⃣ - بنك أسئلة الصح والخطأ على شكل اختبارات الكترونية مقسمة على 10 اختبارات ، يعني بتفوت بتعمل اختبار وكأنك بامتحان بتختار اما صح أو خطأ وإذا كان جوابك خطأ بيطلعلك الجواب الصح 😍
5⃣ - كل يوم رح تلاقي رسالة تحفيزية الك 😁
6⃣ - طريقة دراسة المادة من داخل التطبيق لإنهاء المادة بشكل كامل مع الاختبارت وبنك الأسئلة ب 10 أيام فقط 🤷‍♂
7⃣ - أوراق النسخة المجانية بتحملها وبتطبعها وبتشترك بالتطبيق لتاخد الميزات المدفوعة مثل بنك الاختبارات وبنك المواضيع والدورات والتنويهات بجانب كل سؤال (يعني الأوراق المجانية هي النسخة المدفوعة بس بدون الميزات الي ذكرتا فوق ، فقط تلخيص الكتاب على شكل سؤال وجواب بشكل منسق وحلو) 👉

✅ #رسم_الاشتراك بالتطبيق : 1500 ل.س عن طريق شركة الهرم بتدفعها ولكل الميزات (لأن التطبيق مدفوع من شركة مو تطبيق محلي)

منجي للروابط وكيف بدك تعرف كل هالقصص 👇
1⃣ - رابطين لتحميل التطبيق لجماعة الاندرويد (التنين شغالين نظامي) :
- http://bit.ly/WatanyahApp
- http://bit.ly/WatanyahApk

2⃣ - رابط موقع ويب بيحمل نفس الخصائص لتطبيق الاندرويد (يعني إذا موبايلك آيفون أو ما عندك مساحة تثبت التطبيق فيك عن طريق هاد الرابط تشترك وتدرس عادي جداً بس احفظه عندك بالمذكرة وما رح يختلف عنك شي) :
https://study-plat.com/watania/

3⃣ - رابط ملف طريقة الدراسة والاشتراك والتفعيل وشرح ميزات التطبيق بشكل كامل كملف PDF مباشر :
http://bit.ly/Watanyahstudy

4⃣ - رابط مباشر ملف PDF النسخة المجانية :
http://bit.ly/WatanyahBook

⚠️ #ملاحظات : أبو الجود هي ال 1500 شو بتفيدني وشو رح تفرق معي عن النسخة المجانية ...؟!
- هي ال 1500 لما تدفعها ع التطبيق رح تسهل عليك الدراسة بشكل كبير ورح تساعدك بشكل أكبر للوصول إلى ال 200 عن طريق بنك الصح والخطأ والمواضيع 🤷‍♂
- رح تغنيك عن تسجيل مكثفات وجلسات امتحانية الي وصل رسم التسجيل فيهن ل 40 ألف ليرة سورية 🤷‍♂
- عندك ملخص كامل بجيبتك وين ما رحت وبشكل حلو مصمم وتفاعلي وتصير كل ما تمسك الموبايل تدرس وطنية وتتسلى بدل الفيس والواتس وتضييع الوقت 🤷‍♂
- الاشتراك لمرة واحدة يعني بس هالمرة بتدفع ال 1500 ولجهاز واحد لأن إذا فتحت الحساب من أكتر من جهاز للأسف رح ينحظر الحساب 😢
- رقم التواصل عبر واتساب مع الشركة في حال واجهتوا مشاكل بالتطبيق أو لأي استفسار : 0998760194 👉

🔴🔴 #هااااام_جداً جداً : هاد الشغل والله انتعب عليه ومتل ما طلبتوا مني حتى النسخة المجانية نزلتا PDF ومنسقة وحلوة وجاهزة للطباعة وحاولت نزللكن من تكاليف النسخة المدفوعة وتكون بقلب كل بيت وعند كل طالب (لأن حقوق النسخة المدفوعة مو الي لهيك مدفوعة بس بمبلغ رمزي) لهيك بدي منكن خدمة الله يخليكن :
#الدعاء ثم #الدعاء ثم #الدعاء لسبب إصراري وتقديمي هذا العمل وهي الخدمات للطلاب وتسهيل أمور دراستن وسندي بهي الحياة شريكة عمري بإذن الله ، ادعولنا بالصحة والعافية والله يجمعنا ويخلينا مع بعض ولبعض ويديمها تاج ع راسي ويوفقها بدراستها وينور دربها ❤️❤️

#فبأي_آلاء_ربكما_تكذبان 💍❤️
#صالح_الشاهين ...✍

🔴 تاسع وبكالوريا علمي وأدبي || الأوراق الامتحانية النهائية للمراجعة 2021 😍

📌 متل كل سنة ما بترك الطلاب لحالها
وهي السنة ما فيني اعمل شي من شغلي
لأني لست استاذاً ، وكمان لضغوط الدراسة

📌 هي السنة رح جبلكن ملفات لكل مادة
وعم حاول جيبها لأفضل الأساتذة بدمشق
كرمال تضمنوا أعلى علامة ممكنة

📌 ملفات اليوم على الشكل الآتي :
- الفيزياء : جلسة الأستاذ أنس أحمد
- الفلسفة : جلسة الاستاذ نادر خلف
- الاجتماعيات : جلسة مؤسسة المتفوقين

📌 تحميل الملفات : كلها بدقة عالية
بس في شغلة ، شغلوا أي برنامج vpn
كرمال ما تواجهوا مشاكل بالتحميل

📌 رابط الاجتماعيات تاسع :
https://bit.ly/3fSmznk

📌 رابط الفلسفة بكالوريا أدبي :
https://bit.ly/34v5CKe

📌 رابط الفيزياء بكالوريا علمي :
https://bit.ly/3vwYEjU

#ارفعوا_البوست وشاركوه كرمال تصل الملفات للطلاب ولكمل معكن ببقية المواد 👌
#صالح_الشاهين ...✍️

🔴 ساعات تفصلنا عن امتحانات الشهادات || وصلتني تسريبات هامة لأول مادة ، مستوى الأسئلة ...😱❤

📌 بكرا أول يوم بامتحان التاسع
السنة الي تعبوا فيها طلابنا كتير
ومتل كل سنة ، بهي الليلة تحديداً
الطلاب بتخاف والأهالي بيدعوا 🥺

📌 شوفوا شو وصلني تسريبات عن
أسئلة بكرا وشو رح يجي 😇😱..:
صارت الساعة 8 وفتوا ع القاعات
القلوب عم تدق وتدعوا انشالله تكون
الأسئلة سهلة وبلشتوا تقروا قرآن 🥺

📌 بيعطوكن الوراق ، وتكتبوا اسمكن
وبتنزلوا ع أول سؤال : لك هااااد بعرفه
والتاني : لك يالله مستحيل مبارح راجعته
والتالت : يااااي التعاليل قصيرة والله
وبتنزلوا ع الخريطة لك اجت الي اتدربت
عليها لك هي كتير سهلة وحافظها 😍❤

📌 بيخلص الوقت وبتسلموا الأوراق
وبتطلعوا وأنتوا مبسوطين وعم تركضوا
ع البيت لتحضنوا البابا والماما وتحكولن
لك الأسئلة سهلة وسكرناها افرحي يا أمي
وتركعوا وتشكروا الله من الفرح وبعدا
تصيروا تقولوا لأخواتكن : يلا #هايصوا 😂

📌 #لحظات_الفرح بكرا رح تعيشوها
ورح تمرق الأيام ويخلص الامتحان وتنجحوا
وتتذكروني بدعوة ع صلاة الفجر كيف كنت
حفزكن وما تركتكن ب ولا مادة ولا رح اتركن
وتقلولي والله وانجحنا يا صاااالح ....😍❤

#قلوبنا_معكن واليوم ع الصلاة رح ادعيلكن
#طلاب_التاسع : أنتوا قدها والأمل فيكن 😍
#صالح_الشاهين ...✍

لمتابعة جميع الرسائل التحفيزية ، تابع الحساب 👇
https://www.facebook.com/salehalshaheen.net

🔴 #أبطال_التاسع آسف ع التأخير || كنز رياضيات 😍✊

📌 رابط اليوم عن غير كل يوم
رابط اليوم رح تضمن 600 أكيد
معقول ب 18 ورقة بس ... ᥬ🙂᭄
أكيد لا ، تابعوا قراءة ᥬ🙂᭄

📌 رابط اليوم بيحتوي على :
نوطة أقل ما يمكن القول عنها ذهبية
ومرتبة وشاملة وبنت عالم وناس ᥬ😍᭄
النوطة من إعداد المهندس واستاذ الرياضيات
#أيهم_الدالي 😎✊

📌 وبنفس الرابط في تجميعة فيديوهات
لشرح معظم نقاط المنهاج يعني بيباي للجلسات
وبعتقد كلشي صعب رح يصير سهل عليك 😍

📌 وبنفس الرابط كمان في أسئلة دورات
مرتبة ومعاد كتابتها من قبل الغالي أيهم
لتطبعوها أو لتدرسوا منها من الموبايل 😍

📌 وبنفس الرابط في مكثفة حلوة مختصرة
إذا أنت مخلص رياضيات وبدك مراجعة سريعة
ف المكثفة هي الحل ب 18 ورقة فيها مراجعة
أفكار وليست توقعات وكتير مفيدة وحلوة
من إعداد مؤسسة المتفوقين التربوية ❤

📌 قبل ما حط الرابط بتروح ع التعليق الأول
اعملتلك صورة لتقدر تحمل أي ملف بسهولة
لأن الملفات القادمة نااااارية وحلوة ومهمة 😉
الرابط : https://bit.ly/3ibuJtG 👉

📌 #أخيراً : إذا شفت طلاب التاسع وأهاليهن
متفاعلين كتير ع البوست في ملف ذهبي وحلو
لسى ما وصلني بس (احتمال) بكرا بيصلني 😇
بصوره وبنزله إذا شفت في تفاعل منيح 😎

#سامحونا ع التأخير بسبب الكهرباء ᥬ🙂᭄
#صالح_الشاهين ...✍
#سوريانا_التعليمية ✅

#الأوراق_الامتحانية قومية 2021 😍
للمهندس : #صالح_الشاهين 😎
#سوريانا_التعليمية ✅

🔴 #بكالوريا و #تاسع عن تجربة || ما عم نلحق ... ما عم نقدر نفيق بكير ... لسى في علينا تراكم ... الخطة البديلة 🥲💔

من أكتر الأسئلة يلي بتجيني بهاد الوقت ، والإجابة #عن_تجربة :
- لما كنت بكالوريا كنت ما فيق للساعة 12 الظهر هيك متعود وضل اسهر بالليل ادرس (بس للأمانة كنت محافظ الحمدلله ع صلاة الفجر وادعيتها وبرجع نام) ، يعني بعكس العالم يلي بتقلك فيق الصبح واستنشق الأوكسجين واتبع برنامج معين 😂💛

- قبل الفيزياء كان باقي للامتحان شي 5 أيام لحتى بلشت ب دراسة الفيزياء وما كنت مركزها منيح وع دفعتي كانت كل التوقعات بتقول أنه جايينا نواس ثقلي مركب يعني متل معظم السنوات وانا ما بحبه لأن ما كنت فهمانه كتير ، فما ركزته ومرقته ع الماشي ودرست مسألة وحدة بس وبدون تركيز ، ولما رحت ع الامتحان اجانا نواس مرن يا فتل والله ما بقى اتذكر 😍❤️

- ف ما قعدت ابكي ولا قلت هي خسرت 80 أو 100 علامة تبع المسألة الأولى وقعدت اندب ، لا لا خلص عملت يلي عليي ودرست وضليت متفائل خير والحمدلله اجا يلي درسته 😍💛

- ما بدي طول عليكم ب فقرة اليوم ، بس فكرتي :
بجوز تقولوا الأسئلة صعبة أو خايفين من سؤال او من فقرة معينة مو مركزينها ، ف بتزعلوا وبتضيعوا كلشي درستوه وبتضيعوا وقت ع فقرة احتمال تجي واحتمال لا ، لهيك الكل يدرس يلي بيلحقه قدر المستطاع وخليكم ريلاكس وهي أيام عادية لا تتوتروا ولا ع بالكم ضلوا اضحكوا وحطوا #الغزالة_رايقة كرمال بعض ناس تنقهر منكم وقت تشوفكم مبسوطين بالدراسة 😍💃

- باذن الله قربت لحظة الفرح ، وبعد 20 يوم هي أيام الفرح والراحة أنه رح تشوفوا نتيجة تعبكم ورح تنجحوا باذن الله ورح نضل معكم لحتى نشوف الضحكة الحلوة ع وجوهكم 😍💛

- وهلق يلا قوموا ع الدراسة وشدوا الهمة 😎✋
- من أخوكم الصغير : #صالح_الشاهين ...✍️
- #سوريانا_التعليمية ✅

🔴 #موقف_حلو || بيستحق القراءة والوقوف عنده لكل شخص خايف من المستقبل ، أرجو قراءته ومشاركته ❤️

☁️ اليوم ماشي مع رفيقي اتخرج من فترة صغيرة
وكان عم يقلي : تعال لاحكيلك هي القصة ؛

☁️ هو طالب هندسة ومشروعه بكلف كتير ،
وهو من عائلة متوسطة الحال وبيعتمد ع حاله
ف حكالي أنه ما كان معي مصاري وقت التخرج

☁️ ف قلت يارب : يسرلي هالمشروع وارزقني بكرمك
وهو بيعطي كورسات ب معهد ، وكان عامل كورس
وبهاد الكورس تقريباً كسر الأرقام القياسية بدوراته
والله رزقه رزقة جداً كبيرة ب أعداد الطلاب يلي سجلت

☁️ والحمدلله اجاه مبلغ مشروع التخرج وزيادة شوي ..
هي قصة وحدة بس مليان منها كل يوم وكل ثانية
طالما في رب : #لا_تخاف صدقني لا تخاف ❤️❤️

☁️ بجوز هلق خايف ما يطلعلك تحضيرية أو .... مثلاً
أو دراستك مو منيحة ، وربك بيكرمك ب أسئلة سهلة
وتحقق حلمك وتجيب المجموع يلي بدك ياه 💛💛

☁️ آسف طولت عليكم ، بس بدي ما تخافوا من شي :
في الله ... يعني في أمل ، والله يرزقكم فرحة
تسجدوا ليالي شكر لرب العالمين فيها ❤️❤️

- أخوكم الصغير دائماً : #صالح_الشاهين ...✍️
- #سوريانا_التعليمية ✅

#الأوراق_الامتحانية قومية 2021 😍
للمهندس : #صالح_الشاهين 😎

#منهاج_قديم 🔴🔴
#سوريانا_التعليمية ✅