🌟 متابعتنا وزيادة وصولنا على الفيسبوك داعم مهم لاستمرار عملنا على الكتاب، والذي سيكون متاح على هذه القناة بكل اجزائه لفترة طويلة.

🌟 صفحتنا :

https://www.facebook.com/profile.php?id=100091772104107&mibextid=nW3QTL

لتعرفو أكثر عن رمزية هالصورة شوفو آخر منشور على الفيسبوك !!.

بناءً على سؤال أحد المتابعين بالكومنتات 💙

#هضمية :

✍🏻 #القرحة_المريئية :
#Esophageal_ulcer :
من اسمها بتصير بالمريء، بالأخص بالقسم السفلي من المريء .

💢 أسبابها مشابهة لباقي القرحات واللي هي :
_ مواد تخريشية
_ التهابات
_ عدوى بكتيرية أو فيروسية
_ أدوية وأهمها مضادات الالتهاب اللاستيروئيدية NSAIDS

💥 وطبعاً ما مننسى أهم وأشيع سبب لتقرحات المريء 👇🏼
ال GERD واللي هو القلس المعدي المريئي
...
☄ للاستزادة كمان .. أسباب ال GERD :
_ زيادة الحموضة أو نقص ال PH
_ الإقياءات
_ البدانة
_ الحمل
_ أطعمة ومشروبات (الحمضيات الأشيع)
_ وارتخاء المصرة الفؤادية(العلوية للمعدة)

⚡ أسباب ارتخاء المصرة العلوية للمعدة :
_ العيوب الخلقية
_ العمليات الجراحية
_ فتوق الحجاب الحاجز
_ ومواد طعامية متل الشوكولا والنعنع !
_ وفي دراسات بتقول أنه التدخين ممكن يكون سبب
....
🚫 هلق منجي للفكرة الأهم 🚫

👈🏻 طبيعة الألم بتقرحات المريء :
_ ممكن تكون آلام حارقة بمنطقة الشرسوف متل القرحات المعدية والعفجية
_ أو آلام مشابهة للآلام القلبية
_ أو آلام حارقة خلق القص بالأخص خلف رهابة القص .

كنت معكن " ثابت محمد " .

لا تنسوا أني خبرتكن قبل .. رح كمل معكن بشوية معلومات عن القرحات 😅
(في سلسلة بوستات غير هالبوست لسا 🤝🏻)

📛 اللي عندهن هضمية #رابعة القرحات رح تصير بالجيبة 😂 عقبال باقي المواضيع 🤺 📛

#أذنية :

👂بصفتك طالب طب بالمراحل السريرية أو طبيب مختص باختصاص #غير الأذنية .. طُلِب منك تقييم ما إذا كانت أذن مريض ما سليمة أو غير سليمة
وعلى فرض بطريقة ما توفر بين إيديك #منظار_أذن #Otoscope

شو بتعمل ❓🙄
^عن نفسي بحاول اتهرب😅 ^
أما أنت إذا كنت كدع بتعمل كده 👇🏼
أول شي بتتأمل الأذن من برا
شكل الصيوان وما حوله
إذا في كدمات، سحجات، جروح، تغير لون، فطور
في حال كله طبيعي >>> رح تنتقل للفحص ب #المنظار
طبعاً بالمنظار ممكن تشوف كدمات أو تغير لون، سحجات، حبوب ضمن مجرى السمع الخارجي، قشور، أجسام أجنبية، سائل خلف غشاء الطبل وعلامات مرضية تانية .
على فرض الشي اللي رح تشوفه بالمنظار نفس اللي بالصورة ..
" الصورة لغشاء طبل طبيعي "

🦻 هل بإمكانك تحدد .. المسميات اللي بتشير الأسهم الها بالصورة اللي عم نحكي عنها ⁉️
🦻 ب متل هيك غشاء شايفه طبيعي .. كيف فيك تقيم أنه فعلاً طبيعي و سليم ‼🤔

خليك معنا لتعرف الإجابة 🤝🏻

[ بالأحرى خليك معنا لنزيدك بمعلومات أكتر مشابهة ومكملة للشي الموجود ضمن هالبوست💪🏻❤ ]

إعداد : ثابت محمد .

لطلاب الرابعة_ جراحة عامة - من الجزء الأول من كتابنا.

لاعب كرة قدم تعرض للسقوط أثناء اللعب بفعل دفع قوي، نهض واستمر باللعب، وبعد دقائق سقط على الأرض شاحب ومغمى عليه.

ما التشخيص ⁉️

#عينية :
#Ophthalmology :

بما أننا دخلنا بأجواء عيد الميلاد وقرب رأس السنة
ومتل ما منعرف من ضمن الاحتفال بهيك أعياد .. التزيين ب #شجرة_عيد_الميلاد .

يا ترى كان عندكن علم 👈🏻 بوجود مرض عيني يتظاهر بالفحص الطبي بشكل مميز واللي هو متل ما ذكرنا #شجرة_عيد_الميلاد 🌲 .

هاد المرض اسمه #ساد_شجرة_الميلاد أو
#Christmas_tree_cataract
واللي هو أحد الأنماط الشكلية لِ #الساد_الشيخي
كتعريف وصفي فينا نقول بأنه : عبارة عن ترسبات متعددة الألوان إبرية الشكل في القشر العميق أو النواة .
( يعني من ناحية الطبقات بالعدسة .. هاد النوع من الساد بكون بين الساد القشري والساد النووي )
^مو شرط تفهموها إنما للي عم يدرس عينية😄^

♻️ منرجع شوي لفكرة #الساد #Cataract
واللي شائع تسميته بالعامية بمصطلحات متل #المي_الزرقة أو #المي_البيضا
كمان في مصطلحات طبية تانية شائعة الاستخدام غير #السّاد متل .. #إعتام_عدسة_العين أو #عتامة_العين
وباللغة العربية في مصطلح لسا هو #السُّدّ .

🔺️الساد ممكن يصير بعين وحدة أو بالتنين .
🔻الأعراض :
مريض الساد بيتحسس من الإنارة القوية + بصير عنده ضعف نظر ليلاً .

تنويه ١ : هاد النوع من الساد #غير شائع بكثرة .
تنويه ٢ : الساد الشيخي لا يعني بالضرورة أنه يصيب المسنين فقط .. قد يحدث عند من هم في عُمر الثلاثين .
[ سُمِيّ شيخي .. لأنَّه تزداد نسبة حدوثه كلما تقدم العمر ]
تنويه ٣ : في شوية حكي عن الساد مارح نحطه هلق منشان ما يطلع البوست أكبر من هيك .

استمتعوا بالفديو .. وعينكن عالصور بالتعليقات

من فريق الحالات السريرية _ Clinical Cases Team كنت معكن أنا 👇🏼

❣ ثابت محمد ❣
https://fb.watch/pefTM3TeiG/?mibextid=Nif5oz

🔴 دعـواتكـم بالشـفاء العاجـل لـلـزملاء:
-الدكتور فارس عادل حمامي
-الدكتورة لمى عبد الكريم محمد
-الدكتورة هيا زغيبـة.

~ المصابيـن إثر حادث السير الأليـم الذي حصـد أرواح الأطباء الشبـاب يونس مصطفى و يوسف الضايع خريجـي جامعـة طرطوس لهـذا العـام. 💔

#عدسة_طالب_طب

من القلب، نتمنى لكم عام جديد سعيد مليء بالنجاح على الصعيد الشخصي والمهني .. 🎄.

نتمنى أن نكون قد عبرنا في هذا العام كظل علمي خفيف في حياتكم ...
آملين أن تبقوا أصدقاءنا وأن تؤمنوا بنا كي نقدم الأفضل.

اي اقتراحات للفريق يمكن أن تتركوها هنا 👇.

لن نخذلكم ❤️

🔴 #حتى_يثبت_العكس

💥 كل نزف تناسلي بعد سن الضهي >> سرطان باطن الرحم حتى يثبت العكس .
💥 كل إمساك مفاجئ عند مسن >> سرطان كولون حتى يثبت العكس .
💥 كل نفث دم عند مسن >> سرطان رئة حتى يثبت العكس .
💥 كل سيلان أنفي مائي وحيد الجانب >> كسر قاعدة الجمجمة حتى يثبت العكس .

#جانب_ترفيهي

🌸 لمحبي الأدب والكتب، هنا قناة شقيقة فيها مساحة شاعرية صغيرة قد تهمكم :

https://t.me/samliterature

#هضمية :
#Gastroenterology :
#Peptic_Ulcer :

درجات القرحة الهضمية بالترتيب بدءاً من الأخف :

Excoriation تَسحُج
Ulceration تقرح
Erosion تآكل
Ulcer قرحة (الشكل النهائي للقرحة)
وإذا تركناها بدون علاج
➡️ Perforation انثقاب
.......

التصنيف عالمياً يكون بالترتيب IV .. III .. II .. I
أو بأرقام أخرى حسب البلد ويكون تبعاً للعمق والطبقات.
وهو ما يكافئ تعريف المصطلحات التي ذكرناها في الأعلى.

 
إعداد : ثابت محمد.

Interesting

بوست طويل بس متعوب عليه 😪

#جراحة_عصبية :
#Neurosurgery :

نداء 📢📢📢
إلى الزملاء في العام الخامس ..
ولمحبي الجراحة العصبية 👀❤

رح نحكي عن #3علامات_شعاعية (٣ب١💁🏻‍♂️) بيتظاهروا بمرض أو آفة دماغية، اللي هنن :
1️⃣#Mickey_mouse_sign
#علامة_ميكي_ماوس
منشوف متل رأس الميكي فقط
2️⃣#Humming_birds_sign
#علامة_الطائر_الطنان
^عصفور صغير، عالأغلب ملون، جناحاته بتتحرك بتواتر كبير .. لهيك سموه طنان🙃^
3️⃣#Morning_glory_sign
#علامة_الوردة بس مابعرف شو اسم هالوردة بالبحث شفت أنها زهرة من نوع اسمه مجد الصباح🚶🏻‍♂️

✍🏻 وهاد المرض ممكن يكون :
1_ خُلقي متل انسداد بقناة سيلفيوس، تضخم بطينات...الخ
2_ مكتسب .. إنتاني، ورمي، كيسات، نزوف، تشوهات وعائية متل أم دم، استسقاء وكتير كتير من الأمراض
يغلبها الطابع أو الآفة الورمية اللي في الغالب بتكون حول مسال سيلفيوس (اللي بيوصل البطين التالت والرابع .. شوفوا الأشكال بالتعليقات 🥱) أو ورم بالبطين الرابع .
وفي مرض شائع ظهور هالعلامات فيه هو
الشلل فوق النووي المترقي (PSP) والمعروف أيضاً باسم متلازمة #ستيل_ريتشاردسون_أولزوسكي

🌟 المهم يا معلم ..
الآلية ليظهروا عنا هالعلامات بحالة الأورام .. هي الانضغاط (قناة سيلفيوس) وبالتالي استسقاء كل من :
{البطينين الجانبيين والبطين الثالث}

_طب نحنا كيف رح نشوف هالعلامات ⁉️
_ منشوفهن بالمرنان MRI .. بوضعيات مختلفة
الوردة والميكي ماوس بنفس الوضعية
بس واحد بحب الورد لهيك سماها علامة الوردة وأنا بحب الميكي ماوس💆🏻‍♂️ .
الطائر .. بيظهر بالتصوير جانبياً .

..........
🚨 في ختام البوست نُرفق لكم :

⚡مقال كامل .. قمنا بتحويله ل pdf💙
يوضح هذه الثلاث علامات التي تظهر بالتصوير بال MRI .. عند رجل هندي يبلغ من العمر 70 كان قبل يومين سابقين يعاني من إقياء، عسرة بلع و اضطرابات أخرى مرافقة ..
سنقوم بتحميل الملف على قناتنا التلغرام بعد حين
للاطلاع اضغط على رابط القناة 👇🏼
https://t.me/studientguide
(قُم بتقريب المقال لتتمكن من قرائته)

⚡أيضاً رابط لحالة سريرية (استسقاء دماغي)
الحالة من مشفى تشرين الجامعي منذ ٣ سنوات
https://m.facebook.com/story.php?story_fbid=421047576026187&id=102538541210427&mibextid=Nif5oz
بالحالة تم رؤية علامة الميكي ماوس بال MRI .💙
*الصور اللي لازم يظهر فيها الميكي ماوس غير موجودة بهالحالة .. لكنها موجودة في المقال الأول*

إعداد : ثابت محمد .

#قناة_يوتيوب_صديقة 🌸

لأننا نؤمن بالعطاء ولأن فريقنا يعتبر كل من يحب العطاء جزء منه نود أن نعرفكم بالقناة اللطيفة Aorta_platform#

🌟 القناة تابعة لزميلتنا آية داقور، طالبة طب بشري سنة خامسة جامعة تشرين دفعة 2025، هي الدفعة الي ما رح تتوقف عن المفاجآت اللطيفة على مستوى عالي جداً 🥰.

🌟 هدف القناة : توصيل المعلومة بأسرع وقت وأسهل طريقة وبشكل موثوق معتمد ع المراجع ومصادر معينة .. مجاني بالكامل ♥️.

✅ على القناة رح تلاقو سلسلة سكيتشي احترافية، شروحات بمادة العينية بتفيدك سواء كنت طالب خامسة أو عم تحضّر الامتحان الوطني والقادم أجمل ✅.

📌 رابط القناة :
https://youtube.com/@Aortaplatform?si=T_QWQ-HFh7ZmDJxM

🌟 منتمنالكم متابعة ممتعة، ومن القلب اعضاء فريق الحالات السريرية يتمنون للزميلة التوفيق في هذا العطاء .. 💟

___
فريق الحالات السريرية.
دليل الطالب في السنوات السريرية
دفعة 2025