سكيتشي فريق الحالات السريرية للمساعدة بالوطني رح ينطلق اليوم 😌💙

طبعاً كنا حابين بعد ما ننتهي نخبركن عنو .. #ولكن .. مادام انتو اصدقاءنا وكتار عم يحضرو للوطني قررنا نخليكم معنا أول بأول عقناة :
Sketchy CCT
ليوصلكم كل يوم سكيتشي من المعلومات المطلوبة للوطني وبتهم طلاب الرابعة والخامسة جداً جداً 🫵🫆

الصور حصرية وخاصة بالفريق والمسا منخبركم اكتر ومنرسل القناة 💙

✅ جراحة أوعية

✨ هي الصورة عناصر بدون قصة، بعض السكيتشات رح يكون فيها قصة أكيد ✨

#داء_بيرغر
من الهمبرغر منتذكر انو الصورة عم تحكي عنو، منلاحظ إنو بمكونات البرغر في عدة ألوان وهيي دلالة على إصابة الشرايين (الأحمر) والأوردة (الأزرق) الأوعية اللمفية (الأخضر) والأعصاب (الأصفر) بهاد المرض ..

منشوف بالزاوية اشارة خطأ على نقطة صفراء نقطة دهنية وهاد (بيذكرنا إنو غير عصيدي).

السيجارة بتذكرنا انو عند المدخنين.

أما الكولا الي اكيد رح نتذكر وجودا مع البرغر منشان تلاحظ قياساتا .. وحدة صغيرة و وحدة وسط (مادام اصغر من البرغر فهيي وسط وهاد مهم للتذكر انو المريض بصيب الشرايين الصغيرة والمتوسطة ـ هااام جداً )

هاد تقريبا كلشي بهمك من داء برغر ..
وهلق ارجع طلع عالصورة و ماعد رح تنسى ..

إذا حسيتو سكيتش بسيط وبدك الأشمل والأطول، وافينا عالقناة المخصصة sketchy CCT 💙 :

https://t.me/SketchyCCT

انتظروا جديدنا .. 🙏💙

✅ جراحة عصبية
#رضوض_النخاع : #ذيل_الفرس #براون_سكوارد
(هي مهمة للوطني وللمقابلات بكل الجامعات)

"الفرس والفارس براون"

فرس تعبان ورخو وتحتو الوعاء الي بيتبول فيه عم يفيض، عليه سرج وفوق منو في زمور خطر، أما الفارس فهو براون الي معو سيف قوي، براون مجروح بجسمو وبالنصف التاني متغير لونو وماسك سيفو فيها.

#شرح :
فرس (إصابة ذيل الفرس) تعبان ورخو ( شلل رخو) وتحتو الوعاء الي بيتبول فيه عم يفيض (سلس بولي بالإفاضة)، عليه سرج (توزع سرجي للألم يعني بالعجان والأطراف السفلية) وفوق منو في زمور خطر (جراحة إسعافية)، أما الفارس فهو براون (إصابة براون سيكوارد) الي معو سيف (أذية قاطعة بطلق ناري او سكين)، براون مجروح بجسمو وبالنصف التاني (قطع نصفي) متغير لونو (فقد حس وألم وحرارة بالجهة المعاكسة لجهة الإصابة) منلاحظ انو براون ماسك السيف بالجهة غير جهة الاصابة لأنو جهة الاصابة مشلولة (يعني فقد حركة وحس في الجهة الموافقة).

هلق ارجع طلع عالصورة وإن شاء الله الفقرتين صارو بالجيبة 💙
انتظروا جديدنا، لا تنسونا بصالح الدعاء 💙

✅ جراحة بولية

#الصفن_الحاد : انفتال الخصية والتهاب الخصية والبربخ.
(دورات الوطني + دورات اللاذقية)

الحالتين براجعونا بألم خصية حاد .. كيف منميز بيناتن..؟ بهالسكيتش رح نتعلم نميز بيناتن + نحل الاسئلة الي بتخصن 💙👇

عنا كرتين، الكرة السودة على زرقة عم تتألم وتبكي ومعها مشرط، أما الحمراء عم تتعرق وبإيدها حبة دوا وفي حبل ماسكتو عم يشدها لفوق، وبيناتن في إشارة كهربائية موجية.

الشرح :

عنا كرتين (كل كرة حالة) الكرة السودة على أزرق (هي انفتال الاسود بذكرنا بنقص التروية) عم تتألم وتبكي ومعها مشرط (العلاج جراحي)، أما الحمراء (الاحمر بذكرنا بالالتهاب وزيادة التروية) عم تتعرق (في ارتفاع حرارة ) وبإيدها حبة دوا (علاج دوائي بالصادات وليس جراحة) وفي حبل ماسكتو عم يشدها لفوق (اذا رفعنا الخصية بالالتهاب بخف الألم فهيي عم تحاول تطلع، أو بالانفتال يزيد بالرفع) ، وبيناتن في إشارة كهربائية موجية (رمز عن الايكو دوبلر ضروري للتميز : بالانفتال بتكون التروية ضعيفة او مقطوعة بالالتهاب زايدة متل ما حكينا)

هلق ارجع طلع عالصورة، فيك تقول صارت الاسئلة حول الصفن الحاد بالجيبة، على الأقل فيك تستبعد خيارين بسهولة 💙

لا تنسونا بالدعاء

✅ دموية

داء تكور الكريات الوراثي 💙

طفل ماشي حامل بإيدو طابة، الطفل مبين وجهو اصفر ومبين انو شرير وعم يضحك ضحكة خبيثة وحامل بإيدو مشرط، أما الطابة مكتوب عليها رمز بيتا، ومن راس الطفل طالعة فقاعة عم يتذكر فيها جدو.

شرح :

طفل ماشي حامل بإيدو طابة (كرة = داء التكور)، الطفل مبين وجهو اصفر (حصيات صباغية مرارية ويرقان) ومبين انو شرير (وراثة قاهرة وليس مقهورة) وحامل بإيدو مشرط (علاج باستئصال الطحال) ، أما الطابة مكتوب عليها رمز بيتا (هو سببو اضطراب بروتين بيتا بغشاء الكرية) ومن راس الطفل طالعة فقاعة عم يتذكر فيها جدو ( قصة عائلية وليس مناعي)

هلق ارجع طلع بالصورة ماعد تنسى ، وانتظروا جديدنا ..
نعمل لأجلكم - CCT 💙

💉 #سكيتشات_الجراحات

جراحة عصبية :
_ إصابة ذيل الفرس وبراون سيكوارد

جراحة صدرية :
_ أورام الرئة

جراحة بولية :
_ الصفن الحاد

جراحة أطفال :
_ فتق بوكدالك + مورغاني + الانسداد بالعقي
_ الفتق الأمينوسي وانشقاق البطن

جراحة أوعية :
_ داء بيرغر

❤️
#CCT
#Believe

🩻 سكيتشات الداخليات

✅ دموية
_ أسباب فقر الدم الانحلالي
_ داء تكور الكريات الوراثي
_ اضطرابات الارقاء البدئي (توسع الشعيرات النزفي، فرفرية هيونخ شونلاين، نقص الصفيحات الأساسية ITP).
_ الناعور A
_ لمفوما هودجكن

💙
#CCT
#Believe

💌 اصدقاؤنا الأعزاء :
مننصحكن بالإطلاع على السكيتش أول بأول لتقدروا تستفيدوا منن لأنو اذا تجمعو وصارو كتار ماعد يكونو مفيدين.

📎 وإذا ماعندك وقت على الأقل افتح واكتب عند الفقرة CCT لتتذكر اسم القناة وقت تجي تدرس هالفقرة. وطبعاً عملنا مثبتة عم نضيف عليها الي عم ينشغل 💙

✅ نحنا عم نحاول نرفع الشمولية وياريت تفيدونا بملاحظاتكم على القناة الأساسية ✅

سكيتش جراحة بولية جميل قادم لكم.. انتظرونا .. ولا تنسوا تضيفوا أي طالب سادسة بسوريا 💙.

✅ صدرية
أمراض الرئة والجنب ذات العلاقة بالأميانيت

المسميات على الصورة واضحة 💙

✅ قلبية

اعتلال عضلة قلبية ضخامي

منشوف بالصورة قلب رياضي مشهور لأنو لابس ميدالية وعم يصوروه عم يقفز فوق حاجز شكل الحاجز T مقلوبة وفي لافتات ع تخفيف السرعة ومنلاحظ صورة جدو عالحيط.

#الشرح
قلب رياضي (أشيع سبب موت مفاجئ عند الرياضيين) مشهور لأنو لابس ميدالية وعم يصوروه (أشيع شكل اعتلال عضلة قلبية) عم يقفز فوق حاجز شكل الحاجز T مقلوبة (موجات T مقلوبة بالتخطيط) وفي لافتات ع تخفيف السرعة (أدوية تخفيف سرعة القلب هامة بالعلاج مثل حاصر بيتا ونمنع الرياضات العنيفة) ومنلاحظ صورة جدو عالحيط ( وراثي جسدي سائد)

طلاب الرابعة مهم جدا الكم ❤️☝️

✅ قلبية
أساسيات التخطيط 2 (تزحل ST للأعلى)

#هاااام

شاب عم يتسلق جدار وبطنو كبير، معو كيس رافعو لفوق مكتوب عليه من برا حرف K الجدار متحاصر بسياج من الاشواك الحديدية وفي شرطي ضخم ناطرو و عم يطلع عالساعة وماسك بإيدو حبل مشنقة.


#شرح :
شاب عم يتسلق جدار(احتشاء عابر للجدار) وبطنو كبير (أم دم بطينية)، معو كيس (الكيس المحيط بالقلب هو التامور فهون التهاب تامور حاد) رافعو لفوق مكتوب عليه من برا حرف K (ارتفاع البوتاسيوم) الجدار متحاصر بسياج من الاشواك (حصارات) وفي شرطي ضخم (آفات ضخامية) ناطرو و عم يطلع عالساعة (عود الاستقطاب الباكر) وماسك بإيدو حبل للخنق (خناق برنزميتال).

سؤال للمحنكين بالصدرية 😊

مريض كنت شاكك انو عندو ريح صدرية (ألم صدري جنبي+ تحدد تنفس) بس فجأة انضاف عليهن نفث دم ..
شو بصير التشخيص ؟ .

🩻 سكيتشات الداخليات

✅ دموية
_ أسباب فقر الدم الانحلالي
_ داء تكور الكريات الوراثي
_ اضطرابات الارقاء البدئي (توسع الشعيرات النزفي، فرفرية هيونخ شونلاين، نقص الصفيحات الأساسية ITP).
_ الناعور A
_ لمفوما هودجكن

✅ صدرية
_ أمراض الرئة والجنب ذات العلاقة بالأميانيت

✅ قلبية
_ أساسيات في التخطيط 1
_ أساسيات في التخطيط 2 ( تزحل ST للأعلى)
_ خوارزمية علاج الرجفان الأذيني المستمر الدائم
_ اعتلال عضلة قلبية ضخامي

✅ رثوية
_ الفصال العظمي
_ النقرس
_ التهاب المفصل الخمجي
_ الآثار الجانبية ل : ميتوتركسات/ هيدروكسي كلوروكين/ أملاح الذهب
_ التهاب الفقار المقسط
💙
#CCT
#Believe

جمل مخاتلة ومهمة خليهن ببالك:

✅ أشيع سبب لمتلازمة كوشينع هو داء كوشينع.

✅ أشيع سبب لقصور القلب الأيمن هو قصور القلب الأيسر.

#CCT
#Believe

#تذكر

المظهر الرئيسي لقصور الخلية الكبدية هو الاضطراب الدماغي 🧠

#CCT

✅ ملخص يهمك عندما تريد معالجة مريض قلس (GERD) :

مثبطات مضخة البروتون (PPIs): تقلل إفراز الحمض من المعدة بشكل قوي وطويل المدى. أشهر دواء: Omeprazole.

مضادات الحموضة: تعادل الحمض الموجود فورًا دون التأثير على إفرازه. أشهر دواء: Magnesium hydroxide أو Aluminum hydroxide.

حاصرات مستقبلات H₂: تقلل إفراز الحمض عن طريق حجب مستقبلات الهيستامين في المعدة. أشهر دواء: Ranitidine (كان شائعًا، حاليًا Famotidine هو الأكثر استخدامًا).


#CCT
#Believe

#تجميعة #آثار_جانبية هامة جداً للوطني مع تيم الوطني في CCT💙 :

✔️NSAIDS :
قرحة، عسرة هضم، اسهال حاد، التهاب مري.

✔️الديجوكسين :
عسرة هضم، نقص وزن.

✔️البوتاسيوم :
عسرة هضم، التهاب مري.

✔️أدوية أُخرى تسبب التهاب مري :
تتراسكلين، دوكسيسكلين، بيوفوسفانات، سلفات الحديد.

✔️أدوية تسبب البدانة :
مضادات اكتئاب ثلاثية الحلقة، مركبات السلفونيل يوريا، فالبروات الصوديوم، حاصرات بيتا.

#CCT
#Believe

قريباً سكيتشات جلدية 🥳

طبعاً أكيد المهم بالجلدية هو رؤية صور حقيقية للأمراض، أما السكيتشات الي رح نعملها هيي رح تكون تجميع معلومات #نظرية هامة، وليس توصيف حقيقي ..
يعني مثلاً معلومات الحزاز المسطح ممكن نجمع أفكار الدورات تبعها بصورة ساعة 🫣 فالهدف هو الحفظ والدراسة النظرية وليس التصوير الحقيقي.

طبعاً رح يكون شي مميز متل سكيتشات الداخلية الي حبيتوها ويمكن أكتر 😉❤️‍🔥 ..
خلونا نزيد عدد الأصدقاء ❤️‍🔥.

✅ جلدية

النخالية الوردية

شجرة ميلاد لونا زهري متعلق عليها أشكال صغير على شكل لوح وفي طوق ضوئي محيط فيها، وجنبا في طفل سعيد.

#الشرح
شجرة ميلاد (علامة شجرة الميلاد على الجذع والأجزاء الدانية للطرف) لونا زهري (لنتذكر شو المرض )متعلق عليها أشكال صغير على شكل لوح (لويحااات) وفي طوق ضوئي محيط فيها (وسوف طوقية)، وجنبا في طفل سعيد (لا ألم، لا ندبة، لا حكة، لا عدوى، لا حاجة للعلاج)

🟥تنويه هام من مصدر خارجي : ورد أنها تكون حطاطة قبل أن تصبح لويحة.