​#dissidentby

🥀 Лукашэнка заўсёды супрацьстаяў сваім апанентам любымі спосабамі. Так, у свой час яго ахвярамі сталі Юры Захаранка, Дзмітрый Завадскі, Віктар Ганчар, Анатоль Красоўскі, Павал Шарамет і іншыя.

З 2020 аўтарытарная сістэма забіла 22 асобы. Мы павінны памятаць тых, хто аддаў сваё жыцце, і змагацца за жывых дзеля нашай свабоды.

2020 год
➖ Генадзь Кісель (50 гадоў), вартаўнік Салігорскага кіравання КДБ Леанід Штайда забіў садовымі нажніцамі Генадзя Кіселя проста на вуліцы за рознагалоссе ў палітычных поглядах;
➖ Аляксей Дзямідаў (25 гадоў), Аляксей быў футбольным заўзятарам. Згодна з папярэднім заключэннем, ён памёр ад атручвання і слядоў гвалту няма, а па словах блізкіх - яны відавочныя;
➖ Сяргей Шчэцінка (57 гадоў), на здароўе пачаў скардзіцца пасля выхаду з Асіповічскага ІЧУ, дзе адбываў адміністратыўны арышт за ўдзел у пратэстах. Каля сутак быў у адной камеры з мужчынам, у якога была высокая тэмпература. Заразіўся COVID;
➖ Станіслаў Чур (31 год), зборшчыка Станіслава Чура знайшлі павешаным падчас абедзенага перапынку. Ён хадзіў пастаянна на ўсе мітынгі і забастоўкі, за што на яго ціснула кіраўніцтва;
➖ Канстанцін Шышмакоў (29 гадоў), нойдзены мёртвым у лесе на беразе ракі Нёман. Ён быў адным з двух сябраў камісіі на ўчастку ў Ваўкавыску, які адмовіўся падпісаць сфальсіфікаваны пратакол на выбарах;
➖ Раман Бандарэнка (29 гадоў), быў збіты сілавікамі ў двары каля свойго дому, памёр у шпіталю з ацёкам мозгу;
➖ Дзяніс Кузняцоў (41 год), збіты ў турме на Акрэсціна да смерці. Пералом костак чэрапу;
➖ Аляксандр Будніцкі (53 гады), знойдзены мёртвым у двары каля ўнівермагу Рыга;
➖ Мікіта Крыўцоў (28 гадоў), знойдзены павешаным каля вуліцы Парніковай у Партызанскім раёне Мінска. З'яўляўся лідэрам футбольных фанатаў г. Маладзечна і адным з асноўных арганізатараў мітынгаў супраць несумленных выбараў у сваім горадзе;
➖ Аляксандр Тарайкоўскі (34 гады), быў застрэляны каля ст. м. Пушкінская падчас пратэсту;
➖ Арцем Порукаў (19 гадоў), знойдзены мёртвым на вуліцы ў Мінску калі вяртаўся дадому ад сваёй дзяўчыны;
➖ Генадзь Шутаў (43 гады), застрэлены ў Брэсце. Кулявое параненне ў галаву незваротна пашкодзіла галаўны мозг;
➖ Аляксандр Віхор (25 гадоў), памёр у аўтазаку ад спынення сэрца, аўтазак быў перапоўнены людзямі, дапамогу не аказалі.

2021
➖ Вітольд Ашурак (50 гадоў), актывіст партыі БНФ, каардынатар "Рух за свабоду". Быў асуджаны 18 студзеня 2021 году на 5 гадоў. 21 траўня памёр у калоніі ПК-17 (г. Шклоў);
➖ Дзмітрый Стахоўскі (17 гадоў), фігурант крымінальнай справы за ўдзел ў "масавых беспарадках" 9-11 жніўня 2020 году. Скончыў жыццё самагубствам, скокнуў з 16-павярховага будынку. Пакінуў перадсмяротны допіс: "Віной таму, стаў следчы камітэт";
➖ Андрэй Зельцар (31 год), забіты супрацоўнікамі КДБ Беларусі падчас перастрэлкі ў кватэры на вуліцы Якубоўскага ў Мінску. Паранены стрэлам Зельцара супрацоўнік КДБ пазней памёр;
➖ Елена Амеліна (53 гады), сур'ёзна захварэла на каронавірус падчас адбыцця адміністрацыйнага арышту ў ЦІП на Акрэсціна за рэпост "экстрэмісцкага" матэрыялу;
➖ Павал Сібілеў (49 гадоў), кіроўца аўтобусу, які атрымаў цяжкія раненні пасля выбуху гранаты падчас акцыі пратэсту 10 жніўня 2020 году;
➖ Віталь Шышоў (26 гадоў), выйшаў са свайго дому ў Кіеве на ранішнюю прабежку і знік. 3 жніўня яго цела знайшлі ў Святошынскім лесапарку павешаным, са слядамі збіцця на твары.

2022
➖ Дзмітрый Дудойць (43 гады), скончыў жыццё самагубствам (скокнуў з мосту) падчас адбыцця тэрміну ў ПУАТ-43, Магілёў;
➖ Уладзімір Крысёнак (41 год), супрацоўнік "Нафтану", які ўдзельнічаў у стачцы, быў знойдзены павешаным дома. 24 траўня Уладзіміра затрымалі ГУБАЗіК, але праз 72 гадзіны ён быў вызвалены пад падпіску аб невыездзе. Сілавікі паграджалі Уладзіміру 12 гадамі калоніі.

2023
➖ Мікалай Клімовіч (61 год), меў праблемы з сэрцам, быў асуджаны на 1 год калоніі, памёр у ПК-3 (Віцьба) праз некалькі тыдняў пасля этапавання.

​#dissidentby

♥️ На волю выйшаў палітвязень Аляксей Галоўкін!

Жыхар Гродна быў асуджаны на 3 гады пазбаўлення волі і адбываў пакаранне ў ПК-2, Бабруйск.

​#dissidentby

❌ Палітвязень Сяргей Моніч не выйшаў пасля сканчэння тэрміну.

21 жніўня Сяргей Моніч мусіў выйсці на волю пасля 3 гадоў зняволення. Але яго не выпусцілі. Сваякі вязня не ведаюць нічога пра новую справу, у калоніі адказалі, што вязень змешчаны ў ШІЗА да 9 верасня.

Акрамя таго, ягоная жонка паспела з'ехаць у ЗША з двума дзецьмі, дзе і чакала мужа з-за пагрозы пераследу. Калі муж не выйшаў, яна падалася на статус уцекача. Учора адбыўся суд, дзе ёй вынеслі рашэнне аб дэпартацыі (па папярэдняй інфармацыі).

Пракурор адзначыў:
❌ калі яна бяспечна пакінула Беларусь, значыць ей нічога не пагражае, інакш бы яе не выпусцілі;
❌ яму вядома, што ў Беларусі прыняты закон, згодна з якім людзі могуць павярнуцца бяспечна (заўв., хутчэй за ўсё размова пра праграму сілавікоў "Дарога дамоў");
❌ беларусам тут не месца.

Вельмі часта адмова ў запыце на прытулак не азначае, што чалавек не атрымае абарону. У ЗША існуюць розныя законы і праграмы, праз якія гэта пытанне вырашаецца, але, вядома, што такія суды і пазіцыя чыноўнікаў - гэта вялікі стрэс для людзей у эміграцыі.

​#dissidentby

Колькі беларускія незалежныя СМІ пішуць пра палітвязняў❓(Другі выпуск)

Мы (дзякуй валанцёрке!) прааналізавалі публікацыі пяці незалежных СМІ ў Telegram за адзін з мінулых тыдняў. Колькі часу рэдакцыі прысвячаюць палітычным рэпрэсіям? Давайце паглядзім.

🔎 Больш за ўсё з прааналізаваных 5-ці СМІ пішуць пра рэпрэсіі ў Беларусі:

🥇 Маланка (16% навінаў прысвечаны рэпрэсіям)
🥈 Люстэрка (13,5% навінаў прысвечаны рэпрэсіям)
🥉 Хартыя (8,3% навінаў прысвечаны рэпрэсіям)
4️⃣ МКБ (7,6% навінаў прысвечаны рэпрэсіям)
5️⃣ Анлайнер (0% навінаў прысвечаны рэпрэсіям)

🔗 Згодна з папярэднім аналізам, рэйтынг СМІ:
🥇 Новы Час (24% навінаў прысвечаны рэпрэсіям)
🥈 Радые Свабода (19,7% навінаў прысвечаны рэпрэсіям)
🥉 Белсат (18,4% навінаў прысвечаны рэпрэсіям)
4️⃣ Маланка (16% навінаў прысвечаны рэпрэсіям)
5️⃣ Люстэрка (13,5% навінаў прысвечаны рэпрэсіям)

⛓ Мы разумеем складанасці, з якімі сутыкаюцца рэдакцыі, але мы заўседы адкрыты да супрацы з рэдакцыямі для пошукаў новых магчымасцей распавядаць пра тых, хто знаходзіцца ў закладніках, і не мае права голасу.

​#dissidentby

3 гады прайшло з моманту забойства Рамана Бандарэнкі.

3 гады рэжым Лукашэнкі працягвае забіваць незащгодных, трываюць сістэмныя рэпрэсіі, а колькасць палітычных зняволеных расце, пакуль краіна пагружаецца у цемру бяспраўя.

🙏 Але памяць пра герояў нашага часу не знікла. Яна жыве у нашых думках і дзеяннях, як і ў салідарнасці, што квітнее між беларусамі па ўсім свеце.

Сёння не час для смутку і разгубленасці, насамрэч гэта час для гонару і дзейнасці.

✊ Замест хвіліны памяці - усё жыццё барацьбе!

11 лістапада 2020 года Раман Бандарэнка пабачыў у чаце, што невядомыя ў чарговы раз зрываюць бел-чырвона-белыя стужкі на «Плошчы Перамен», паблізу яго дома, і выйшаў паразмаўляць з імі. Каля 22-й гадзіны ў двор прыехалі людзі ў цывільным і масках, пачалі зразаць стужкі, потым напалі на жыхароў, якія выйшлі з імі размаўляць. Раман быў моцна збіты, пасля чаго яго адвезлі ў Цэнтральнае РУУС, а адтуль без прытомнасці даставілі ў Бальніцу хуткай медыцынскай дапамогі. Ноччу 12 лістапада Раману зрабілі аперацыю, аднак уратаваць яго не ўдалося. На пахаванне Бандарэнкі прыйшлі тысячы чалавек.

Праваабарончая арганізацыя «Прававая ініцыятыва» падрыхтавала да Дня салідарнасці з Беларуссю, які адзначаецца на знак памяці аб Раману Бандарэнку 12 лістапада, аналітычны агляд «Палітычныя забойствы і смерці з віне рэжыму». У дакуменце называюцца меркаваныя вінаватыя ў смерці Рамана Бандарэнкі:
▪️ Дзмітрый Баскаў (старшыня Федэрацыі хакею Беларусі).
▪️ Дзмітрый Шакута (інструктар спецпадрыхтоўкі ў в/ч № 3214 і № 3032 СОБР унутраных войскаў, былы кікбаксёр).
▪️ Яўген Ціманоўскі (старшы прапаршчык СОБР, баец ММА).
▪️ Сяргей Сарман (старэйшы групы СОБР) і група байцоў СОБР (в/ч 3032, г. Менск).
▪️ Аляксей Бабкоў (намеснік начальніка аддзелу крымінальнага вышуку Цэнтральнага РУУС Менску, адказны дзяжурны з 11 на 12 лістапада 2020 года).
▪️ Дзмітрый Балаба (камандзір менскага АМАПу).

⚡️ Акрамя таго, за публікацыю пра Рамана Бандарэнка былі асуджаны па крымінальнай справе ўрач-анестэзіёлаг Арцём Сарокін і журналістка Кацярына Барысевіч.

​#dissidentby

🔻 Рашэннем МУС ад 29 лістапада 2023 dissidentby прызналі "экстрэмісцкім фармаваннем" у Беларусі.

❓Што гэта значыць?
Для ўдзельнікаў і стваральнікаў "фармавання" прадугледжага крымінальная адказнасць. У ход ідуць артыкулы 361-1, 361-2, 361-4 КК РБ санкцыі якой прадугледжваюць пазбаўленне волі.

☝️Што рабіць, калі вы ў Беларусі або туды збіраецеся?

У мэтах сваей бяспекі:
❌ адпішыцеся ад нашых інфармацыйных рэсурсаў (Інстаграм, Тэлеграм, Твітар, Фэйсбук, Ютуб);
❌ адпішыцеся ад данатаў на Patreon, Paypal і праз сайт;
❌ пачысціце паведамленні са свайго боку з акаўнтамі @Dahary_nahami і @X_vegan_justice_X і пастаўце таймер аўтавыдалення паведамленняў, калі ён у вас не стаяў.

🖤 Мы працягваем дапамагаць і вы заўседы можаце на нас разлічваць, галоўнае - дбайце пра сваю бяспеку і лічбавы след, асабліва калі вы ў Беларусі.

Усім ACAB🥰
Салідарнасць мацней за рэпрэсіі ⚡️

​#dissidentby

📖 Ахвяраваць мільёнамі і выратаваць дзесяць - ці можа быць паспяховай тактыка перамоваў?

З пачатку беларускай рэвалюцыі прайшло больш за тры гады. Грамадства, як і асобны чалавек, не можа бясконца жыць у стане падвышанай мабілізаванасці. Так ці інакш, людзі ўключаюцца ў існуючыя эканамічныя, палітычныя і грамадзянскія рытмы жыцця краіны. Тым больш, што ў свеце адна на за адной успыхваюць войны, адбываюцца лакальныя ўзброеныя канфлікты, і ўся планета як быццам замерла напярэдадні глабальнага сутыкнення.

У такіх умовах усё часцей чуюцца галасы аб тым, што "нічога ўжо не змяніць", "жыццё ідзе далей" - дыктатура выстаяла і гэта яшчэ надоўга. А значыць, нам трэба прымірыцца з дадзеным становішчам рэчаў і шукаць шляхі для рэалізацыі палітычных, грамадзянскіх ці іншых задач, улічваючы гэтую суровую праўду.

☝️Пры гэтым, адным з наратываў, які агучваюць некаторыя прадстаўнікі грамадзянскай супольнасці , з'яўляецца жаданне што б там ні было знайсці спосабы ўгаварыць рэжым Лукашэнкі. Прадметам гэтых угавораў з'яўляецца вызваленне любой магчымай колькасці (літаральна хаця б кагосьці аднаго) палітычных зняволеных, а ўмовай для пачатку падобнага дыялогу - магчымае паслабленне санкцый або частковае, магчыма поўнае, іх зняцце з дыктатарскага рэжыму.

❓Што ж не так з пазіцыяй людзей, якія гатовыя зрабіць усё што заўгодна, каб выратаваць хаця б адно чалавечае жыццё, якое неацэннае?

👉👉 Чытай наш артыкул на сайце.