Соғлиқни сақлаш вазирлиги | Вакцина – ягона чора!
42.4K subscribers
2.86K photos
848 videos
8 files
4.28K links
Соғлиқни сақлаш вазирлиги расмий телеграм канали — t.me/ssvuz

Вазирликнинг Матбуот ва ПР хизмати томонидан юритилади.

Facebook саҳифамиз: facebook.com/ssvuz
Twitter саҳифаси: twitter.com/furqatsanayev
Вазирлик расмий сайти — ssv.uz
Download Telegram
to view and join the conversation
Дунёдаги мавжуд ўлим кўрсаткичларининг 23 фоиздан ортиғи наркотиклар суистеъмоли билан боғлиқ!

Гиёҳвандлик аянчли иллатгина эмас, глобал офат ҳамдир. Чунки бугун айни шу хатар инсоният саломатлиги, тақдири ва ҳатто келажагига раҳна солиб турибди.

Ўзбекистон Республикаси Соғлиқни сақлаш вазирлиги Бош наркологи, Республика ихтисослаштирилган наркология илмий-амалий тиббиёт маркази директори, тиббиёт фанлари доктори Зарифжон АШУРОВ шу ҳақдаги фикр-мулоҳазалари билан ўртоқлашди.

— БМТнинг Наркотиклар ва жиноятчиликни назорат қилиш бошқармаси маълумотларига кўра, ҳозирги кунда дунё аҳолисининг 31 миллиондан ортиғи гиёҳванд моддалар суистеъмоли туфайли жиддий касалликлардан азият чекади ва уларнинг аксарияти ёшлардир, — дейди Зарифжон Шарифович. — Ачинарлиси, ер юзидаги барча ўлимлар кўрсаткичининг 23 фоизидан ортиғи наркотиклар суистеъмоли билан боғлиқ.

Яна бир ўта оғриқли жиҳат: ушбу ўлимлар миқдорининг қарийб 5 фоизини 15-29 ёш оралиғидаги йигит-қизлар ташкил этмоқда. Мазкур кўрсаткичлар йилдан-йилга яшариб бораётгани эса бутун дунё аҳлини жиддий ташвишга солмоқда. Қолаверса, ёшлар орасида психостимуляторлар, янги синтетик гиёҳванд моддалар истеъмоли оммалашяпти.

Афсуски, бу борада Ўзбекистонда ҳам вазият яхши, деб бўлмайди. Жорий йилнинг 9 ойи якунларига кўра, 5 мингга яқин юртдошимиз гиёҳвандликка қарам кишилар ҳисобида турибди. Уларнинг 31 фоизини 20-40 ёшдагилар ташкил этади. Бундан ташқари, мазкур дардга мубтало бўлганларнинг 1,8 фоизида ОИВ инфекцияси аниқланган.

Албатта, ушбу глобал хавф кўлами кенгайиши унга қарши кураш самарадорлигини оширишни тақозо этаяпти. Шу мақсадда яқинда Ҳамдўстлик давлатларининг наркология соҳасида фаолият олиб борувчи етакчи мутахассислари Россия Федерацияси пойтахтида тўпланишди. Биз ҳам Ўзбекистон делегацияси таркибида ана шу тадбирда қатнашдик.

Руҳий саломатлик: Келажакка назар” деб номланган мазкур VIII Миллий Конгресс ҳамда “Россия Федерацияси наркология хизматининг фаолият тажрибаси” мавзусидаги конференцияда наркология соҳасидаги муаммолар, уларнинг ечимлари, касалликни ташҳислаш, даволаш, олдини олиш ва тиббий-ижтимоий реабилитация қилишга доир янги ёндашувлар ҳақида илмий-амалий янгиликлар тақдим этилди.

Шу билан бирга, ташрифимиз доирасида хорижлик ҳамкасбларимиз билан фикр ва тажриба алмашдик. Якунда наркология марказимиз билан Москва шаҳри наркология илмий-амалий маркази ҳамда Бошқирдистон Республикаси Соғлиқни сақлаш вазирлигининг 2-сонли наркология диспансери ўртасида Меморандум, В.П. Сербский номидаги наркология ва психиатрия Миллий тиббий тадқиқот маркази билан эса келишув лойиҳаси имзоланди.

Шунга мувофиқ, келгусида ўзаро ҳамкорликда илмий тадқиқотлар, илмий-техник лойиҳалар ишлаб чиқилиб, рўёбга чиқарилиши кўзда тутилган. Бинобарин, илмий ходимларимизни Россияга ўқиш ва малака ошириш учун жўнатмоқчимиз. Қўшма илмий-амалий конференциялар, семинарлар, ишчи учрашувларини ўтказиш режалаштирилди.

Ўйлайманки, буларнинг барчаси Ўзбекистонда гиёҳвандлик тарқалишининг камайишига ва унга тобеъ бўлган беморлар самарали даволаниб, жамиятнинг тўлақонли соғлом аъзолари сафига қайтишига замин яратади.

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi
МАМЛАКАТИМИЗДА ПРОФИЛАКТИКА ВА СОҒЛОМЛАШТИРИШ КУНЛАРИ БЎЛИБ ЎТМОҚДА

Соғлиқни сақлаш вазири буйруғи билан жорий йилнинг 4 октябридан 20 октябригача Профилактика ва соғломлаштириш кунларига старт берилди.

2021 йилда ялпи хатлов натижасида аҳолининг саломатлик ҳолатини ўрганиш амалиёти илк бора ўтказилди, саломатлик ҳолати ва касалланиш даражасидан келиб чиқиб, аҳоли 4 та хавф гуруҳларига таснифлангани ҳақида хабар бериб борган эдик.

Бунда саломатлигидан шикоят бўлмаган, соғлом турмуш тарзи тамойилларига риоя қилувчи аҳоли 1-гуруҳга, амалда соғлом бўлса-да, турли хил касалликлар хавф омиллари бўлган, тез-тез касал бўлувчи аҳоли 2-гуруҳга, сурункали касалликларга чалинган, лекин уларнинг асоратлари намоён бўлмаганлар 3-гуруҳга ҳамда сурункали касалликлар асоратлари бор, ногирон ва ўзгалар парваришига муҳтож аҳоли 4-гуруҳга таснифланди.

Ҳар бир гуруҳ вакиллари учун индивидуал тарзда оила шифокори ёки заруратга кўра, тор соҳа мутахассисларининг назорати, соғломлаштириш ва реабилитация режалари махсус стандартларга мувофиқ белгиланди.

Бошланган ушбу профилактика ва соғломлаштириш ҳафталигини ўтказишдан асосий мақсад, пандемия ҳолати енгиллашган даврда аҳоли орасида соғлом турмуш тарзини шакллантириш бўйича индивидуал ва оммавий тадбирларни янада жадаллаштириш, беморлар ҳолидан хабар олиш ва уларни яшаш жойларида ихтисослаштирилган амбулатор ва стационар ёрдам олишларини таъминлаш ҳамда йил давомида амалга оширилган ишларни сарҳисоб қилишдан иборат.

Амалга оширилаётган ишлар самарадорлигини ошириш, жойлардаги раҳбарлар ва тиббий ходимларга амалий ва услубий ёрдам кўрсатиш мақсадида Соғлиқни сақлаш вазири ўринбосари Элмира Баситханова ва Аҳолининг соғлом турмуш тарзини қуллаб-қувватлаш ва жисмоний фаоллигини ошириш маркази директори Барно Одилова Қорақалпоғистон Республикаси ва Хоразм вилоятида бўлди.

Шу йилнинг 7-9 октябрь кунлари бўлган
ушбу хизмат сафари давомида ҳудудлардаги мавжуд муаммоларнинг ечимларини ўз жойида ҳал қилиш ва режалаштирилган тадбирларни ҳамкорликда амалга ошириш мақсадида Қорақалпоғистон Республикаси Вазирлар Кенгаши раиси ўринбосари М. Жуманов билан учрашув бўлиб ўтди.

Шунингдек, Қўнғирот ва Чимбой туманларида тиббиёт ходимлари билан суҳбатлар ўтказилиб, маҳаллаларда амалга оширилган ишлар билан танишилди ва уйда ётиб қолган беморлар ҳолидан хабар олинди.
Уларга тегишли мутахассислар консилиуми ўтказилди ва маслаҳатлар берилди.

Элмира Баситхонова бошчилигида Хоразм вилоятининг Боғот ва Янгибозор туман тиббиёт бирлашмаларида ташкил қилинган ҳудудий семинарларда вилоят соғлиқни сақлаш бошқармаси, шаҳар ва туман тиббиёт бирлашмалари мутасаддилари, бирламчи тиббиёт муассасалари раҳбарлари иштирокида профилактика ва соғломлаштириш кунларида амалга оширилаётган ишлар таҳлил қилинди.

Учрашувлар давомида ҳудудларда ташкил қилинган туманлараро перинатал марказлар ва кўп тармоқли марказий поликлиникалардаги "Аёллар маслаҳатхонаси" бўлими, "Қизлар саломатлиги маркази” ,“Она ва бола кластери” , "онко-назорат" хонаси, болалар бўлими фаолиятлари ҳам ўрганилиб, янги вазифалар белгиланди.

Шунингдек, маҳалла фуқаролар йиғинларида ташкил қилинган “Саломатлик мактаби” фаолияти ҳам ўрганилди. Бунда МФЙ идорасидаги “Саломатлик бурчаги” ҳолати, маҳалланинг тиббий бригадаси томонидан аҳолининг 1- ва 2- гуруҳлар билан ишлаш жараёнлари, 3- ва 4-гуруҳ фуқаролари билан ишлаш ҳолати таҳлил қилинди.

Соғлиқни сақлаш вазирлиги
Матбуот хизмати.

▶️@ssvuz

▶️@ssvmatbuotkotibi
❗️Кеча юртимизда коронавирус инфекциясига чалинган беморлар сони 350 нафардан камайиб, яна 380 нафарга яқин киши касалликдан тўлиқ соғайди

🔺2021 йил 13 октябрь ҳолатига кўра, Ўзбекистонда коронавирус инфекцияси қайд этилганлар сони 179711 (+340) нафарни ташкил этмоқда.

🔴Янги касалланиш ҳолатларининг:
📌5 нафари Қорақалпоғистон Республикасида,
📌13 нафари Андижон вилоятида,
📌6 нафари Бухоро вилоятида,
📌9 нафари Жиззах вилоятида,
📌5 нафари Қашқадарё вилоятида,
📌2 нафари Навоий вилоятида,
📌11 нафари Наманган вилоятида,
📌42 нафари Самарқанд вилоятида,
📌10 нафари Сирдарё вилоятида,
📌4 нафари Сурхондарё вилоятида,
📌23 нафари Фарғона вилоятида,
📌13 нафари Хоразм вилоятида,
📌53 нафари Тошкент вилоятида,
📌144 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

♻️Кеча кун давомида:
🔹Қорақалпоғистон Республикасида 11 нафар,
🔹Андижон вилоятида 13 нафар,
🔹Бухоро вилоятида 7 нафар,
🔹Жиззах вилоятида 7 нафар,
🔹Қашқадарё вилоятида 3 нафар,
🔹Наманган вилоятида 30 нафар,
🔹Самарқанд вилоятида 43 нафар,
🔹Фарғона вилоятида 22 нафар,
🔹Хоразм вилоятида 18 нафар,
🔹Тошкент вилоятида 63 нафар,
🔹Тошкент шаҳрида 162 нафар бемор тузалиб, касалликдан соғайганлар жами 175571 (+379) нафарга етди ва соғайиш кўрсаткичи 98 фоизни ташкил этмоқда.

⚫️Шунингдек, 4 нафар коронавирусга чалинган бемор вафот этиб, касалликдан вафот этганлар сони 1280 нафарни ташкил қилди.

Соғлиқни сақлаш вазирлиги
Матбуот хизмати.

▶️@ssvuz

▶️@ssvmatbuotkotibi
2021 йил 13 октябрь куни 9 нафар кишида пневмония аниқланиб, жами беморлар сони 27503 нафарга етди. Кеча уларнинг 28 нафари соғайиб, умумий соғайганлар сони 26012 нафарни ташкил қилмоқда.

Юқоридаги жадвалда пневмония қайд этилиши ва ушбу касалликдан соғайиш кўрсаткичлари вилоятлар кесимида келтирилган.

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi
❗️Айни кунгача мамлакатимизда жами 23 миллион дозадан ортиқ коронавирусга қарши вакцина қўлланилди

🔺13 октябрда мамлакатимиз ҳудудлари бўйлаб 227 394 доза COVID-19га қарши вакцина қўлланилди.
Улардан:
💉1-босқич эмланганлар 86 804 нафарни,
💉2-босқич эмланганлар 69 522 нафарни,
💉3-босқич эмланганлар 71 068 нафарни ташкил қилди.

❗️Айни кунгача мамлакатимизда жами 23 183 452 доза вакцинадан фойдаланилди. Улардан:
💉1-босқич эмланганлар 12 500 946 нафарни,
💉2-босқичда эмланганлар 7 313 544 нафарни,
💉3-босқич эмланганлар 3 368 962 нафарни ташкил қилди.

❗️Шу кунгача тўлиқ эмланган фуқаролар 5 421 471 нафарни ташкил қилмоқда.

📊Кеча эмлаш кўрсаткичлари бўйича юқори ўринларни:

📌
Наманган вилояти (29 832 доза),
📌 Сурхондарё вилояти (29 020 доза),
📌Тошкент вилояти (28 409 доза) банд қилди.

🔺Жами эмлашлар бўйича юқори кўрсаткичлар:
📌Фарғона вилоятида 2 480 389 доза,
📌Андижон вилоятида 2 438 147 доза,
📌Наманган вилоятида 2 429 167 дозани ташкил қилмоқда.

Эмлаш жараёнлари давом этади.

Соғлиқни сақлаш вазирлиги
Матбуот хизмати.

▶️@ssvuz

▶️@ssvmatbuotkotibi
▶️@sanepidxizmat
ССВ: Избосканда коронавирусдан вафот этган врачнинг оиласига бир марталик пул маблағи тўлаб берилмаётгани билан боғлиқ ҳолат назоратга олинди

Kun.uz сайтида коронавирус инфекциясига қарши курашиш ишларига жалб этилган тиббиёт ходимини ижтимоий ва моддий қўллаб-қувватлаш мақсадида давлат томонидан ажратилган махсус қўшимча пул маблағи ўз вақтида тўлаб берилмаётгани ҳақида хабар тарқалди.

Унда Андижон вилояти Избоскан тумани Эркин ҚФЙда яшаган, Республика шошилинч тиббий ёрдам илмий маркази Андижон филиалида врач-реаниматолог бўлиб фаолият юритган Абдуназар Абдуғаффоров 2020 йилнинг 20 июлида мазкур филиал директори буйруғи билан вилоят юқумли касалликлар шифохонасига коронавирусга чалинган беморларни даволаш учун ташкил қилинган госпиталга сафарбар этилгани, касалларни даволаш даврида коронавирус инфекциясини юқтириб олгани, керакли муолажаларга қарамай, 2020 йил 3 октябрда вафот этгани айтилади.

Бироқ ўтган давр мобайнида тегишли қарорга мувофиқ, унинг оила аъзоларига 250 миллион сўм миқдоридаги бир марталик пул маблағи тўлаб берилмаётгани маълум қилинган.

Мазкур ҳолат Соғлиқни сақлаш вазирлиги томонидан тўлиқ назоратга олинди. Ўрганиш натижалари ҳақида қўшимча маълумот берамиз.

Соғлиқни сақлаш вазирлиги
Матбуот хизмати.

▶️@ssvuz

▶️@ssvmatbuotkotibi
ССВ: ЭЛЕКТРОН СИГАРЕТА ХУДДИ ОДАТИЙ СИГАРЕТА КАБИ ЎЛИМГА САБАБ БЎЛАДИ

Сўнгги пайтларда одатий сигареталар ўрнини саломатлик учун зарарсиз, дея тарғиб этилаётган электрон сигареталар (вейплар) эгалламоқда. Бироқ ушбу маҳсулот ишлаб чиқарувчилар ваъда қилаётганидек, чиндан ҳам хавфсизми?

ССВ Матбуот хизмати мазкур мавзу юзасидан батафсил маълумот олиш мақсадида Соғлиқни сақлаш вазирлигининг тамакига қарши курашиш бўйича бош консультанти, тиббиёт фанлари номзоди Шуҳрат ШУКУРОВга мурожаат қилди: (1-қисм)

— Статистик маълумотларга кўра, тамаки чекиш орқали ҳар йили дунёда 8 миллион нафардан ортиқ инсон вафот этади, — дейди Ш. ШУКУРОВ. — Тамаки тутунидаги заҳарли моддалар саломатликка салбий таъсир этиб, нафас йўлларининг шиллиқ қавати ва қон томирлар яллиғланиши, склеротик ўзгаришлар ҳамда хавфли ўсмалар пайдо бўлишига сабаб бўлади. Қолаверса, чекишнинг ўпкага зарарли таъсири – ўз исботини топган ҳақиқат.

Бугунги кунда организмга зарарсиз, дея айтилаётган электрон сигареталар (вейплар) аксинча саломатлик учун ўта хавфли маҳсулот бўлиб, инсон танасида турли жиддий касалликларни келтириб чиқаради. Яъни, электрон сигаретани чекиш жараёнида никотин, хушбўй ҳид таратувчи, ширин таъм берувчи ва бошқа кимёвий моддалар организмга зарарли таъсир этади.

Қолаверса, электрон сигаретани (вейп) чекиш худди одатий сигареталар каби ўпка, юрак қон-томир тизими касалликларига, иммунитет сустлашишига сабаб бўлади.

Айниқса, бу маҳсулот марказий асаб тизимига салбий таъсир этиб, чекувчида қарамликни келтириб чиқаради.

Бундан ташқари, шифокорлар COVID-19 инфекцияси нафас олиш, иммунитет ва юрак-томир тизимлари функцияси бузилган инсонларда оғир кечишини инобатга олиб, бундай беморларни электрон сигареталардан фойдаланмасликларини маслаҳат беради.

Чунки ундаги аэрозоль таъсири ўпка тўқимасининг турли ҳужайраларига, шу жумладан, соғлом ўпканинг нормал функциясини ҳимоя қиладиган ҳужайраларга салбий таъсир этади.

Шунингдек, аэрозоль ўпкадаги баъзи бир иммунитет ҳужайраларини нобуд қилиб, унинг инфекция билан курашиш қобилиятини пасайтиради.

Шунингдек, вейплар нафақат чекувчи, балки атрофидагилар саломатлигини ҳам жиддий хавф остига қўяди. Яъни, иккиламчи тутун таркибидаги никотин чекадиганларга нисбатан атрофдагилар соғлиғига кўпроқ зарар етказади.

Маълумки, ўсмирлик даври мия ривожланиши учун критик давр ҳисобланиб, электрон сигарета чекадиган болалар ва ўсмирларда мия ривожланишининг бузилиши, хотира ва билим олиш қобилиятининг пасайиши ҳамда таҳликали неврозлар кузатилади. Ҳомиладор аёлларда эса никотин ҳомила миясига ана шундай таъсир кўрсатади.

Маълумотларга кўра, 2019-2020 йилларда (2020 йил 18 февралга қадар) АҚШда электрон сигареталарни чекиш оқибатида жами 2807 нафар киши касалхонага ётқизилган ва ўлим ҳолатлари ҳам қайд этилган. Шунингдек, 29 та штат ва Колумбия округида 68 та ўлим тасдиқланган.

Шу боис, бугунги кунда Жаҳон соғлиқни сақлаш ташкилоти дунё мамлакатларини электрон сигареталар тарқатилишини кескин чеклаш чораларини жорий этишга чақирмоқда.

Соғлиқни сақлаш вазирлиги
Матбуот хизмати.

▶️@ssvuz

▶️@ssvmatbuotkotibi
📊Дунёда COVID-19 билан боғлиқ касалланиш статистикаси

ЖССТ маълумотига кўра:
🦠дунёда коронавирус юқтирганлар сони 238 миллион 521 мингдан ортди. 4 миллион 863 мингдан зиёд киши вафот этган (13.10.2021. Европа вақти билан 15:58 ҳолатида).

🔴Охирги суткада 364 373 та янги касалланиш ҳолати аниқланди.
⚫️ 5 707 нафар бемор вафот этди.

Жонс Хопкинс университети маълумотига кўра
:
🦠 дунёда 239 миллион 157 мингдан ортиқ одам касаллик юқтирган. 4 миллион 874 мингдан ортиғи вафот этган (14.10.2021. Тошкент вақти билан 12:12 ҳолатида).

ЖССТга кўра, касалланиш бўйича қуйидаги давлатлар юқори ўринда:
🇺🇸АҚШ (44,194 миллиондан ортиқ),
🇮🇳 Ҳиндистон (34,001 миллиондан ортиқ),
🇧🇷Бразилия (21,582 миллиондан ортиқ),
🇬🇧Буюк Британия (8,231 миллиондан ортиқ),
🇷🇺Россия (7,861 миллиондан ортиқ).

💉Жонс Хопкинс университетига кўра, дунёда 6 миллиард 536 миллион дозадан ортиқ вакцина қўлланилди.

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi
Дунё ва COVID-19

БУРУНГА СЕПИЛАДИГАН «SPUTNIK V» КЎНГИЛЛИЛАРДА СИНАЛАДИ

Россия Соғлиқни сақлаш вазирлиги бурунга сепиладиган спрей кўринишидаги «Sputnik V» коронавирусга қарши вакцинаси синовларининг иккинчи босқичини ўтказишга рухсат берди.

Тадқиқотдан мақсад — вояга етган кўнгиллилар иштирокида «Гам-КОВИД-Вак» дори препаратининг хавфсизлигини, қабул қилинувчанлигини ва иммуногенлигини баҳолашдан иборат. Синовда 500 нафар кўнгилли қатнашади, уни 2023 йил 31 декабргача якунлаш режалаштирилган.

———————————————

ЖССТ COVID-ЭКСПЕРТЛАРДАН ИБОРАТ ЯНГИ ГУРУҲНИ ТУЗДИ

ЖССТ янги вирусларни ўрганиб, келажакда пандемиялар олдини олиш устида ишлайдиган 26 нафар олимдан иборат рўйхатни тақдим этди. Улар, шунингдек, COVID-19 коронавирусини ҳам тадқиқ қилади.

Гуруҳга Хитойнинг Ухань шаҳридаги қўшма тадқиқотда иштирок этган олимлар Марион Купманс, Теа Фишер, Хунг Нгуен ва ветеринария бўйича хитойлик эксперт Ян Юнги ҳам кирди.

Жамоа вирус Ухандаги бозорларда ҳайвонлардан одамларга юққани ёки лабораториядаги бахтсиз ҳодиса оқибатида сизиб чиққани версияларини кўриб чиқади.

ЖССТ ушбу гуруҳ COVID-19 келиб чиқишини аниқлаш борасида «бизнинг сўнгги имкониятимиз» бўлиши мумкин, деди.

—————————————

КОРОНАВИРУСГА ҚАРШИ ЭМЛАШ ҲАЛИГАЧА БОШЛАНМАГАН МАМЛАКАТЛАР МАЪЛУМ ҚИЛИНДИ

ЖССТ бош директори Тедрос Аданом Гебрейесус дунёнинг учта мамлакатида ҳали вакцинация бошланмаганини маълум қилди. Булар — Бурунди, Эритрея ва Шимолий Корея.

Шунингдек, унинг қайд этишича, 56 та мамлакат ЖССТ томонидан қўйилган, сентябрь охиригача аҳолининг 10 фоизини эмлаш бўйича мақсадга эриша олмаган. Бундан ҳам кўпроқ мамлакат эса жорий йил сўнгига қадар аҳолининг 40 фоизини эмлаш мақсадига эришолмаслик хавфи остида турибди.

«Шунингдек, яна бир гуруҳ мамлакатлар чекланган имкониятларга эга. Булар беқарорлик, низолар ёки зўравонликдан жабр чеккан давлатлардир. ЖССТ ва бизнинг шерикларимиз бу мамлакатлар билан ҳамкорлик қилиб, вакцинацияни жорий қилиш учун жойларда техник ва логистик салоҳиятни мустаҳкамлаш устида ишламоқда», — дейилади ЖССТ хабарида.

Манба: Daryo.uz

▶️@ssvuz
▶️@ssvmatbuotkotibi
ЎЗБЕКИСТОНДА ИЛК БОР 90 ЁШЛИ БЕМОРДА МУРАККАБ КАРДИОХИРУРГИК АМАЛИЁТ МУВАФФАҚИЯТЛИ ЎТКАЗИЛДИ (1-қисм)

Мамлакатимиз кардиохирургияси тарихи яна бир мураккаб жарроҳлик амалиёти билан бойиди. Ушбу ноёб операция тиббий кўрсатмага мувофиқ, шошилинч равишда пойтахтимиздаги замонавий клиникалардан бирида муваффақиятли ўтказилди.

Одатда, шифокорлар кекса ёшли инсонлар танасига тиғ теккизишнинг ўзи жуда нозик жараён эканлигини айтишади. Юрак соҳасидаги жарроҳлик амалиётлари эса ўта мураккаб ва анчайин хавфли. Шу боис, ҳатто мазкур соҳада пешқадам бўлган Япония ва Германия давлатларида ҳам бундай операциялар камдан-кам ўтказилади.

Хўш, ўзбекистонлик шифокорлар бундай муваффақиятга қандай эришди?

Ҳамма гап Россиянинг А. Н. Бакулев номидаги юрак-қон-томир жарроҳлиги марказида ишлаб келган ва 2017 йилда Соғлиқни сақлаш вазирлиги таклифи асосида юртимизга қайтган малакали кардиохирург, тиббиёт фанлари доктори, профессор Рустам Ёрбековнинг маҳоратида.

Бемор отахонимизга келсак, исми — Ёқуб Маҳмудов. 90 ёшда. Тошкент вилоятининг Чиноз туманидан. Кўп йиллардан бери гипертония ва юрак ишемик касалликларидан азият чекади. Қон босими 190 гача кўтарилиб кетиши кузатилган. Инфарктни бошдан ўтказган.

Бунинг устига, шу йилнинг март ойида коронавирусга чалиниб, муолажа олган. Аммо кўп ўтмай юрак соҳасида оғриқлар янада зўрайиб, аҳволи ёмонлашгач, Рустам Ёрбеков ва унинг жамоасига мурожаат қилган.

Биз, кардиохирурглар бу ёшдаги беморда жарроҳлик амалиёти ўтказишни қумдан иморат тиклашга ўхшатамиз, — дейди профессор. — Негаки, юрак операцияси чоғида фавқулодда буйрак, жигар, мия ва бошқа аъзолар хуруж қилиб қолиши мумкин. Шу сабабли Ўзбекистонда яқин йилларгача бундай ҳолатдаги беморлар ҳаётини сақлаб қолишнинг имкони бўлмаган. Энди эса нафақат пойтахт, балки қатор вилоятлар марказларида ҳам шундай мураккаб операцияларни ўтказяпмиз.

Чинозлик отахон ҳам бу клиникага шошилинч олиб келинди. Дастлаб унда коронарография амалиёти ўтказилди. Сўнг беморнинг юрак-қон томирларида кучли зарарланиш ҳам аниқлангач, куни кеча аорта-коронар шунтлаш операцияси бажарилди. Ҳозир Ёқуб бобонинг аҳволи яхши. Текширув ва таҳлил натижалари, қон босими меъёрида, пульс стабиль ҳолатда.

Рустам Ёрбековдан бу операциянинг мураккаблиги нимада эканлигини сўраймиз. Шифокор эса, жайдари қилиб, аввало, беморнинг кекса ёшдалиги, қолаверса, инфаркт ўтказгани ҳамда юрак ишемик касаллиги туфайли томирларида зарарланиш кучайгани, боз устига, юрак катталашиб, қисқаришлар миқдори пасайиб кетганлигини тушунтиради.

Сўнгги пайтларда кунига икки марталаб “Тез ёрдам” чақиришимизга ҳам тўғри келганди, — дейди Ёқуб ота Маҳмудов.Юрагимни кучли санчиқ безовта қила бошлагач, ўғлим шу ерга олиб келди. Мана, кўриб турганингиздек тетикман, кайфиятим ҳам аъло. Операциянинг эртаси куниёқ ҳолатим яхшиланди. Рустамжон Ёрбеков ва унинг жасоратли жамоасидан жуда-жуда миннатдорман.

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi
❗️Кеча юртимизда коронавирус инфекциясига чалинган беморлар сони 450 нафардан ошди, биргина Тошкент шаҳрида 190 нафарга яқин бемор қайд этилди

🔺2021 йил 14 октябрь ҳолатига кўра, Ўзбекистонда коронавирус инфекцияси қайд этилганлар сони 180162 (+451) нафарни ташкил этмоқда.

🔴Янги касалланиш ҳолатларининг:
📌11 нафари Қорақалпоғистон Республикасида,
📌16 нафари Андижон вилоятида,
📌9 нафари Бухоро вилоятида,
📌13 нафари Жиззах вилоятида,
📌4 нафари Қашқадарё вилоятида,
📌3 нафари Навоий вилоятида,
📌13 нафари Наманган вилоятида,
📌42 нафари Самарқанд вилоятида,
📌11 нафари Сирдарё вилоятида,
📌4 нафари Сурхондарё вилоятида,
📌25 нафари Фарғона вилоятида,
📌22 нафари Хоразм вилоятида,
📌89 нафари Тошкент вилоятида,
📌189 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

♻️Кеча кун давомида:
🔹Қорақалпоғистон Республикасида 6 нафар,
🔹Андижон вилоятида 13 нафар,
🔹Бухоро вилоятида 8 нафар,
🔹Жиззах вилоятида 13 нафар,
🔹Қашқадарё вилоятида 7 нафар,
🔹Навоий вилояти 5 нафар,
🔹Самарқанд вилоятида 41 нафар,
🔹Фарғона вилоятида 25 нафар,
🔹Хоразм вилоятида 31 нафар,
🔹Тошкент вилоятида 95 нафар,
🔹Тошкент шаҳрида 181 нафар бемор тузалиб, касалликдан соғайганлар жами 175996 (+425) нафарга етди ва соғайиш кўрсаткичи 98 фоизни ташкил этмоқда.

⚫️Шунингдек, 3 нафар коронавирусга чалинган бемор вафот этиб, касалликдан вафот этганлар сони 1283 нафарни ташкил қилди.

Соғлиқни сақлаш вазирлиги
Матбуот хизмати.

▶️@ssvuz

▶️@ssvmatbuotkotibi
2021 йил 14 октябрь куни 17 нафар кишида пневмония аниқланиб, жами беморлар сони 27520 нафарга етди. Кеча уларнинг 31 нафари соғайиб, умумий соғайганлар сони 26043 нафарни ташкил қилмоқда.

Юқоридаги жадвалда пневмония қайд этилиши ва ушбу касалликдан соғайиш кўрсаткичлари вилоятлар кесимида келтирилган.

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi
❗️Айни кунгача мамлакатимизда жами 5,5 миллион нафардан зиёд фуқаро коронавирусга қарши тўлиқ эмланди

🔺14 октябрда мамлакатимиз ҳудудлари бўйлаб 233 293 доза COVID-19га қарши вакцина қўлланилди.
Улардан:
💉1-босқич эмланганлар 94 770 нафарни,
💉2-босқич эмланганлар 71 767 нафарни,
💉3-босқич эмланганлар 66 756 нафарни ташкил қилди.

❗️Айни кунгача мамлакатимизда жами 23 416 745 доза вакцинадан фойдаланилди. Улардан:
💉1-босқич эмланганлар 12 595 716 нафарни,
💉2-босқичда эмланганлар 7 385 311 нафарни,
💉3-босқич эмланганлар 3 435 718 нафарни ташкил қилди.

❗️Шу кунгача тўлиқ эмланган фуқаролар 5 514 287 нафарни ташкил қилмоқда.

📊Кеча эмлаш кўрсаткичлари бўйича юқори ўринларни:
📌 Сурхондарё вилояти ( 29 484 доза),
📌Тошкент вилояти (27 789 доза),
📌 Наманган вилояти ( 26 156 доза) банд қилди.

🔺 Фарғона, Андижон, Наманган, Самарқанд, Сурхондарё ва Тошкент вилоятларида жами қўлланилган вакциналар миқдори 2 миллион дозадан ошиб улгурган.

Эмлаш жараёнлари давом этади.

Соғлиқни сақлаш вазирлиги
Матбуот хизмати.

▶️@ssvuz

▶️@ssvmatbuotkotibi
▶️@sanepidxizmat
Республика ихтисослаштирилган гематология илмий-амалий тиббиёт маркази ҳузуридаги Болалар гематологияси, онкологияси ва клиник иммунологияси маркази мустақил муассасага айлантирилди

“Гематологик ва онкологик касалликларга чалинган беморларни янада қўллаб-қувватлаш чора-тадбирлари тўғрисида”ги Ҳукумат қарори қабул қилинди.

🔰Қарорга мувофиқ, Болалар гематологияси, онкологияси ва клиник иммунологияси маркази 2022 йил 1 январдан Республика ихтисослаштирилган гематология илмий-амалий тиббиёт маркази таркибидан чиқарилади ва мустақил фаолият юритади.

☑️ Гематологик ва онкологик касалликларга чалинган болаларга паллиатив тиббий хизмат кўрсатиш Марказнинг асосий вазифаларидан ҳисобланади.

📋 Қарор билан Марказни самарали ташкил этиш ва ривожлантиришга оид концепция тасдиқланди.

➡️ Онкологик ва гематологик беморларга республика бош тиббиёт ташкилотларида даволаниш учун имтиёзли йўлланма берилган тақдирда уларнинг транспорт харажатлари маҳаллий бюджетдан қоплаб берилади.

▶️@ssvuz

▶️@ssvmatbuotkotibi
НАМАНГАНДА ИККИ БЕМОРДА БУЙРАК ТРАНСПЛАНТАЦИЯСИ МУВАФФАҚИЯЛИ АМАЛГА ОШИРИЛДИ

Кеча Наманган вилояти кўп тармоқли тиббиёт марказида икки беморда буйрак трансплантацияси амалга оширилди. Ушбу мураккаб операциялар академик В.Воҳидов номидаги республика ихтисослаштирилган хирургия илмий-амалий тиббиёт маркази профессори, тиббиёт фанлари доктори Фазлиддин Баҳриддинов бошчилигидаги гуруҳ томонидан ўтказилди.

Хусусан, беморлардан бири Х. А. — 20 ёшда. Фарғона вилоятининг Фурқат туманидан. Наманган давлат университетида ўқийди. Жорий йил май ойи бошида буйрак хасталиги кучайгач, ётиб қолган. Бундан жиддий хавотирга тушган яқинлари, айниқса, онаси Ё. А жигарбандига ўз буйрагини беришга қарор қилди. Натижада 46 ёшли волида ўғлига донор бўлди.

Бундай чексиз меҳр оталар қалбида ҳам лиммо-лим. Қўқонлик 51 ёшли М. М. 24 баҳорни қарши олган, автокузовчи бўлиб ишлаб келган ўғли М. Т. нинг аҳволидан ташвишланиб, шу ерга мурожаат қилди. Бемор шу йил февраль ойидан буён гемодиализ орқали даволаниб келган. Донорлик учун отасининг буйраги мос тушди.

Жарроҳлик столига навбати билан тўрт бемор ётқизилди. Донорлар операциясига 2-2,5 соатдан, сурункали гломерулонефрит, сурункали буйрак етишмовчилиги терминал босқичи ташхиси қўйилган беморларга эса 3-3,5 соатдан вақт сарфланди.

Тиббиёт ходимлари энг илғор технологиялар, билим, тажриба ва салоҳиятини тўлиқ ишга солиб, ҳар тўрт мураккаб жарроҳлик амалиётини муваффақиятли якунлашди.

Ҳозир беморлар ва донорларнинг аҳволи яхши. Барчаси тиббиёт ходимларининг доимий назорати остида. Шифокорлар уларнинг тезда оёққа туриб кетишини айтишяпти.

Фарғона водийси вилоятлари орасида буйрак трансплантацияси фақат Наманганда бажариляпти, — дейди академик В.Воҳидов номидаги республика ихтисослаштирилган хирургия илмий-амалий тиббиёт маркази шифокори, тиббиёт фанлари номзоди Зоҳиджон Маткаримов. — Шунинг учун ҳам маҳаллий ҳамкасбларимизнинг соҳадаги тажрибалари тобора такомиллашиб бормоқда. Яқин йиллар ичида бундай операцияларни уларнинг ўзлари уддалашади.

Жами 365 ўринга мўлжалланган Наманган вилояти кўп тармоқли тиббиёт марказида жорий йилнинг январь-август ойларида 6 нафар беморда буйрак трансплантацияси муваффақиятли амалга оширилди.

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi
📊Дунёда COVID-19 билан боғлиқ касалланиш статистикаси

ЖССТ маълумотига кўра:
🦠дунёда коронавирус юқтирганлар сони 239 миллион 007 мингдан ортди. 4 миллион 871 мингдан зиёд киши вафот этган (14.10.2021. Европа вақти билан 17:08 ҳолатида).

🔴Охирги суткада 563 378 та янги касалланиш ҳолати аниқланди.
⚫️ 7 638 нафар бемор вафот этди.


Жонс Хопкинс университети маълумотига кўра :
🦠 дунёда 239 миллион 611мингдан ортиқ одам касаллик юқтирган. 4 миллион 882 мингдан ортиғи вафот этган (15.10.2021. Тошкент вақти билан 12:33 ҳолатида).

ЖССТга кўра, касалланиш бўйича қуйидаги давлатлар юқори ўринда:
🇺🇸АҚШ (44,311 миллиондан ортиқ),
🇮🇳 Ҳиндистон (34,020 миллиондан ортиқ),
🇧🇷Бразилия (21,590 миллиондан ортиқ),
🇬🇧Буюк Британия (8,272 миллиондан ортиқ),
🇷🇺Россия (7,892 миллиондан ортиқ).

💉Жонс Хопкинс университетига кўра, дунёда 6 миллиард 577 миллион дозадан ортиқ вакцина қўлланилди.

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi
CCВ: ЗАНГИОТА ЮҚУМЛИ КАСАЛЛИКЛАР ШИФОХОНАСИДА ЙИЛ БОШИДАН БУЁН 377 НАФАР ЧАҚАЛОҚ ДУНЁГА КЕЛДИ

Кейинги ҳафталарда Ўзбекистонда коронавирусга чалиниш кўрсаткичлари нисбатан пасаймоқда. Аммо аҳоли “СOVID-19”га қарши етарли даражада эмланмаган бир шароитда хасталик хавфи юқорилигича қоляпти. Хўш, бу борада Зангиота 1-сон юқумли касалликлар шифохонасида ҳолат қандай?

Ушбу саволга жавобни 👉🏻бу ерда ўқийсиз.

▶️@ssvuz
▶️@ssvmatbuotkotibi
ССВ: 151минг нафардан ортиқ бола Pfizer/BioNTech вакцинаси билан ихтиёрий равишда эмланди

Шу йилнинг 28 сентябридан Ўзбекистон Республикаси Бош давлат санитария врачи ва миллий техник иммунологик эксперт комиссиясининг қарорига асосан, юртимизда ота-оналар ва васийларининг розилиги асосида, ихтиёрий равишда 12 ёшдан катта болаларни Pfizer вакцинаси билан эмлаш йўлга қўйилгани ҳақида хабар берган эдик.

❗️14 октябрь ҳолатига кўра, юртимизда 151 124 нафар 12 ёшдан 18 ёшгача бўлган болалар Pfizer вакцинаси билан ихтиёрий равишда эмланди.

💉Хусусан, болаларни коронавирусга қарши эмлаш жараёни Фарғона (37 395 доза), Андижон (22 502 доза), Наманган (21 837 доза) вилоятларида юқори суръатларда олиб борилаётгани аҳамиятли.

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi
❗️Кеча юртимизда коронавирус инфекциясига чалинган ва касалликдан тўлиқ соғайган беморлар сони 400 нафардан ошди

🔺2021 йил 15 октябрь ҳолатига кўра, Ўзбекистонда коронавирус инфекцияси қайд этилганлар сони 180566 (+404) нафарни ташкил этмоқда.

🔴Янги касалланиш ҳолатларининг:
📌3 нафари Қорақалпоғистон Республикасида,
📌17 нафари Андижон вилоятида,
📌11 нафари Бухоро вилоятида,
📌14 нафари Жиззах вилоятида,
📌9 нафари Қашқадарё вилоятида,
📌2 нафари Навоий вилоятида,
📌13 нафари Наманган вилоятида,
📌41 нафари Самарқанд вилоятида,
📌13 нафари Сирдарё вилоятида,
📌3 нафари Сурхондарё вилоятида,
📌32 нафари Фарғона вилоятида,
📌20 нафари Хоразм вилоятида,
📌83 нафари Тошкент вилоятида,
📌143 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

♻️Кеча кун давомида:
🔹Қорақалпоғистон Республикасида 3 нафар,
🔹Андижон вилоятида 13 нафар,
🔹Бухоро вилоятида 11 нафар,
🔹Жиззах вилоятида 14 нафар,
🔹Қашқадарё вилоятида 8 нафар,
🔹Навоий вилояти 2 нафар,
🔹Самарқанд вилоятида 44 нафар,
🔹Сурхондарё вилоятида 2 нафар,
🔹Фарғона вилоятида 40 нафар,
🔹Хоразм вилоятида 20 нафар,
🔹Тошкент вилоятида 95 нафар,
🔹Тошкент шаҳрида 155 нафар бемор тузалиб, касалликдан соғайганлар жами 176403 (+407) нафарга етди ва соғайиш кўрсаткичи 98 фоизни ташкил этмоқда.

⚫️Шунингдек, 2 нафар коронавирусга чалинган бемор вафот этиб, касалликдан вафот этганлар сони 1285 нафарни ташкил қилди.

Соғлиқни сақлаш вазирлиги
Матбуот хизмати.

▶️@ssvuz

▶️@ssvmatbuotkotibi
2021 йил 15 октябрь куни 15 нафар кишида пневмония аниқланиб, жами беморлар сони 27535 нафарга етди. Кеча уларнинг 5 нафари соғайиб, умумий соғайганлар сони 26048 нафарни ташкил қилмоқда.

Юқоридаги жадвалда пневмония қайд этилиши ва ушбу касалликдан соғайиш кўрсаткичлари вилоятлар кесимида келтирилган.

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi