#No_comment

❗️Соғлиқни сақлаш вазирлигида “Тиббиёт тизимини молиялаштириш ва стратегик харидлар назарияси асослари” мавзуида семинар бўлиб ўтмоқда. Унинг ташкилотчилари — ЖССТ, вазирлик, “Соғлиқни сақлаш лойиҳалари маркази” лойиҳа офиси ҳамда Давлат тиббий суғурта жамғармаси.

✅ ЖССТ соғлиқни сақлаш тизимини молиялаштириш бўйича халқаро маслаҳатчиси Александр Кацага иштирокидаги семинарда Соғлиқни сақлаш, Иқтисодиёт ва молия вазирликлари ҳамда жамғарма вакиллари иштирок этмоқда.

📑 Икки кунлик семинарда соҳани молиялаштириш тизими, тиббий кафолатлар дастури, стратегик харидлар тизими, стационар ёрдамни молиялаштиришдаги ёндашув, соҳада ахборот тизимларининг ўрни каби мавзулар қамраб олинади.

📎 Маълумот учун: Александр Кацага ушбу йўналишда катта тажрибага эга бўлиб, Россия, Эстония, Албания, Озарбайжон, Гана, Чили, Қозоғистонда соғлиқни сақлашни молиялаштиришда ахборот тизимларини ишлаб чиқиш билан шуғулланган.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram

#No_comment

📌 Бугун пойтахтимизда “Қандли диабетни бошқаришда замонавий ёндошув” мавзуида халқаро илмий-амалий анжуман бўлиб ўтди.

🏥 Республика ихтисослаштирилган эндокринология ҳамда кардиология илмий-амалий тиббиёт марказлари ҳамкорлигида ташкил этилган ушбу конференция юртимиз ҳудудларидан келган соҳа мутахассислари ва хорижлик етакчи олимларни бир жойга жамлади.

‼️ Анжуманда маҳаллий ва чет эллик экспертларнинг маърузалари тингланди. Шунингдек, тадбир қатнашчилари соҳанинг долзарб масалалари юзасидан ўзаро фикр ва тажриба алмашди.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram

#No_comment

❗️Республика ихтисослаштирилган оториноларингология ва бош-бўйин касалликлари илмий-амалий тиббиёт марказида “Оториноларингология, бош-бўйин касалликларини ташхислаш ва даволашга замонавий ёндашув” мавзусидаги халқаро иштирок билан анжуман ўз ишини бошлади.

🔷 Тадбирни кириш сўзи билан соғлиқни сақлаш вазири вазифасини бажарувчи Асилбек Худаяров очиб берди.

✅ Анжуманда маҳаллий мутахассислар билан бирга Германия, Россия Федерацияси, Беларус Республикаси, Туркия, Озарбайжон, Қозоғистон, Қирғизистон ва Тожикистон давлатларидан етук соҳа вакиллари иштирок этмоқда.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram

#No_comment

Ҳар йили дунёда 12 май — Халқаро ҳамширалар куни сифатида кенг нишонланади. Юртимизда ҳам профессионал ҳамширалар фаолиятининг асосчиси Флоренс Найтингейлнинг таваллуд куни шарафига белгиланган бу санада ўрта тиббиёт ходимларининг заҳматли меҳнати эътироф этилади. Уларга эъзозу эҳтиром кўрсатилади.

Бугун ушбу касб байрамига бағишланган асосий тадбир пойтахтимиздаги Алишер Навоий номидаги кино саройида бўлиб ўтади.

Саноқли дақиқалардан сўнг бошланадиган мазкур тантанали маросимда “Йилнинг энг яхши ҳамшираси” кўрик-танлови ғолиблари ҳамда 15 та номинация бўйича “Йилнинг энг яхши ўрта тиббиёт ва фармацевтика ходими” танлови совриндорлари тақдирланади.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram

#No_comment

Пойтахтимиздаги Алишер Навоий номидаги кино саройида 12 май — Халқаро ҳамширалар кунига бағишланган байрам тадбири қизғин давом этмоқда.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram

#No_comment

🏢 Хабар берганимиздек, бугун пойтахтимиздаги Алишер Навоий номидаги кино саройида Халқаро ҳамширалар куни муносабати билан байрам тадбири бўлиб ўтди.

💐Унда бу шарафли касб эгаларининг заҳматли меҳнати алоҳида эътироф этилиб, уларга ҳурмат ва эҳтиром кўрсатилди.

🏆 Тантанали маросимда 15 та номинация бўйича “Йилнинг энг яхши ўрта тиббиёт ва фармацевтика ходими” танлови совриндорлари тақдирланди.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram

#No_comment

❗️Бухоро шаҳрида “Аёллар саломатлиги: кўкрак бези ва бачадон бўйни саратони скрининги ва профилактикаси” мавзусидаги Ўзбекистон онколог ва радиологларининг ХХ анжумани ўз ишини бошлаш арафасида.

Анжуман тафсилотларини ССВ Матбуот хизмати воқеа жойидан онлайн ёритиб боради.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram

#No_comment

✅ Соғлиқни сақлаш вазирлиги ҳамда Республика ихтисослаштирилган онкология ва тиббий радиология илмий-амалий тиббиёт маркази ташаббуси билан ташкил қилинган “Аёллар саломатлиги: кўкрак бези ва бачадон бўйни саратони скрининги ва профилактикаси” мавзусидаги Ўзбекистон онколог ва радиологларининг ХХ анжумани ўз ишини бошлади.

❗️Ушбу нуфузли анжуманни соғлиқни сақлаш вазири вазифасини бажарувчи Асилбек Худаяров очиб берди.

🔷 Тадбирда маҳаллий мутахассислар билан бирга, 300 дан ортиқ халқаро делегатлар, жумладан, АҚШ, Буюк Британия, Франция, Дания, Россия Федерацияси, Туркия ва Ҳиндистон каби давлатларнинг етакчи экспертлари иштирок этмоқда.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram

#No_comment

✅ Республика шошилинч тиббий ёрдам илмий маркази Бухоро филиалида беморлар учун 260 та даволаш ҳамда 62 та реанимация ўринлари мавжуд.

🧑🏻‍⚕️ Шифокорлар доимий равишда Россия Федерацияси, Туркия, Корея Республикаси, Ҳиндистон ва Озарбайжон каби давлатларда малака ошириб, филиалда юқори технологик жарроҳлик амалиётларини бажариб келмоқда.

📝 Бу ҳақда ССВ Матбуот хизматининг Бухоро вилоятидан тайёрланган кейинги материалларидан батафсил билиб олишингиз мумкин.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram

#No_comment

🏢 Пойтахтимизда “Аллергология-иммунология — инновациядан амалиётга” мавзусида илмий-амалий анжуман бўлиб ўтмоқда.

🌐 Республика ихтисослаштирилган аллергология ва клиник иммунология илмий-амалий тиббиёт маркази томонидан ташкил этилган ушбу халқаро тадбирда маҳаллий мутахассислар билан бирга, қўшни давлатлардан келган етакчи олимлар иштирок этяпти.

🔬 Анжуманда диагностика ва даволашнинг замонавий усулларини амалиётга татбиқ этиш, ўзаро тажриба алмашиш, соҳага оид клиник тавсиялар, ихтисослаштирилган тиббий ёрдам кўрсатиш тартиби ва стандартлари атрофлича муҳокама этилмоқда.

‼️ Тадбирнинг якуний қисми маҳорат дарслари ва шўъба йиғилишларидан иборат бўлиб, унда қатнашчилар жаҳон тиббиётидаги энг сўнгги ютуқлар ҳамда илмий ишланмалар билан яқиндан танишиш имконига эга бўлади.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram

#онлайн
#no_comment

📌 "Ўзбекистон-Россия: саломатлик йўлида ҳамкорлик" мавзусидаги илмий-амалий конференция ўз ишини давом эттирмоқда.
————
📌 Научно-практическая конференция «Узбекистан — Россия: партнёрство во имя здоровья» продолжает свою работу.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram

#no_comment

❗️Президентимизнинг “Соғлиқни сақлаш соҳасида ислоҳотларни чуқурлаштириш бўйича қўшимча чора-тадбирлар тўғрисида”ги қарорига мувофиқ Тошкент тиббиёт академиясининг таълим дастурлари халқаро аккредитациядан ўтказилди.

✅ Бир йил давомида 20 та давлатдан жалб қилинган халқаро экспертлар иштирокида академиянинг фаолияти ўрганилди. Натижада барча мавжуд 10 та бакалавриат таълим йўналишлари ҳамда магистратура, клиник ординатура ва малака ошириш мутахассисликлари бўйича, жами 19 та таълим дастурлари Бутунжаҳон тиббий таълим халқаро стандартларига мос деб топилди.

🔷 Тошкент тиббиёт академиясида Таълим сифатини таъминлаш бўйича мустақил халқаро аккредитация ва рейтинг агентлиги (IAAR) вакиллари иштирокида ушбу халқаро стандартларга мослик тўғрисидаги сертификатларнинг топшириш маросими бўлиб ўтди.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram

#no_comment

📌 Бугун Соғлиқни сақлаш вазирлигида бошқарма ва бўлим раҳбарлари ҳамда ижро учун масъул ходимлар учун “Ijro.gov.uz” тизимида Ўзбекистон Республикаси Президентининг фармон, қарор ва йиғилиш баёнларида берилган топшириқлар ижросини таъминлаш, мавжуд муаммолар ва уларнинг ечимларига бағишланган семинар бўлиб ўтди.

✅ Ўзбекистон Республикаси Вазирлар Маҳкамаси, Адлия вазирлиги, Ҳисоб палатаси мутахассислари иштирокида ўтказилган ушбу тадбирда “Ijro.gov.uz” тизимини такомиллаштириш бўйича амалга оширилган ишлар, киритилаётган маълумотларнинг ҳаққонийлиги ва асослилигини ўрганиш, фойдаланувчиларга яратилган қулайликлар ҳамда бошқа қатор масалалар юзасидан маълумот берилди.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram

#no_comment

🩺 Шифокорларнинг аҳоли саломатлигини мустаҳкамлаш йўлидаги машаққатли меҳнатини халқимиз ва давлатимиз чексиз қадрлайди.

📌 Куни кеча Президентимизнинг тегишли фармонига мувофиқ юртимиз ривожига муносиб ҳисса қўшган бир қатор соҳа вакиллари юксак давлат мукофотлари билан тақдирлангани бунга яққол мисолдир.

💐 Мустақилликнинг 33 йиллиги муносабати билан бугун Соғлиқни сақлаш вазирлигида юртимиздаги бирламчи тиббиёт муассасалари, республика ихтисослаштирилган тиббиёт марказлари ва тиббий олийгоҳларда меҳнат қилаётган бир гуруҳ фидойи ходимларни "Ўзбекистон Республикаси соғлиқни сақлаш аълочиси" кўкрак нишони ва вазирликнинг ташаккурномалари билан тақдирлашга бағишланган тантанали тадбир бўлиб ўтди.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram