ССВ матбуот котиби| Эмланиш – соғлик кафолати!
29.8K subscribers
3.38K photos
929 videos
22 files
5.13K links
Ўзбекистон Республикаси Соғлиқни сақлаш вазирлиги Матбуот ва ПР хизмати раҳбари Фурқат Санаевнинг телеграм канали

Twitter: twitter.com/furqatsanayev
Facebook: facebook.com/furqatsanaev/

Вазирлик телеграм канали - @ssvuz
Download Telegram
❗️Янги ўқув йили 5 сентябрдан бошланади

Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекциясининг хабар беришича, Мустақиллик байрами муносабати билан ўзбекистонликлар 1-4 сентябрь саналарида кетма-кет 4 кун дам олади.

Шунга кўра, 5 сентябрь, душанба куни барча таълим муассасалари учун 2022-2023 ўқув йилининг илк куни бўлади.

📌 Хусусан, Соғлиқни сақлаш вазирлиги тизимидаги таълим муассасалаларида ҳам дарслар 5 сентябрь, душанба кунидан бошланади.

@ssvuz | @ssvmatbuotkotibi |Facebook | Instagram
❗️ЖССТ: Маймун чечаги вирусига қайта ном берилади

Жаҳон соғлиқни сақлаш ташкилоти маймун чечаги вируси номини ўзгартириш бўйича кенг жамоатчиликка мурожаат билан чиқди. Бунга олимлар ва тиббиёт мутахассислари томонидан мазкур хасталик нотўғри номланганига доир такрорий эътирозлар сабаб бўлди.

Аслида, вирусларга ном бериш ЖССТ ваколатига киради. Бироқ бу гал одамларга онлайн портал орқали ўз таклифларини етказиши учун имконият яратилди.

Маълумки, маймун чечаги атамаси 1958 йилда истилоҳга киритилган. Қолаверса, вируснинг асосий вариантлари улар кенг тарқалган географик ҳудудларга қараб номланган.

‼️Бироқ замонавий амалиётга кўра, янги аниқланган вируслар, инфекциялар мутациялари ва улар билан боғлиқ касалликлар атамалари маданий, ижтимоий, миллий, минтақавий, касбий ёки этник жиҳатдан камситувчи мазмунга эга бўлмаслиги зарур.

❗️Қолаверса, савдо-сотиқ ёки йўловчи ташиш жамиятлари фаолияти, туризм ҳамда ҳайвонот дунёсига нисбатан муносабатларга салбий таъсир кўрсатмаслиги керак.

Шундан келиб чиққан ҳолда маймун чечагининг Конго ҳавзаси версияси энди "I тур", Ғарбий Африка варианти эса “II тур” деб аталадиган бўлди.

Вируснинг ўзига эса кенг жамоатчилик таклифлари асосида яқин истиқболда қайта ном берилиши кутиляпти.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram
Тарвуздан заҳарланиш: ундан қандай ҳимояланиш мумкин?

Тарвуз — инсон организми учун энг фойдали маҳсулотлардан бири. Айниқса, ёзнинг иссиқ кунларида тамадди учун ушбу резавордан бошқа фойдали ва енгил ҳазм бўлувчи маҳсулотни топиш мушкул.

Бироқ тарвуз етарли даражада пишмаган ёки уни етиштиришда кимёвий ўғитлардан кўп фойдаланилган бўлса, саломатлик учун жиддий хавф туғдириши турган гап.

Хўш, дориланган тарвуз нимаси билан хавфли? Ундан заҳарланмаслик учун нималарга эътибор қаратиш лозим?

Соғлиқни сақлаш вазирлиги Матбуот хизматининг шу каби саволларига Санитария-эпидемиологик осойишталик ва жамоат саломатлиги хизмати санитария-гигиена бошқармаси бошлиғи А.Шукуровга мурожаат қилди.

— Жазирама ёз фаслини тарвузсиз тасаввур этиб бўлмайди, — дейди мутахассис. — Таркиби 92 фоиз сувдан иборат ушбу маҳсулот калий ва магнийга бой. Шу сабабли у асаб тизими ва мия фаолиятига ижобий таъсир этади.

Тарвузнинг антиоксидантлик хусусияти юқори бўлиб, таркибидаги А, В дармондорилари ва картоноид яллиғланиш ва эрта қаришга тўсқинлик қилади.

Айниқса, тарвуз онкологик ва юрак-қон томир тизими касалликларининг олдини олиш, ҳазм фаолиятини яхшилаш ва моддалар алмашинувига ижобий таъсир кўрсатиши билан янада фойдали.

Бироқ бу жараёнда эҳтиёткорликни унутмаслик, айниқса, тарвуз сотиб олаётган пайт унинг бус-бутунлигига, чиримаганига ва кимёвий ўғитлар билан меъёрдан ортиқ тўйинтирилмаганига эътибор қаратиш керак.

Сабаби бугунги кунда аксарият деҳқонлар ушбу маҳсулотни тезроқ етиштириш мақсадида азотдан кўп фойдаланмоқда. Бу эса тарвуздан заҳарланишга сабаб бўляпти.

Шу боис мазкур нохуш ҳолатдан ўзимиз ва яқинларимизни ҳимоя қилиш учун айрим жиҳатларга эътибор қаратиш фойдадан ҳоли бўлмайди.

Хусусан, тарвуз харид қилаётганда, энг аввало, сотувчидан маҳсулот манбаи, унинг сифати ва хавфсизлигини тасдиқловчи тегишли рухсатномани талаб қилиши лозим. Шу билан бирга, маҳсулотнинг бузилмаганига ишонч ҳосил қилиш зарур.

Негаки, ушбу резаворнинг қизил мағзида микроблар жуда тез тарқалади. Табиий пишган тарвуз чертиб кўрилганда жарангдор овоз чиқиб, унинг пўстини осонгина тирнаш мумкин. Агар маҳсулотнинг банди қуриган бўлса, бу унинг яхши пишганидан далолат.

Тарвуз ҳолатининг яна бир муҳим кўрсаткичи қизил қисмидаги томирлар рангидир. Агар улар сариқ ёки бинафша тусда бўлса, бундай маҳсулотдан эҳтиёт бўлиш лозим. Чунки у тўлиқ пишмаган ёки нитратнинг таъсири бўлиши мумкин.

Қолаверса, тарвуз устидаги чизиқлар аниқ ва бир-бири билан аралашиб кетмаган бўлиши керак. Хиралашган чизиқлар унинг нитрат билан тўйинганидан далолат.

Шунингдек, табиий пишган тарвуз сувга солинганда унинг устига қалқиб чиқади. Азотли ўғит билан тўйингани эса аксинча сув остига чўкади. Агар бўлакланганда қийшиқ эмас, тўғри кесилса, бу ҳолат ҳам унинг кимёвий моддаларга тўйинганлигининг белгисидир.

Таркибида нитрат моддаси меъёрдан ортиқ бўлган тарвуз истеъмол қилинганда, унинг нохуш белгилари 4-6 соатдан кейин пайдо бўлади.

Хусусан, кўнгил айниши, қусиш, диарея, қорин ва бош оғриғи, 38-39 даражагача иситма кўтарилиши, юрак уришининг секинлашиши ҳамда қўл-оёқларнинг совуқ қотиши каби аломатлар кузатилганда дарҳол шифокорга мурожаат қилиш лозим. Чунки бу — тарвуздан заҳарланиш белгилари бўлиши мумкин.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram
❗️Кеча юртимизда яна 19 нафар кишида коронавирус аниқланиб, 60 нафарга яқин бемор соғайди

🔺2022 йил 16 август
ҳолатига кўра, Ўзбекистонда коронавирус инфекцияси қайд этилганлар сони 243605 (+19) нафарни ташкил этмоқда.

🔴Янги касалланиш ҳолатларининг:
📌1 нафари Қорақалпоғистон Республикасида,
📌1 нафари Наманган вилоятида,
📌1 нафари Сурхондарё вилоятида,
📌5 нафари Тошкент вилоятида,
📌11 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

♻️Кеча кун давомида
🔹Қорақалпоғистон Республикасида 7 нафар,
🔹Жиззах вилоятида 2 нафар,
🔹Қашқадарё вилоятида 3 нафар,
🔹Наманган вилоятида 4 нафар,
🔹Сурхондарё вилоятида 3 нафар,
🔹Фарғона вилоятида 3 нафар,
🔹Хоразм вилоятида 12 нафар,
🔹Тошкент вилоятида 7 нафар,
🔹Тошкент шаҳрида 18 нафар бемор тузалиб, касалликдан соғайганлар жами 241268 (+59) нафарга етди ва соғайиш кўрсаткичи 99 фоизни ташкил этмоқда.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram
❗️Жаҳон хабарлари: Буюк Британия биринчи бўлиб “омикрон”га қарши янги вакцинани тасдиқлади

Буюк Британия дунёда коронавируснинг “омикрон” штаммига қарши яратилган янги вакцинани маъқуллаган биринчи мамлакат бўлди.

Эмлаш воситаси АҚШнинг “Moderna” компанияси томонидан ишлаб чиқарилган. У икки валентли препарат бўлиб, дозанинг ярми коронавируснинг асл штаммига, қолган ярми эса “омикрон”нинг олдини олишга мўлжалланган.

Янги вакцинадан катталар учун бустер-доза сифатида фойдаланиш режалаштириляпти.

“Клиник синовлар шуни кўрсатдики, янги эмлаш воситаси “омикрон”нинг бир нечта вариантига нисбатан самара беради. У аввалги мавжуд вакциналарга қараганда кўпроқ иммунитет ҳосил қилишга қодир”, — дейди “Moderna” вакили.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram
Бош айланиши: унга қандай омиллар сабаб бўлади?

Кўз олди қоронғулашиб, бош айланиши кўпчилик учун таниш ҳолат. Бироқ, ҳамма ҳам унга етарлича эътибор беравермайди. Айримлар эса қони камайиб кетганлигини айтиб, гемоглобин миқдорини ошириш пайида бўлади.

Аслидачи? Бош айланиши қандай омиллар сабабли юзага келади?

Ушбу саволларга тиббиёт фанлари доктори, профессор Бахтиёр Ғофуров жавоб берди.

— Бош айланиш касаллик эмас, балки кўплаб неврологик, психологик, юрак-қон томир тизими ҳамда қулоқ хасталиклари фонида пайдо бўлиши мумкин бўлган аломатдир, — дейди шифокор.

Аслида ҳар қандай соғлом инсон проприоцептив, кўриш ва вестибуляр тизимлар юборган импульслар ёрдамида тана мувозанатини сақлайди. Агар бош мияга юборилаётган ана шу импульслар бузилса, у атрофидаги предметларни худди айланаётгандек ҳис этади. Натижада эса одамнинг боши айланади.

Айтиш керак, бу ҳолатга олиб келиши мумкин бўлган 80 дан ортиқ сабаблар мавжуд.

Улардан бири эса мия фаолиятининг бузилиши ҳисобланади. Хусусан, миядаги хавфли ўсмалар, бош суяги жароҳати, мия қон томирлари фаолиятининг бузилиши, умуртқа бўйин қисмининг лат ейиши ва умуртқа чурраси шулар жумласидан.

Қолаверса, кучли чарчоқ, қаттиқ ҳаяжонланиш, эмоционал ҳолатнинг кескин ўзгариши оқибатида ҳам бош айланади. Шу билан бирга, вестибуляр нервнинг вирусли инфекциялари ёки лабиринтит сабабли ҳам ушбу ҳолат кузатилади. Бу пайтда бемор қулоғида шовқин, оғриқ пайдо бўлиб, эшитиш қобилияти сусаяди ёки бутунлай йўқолиши ҳам мумкин.

❗️Шу сабабли бундай бош айланишига беэътибор бўлмаслик лозим. Чунки мазкур ҳолатда касаллик белгиларсиз бошланиб, инфекциянинг мияга ўтиб кетиш хавфи юқори.

Шунингдек:
артериал қон босимнинг ошиб ёки тушиб кетиши;
қонда қанд миқдорининг пасайиши;
инсульт;
организмнинг сувсизланиши;
вегетатив дистониялар;
сурункали кечувчи камқонлик;
юрак касалликлари
ва яна бир қанча хасталиклар ҳам ушбу ҳолатга сабаб бўлади.

Айниқса, тўсатдан ҳолсизлик, кўриш ёки эшитиш, нутқнинг бузилиши билан кечадиган бош айланишига беэътибор бўлмаслик керак. Чунки бу вазият инсульт хасталигидан дарак беради. Агар беморнинг нутқи ўзгариб, юз симметрияси бузилса, дарҳол шифокорга мурожаат қилиш зарур.

Ўтирган жойдан турганда қисқа вақтли ортостатик бош айланиши эса кўпинча организмда суюқлик етишмаслиги билан боғлиқ. Агар сувсизланиш бўлмай, бош айланиши кузатилса, унга юрак ритмининг бузилиши ёки юрак етишмовчилиги сабаб бўлиши мумкин.

Шунингдек, бош айланиши билан бирга, кучли бош оғриғи, юришнинг қийинлашиши, кўнгил айниши ва қусиш, ҳушдан кетиш, ҳаво етишмаслиги, бўйин мускулларининг тортишиши ҳамда талвасалар кузатилса, албатта, шифокорга мурожаат қилиш лозим.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram
Халқ табобати товарлари рекламасига доир қандай тартиблар белгиланди?

2022 йил 7 июнда қабул қилинган “Реклама тўғрисида”ги янги Қонуннинг 45-моддасида халқ табобати товарлари рекламаси бўйича тартиблар белгиланган.

❗️Унга кўра, рекламалар халқ табобати товарларини қўллаш натижасида касалликлардан тузалганлик ва инсон соғлиғи ҳолати яхшиланганлигининг муайян ҳолларига ҳаволаларни ўз ичига олмаслиги лозим.

📌Шифокорга мурожаат этиш керак эмаслиги ҳақида таассурот уйғонмаслиги керак.

Халқ табобати товарларини дори воситалари, овқатга қўшиладиган биологик фаол ва озиқ-овқат қўшимчалари сифатида тақдим этиш тақиқланади.

Бундан ташқари, халқ табобати товарлари рекламаси:

🔹 соғлом одамда уни қўллаш зарурлиги тўғрисида таассурот уйғотмаслиги;

🔹 вояга етмаганларга қаратилмаслиги;

🔹 ижобий таъсири, хавфсизлиги, самарадорлиги ва ножўя таъсирлари мавжуд эмаслигини кафолатламаслиги;

🔹 давлат рўйхатидан ўтказиш учун мажбурий бўлган тадқиқотлар олиб борилганлиги фактига ҳавола қилиш йўли билан халқ табобати товарларининг афзалликлари тўғрисида тасаввур ҳосил қилмаслиги;

🔹халқ табобати товарларининг хавфсизлиги ва (ёки) самарадорлиги уларнинг табиий келиб чиқиши билан кафолатланганлиги тўғрисидаги таъкидларни ўз ичига олмаслиги керак.

Халқ табобати товарлари рекламасида уларни қўллашга ва улардан фойдаланишга қарши кўрсатмалар мавжудлиги, қўллашга доир йўриқнома билан танишиш ёки мутахассислардан маслаҳатлар олиш зарурлиги тўғрисидаги огоҳлантириш билан бирга берилиши керак.

Шунингдек, Қонунда халқ табобати товарлари рекламаси бўйича рағбатлантирувчи акцияларни ўтказиш тақиқланди.

Эслатиб ўтамиз, ушбу Қонунда барча турдаги реклама матнлари давлат тилида бўлиши мажбурийлиги белгилаб қўйилди.

🗓 Мазкур ҳужжат шу йил 9 сентябрдан кучга киради.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram
СOVID-19: “Кентавр” ва “дельтакрон” беморларда қандай аломатлар билан кечмоқда?

Қарийб икки ойдирки, дунёда коронавирус пандемиясининг янги тўлқини авжида. Мутахассислар буни COVID-19нинг янги мутациялари кенг тарқалиши билан изоҳлаяпти.

Хусусан, “омикрон”нинг қатор субвариантлари, айниқса, “кентавр” номли ўта юқумли кичик штамми, шу билан бирга, “дельтакрон” деб аталган гибрид мутацияси одамларда жиддий хавотирларни уйғотаётган эди.

Кеча россиялик шифокорлар коронавируснинг ушбу турига чалинган беморларда касаллик қандай кечаётгани билан боғлиқ таҳлилларини эълон қилди.

Унда айтилишича, кейинги пайтларда мамлакатда “кентавр”ни юқтирган беморлар сони кўпайиши қайд этилган. Бироқ бу субвариант “дельта” штамми сингари барчага бирдек хавф солаётгани йўқ.

Ундан кексалар ва сурункали касалликларга чалинганлар кўпроқ азият чекмоқда. Қолаверса, “кентавр” оқибатида ўпканинг зарарлаши кузатилаётгани йўқ.

❗️Мазкур мутация асосан ротавирусга хос аломатлар билан намоён бўлмоқда. Беморларнинг 50 фоизида эса диарея ва қусиш ҳолатлари қайд этиляпти. Бундан ташқари, бош оғриғи ва баъзида безовталикдан шикоят қилувчилар ҳам бор.

Касаллик 5-7 кун давом этяпти, — дейди рус шифокорлари. — Бешинчи кунга бориб ПЗР тести манфий натижани кўрсатмоқда. Тромбофилия, юрак-қон томир хасталикларига чалинган, интоксикация ва юқори тана ҳароратига таъсирчан беморларда хасталик бирмунча оғир ўтмоқда".

Шунингдек, мутахассислар “дельтакрон”га хос асосий белгилар ҳақида ҳам маълумот берди.

❗️Қайд этилишича, бу штамм коронавируснинг аввалги мутацияларига нисбатан юқумли. Шу билан бирга, “омикрон”га таққослаганда, стационар даволанишни кўпроқ талаб этади. Яъни касаллик бироз қийин ўтади.

“Дельта” штаммида тана ҳароратининг кўтарилиши узоқ вақт кузатилган бўлса, “омикрон”да бу ҳолат 1-3 кун давом этади. Иситманинг юқори кўрсаткичи ҳам фақат бир кун қайд этилади.

Шу билан бирга, “омикрон”га чалинганда ўпканинг зарарланиши хавфи минимал даражада. Томоқ оғриғи ва қуруқ йўтал унга хос белгилар сирасидан.

“Дельта” таъм ва ҳид билиш қобилияти йўқолиши, ошқозон-ичак трактидаги бузилишлар билан намоён бўлади. “Омикрон”га чалинганлар эса кўпроқ ҳолсизлик ва бош оғриғидан шикоят қилишади.

‼️“Дельтакрон” ана шу ҳар икки штаммга хос аломатларни ўзида қисман мужассам этган. Яъни у қисқа муддатли юқори тана ҳорорати, ҳид билиш қобилиятининг йўқолиши, ўпканинг зарарланиши бу гибрид вариантга тегишлидир.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram
Магистратурада ўқиётган хотин-қизларнинг контракт тўловларини қоплаб бериш тартиби белгиланди

Шу йил 15 августда тақдиқланган ҳукумат қарори билан магистратура босқичига тўлов-контракт асосида қабул қилинган ва таълим олаётган хотин-қизларнинг тўлов-контракт суммасини Давлат бюджети маблағлари ҳисобидан қоплаб бериш тартиби тўғрисидаги низом тасдиқланди.

Низомга кўра, давлат ОТМлари магистратура босқичида ўқиётган барча хотин-қизларнинг контракт-тўловлари қайтариш шартисиз қопланади.

📝 Бунинг учун давлат ОТМнинг магистратура босқичига тўлов-контракт асосида қабул қилинган ва таълим олаётган талаба хотин-қизлар (талабгорлар) 2022/2023 ўқув йилидан бошлаб ўқув йили учун тўлов-контрактнинг тўлиқ суммасини қоплаб бериш юзасидан (табақалаштирилган тўлов-контракт тўловлари бундан мустасно) ўзлари таълим оладиган ОТМ ректори (филиал директори) номига 15-сентябргача ариза билан мурожаат этади.

Ушбу муддатдан кейин тақдим этилган аризалар кўриб чиқилмайди.

🗓 Аризалар 3 иш кунида кўриб чиқилиб, рўйхат шакллантирилади.

📁2022-йилда умумлаштирилган талабгорлар рўйхати 5 иш кунида тўлов-контрактларни қоплаб бериш учун Олий ва ўрта махсус таълим вазирлигига (2023-йилдан ОТМнинг идоравий мансублигига кўра тегишли вазирликлар ва идораларга) юборилади.

📋 Талабгорларга тўлов-контракт суммасини қоплаб бериш тўғрисида жорий ўқув йилининг 15-октябрига қадар тегишли ОТМ ректори (филиал директори) буйруғи қабул қилинади.

Маълумот учун, ушбу тартиб Соғлиқни сақлаш вазирлиги тасарруфидаги 11 та олий таълим муассасаси учун ҳам амал қилади.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram
This media is not supported in your browser
VIEW IN TELEGRAM
Давлатимиз раҳбари Ўзбекистон халқига тинчлик ва фаровонлик тилади.

@ssvuz | @ssvmatbuotkotibi |Facebook | Instagram
Президентимиз Шавкат Мирзиёев пайғамбаримиз Муҳаммад соллаллоҳу алайҳи ва салламнинг қабрларини зиёрат қилди

👉Батафсил

@ssvuz | @ssvmatbuotkotibi | Facebook | Instagram
❗️Коронавирус: кеча юртимизнинг 6 та ҳудудида яна 18 нафар кишида касаллик аниқланди

🔺2022 йил 17 август
ҳолатига кўра, Ўзбекистонда коронавирус инфекцияси қайд этилганлар сони 243623 (+18) нафарни ташкил этмоқда.

🔴Янги касалланиш ҳолатларининг:
📌2 нафари Қорақалпоғистон Республикасида,
📌1 нафари Қашқадарё вилоятида,
📌2 нафари Наманган вилоятида,
📌2 нафари Хоразм вилоятида,
📌3 нафари Тошкент вилоятида,
📌8 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

♻️Кеча кун давомида
🔹Қорақалпоғистон Республикасида 9 нафар,
🔹Бухоро вилоятида 12 нафар,
🔹Жиззах вилоятида 3 нафар,
🔹Қашқадарё вилоятида 4 нафар,
🔹Навоий вилоятида 3 нафар,
🔹Наманган вилоятида 4 нафар,
🔹Фарғона вилоятида 3 нафар,
🔹Хоразм вилоятида 6 нафар,
🔹Тошкент вилоятида 5 нафар,
🔹Тошкент шаҳрида 14 нафар бемор тузалиб, касалликдан соғайганлар жами 241331 (+63) нафарга етди ва соғайиш кўрсаткичи 99 фоизни ташкил этмоқда.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram
❗️ССВ: Бугун G4 даражали кучли магнит бўрони кузатилади. Бундай вазиятда қандай тавсияларга амал қилиш керак?

Бугун магнит бўронининг G4 даражага эга 6 баллик ўта фаол босқичи кузатилиши прогноз қилинган. Ушбу табиат ҳодисаси алоқа, электр тармоқлари, навигация тизими билан бирга, инсон саломатлигига ҳам салбий таъсир кўрсатиши мумкин.

🩺 Бундан сурункали хасталикларга чалинган, ўрта ва катта ёшли инсонлар, айниқса, юрак ишемик касаллиги билан оғриган ёки миокард инфаркт, инсультни бошдан ўтказган беморлар кўпроқ азият чекади.

☀️Чунки қуёш чақнашлари туфайли ҳосил бўлган магнит майдони гипертоникларда қон босими ошиши, гипотоникларда эса аксинча, қон босими пасайишига сабаб бўлади.

🙇‍♂️ Бундан ташқари, бош оғриғи, ҳолсизлик, қолаверса, турли аллергик реакциялар кузатилиши эҳтимоли мавжуд.

▶️ Шу боис бундай об-ҳаво шароитида сурункали касалликларга чалинганлар, кекса ёшли инсонлар ва ҳомиладор аёллардан қуйидаги тавсияларга амал қилишларини сўраймиз:

🏋️‍♀️ Магнит бўрони пайтида жисмоний фаоллик, жумладан зўриқтирувчи ишлар ва машғулотларни чеклаш мақсадга мувофиқ.

🍲 Аввало, овқатланиш рационига алоҳида эътибор қаратиш ва кўпроқ суюқлик ичиш лозим.

🚫 Шўр таомлар истеъмолини чеклаш керак. Чунки туз организмда сув миқдорини камайтириб, қон босими ошишига сабаб бўлади.

🍏🍐🍌 Серсув мева-сабзавотлар, калий ва С витаминига бой маҳсулотлар ҳам саломатлик учун жуда фойдали.

Магнит бўрони кузатиладиган кунларда спиртли ичимликлардан бутунлай воз кечиш шарт.

🚗 Юрак хуружи ва инсультни бошдан кечирганлар маълум муддат машина ҳайдамаганлари маъқул.

✈️ Бундай шароитда саёҳат қилишни кечиктириб туриш ҳам фойдадан холи бўлмайди.

💊 Сурункали касалликларга чалинганлар эса ўзлари билан шифокорлар томонидан буюрилган дори-дармонларни олиб юришлари ҳамда қон босимини тез-тез назорат қилиб туришлари лозим.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram
❗️ЖССТ: Маймун чечагига чалинган беморлар сони 35 минг нафардан ошди

Дунё бўйича маймун чечаги инфекцияси аниқланган мамлакатлар 92 тага етди. Касалликни юқтирганлар сони эса 35 минг нафардан ошди.

Хавотирли жиҳати, уларнинг 7,5 минг нафари ўтган ҳафта давомида рўйхатга олинган беморлардир. Яъни ўсиш кўрсаткичлари бир ҳафта ичида 20 фоизга ошгани мутахассисларни ташвишга солмоқда.

ЖССТ бу ҳақдаги сўнгги ҳисоботида ўтган даврда инфекцияга чалинганларнинг 12 нафари касалликдан вафот этганини маълум қилди. Ҳозиргача аниқланган беморларнинг деярли барчаси Европа қитъаси ва АҚШда яшовчилардир.

Жаҳон соғлиқни сақлаш ташкилоти раҳбари Тедрос Гебрейесуснинг таъкидлашича, ҳозир мамлакатлар ушбу эпидемияга тайёр бўлиши ва инфекцияни жиловлаш бўйича чора-тадбирлар ишлаб чиқиши лозим.

Профилактика жараёнида вакциналарнинг аҳамияти катта. Аммо ҳозир эмлаш воситалари танқис. Шунга қарамай, вакцина ишлаб чиқарувчилар, қолаверса, ўз захираларини баҳам кўришга тайёр мамлакат ва ташкилотлар билан музокаралар олиб борилмоқда.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram
Ўзбекистонда автоаварияларда ўлаётган болалар сони Европага қараганда 4 марта кўп

2022-2026-йилларда Ўзбекистонда ўсмирлар саломатлиги ва фаровонлигини мустаҳкамлаш бўйича Миллий Ҳаракатлар Стратегияси лойиҳаси эълон қилинди.

Унда келтирилган айрим рақамлар ниҳоятда қўрқинчли. Масалан, Ўзбекистонда йўл-транспорт ҳодисалари оқибатида 5 ёшдан 14 ёшгача бўлган болалар ўлими даражаси Европа мамлакатларига қараганда тўрт баравар юқори.

Мамлакатда 18 ёшгача бўлган ўғил болалар ўлимининг биринчи сабаби йўл-транспорт ҳодисаларида олинган жароҳатлар бўлмоқда.

Куни кеча, Қашқадарёда юз берган транспорт ҳодисасида 8 киши вафот этган. Улардан 4 нафари болалар бўлган.

Ўзимизни ва болаларимизни асрайлик!

@ssvuz | @ssvmatbuotkotibi |Facebook | Instagram