Вось так выглядае Вялікая мячэць Газы, якая з'явілася ў VII стагоддзі на месцы ранейшай хрысіянскай царквы V стагоддзя, пасля авіяўдару Ізраіля 7 снежня 2023 года.

#вайна #Палесціна

У Магілёве па выніках грамадскага абмеркавання рэкамендавалі прыняць да рэалізацыі праект музея цара, які прывядзе да знішчэння Замкавай гары з рэшткамі гарадскіх умацаванняў і паловы найстарэйшага парку горада.

З 143 галасоў, сабраных пад петыцыяй супраць будаўніцтва, улічылі толькі 5(!). Пры гэтам аднекуль з дзіркі ад бубліка з'явілася 498 меркаванняў за рэалізацыю - гэта, вядома, мёртвыя душы з епархіі ці ад бюджэтнікаў па разнарадцы. Тое ж самае бачылі па выніках грамадскіх абмеркаванняў і ў іншых гарадах.

Прыведзеныя нарматыўна-прававыя абмежаванні на будаўніцтва ў гэтым месцы цалкам праігнараваны.

Што ж, кіраўніцтва горада будуе сабе той жа помнік, што збудаваў сабе некалі старшыня Віцебска, які загадаў узарваць помнік XII стагоддзя — нашчадкі вам гэтага ніколі не даруюць.

#Магілёў #замкі #паркі #знішчэнне #петыцыі

У Беларусі ўжо такога не пабачыш, але ва Украіне яшчэ ёсць. Касцёл кармелітаў босых у Львове, перабудаваны за савецкім часам у клуб пры аўтобусным заводзе ЛАЗ, сёння закінутым.

Дае нейкае ўяўленне пра тое, у якім стане беларускім вернікам у канцы 80-х — пачатку 90-х вярталіся многія храмы. Хаця, вядома, такое далікатнае прыстасаванне пад блізкую функцыю можна было сустрэць толькі ў вялікіх гарадах, на вёсцы звычайна пад склад прыстасоўвалі.

Фота

На гары Гедыміна ў Вільні адбыўся вялікі апоўзень

https://t.me/rudelfi/17500
#Вільня #замкі #разбурэнні