Пачатак рэканструкцыі сядзібы Рэйтанаў і капліцы-пахавальні ў Грушаўцы.
#рэстаўрацыя #сядзібы #капліцы #Грушаўка
https://elgatomarinero7.livejournal.com/41553.html

Пачаліся рамонтна-аднаўленчыя працы комплексу былой сядзібы Рейтанаў у Грушаўцы.

У наш час вядуцца работы па рэстаўрацыі фасада і даху сядзібнага дому, ачыстка падвала, рамонт і ўзмацненне падмурка капліцы, рамонт скляпенняў купала капліцы, аднаўленне гістарычнага аблічча даху капліцы з часовым пакрыццём з ацынкаванай сталі.

#капліцы #сядзібы #Грушаўка #аднаўленне #рэстаўрацыя
http://www.lves.by/?p=100976

Аднаўленне капліцы-пахавальні Рэйтанаў у Грушаўцы.

фота адміна @poshtabel

#Грушаўка #рэстаўрацыя #капліцы

Аднаўленне сядзібы ў Грушаўцы

фота адміна @poshtabel

#Грушаўка #рэстаўрацыя #сядзібы

Пад уродскія чалавейнікі, з якімі мы пасля яшчэ стагоддзе не будзем ведаць што рабіць, як з нізкавартасным жытлом, зносяць рэшткі Грушаўкі. А між іншым гэты гістарычны куток Мінска мусіў быць філіялам музея беларускага народнага дойлідства і побыту, як і забудова Паўночнага завулка, якая такі статус усё ж займела. Нават была створана схема аховы Грушаўскага прадмесця (чытай у допісе ніжэй)

#Мінск #знішчэнне #драўлянаедойлідства #Грушаўка

У 1991 годзе распрацавана схема Грушаўскага прадмесця (БДАНТД, ф. 91, воп. 1, спр. 579), паводле якой меркавалася стварэнне філіі музея архітэктуры (як па Паўночным завулку) з узяццем усёй драўлянай забудовы вуліцы Хмялеўскага пад ахову. Таксама рэкамендавалася ўзяць пад ахову асобныя драўляныя дамы па вуліцы Разінскай, 3-м Чыгуначным завулку, завулках Грушаўскім і Расінскім.

Што ж на дадзены момант? На адной з ілюстрацый мы колерам паказалі страчаныя (чырвоны), знявечаныя (аранжавы) і больш-менш захаваныя (сіні) будынкі. Як бачна, за 30 год страчана больш за 70% помнікаў, якія планавалася ўзяць пад ахову, а на вуліцы-музеі засталася добра калі палова дамоў, часта ў вельмі скажоным выглядзе.

Не ведаю які статус мела гэтая схема, але, відавочна, ахоўваць «халупы» ніхто не збіраўся. Няма разумення каштоўнасці драўлянага дойлідства і сёння. У прадмесці яшчэ захавалася пара-тройка дамоў, якія валодаюць гісторыка-архітэктурнымі вартасцямі для надання ім статусу гісторыка-культурных каштоўнасцей, але ніхто гэтага рабіць не будзе. Як не будуць і вывозіць экспанаты нястворанай філіі ў музей народнага дойлідства, бо як мы памятаем па гісторыі з іншымі будынкамі - у іх ёсць генплан, які не дае ім выконваюць сваю першачарговую функцыю.

#мінск #грушаўка #гістарычнаязабудова #знішчэнне #драўлянаедойлідства