У Брэсце захавалі польскія надпісы «кантора гарэлкавага завода» на дваровым фасадзе будынка па Савецкай, 25, выяўленыя ў час будаўнічых работ.

#брэст #гістарычнаязабудова #польскаяспадчына #выяўленне

https://www.realbrest.by/novosti/realnyi-brest/nadpis-na-polskom-jazyke-obnaruzhennuyu-na-sovetskoi-sohranili.html

На мураванай браме былых польскіх казармаў у Давыд-Гарадку правялі еўрарамонт. Ахвярай сталі нават невялікія кавалкі дахоўкі на кутніх контрфорсах.

#Антырэстаўрацыя #ДавыдГарадок #польскаяспадчына #дэградацыя

У Гарадскім садзе Брэста адбудуюць гандлёвы павільён па праекце 1925 года. Наколькі падобная будка да польскага праекта — судзіце самі.

#Брэст #польскаяспадчына
https://www.realbrest.by/novosti/brest-i-region/stalo-izvestno-chto-za-obekt-stroitsja-v-gorodskom-sadu-bresta.html

Гандлёвы павільён па міжваенным праекце ў Гарадскім садзе Брэста ўжо з большага пабудаваны.
#Брэст #польскаяспадчына

Рамонт будынка былога радыёвузла 1928 года па Завальнай вуліцы, 39 у Пінску. Вернуты дзверы аўтэнтычнага выгляду, але спілаваны дрэвы, якія сядзелі занадта блізка да фасада.

#Пінск #польскаяспадчына #гістарычнаязабудова #рэстаўрацыя

У 1921 годзе польскімі ўладамі было створана Навагрудскае ваяводства з цэнтрам у маленькім непрамысловым Навагрудку, які заслужыў такі статус толькі гістарычным сваім значэннем (у тым жа ваяводстве былі Ліда і Баранавічы, які пераўзыходзілі яго ў два разы). Ваяводскі статус стаў прычынай таго, што Навагрудак стаў актыўна разбудоўвацца, так у стылі польскага нацыянальнага рамантызму паўсталі буйныя будынкі ваяводскай адміністрацыі, падатковай палаты, чыгуначнага вакзала, дом ваяводы і інш. Большасць з іх у добрым стане захавалася да нашага часу, частка змяніла функцыю: падатковая стала гімназіяй, чыгуначны вакзал стаў аўтавакзалам, бо саветы ў 1960-я гг. дабілі адзіную вузкакалейку да горада.

#польскаяспадчына #Навагрудак #фотапараўнанні
https://yozas-gubka.livejournal.com/211842.html

А як вам такая вясёленькая рэнавацыя пад школу мастацтваў міжваеннай польскай казармы ў стылі канструктывізму ў тых жа Стоўбцах? Да апошняга трымалася агароджа на балконе, але ёй не знайшлося месца ў архітэктуры дажынкавага горада.

А ўсё таму, што адмін аднаго канала лянуецца пісаць прапановы на ахоўны статус для міжваенак.

https://www.pramen-news.by/?p=58323

#Стоўбцы #дэградацыя #польскаяспадчына

Непрыкметны будынак гасцініцы на вуліцы Леніна, 1 у Глыбокім захоўвае ўнутры артэфакты міжваеннага часу: аўтэнтычныя лесвічныя агароджы на клёпках і надпіс «Oszczędzaj» (ашчаджай) у тэхніцы тэраца (савецкая расавая назва «мазаічны бетон»).

Будынак не мае ахоўнага статусу, таму яго інтэр'еры не абаронены ад керамагранічнай плітачкі і парэнчаў з нержавейкі.

#Глыбокае #дэталі #польскаяспадчына #гістарычнаязабудова #непомнік #інтэр'еры

У Лойках пад Сапоцкінам Гродзенскага раёна прадаюць прыгожы будынак сядзібы польскай гміны, узведзены ў 1932 годзе ў характэрным нацыянальным стылі. На Куфары за "панскую дом" просяць $68 500. Ахоўнага статусу не мае.

https://re.kufar.by/vi/grodnenskaya-oblast/kupit/dom/200266566

#Лойкі #гістарычнаязабудова #польскаяспадчына #аўкцыёны #непомнік