✅ ከእንቅልፋችን እንንቃ
" ከእንቅልፍ የምትነሡበት ሰዓት አሁን እንደ ደረሰ ዘመኑን እወቁ፤ ካመንንበት ጊዜ ይልቅ መዳናችን ዛሬ ወደ እኛ ቀርቦአልና።" (ሮሜ  13:11 ) 

》ከእንቅልፍ እንንቃ ሲባል ባጭሩ እንቅልፍ አራት ደረጃዎች እንዳሉት ሳይንሳዊ ጥናቶች ያመለክታሉ፡፡ እነዚህን ደረጃዎች ከመንፈሳዊ እንቅልፍ አንጻር በማየት የኛን ሁኔታ ስንመለከት:-

ደረጃ_1: አይን መጨፈን የሚጀመርበት
》ንቁ ሆነን ስናከናውናቸው የነበሩ ነገሮችን ማከናወን የምናቆምበት ወቅት ነው፡፡ ይህ ጊዜ በቀላሉ ለመንቃት የሚቻልበት ደረጃ የመሆኑን ያህል በፍጥነት ወደ ቀጣዩ እንቅልፍ ደረጃ የሚታለፍበት በመሆኑ ብዙ በዚህ ደረጃ የመቆየት እድል የለውም፡፡ ይህን ከመንፈሳዊ እንቅልፍ አንጻር ስናየው በዚህ ደረጃ ላይ የሚገኝ አማኝ ቀደም ሲል  በንቃት የሚጸልየውን ጸሎት  በፍቅር ለእግዚአብሄር የሚያቀርበውን አምልኮ እንዲሁም በመሰጠት ያነበው የነበረውን የእግዚአብሄር ቃል  ለማንበብ ሃይል የሚያጣበት እና በሃጢያት ላይ ማመቻመች የሚጀምርበት ደረጃ ነው፡፡ የማታስተውሉ የገላትያ ሰዎች ሆይ፥ በዓይናችሁ ፊት ኢየሱስ ክርስቶስ እንደ ተሰቀለ ሆኖ ተሥሎ ነበር፤ ለእውነት እንዳትታዘዙ አዚም ያደረገባችሁ ማን ነው?( ገላ.3፡1 )  

ደረጃ_2: ቀላል እንቅልፍ
》 በዚህ ደረጃ አይንን ከመጨፈን ባለፈ ወደ ቀላል እንቅልፍ የሚገባበት ደረጃ ሲሆን በዚህም የልብ ምት እና ሰውነት ሙቀት የሚቀንስበት ወቅት ሲሆን በዚህም ሰውነታችን ወደ ጥልቅ እንቅልፍ ለመግባት ዝግጅት የሚያደርግበት ወቅት ነው፡፡ በዚህ የመንፈሳዊ የእንቅልፍ ደረጃ ላይ ልባችን ለክርስቶስ የነበረውን መቃጠል (ፍቅር) የሚያጣበት እና ያለን መንፈሳዊ መነቃቃት የሚቀዘቅዝበት ደረጃ ነው፡፡ …የምነቅፍብህ ነገር አለኝ የቀደመውን ፍቅርህን ትተሃልና። እንግዲህ ከወዴት እንደ ወደቅህ አስብ ንስሐም ግባ የቀደመውንም ሥራህን አድርግ፡፡ (ራእ.2፡4-5)

ደረጃ_3_እና_4: ከባድ እንቅልፍ
》 በዚህ ወቅት ሰውነታችን ጥልቅ እንቅልፍ ውስጥ የሚገባበት በመሆኑ በዙሪችን እየተከናወኑ ያሉ ነገሮችን ማስተዋል አንችልም፡፡ ንቁ በሆንበት ጊዜ የሚታዘዙን ጡንቻዎቻችን ፓራላይዝድ የሚሆኑበት የእንቅልፍ ደረጃ ነው፡፡ በዚህ የመንፈሳዊ የእንቅልፍ ደረጃ ላይ ከመንፈሳዊ አለም ያለን ቁርኝት የሚቋረጥበት እና ለመንፈሳዊ ነገር ባዳ የምንሆንበት ይልቁንም ስንጸየፋቸው የነበሩ አለማዊ ልምምዶች  ምንም እንዳለሆኑ ተቆጥረው በቤተ ክርስቲያን ስፍራ የሚይዙበት ፣ ከአለም ጋር መዳቀልና መቀላቀል የተለመደ የሚሆንበት ደረጃ ነው፡፡ ወገኞች ሆይ በየትኛውም የመንፈሳዊ የእንቅልፍ ደረጃ  ላይ እንገኝ ያው እንቅልፍ ላይ በመሆናችን እንንቃ እንመለስ! ከእንቅልፍ የምትነሡበት ሰዓት አሁን እንደ ደረሰ ዘመኑን እወቁ፤ (ሮሜ.13፡11)

.   ⬇️ ይቀላቀሉን ⬇️
https://t.me/joinchat/AAAAAEQpgnjWczaPdu0FwA
➖➖➖➖➖➖➖➖➖➖➖➖➖➖➖➖➖
🚀🚀 @sozo_purity 🚻🚻 @sozo_family

✅ አወይ ፈተናዬ

ቅዳሜ አመሻሽ ላይ ነው ድብርቴ ከሌላው ቀን ይልቅ እጅጉን ልቋል:: ከጊቢያችን ውስጥ ከዋናው መኖርያ ራቅ ብላ በምትገኘው ክፍሌ ከቴሌቪዥናችን ፊትለፊት ሪሞተር ጨብጬ ከስጋዬ ጋር እየታገልኩ ነው:: ብቻዬን ስሆን እንዲህ አይነት ፈተና ብዙ ጊዜ ይገጥመኛል::ለእኔ ይህ አዲስ አይደለም ብዙ ጊዜ ተሸንፌበታለሁ አምላኬንም አሳዝኜበታለሁ::በዚህ ችግሬ ምክንያት ውሎዬ እና አዳሬ በሰው የታጀበ እንዲሆን ጥብቅ መሻቴ ነው:: በእጄ ከፍርሀቴ የተነሳ የሙጥኝ ብዬ የያዝኩት የቴሌቪዥን መቆጣጠርያ ሪሞት አንደበት ኖሮት ቢናገር የእኔን ጉድ ከማንም በላይ ያወራችሁ ነበር:: ብዙ የሚስጢር ኮዶችን እንዳስገባሁባት ከእኔ እና ከሪሞተሯ በስተቀር ማንም የሚያውቅ የለም:: ብዙ ስጋዊ ነገሬን የሚያነሳሱ የተሌቪዥን ቻናሎችን ሞልቼበታለሁ:: ታድያ ዛሬ ቤት ማንም ስለሌለ ይህን ቻናል ከፍቼ ልመልከት አልመልከት በሚል እሰጣ ገባ ውስጥ እያለሁ ከመቅፀብት ጣቶቼ ከቁጥጥሬ ውጭ በመሆን የሪሞተሩን ቁልፎች ተጫኑ:: ወዲያው በስክሪኑ ላይ በብዥታ ምስል ፊታቸው ተሸፍኖ ልቅ የሆነ ወሲብ የሚፈፅሙ ጥንዶችን ተመለከትኩ :: ምስላቸውን መመልከት ስጀምር አንዳች ነገር ሊሰርቅ እንዳቀደ ሰው ግራ እና ቀኜን ዞር ዞር ብዬ አየሁ:: ረዘም ላለ ሰዐት መመልከት እንድችል ግን ግዴታ ወጣ ብዬ የክፍሌን ዙርያ ማየት እና ሰው እንደሌለ ማረጋገጥ አለብኝ:: ዛሬ ቤት ማንም ባይኖርም የዘውትር ቅድመ ሁኔታዬ ስለሆነ አረጋግጬ በእግሬ ጣት ቀስስ ብዬ ወደ መቀመጫዬ ተመለስኩ::ቪዲዮውን መመልከት ስጀምር ድንገት ሰውነቴ በክፋት ሲወረር ተሰማኝ:: በሰመመን የክፋትን አለም አሰስኩ::
ይህ ለእኔ ትልቅ ፈተና ነበር::ሰውነቴ በሙሉ አይን አውጥቶ የእርቃነ ስጋቸውን ምስል እየቀረፀ አዕምሮዬ ውስጥ ሲያከማች ይታወቀኛል:: ግማሹ እኔነቴ የማደርገውን ነገር ቢቃወም ግን የማቆሙን ሐይል አጣው:: ከብዙ ደቂቃዎች በኋላ ጨርሼ ከክፍሌ ወጣሁ::በዚች ጥቂት ደቂቃ ውስጥ ግን ብዙ ምስሎችን በጭንቅላቴ ስዬ ነበር።ይህ ምስል ምስል እለት እለት ብዙ ፈተና ያመጣብኝ ነበር።የዛሬው ድርጊቴ የመጀመርያዬ አይደለም። ብዙ ጊዜ ብቻዬን ስሆን ማከናወን የሚቀናኝ ይህ ነው።ወደ ከፍተኛ የትምህርት ተቋም ስቀላቀል ብዙ ነፃነት ተሰማኝ የሁል ጊዜ ተግባሬ ይህን የወሲብ ፊልም ማየትና ራሴን በራሴ ማርካት(masterbation) ሆነ። በዚህ ተግባሬም በጣም ብዙ ፀፀት እሸምት ነበር።
ብዙ ጊዜ ይህን ተግባሬን ለመተው ሞከርኩ ነገር ግን ለምን እንደሆነ አላውቅም ከሳምንት በኋላ ተመልሼ እዛው እገኛለሁ።የእኔ ትልቁ ችግር ፖርኖ ማየት ብቻ ሳይሆን በቪዲዮው ላይ ያሉ አክተሮች አለባበስ አሳሳቅ እና የእያንዳንዷ እንቅስቃሴ ምስል ቀንቀን ት/ቤት ውስጥ የማያቸውን ሴቶች ያለማቋረጥ በመጥፎ እይታ እንድመለከታቸው ማድረጉ ጭምር ነው።አጭር ቀሚስ የለበሰች ሰውነቷን ጥብቅ አድርጎ የሚይዝ ልብስ የለበሰች ሴት ለእኔ እርቃኗን ሆና ነው የምትታየኝ።አይኖቼ ልብሷን አውልቀው መላ አካላቷን ፍንትው አድርገው ውስጤ ያስቀምጣሉ።እነዚህን እህቶች እያሰብኩ ደግሞ ማታ መጥፎ አለም ውስጥ እገባለሁ።
ፀፀት እና እራሴን መጥላት የሁልጊዜ ተግባሬ ነበር።
"ጌታ ሆይ እርዳኝ።"
"ይቅር በለኝ።"
ሁል ጊዜ እላለሁ ነገር ግን ተመልሼ እራሴን እዛው አገኛለሁ።ምክንያቱ ደግሞ ፅኑ የውሳኔ ሰው አለመሆኔ ነበር።

እንደ ዮሴፍ እንድሆን እርዳኝ!!

መፅሐፍ ቅዱስ አንብቤ አላውቅም ነበር።አንድ ቀን ታድያ በምን አይነት አጋጣሚ እንደሆነ ባላውቅም [እውነት ለመናገር ካለሁበት ስቃይ ለመላቀቅ ስል ነው] ከዘፍጥረት ጀምሮ ማንበብ ጀመርኩ።ታድያ በጥልቀት እያጠናው ባልሔድም ስለ ሰው ልጅ ክፋት እና ስለ እግዜአብሔር ምህረት አስተውያለሁ። እንደ ዮሴፍ አይነቱን ታሪክ ማንበቡ አቋሜን ማስተካከል እንዳለብኝ እረድቶኛል። ሴይጣን ደግሶ እና ሁሉንም ነገር አመቻችቶ አቅርቦለት ዮሴፍ እምቢ ብሎ መሸሹ እንደ እኔ አይነቱ ከሰይጣን ጋር አብሮ የመቀበርያውን ጉድጓድ የሚቆፍር ምንኛ ሞኝ እንደሆንን አሳየኝ።
እለት እለት ይህን የዮሴፍን ሽሽት ማሰላሰል ትልቅ ብርታት ሆኖኝ ከነበርኩበት ስቃይ ተላቅቄ አለሁ። ከምንም በላይ ከዚህ አይነት ስቃይ ሊያላቅቅ የሚችል የእግዜአብሔር ፀጋ ብቻ ነው።

✅                    ይቀላቀሉን                    ✅
https://t.me/joinchat/AAAAAEQpgnjWczaPdu0FwA
➖➖➖➖➖➖➖➖➖➖➖➖➖➖➖➖➖
🚀🚀 @sozo_purity         🚻🚻 @sozo_family

✅ አባት ሴት ልጁን የመከረው ምክር

ይህ አባት ለሴት ልጁ የመከረው ምክር ነውና በማስተዋል አንብቡት !
- ወጣት ሴቶች ልጆች እንዲጠነቀቁ
- ወላጆች ሴቶች ልጆቻቸውን እንዲመክሩ ይረዳችኃልና !

ወድ ልጄ በምድር እንድትኖሪበት የተሰጠሽን ሕይወት ዳግመኛ ተመልሰሽ አትኖሪበትም ! የተፈጠርሽበትን ዓላማ ከፈጠረሽ አምላክ ጠይቂ ! በተሰጠሽ ዘመን ለፈጠረሽ አምላክ ፈቃድ ተገዢ !
☞ሴት ልጅ ውድ ነች ርካሽ ብትሆን ለውዷ ቤተክርስቲያን በምሳሌ አትሰየም። በእግዚአብሔር ላንቺ የተመዘነው ዋጋ የክርስቶስ ደም ነው። ራስሽን ማየት ያለብሽ እግዚአብሔር በሚልሽ እንጂ ሰይጣንም፣ ሰውም፣ ሁኔታም፣ በሚገልጽሽ ማንነት አይደለም። በእግዚአብሔር እንተወደደች እንደ ውድ ዕንቁ ሴት ራስሽን ቁጠሪ ፤
☞ እግዚአብሔር በልጁ ሞት ሕይወት የሰጠሽ የከበርሽ ልጁ ነሽ !
☞ እግዚአብሔር በዓላማ ፈጥሮሻል!
☞ ከእግዚአብሔር ሐሳብ ወደ ግራም ወደ ቀኝም እንዳትይ ተጠንቀቂ !
☞ በሰይጣንና በሰው የሚሰጥሽን መደለያ ፈጽሞ አትቀበይ ወጥመድ ነውና !
☞ ክብርሽ ስኬትሽ ደስታሽ ያለው በእግዚአብሔር ፈቃድ ውስጥ ነው !
☞ ለገንዘብ ራሳቸውን የሸጡትን ምክር አትስሚ ! ለሁለት ጌቶች መገዛት አትችይምና ! አምላኬ ገንዘብ ሳይሆን እግዚአብሔር ነው በያቸው !
☞ ሁል ጊዜ ነፍሱን ሰጥቶ ያዳነሽን ጌታ ፍቅር አስቢ !
☞የእግዚአብሔርን የፀጋ ክብር በሙላት ይግባሽ፤
☞ሰይጣን በላከው ተራ ወንድ አትሸወጂ ስላንቺ ያለው እይታ ከቤት ዕቃ አያልፍምና ! (የቤቱን እቃ አሟልቶ አሁን ደግሞ ሚስት ብሎ ከሚያቅድ ነገ እንደ ቁምሳጥን፣አንደ መኪና የቤት እቃ አድርጎ ሊቆጥርሽ ከሚችል እይታው ከጠበበ ወንድ ተጠበቂ)፤
☞እግዚአብሔር ፀጋውንና የክርስቶስን ልብ ሰጠን እንጂ ለእባብ የሚስቅ የሄዋንን ልብ አልሰጠንምና የቀረበሽ ወንድ ሁሉ ያንቺ አይደለምና ተጠንቀቂ።☞ፍቅር የዘኝ ብሎ ለሚፈጥነውም ረጋ በል ብሎ መመርመር ይገባል። ወዲያው አፈቀርኩ አበድኩ ነደድኩ ብሎ የሌለን አለም ታሪክ ዲስኩር ከሚቀድ ወንድ ተጠበቂ ተጠንቀቂ ውድቀትሽን ስብራትሽን ሐዘንሽ ለማፈጠን ከሰይጣን የተላከ የስሜት ፈረስ ጋላቢ ሊሆን ይችላልና።
☞አበድኩ አፈቀርኩ ብሎ ኃላ የጥላቻ ቁንጮ የሆነውን አሲድ ከሚደፋ ወንድ ጋር ህብረት አታድርጊ አሲድ ባይደፋም በእርኩሰቱ ወደ ሲኦል የሚመራሽ ከዚያ ይብሳልና ተጠበቂ !
☞ከማታውቂው መልአክ የምታውቂው ሰይጣን ይሻላል አየተባለ ከሚደሰኮር ተረት ራቂ ለሞትና ለጥፋት የሚያዘጋጅ ነውና።
☞ ይልቅ ለፈጠረሽ አምላክ ለእግዚአብሔርን የተሰጠ እውነተኛ ወንድም ከእግዚአብሔር እጅ ለመቀበል ጸልይ ከአምላክሽ ጋር የጠበቀ ሕብረት ይኑርሽ ! በጸሎት በአምልኮ በቃል ጥናት በመንፈስ ቅዱስ ሙላትና ምሪት የተቃኘ ሕይወት ይኑርሽ !
☞ የተፈጠርሽበትን ዓላማ ለማሳካት ጌታን በሚያስከብር ሕይወት የአገልግሎት ጸጋሽን በመለየት አገልግይ!
☞ የሚገርመው ጌታ በውስጥሽ ያስቀመጠው የሚገርም የተዳፈነ ፀጋ አለሽ በጸሎት በቃሉና በመንፈሱ ሙላት ይገለጣልና ቀድሞ ከነበረሽ ይልቅ በጌታ ፊት ወድቆ የመጮህ ጊዜ ይብዛልሽ ! ☞ጸጋው በተገለጠ ጊዜም ለሰጪው ክብር በማብዛት በስርዓት ወደ መድረክ ይዘሽው ውጪ ለብዙዎች መዳን ምክንያት ትሆኛለሽና !
☞በትንቢት ቃል አትታሰሪ/ትዳር/ አትመስርቺ ለነብይ የነገረው አባትሽ እግዚአብሔር ከሆነ ላንቺ በቀጥታ ይነግርሻል ልጁ ነሽና እንደ ነጎድጓድ የሚነገር ልሳን አትፍሪ አትደንግጪ !
☞አንቺ ልባም ሴት ልጅ ነሽ የክርስቶስ ልብ ያለሸ፤
☞አንቺ ከመውለድ ልጅ ከማሳደግ ንብረት ከመሰብሰብ ያለፈ መለኮታዊ ፕሮግራም ያለብሽ በደሙ የተገዛሽ ዕንቁ ልጁ ነሽ !
☞ የአምላክሽ ዋና ዓላማና ግብ ማግባት ብቻ አይደለም ለዘላለም ሕይወት ክብር በክርስቶስ መመረጥሽ እንጂ ! በምድር ከሚሆንልሽ እና ከሚደረግልሽ ያለፈ ክብር አለሽ !
☞ የሰርጉ ሆታ ጭፈራ እልልታና ሽብሸባ የአንድ ቀን ነው። በክርስቶስ የተዘጋጀው ክብር ግን የዘለዓለም ነው !
☞ በአምላክሽ የታሰበልሽን ግብና የተሰጠሽን ተስፋ አስቢ !
☞በጊዜው የሚመጣ ክብርሽ የሚሆንልሽ የትዳር አጋር ዘውድ የምትሆኚለት ወንድ በእግዚአብሔር እንደተወሰነልሽ አስቢ፤
☞☞☞ይህ ከሆነ በእውነት ልባሟ ሴት አንቺ ነሽ ! ተባረኩልኝ።

✅                    ይቀላቀሉን                    ✅
https://t.me/joinchat/AAAAAEQpgnjWczaPdu0FwA
➖➖➖➖➖➖➖➖➖➖➖➖➖➖➖➖➖
🚀🚀 @sozo_purity         🚻🚻 @sozo_family

✅ ከአይኔ ጋር ቃልኪዳን ገባው!!

በአንድ ወዳጄ ላኘቶኘ ላይ ተለጥፎ ያስተዋልኩት የመፅሐፍ ቅዱስ ክፍል ብዙ ነገር እንዳስብና ይህን እንድፅፍ አደረገኝ::
"ከዓይኔ ጋር ቃል ኪዳን ገባሁ..." ኢዮብ 31:1
ይህ ወዳጄ ብዙ ሰዐታት ብቻውን የኢንተርኔት አገልግሎት ሲጠቀም ብዙም ከእኛ ያልራቁ እና በሴኮንዶች ውስጥ ድረ-ገጾችን አስሰን ልናገኝ የምንችላቸው ምስሎች ምን ያክል ፈታኝ እንደሆኑ እና መፍትሔውን ጭምር ያስተዋለ ይመስለኛል::

ክፍሉ እንዲህ ብሎ ይቀጥላል...
"እንግዲህስ ቈንጆይቱን እንዴት እመለከታለሁ?"
እንደ ብዙዎቻችን ኢዮብ ከሀጢዐት ለመራቅ ከራሱ ጋር ቃልኪዳን የገባ ነው የሚመስኝ::
ኪዳኑን ሲቀጥል ቁ.4 ላይ እንዲህ ይላል!
4፤ መንገዴን አያይምን?
እርምጃዬንስ ሁሉ አይቈጥርምን?"
ይህን ጥያቄ በሐጢዐት ፈተና ውስጥ ስንሆን አብዛኛዎቻችን አንስተን እናውቃለን::

ይህን እስቲ በማስተዋል እንመልከት!!
" እኛን በሚቆጣጠር በእርሱ ዓይኖቹ ፊት ሁሉ ነገር የተራቆተና የተገለጠ ነው እንጂ፥ በእርሱ ፊት የተሰወረ ፍጥረት የለም።" (ወደ ዕብራውያን 4:13)

ሰው ከሰው በልቡ ብዙ ሚስጢር ሊሸሽግ ይችላል::
ሰው "ሰው አያየኝም" ብሎ ግራና ቀኙን ብቻ አየት አድርጎ ከሰው እይታ ውጪ ነኝ ብሎ ሀጢዐት ሊሰራ ይችላል::
ግን የዕብራውያኑ ፀሀፊ ከሰው ዘንድ አንዳንድ የተሸሸጉ ሚስጢሮች እንደሆኑ ነገር ግን በእግዜአብሔር ዘንድ ሁሉ ነገር የተራቆተ እና የተገለጠ እንደሆነ ይናገራል::

ታድያ ለምን ራሳችንን እናስታለን??
ከምንም እና ከማንም በላይ ለእግዜአብሔር ታማኝ መሆን አለብን::
ከሀጢዐት መራቅ(መሸሽ) ምንኛ መልካም መሰላችሁ!!
ሀጢዐትን በሁለት መንገድ መሸሽ እንችላለን::
1- እንደ ዮሴፍ በአካል መሸሽ(ማምለጥ)
2- እንደ ኢዮብ አቋም እና ኪዳን በመግባት በቃሉ ተሰውሮ መሸሽ(ማምለጥ)
ከዝሙት ለመራቅ የመጀመርያው መንገድ የሚቀድም ይመስለኛል!!


" ይህ የእግዚአብሔር ፈቃድ እርሱም መቀደሳችሁ ነውና፤
ከዝሙት እንድትርቁ፥ እግዚአብሔርን እንደማያውቁ አሕዛብ በፍትወት ምኞት አይደለም እንጂ፥ ከእናንተ እያንዳንዱ የራሱን ዕቃ በቅድስናና በክብር ያገኝ ዘንድ እንዲያውቅ፤" 1ተሰሎ 4:3-5

እስከዛሬ ለራሳችን ቃል ካልገባችሁ እና በእግዜአብሔር ፀጋ ዙፋን ስር ራሳችንን ካላዋረድን አሁኑኑ በርከክ ብለን ጌታ ፊት እንዋረድ!!
በፀጋው እንጂ በራሳችን ብልሀት ፈፅሞ ልናመልጥ አንችልም!!

✅                    ይቀላቀሉን ✅
https://t.me/joinchat/AAAAAEQpgnjWczaPdu0FwA
➖➖➖➖➖➖➖➖➖➖➖➖➖➖➖➖➖
🚀🚀 @sozo_purity         🚻🚻 @sozo_family

✅አንደበትህን ጠብቅ !


"በአንደበቴ እንዳልስት መንገዴን እጠብቃለሁ፤ ኃጢአተኛ በፊቴ በተቃወመኝ ጊዜ በአፌ ላይ ጠባቂ አኖራለሁ አልሁ።ከዝምታ የተነሣ እንደ ዲዳ ሆንሁ፥ ለበጎ እንኳ ዝም አልሁ፥ …"(መዝ 39:-1 - 2) አንደበትን መጠበቅ ከብዙ ነገር ያድናል። ከአንደበት የሚፈልቅ ብዙ ቃል አለ :-
1ኛ, መልካም ቃል ! መልካም ቃል ያንጻል ያፅናናል ይጠግናል ያበረታታል……ወዘተርፈ በአንጻሩም
2ኛ, ክፉ ቃል ! ክፉ ቃል ያፈርሳል፣ ይሰብራል፣ ያደክማል፣ያጠፋል፣ ይገላል፣ ያቆስላል……ወዘተ ብዙዎች እንደሚያስቡት ብዙ ማውራት ብዙ ማወቅ አይደለም። አዋቂ ተግባሩ እንጂ ንግግሩ እንዲገልጠው አይፈልግም። አበው "ዝምታ ወርቅ ነው" ሲሉ የዝምታን ጥቅም በመረዳት ነው።
* ቅዱስ ቃሉ ሰው እንደመጣለት መናገር እንደሌለበት አጥብቆ ይናገራል::
* ሰው ቢናገር እንኳ መጠቀም ያለበት:-
የተቀመሙ ቃላቶችን እንደሆነ ቅዱስ ቃሉ ይነግረናል።

" ለእያንዳንዱ እንዴት እንድትመልሱ እንደሚገባችሁ ታውቁ ዘንድ ንግግራችሁ ሁልጊዜ፥ በጨው እንደ ተቀመመ፥ በጸጋ ይሁን።"( ቆላ 4:-6)
* የተቀመመና በፀጋ የሆነ ንግግር ! በዘይትና በቃሉ እውነት የተለወሰ በጎና መልካም የሆነ የሚያንጽ ቃል ነው ።
" ሰው ሁሉ በእሳት ይቀመማልና፥ መሥዋዕትም ሁሉ በጨው ይቀመማል።"(ማር 9:49)
* ንግግር በጨው ይቀመማል ?
ጨው የማይገባበት የቅመም አይነት የለም ! ጨው መራራውን ያጣፍጣል!
" እናንተ የምድር ጨው ናችሁ፤ ጨው አልጫ ቢሆን ግን በምን ይጣፍጣል? ወደ ውጭ ተጥሎ በሰው ከመረገጥ በቀር ወደ ፊት ለምንም አይጠቅምም።"
(ማቴ 5:13)
* ጨው ምንሞ ቅመምን የሚቀምም ቢሆንም አስፈላጊ የሚሆነው ጨውነቱን እስከጠበቀ ጊዜ ድረስ ብቻ ነው !
" ጨው መልካም ነው፤ ጨው ግን አልጫ ቢሆን በምን ታጣፍጡታላችሁ? በነፍሳችሁ ጨው ይኑርባችሁ፥ እርስ በርሳችሁም ተስማሙ።"(ማር 9:50)
* ጨው ጨውነቱን ባይጠብቅ ድንጋይ ይሆናል ::
1,ወደ ውጭ ይጣላል !
2, በሰው ይረገጣል !
3, ለምንም የማይጠቅም የሆናል !

ብዙዎች የተቀመመ ንግግር የላቸውም
*ለዚህ ነው አነፅን ሲሉ የሚያፈርሱት !
*ፈወስን ሲሉ የሚያቆስሉት !
* ጠገንን ሲሉ የሚሰብሩት !
* ተከልን ሲሉ የሚነቅሉት ! ኧረ ስንቱ
* አንደበት :- እሳት ነው የፍጥረትን ሩጫ ያቃጥላል ! (ያዕ 3:-5-6)
" እንዲሁም አንደበት ደግሞ ትንሽ ብልት ሆኖ በታላላቅ ነገር ይመካል። እነሆ፥ ትንሽ እሳት እንዴት ያለ ትልቅ ጫካ ያቃጥላል።አንደበትም እሳት ነው። አንደበት በብልቶቻችን መካከል ዓመፀኛ ዓለም ሆኖአል፤ ሥጋን ሁሉ ያሳድፋልና፥ የፍጥረትንም ሩጫ ያቃጥላል፥ በገሃነምም ይቃጠላል።"

*ነጻነት ያለው አንደበት ሰውን በኃጢያት
ያሳድፋል ! ወዳጆችን ይለያያል ! ጥልና ግጭትን ይዘራል ! ያገዳድላል ያጠፋፋል። ሰው በወንድማማች መካከል ጠብ የሚዘራው በአንደበቱ ቃል ነው። " እግዚአብሔር የሚጠላቸው ስድስት ነገሮች ናቸው፥ ሰባትንም ነፍሱ አጥብቃ ትጸየፈዋለች፤..... በሐሰት የሚናገር ሐሰተኛ ምስክር በወንድማማች መካከልም ጠብን የሚዘራ። "( ምሳሌ 6:-16,19)

* ልብ በሉ :- አስቴር ሳትነግስ የማንነቷ ወሬ ቢቀድም ሞት የተፈረደባቸውን ህዝቧን ባልታደገች ነበር።
* ሳምሶንም የኃይሉን ሚስጥር በመዘክዘኩ በጠላት እጅ ወደቀ !
" ነገ ር ግን ለዓለም ከሚመች ከከንቱ መለፍለፍ ራቅ፤ ኃጢአተኝነታቸውን ከፊት ይልቅ ይጨምራሉና፥ ቃላቸውም እንደ ጭንቁር ይባላል፤"(2ኛ ጢሞቴዎስ 2:16)
* ብዙዎች ያወቁ እየመሰላቸው እንደ ጭንቁር በሚባላ ቃላቸው ስንቶችን ገደሉ?
* ኢዮብ ለአፅናኞቹ ያላቸውን ተመልከቱ
( ኢዮ ም13:- 5)
"ምነው ዝም ብላችሁ ብትኖሩ!
ይህ ጥበብ በሆነላችሁ ነበር።"
አፅናኞች ከሚናገሩት ከንቱ ንግግር ዝምታ እንደሚሻል ይናገራል ! ቅዱስ ቃሉ :- " ምላሳቸውን እንደ እባብ ሳሉ፤ ከከንፈራቸው በታች የእፉኝት መርዝ ነው።"(መዝሙረ ዳዊት 140:3)
*በዚህ መርዝ ስንቱ ተነድፎ ይሆን ?
ለዚህ ነው ! ዳዊት" አቤቱ፥ ለአፌ ጠባቂ አኑር፥ የከንፈሮቼንም መዝጊያ ጠብቅ።"ያለው
(መዝ 141:3)

* ስለዚህ በሁሉ አንጻር መጠንቀቁ ይበጃል !
" እኔ እላችኋለሁ፥ ሰዎች ስለሚናገሩት ስለ ከንቱ ነገር ሁሉ በፍርድ ቀን መልስ ይሰጡበታል፤" (ማቴ 12:36) ስለዚህ እኛስ ምን እናድርግ :-
1ኛ,አንደበት በመጠበቅ የፍጥረት ሩጫ ከማቃጠል እንጠበቅ !
2ኛ,ሞት እና ህይወት በአንደበት ላይ ነው በመሆኑም ሕይወትን እንምረጥ !
3ኛ,አንደበቱን የሚጠበቅ ከተማን ከሚያስተዳድር ይበልጣልና በብልጫ ሕይወት እንኑር !
4ኛ,አንደበቱን እያሳተ የሚያመልክ የሚመስለው የሱ አምልኮ ከንቱ ነውና ከከንቱ አምልኮ እንውጣ !
5ኛ,አንደበትን መጠበቅ ወሳኝ የመንፈሳዊ ሕይወት ምዕራፍ እንደሆነ እንወቅ !
6ኛ, አንደበትን መጠበቅ ከጥፋትና ከፍረድ ይታደገናልና ከአንደበት ለሚወጣ ቃል ትኩረት እንስጥ ቃላትን አንምረጥ !
7ኛ,አንደበትን መጠበቅ እግዚአብሔር ከሚጸየፈው ኃጢያት ይጠብቀናል አብልጠን እንጠንቀቅ !

✅                    ይቀላቀሉን                    ✅
https://t.me/joinchat/AAAAAEQpgnjWczaPdu0FwA
➖➖➖➖➖➖➖➖➖➖➖➖➖➖➖➖➖
🚀🚀 @sozo_purity         🚻🚻 @sozo_family