▫️دونیانین بوجاغی
قیسیلمیشام بو آخشام دا دونیانین بوجاغینا،
توللانسام‌می چاتارام هئچ گؤیلرین اوجاغینا؟!
داریخیرام، یئر اوشودور، توللانسام‌می دوشه‌رم؟
دونیایا گلمه‌میش کیمی تانرینین قوجاغینا؟!
سؤزلریم وار، گؤزل تانریم، گَل بو آخشام چایلاشاق!
سن ده دئنن، من ده دئییم، دردیمیزی پایلاشاق!
یئر اوزونده بنده‌لرین خالقا مهریبان دئییل،
وور-ها-ووردور، قیر-ها-قیردیر، ساکیت آسیمان دئییل.
سن بویوردون خالیص اولون... بوردا ریا یئریییر،
بویاسیزلار بیزیم یئرده ذرّه- ذرّه چورویور.
آللاهسیزلار جولان ائدیر، چول-چوخایا بورونور،
اود-آلوولو سیلاحلاردا قارداش الی گؤرونور.
بالان یوخدور، بیله‌سن کی آغیردیر بالا داغی،
او گنج اوغلان جان اوستونده گزیردی سولو-ساغی.
دئییردی کی: هاردا اولسا آنام اؤزون یئتیرر،
بو آمانسیز یارالارا یقین مرهم گتیرر.
گؤزو آخدی اینتظاردا، آتاسی دا گلمه‌دی،
ناکام اؤلدو، توی گئجه‌سی خئییر دوعا وئرمه‌دی.
سیزین عرشی یتیم قیزین ناله سسی بورویور؟!
ملَک‌لری مزارینا اوزو اوسته سورویور؟!
یاتانمیرام، کابوسومدا اوخشاما وار هر گئجه،
قدم-قدم گودوکجو وار، گیوتین، دار هر گئجه.
من اوچون دای بو یئر اوزو دؤزومدن‌دیر یوخاری،
یوخسا دوشونمه‌یه بیزی اؤزون دوش، گَل آشاغی!
قالماییبدیر هئچ اینامیم نه یادا، نه قارداشا،
یا منی قوش ائله‌گینن، یا دا کی دؤندر داشا!...
#سحر_خیاوی
@SheirOcagi
قیسیلمیشام بو آخشام دا دونیانین بوجاغینا،
توللانسام‌می چاتارام هئچ گؤیلرین اوجاغینا؟!
داریخیرام، یئر اوشودور، توللانسام‌می دوشه‌رم؟
دونیایا گلمه‌میش کیمی تانرینین قوجاغینا؟!
سؤزلریم وار، گؤزل تانریم، گَل بو آخشام چایلاشاق!
سن ده دئنن، من ده دئییم، دردیمیزی پایلاشاق!
یئر اوزونده بنده‌لرین خالقا مهریبان دئییل،
وور-ها-ووردور، قیر-ها-قیردیر، ساکیت آسیمان دئییل.
سن بویوردون خالیص اولون... بوردا ریا یئریییر،
بویاسیزلار بیزیم یئرده ذرّه- ذرّه چورویور.
آللاهسیزلار جولان ائدیر، چول-چوخایا بورونور،
اود-آلوولو سیلاحلاردا قارداش الی گؤرونور.
بالان یوخدور، بیله‌سن کی آغیردیر بالا داغی،
او گنج اوغلان جان اوستونده گزیردی سولو-ساغی.
دئییردی کی: هاردا اولسا آنام اؤزون یئتیرر،
بو آمانسیز یارالارا یقین مرهم گتیرر.
گؤزو آخدی اینتظاردا، آتاسی دا گلمه‌دی،
ناکام اؤلدو، توی گئجه‌سی خئییر دوعا وئرمه‌دی.
سیزین عرشی یتیم قیزین ناله سسی بورویور؟!
ملَک‌لری مزارینا اوزو اوسته سورویور؟!
یاتانمیرام، کابوسومدا اوخشاما وار هر گئجه،
قدم-قدم گودوکجو وار، گیوتین، دار هر گئجه.
من اوچون دای بو یئر اوزو دؤزومدن‌دیر یوخاری،
یوخسا دوشونمه‌یه بیزی اؤزون دوش، گَل آشاغی!
قالماییبدیر هئچ اینامیم نه یادا، نه قارداشا،
یا منی قوش ائله‌گینن، یا دا کی دؤندر داشا!...
#سحر_خیاوی
@SheirOcagi
گئجه یاریسی سئودا ایله خئیلک دانیشدیقدان سونرا ساغوللاشیب، «شیرین یوخولار سئوگیلیم»- دئییب، صاباح کی گؤروش اومودو ایله بیر شکیل یاتدی.
گئجه گئج یاتدیغینا بیرآز دا گئج یوخودان آییلدی. همشه کی عادتینه اَلینی گوشی‌سینه آتیب اینستاگراما کئچدی.
گؤردویو آجی خبردن سان کی دونیا باشینا اوچدو:
«سئودا مؤید» قادین حاقلاری مدافعه‌چیسی بیر هفته‌لیک دوستاقدان آزاد اولدوقدان سونرا، انتحار ائتدی!»
او بیر هفته زینداندا یازیق قیزین باشینا نه گتیرمیشدیلر بئله جاوان جانینا قییمیشدی؟! او کی یاشامدان، طراوتدن، سئوگیدن، اوموددان دولو ایدی؟! او کی هله حیاتدان دویمامیشدی!!
اینانا بیلمیردی، یعنی بیر دونیا اومود بیر جمله ایله بوتون بادا گئتدی می؟!!
اوغلان ایچدن ائله هؤنکوردو، سان کی دئپرم قوپدو…. جانیم سئودام:
«بیر خزاندا
یئتیم قالدیق.
بیر خزاندا
سئودالاندیق.
اَن نهایت
خولیالارین هاواسیندان
قانادلاندیق.
بیر خزاندا
پارلاق قیزیل گونش دوغدو.
بیر خزاندا
بولود گلیب گونو بوغدو…
آنلایارکن خزانلاری
زامان کئچدی، بیز قورودوق
سوسوز قالان آغاجلار تک.
طراوتدن سالدی بیزی،
بیلمم غربت
یوخسا فلک…»
یاندیم آللاه «آذر» آیی بیزه دوشمور...
«آذر» آیی بیزه دوشمور…
ایضاحلار:
*بربرخانا: سلمانی، آرایشگاه
**حئکایه‌نین سونوندا گلن شعر «حبیب ساهر»ین خزانلار شعریندن گوتورولوب.
#سحر_خیاوی
@SheirOcagi
گئجه گئج یاتدیغینا بیرآز دا گئج یوخودان آییلدی. همشه کی عادتینه اَلینی گوشی‌سینه آتیب اینستاگراما کئچدی.
گؤردویو آجی خبردن سان کی دونیا باشینا اوچدو:
«سئودا مؤید» قادین حاقلاری مدافعه‌چیسی بیر هفته‌لیک دوستاقدان آزاد اولدوقدان سونرا، انتحار ائتدی!»
او بیر هفته زینداندا یازیق قیزین باشینا نه گتیرمیشدیلر بئله جاوان جانینا قییمیشدی؟! او کی یاشامدان، طراوتدن، سئوگیدن، اوموددان دولو ایدی؟! او کی هله حیاتدان دویمامیشدی!!
اینانا بیلمیردی، یعنی بیر دونیا اومود بیر جمله ایله بوتون بادا گئتدی می؟!!
اوغلان ایچدن ائله هؤنکوردو، سان کی دئپرم قوپدو…. جانیم سئودام:
«بیر خزاندا
یئتیم قالدیق.
بیر خزاندا
سئودالاندیق.
اَن نهایت
خولیالارین هاواسیندان
قانادلاندیق.
بیر خزاندا
پارلاق قیزیل گونش دوغدو.
بیر خزاندا
بولود گلیب گونو بوغدو…
آنلایارکن خزانلاری
زامان کئچدی، بیز قورودوق
سوسوز قالان آغاجلار تک.
طراوتدن سالدی بیزی،
بیلمم غربت
یوخسا فلک…»
یاندیم آللاه «آذر» آیی بیزه دوشمور...
«آذر» آیی بیزه دوشمور…
ایضاحلار:
*بربرخانا: سلمانی، آرایشگاه
**حئکایه‌نین سونوندا گلن شعر «حبیب ساهر»ین خزانلار شعریندن گوتورولوب.
#سحر_خیاوی
@SheirOcagi
قاضی ائوینه قاییدارکن صینیف یولداشی علی‌نین سؤزو یادینا دوشدو: «سن اینسانی رشته‌سینی یالنیز حقوق رشته‌سینه عاشیق اولدوغونا سبب سئچسن ده، بو اوره‌یی کؤوره‌کلیک الینه ایش وئره‌جک. سن یاخشی قاضی اولا بیلمزسن، قاضی‌نین عاغیلی اوره‌یینه حاکیم اولمالی دیر، سن بیر پارچا اوره‌کسن، عزیز دوستوم»، — دئمیشدی.
آخشام ماذونلوق پالتاریندا، هله‌لیک سون شکیلی اولان اوغلو راضلیقلا رمکه‌دن اونا گولومسونوردو.
صاباحیسی نه اولاجاغینی بیلمیردی، بلکه ده اونو ایشدن چیخاراجاقدیلار، اؤنملیسی بو ایدی کی، بیر لَلَک کیمی یونگوله‌میشدی، نئچه آیلاردان سونرا، راحات ویجدانلا، آنادان یئنی دوغولموش اوشاقلار کیمی، دینج باش یاستیغا قویدو و میشیل- میشیل یوخولادی.
او بو ویجدان راحاتلیغینی دونیادا هئچ نه‌ییله دییشمزدی…
*ماذونلوق: فارغ التحصیلی
#سحر_خیاوی
@SheirOcagi
آخشام ماذونلوق پالتاریندا، هله‌لیک سون شکیلی اولان اوغلو راضلیقلا رمکه‌دن اونا گولومسونوردو.
صاباحیسی نه اولاجاغینی بیلمیردی، بلکه ده اونو ایشدن چیخاراجاقدیلار، اؤنملیسی بو ایدی کی، بیر لَلَک کیمی یونگوله‌میشدی، نئچه آیلاردان سونرا، راحات ویجدانلا، آنادان یئنی دوغولموش اوشاقلار کیمی، دینج باش یاستیغا قویدو و میشیل- میشیل یوخولادی.
او بو ویجدان راحاتلیغینی دونیادا هئچ نه‌ییله دییشمزدی…
*ماذونلوق: فارغ التحصیلی
#سحر_خیاوی
@SheirOcagi
▫️لوولو آذانلار (اوره‌یی داغلی آنالارا)
تیتره‌ییردی اوره‌ییم، دان یئلی‌نین سیزناغی‌تک،
وئران اولموش شَهَرین شاختا قووورموش باغی‌تک.
هفته‌لر، آیلار، آنان سندن اؤتور یاتمادی کی،
سارالیب-سولدو خزان وورموش آغاج یارپاغی‌تک.
یادیما دوشدون هر آن، سوفره‌‌دن ال چکدیم، اوغول!
ایچدیگیم بیر ایکی قورتوم سو دا اولدو آغی‌تک.
بیلمه‌دیم نئیله‌میشیدین، سنی قاندال‌لادیلار؟!
چکدیلر اؤیله گئدر-گلمزه، «کافر»، «یاغی»تک.
اؤلموشم من، ننه‌ن اؤلسون! ائشیدندن خبرین،
کؤلگه-کؤلگه گزیرم اؤیله آغیر، دوز داغی تک.
قاندالین حالقالارین کئشکه وئره جلّادلار،
آپارام گلینیمیزه، سان کی قیزیل قولباغی‌تک.
قیناما، ایتدی باشیم، هه یئنه سارساقلاییرام،
عاغلیمی یئللر آپاردی، گزیرم بیر واغی‌تک.
قتلینه قول چکه‌نین قوللاری کؤکدن قوروسون،
آناسی کؤکسونه دوشسون، آنانین گور داغی‌تک!
صوبحلر دیکسینیرم، بئشده دار اوسته گئدیرم
قیی چکیب سیزلاییرام لوولو آذانلار چاغی‌تک...
#سحر_خیاوی
@SheirOcagi
تیتره‌ییردی اوره‌ییم، دان یئلی‌نین سیزناغی‌تک،
وئران اولموش شَهَرین شاختا قووورموش باغی‌تک.
هفته‌لر، آیلار، آنان سندن اؤتور یاتمادی کی،
سارالیب-سولدو خزان وورموش آغاج یارپاغی‌تک.
یادیما دوشدون هر آن، سوفره‌‌دن ال چکدیم، اوغول!
ایچدیگیم بیر ایکی قورتوم سو دا اولدو آغی‌تک.
بیلمه‌دیم نئیله‌میشیدین، سنی قاندال‌لادیلار؟!
چکدیلر اؤیله گئدر-گلمزه، «کافر»، «یاغی»تک.
اؤلموشم من، ننه‌ن اؤلسون! ائشیدندن خبرین،
کؤلگه-کؤلگه گزیرم اؤیله آغیر، دوز داغی تک.
قاندالین حالقالارین کئشکه وئره جلّادلار،
آپارام گلینیمیزه، سان کی قیزیل قولباغی‌تک.
قیناما، ایتدی باشیم، هه یئنه سارساقلاییرام،
عاغلیمی یئللر آپاردی، گزیرم بیر واغی‌تک.
قتلینه قول چکه‌نین قوللاری کؤکدن قوروسون،
آناسی کؤکسونه دوشسون، آنانین گور داغی‌تک!
صوبحلر دیکسینیرم، بئشده دار اوسته گئدیرم
قیی چکیب سیزلاییرام لوولو آذانلار چاغی‌تک...
#سحر_خیاوی
@SheirOcagi
▫️مکتوب ۱۶
بو ائوین نؤقطه- نؤقطه هر کونجونه بلد اولان سن،
دولانیرسان کؤلگه کیمی،
مطبخده، اوتاقلاردا،
اوتاقلاردا، مطبخده.
وار اولدوغوندا، یوخلوغونو دوشونمور عائیله‌ن،
دوشونمور هئچ کیم.
بوغولماق یالنیز دنیزده دئییل، دوستوم!
بعضاً ائوینین ایچینده‌دیر سسسیزجه.
شاختالی آمّا قارسیز بیر آخشام،
آیاقلارین سوروشور،
روحونون بوشلوغونا دالیرسان لاپبادان.
اوزمک باجارمادیغینی هئچ بیر اوزه‌گَن بیلمه‌دن،
«بوغولدوم...بوغولدوم...» هارایینا کیمسه گلمه‌دن،
گئدیرسن... گئدیرسن روحونون ان درینینه.
او تکده ایشیقسیز بیر فنر یانیر.
باخیرسان،
بالیقلارین اگلنجه‌سی وار دئیه‌سن.
قاری بالیق کؤرپه نوه‌لرینه ناغیل دئییر،
ناغیلی ائشیدرکن، بالاجا «قارا بالیق»ین مونجوق گوزلریندن قیغیلجیم سیچراییر،
دنیزه چاتماق فیکری بئینینده دولاشیر،
سن ایسه او گؤزلوکلو اؤیرتمنی خاطیرلاییرسان.
یاواشجا بالاجا قارا بالیغین قولاغینا نه ایسه پیچیلداییرسان.
بالیقلاردان آیریلیب ال- اله یولا دوشورسوز،
«صمد عمی» اوزاقلاردان سیزه گولومسه‌ییر.
ایشاره بارماغی،
دنیزین یولونو گؤستریر.
آمّا -«بو یول قانلی- قادالی‌دیر» دئییر،
گولومسه‌ییب گؤز وورارکن:
-«یولا دوشسک قورخوموز تؤکولر» دئییرسیز.
لاپبادان یئره چیرپیلان کیمی اوتوراق اوتاغینا دوشورسن،
شیپ‌شیرین خولیالارین یوخ اولور.
یئنه سنسن، ایللر یابانجی کیمی دولاندیغین بو ائو
سینیشمه‌دیگین دئو،
ایسینمه‌دیگین ایلیق،
قاپی دالینداکی قورخونج ناققا بالیق،
آمّا نه ایسه ال- آیاغین دنیز اییسی وئریر.
و اوره‌یینده ساکیت‌لیک بیلمه‌ین بیر شیلتاق بالیق اوزور.
اوره‌ییمده‌کی بالیقلا دانیش، سئوگیلیم!
#سحر_خیاوی
@SheirOcagi
بو ائوین نؤقطه- نؤقطه هر کونجونه بلد اولان سن،
دولانیرسان کؤلگه کیمی،
مطبخده، اوتاقلاردا،
اوتاقلاردا، مطبخده.
وار اولدوغوندا، یوخلوغونو دوشونمور عائیله‌ن،
دوشونمور هئچ کیم.
بوغولماق یالنیز دنیزده دئییل، دوستوم!
بعضاً ائوینین ایچینده‌دیر سسسیزجه.
شاختالی آمّا قارسیز بیر آخشام،
آیاقلارین سوروشور،
روحونون بوشلوغونا دالیرسان لاپبادان.
اوزمک باجارمادیغینی هئچ بیر اوزه‌گَن بیلمه‌دن،
«بوغولدوم...بوغولدوم...» هارایینا کیمسه گلمه‌دن،
گئدیرسن... گئدیرسن روحونون ان درینینه.
او تکده ایشیقسیز بیر فنر یانیر.
باخیرسان،
بالیقلارین اگلنجه‌سی وار دئیه‌سن.
قاری بالیق کؤرپه نوه‌لرینه ناغیل دئییر،
ناغیلی ائشیدرکن، بالاجا «قارا بالیق»ین مونجوق گوزلریندن قیغیلجیم سیچراییر،
دنیزه چاتماق فیکری بئینینده دولاشیر،
سن ایسه او گؤزلوکلو اؤیرتمنی خاطیرلاییرسان.
یاواشجا بالاجا قارا بالیغین قولاغینا نه ایسه پیچیلداییرسان.
بالیقلاردان آیریلیب ال- اله یولا دوشورسوز،
«صمد عمی» اوزاقلاردان سیزه گولومسه‌ییر.
ایشاره بارماغی،
دنیزین یولونو گؤستریر.
آمّا -«بو یول قانلی- قادالی‌دیر» دئییر،
گولومسه‌ییب گؤز وورارکن:
-«یولا دوشسک قورخوموز تؤکولر» دئییرسیز.
لاپبادان یئره چیرپیلان کیمی اوتوراق اوتاغینا دوشورسن،
شیپ‌شیرین خولیالارین یوخ اولور.
یئنه سنسن، ایللر یابانجی کیمی دولاندیغین بو ائو
سینیشمه‌دیگین دئو،
ایسینمه‌دیگین ایلیق،
قاپی دالینداکی قورخونج ناققا بالیق،
آمّا نه ایسه ال- آیاغین دنیز اییسی وئریر.
و اوره‌یینده ساکیت‌لیک بیلمه‌ین بیر شیلتاق بالیق اوزور.
اوره‌ییمده‌کی بالیقلا دانیش، سئوگیلیم!
#سحر_خیاوی
@SheirOcagi
سککیز مارت، دونیا قادینلار گونو مناسبتینه
▫️اَتَنه (جنین)
او آخشام غریبه بیر آخشام ایدی. کولک دام-باجانی اوچوردوردو. نَم هارادان گلن توز-تورپاق، قزئت قیریغی، نایلون، زیر-زیبیل گؤیده اوچوشوردو. قاپیلار سیلکه‌لنیب، پنجره‌لر تیتره‌ییردی.
دوغولماغینا تکی بیر هفته قالیردی. آیاق قویاجاغی دونیایلا هئچ بیر تانیشلیغی یوخ ایدی. اورادا اونو نه حادیثه‌لر گؤزله‌دیگینی بیلمیردی. باپ-بالاجا اوره‌یینه هؤوشنه دولموشدو. بو سیجاق، دینج قیرمیزی ائوینی ترک ائتمک ایسته‌میردی. آمّا بورادا همیشه‌لیک قالا بیلمه‌دیگینی ده یاخشی دوشونوردو.
رَحِمین اَت پنجره‌سینی آرالادی، کیچیک اللرینی گؤزونه توتوب، بارماقلارینین آراسیندان دونیایا باخدی. گؤردویو اییرنج منظره‌لری هئچ خوشلامادی. دونیا اوره‌یی سئودییی کیمی دئییلدی. قیرخ آیاقلار کیچیک دیرناقلاری ایله سینیرلارینی پوزدولار، دریسینین آلتیندا عصبلنمیش سیچانلار چابالادی. وحشتلی گؤزلری گؤردوکلریندن آچیلا قالمیشدی. قورخودان ایلبیز کیمی اؤزونه بوزوشدو. دونیا بوتون اینسانلار اوچون، اؤزللیک‌له اونون کیمی "قیزلار" اوچون تهلوکه‌لی و سئویلمز ایدی. باشی هرَلَندی، گؤزونون اؤنونده قیزیل ساچلی گلینجیک‌لر گوللـه‌لنیب قانا بَلَشدیلر، دارا چکیلدیلر.
اؤزونه یازیغی گلدی، غملی گؤزلریندن نئچه داملا یاش آخدی، گؤبک باغیسینی اینجه بوینونا ساریییب، عوصیان ائتمیش بیر دئوریمچی کیمی اؤزونو دارا چکدی... رنگی گئت-گئده گؤردویو زَهَرلَنمیش مکتب قیزلاری کیمی قارالیردی، نفسی تنگه دوشوردو.
سون آنلاریندا بیری قولاغینا،"دونیا فایداسیزدیر، هئچ بیر شئی الدن وئرمه‌ییبسن، منیم بالام!"،* پیچیلدادی.
پیچیلداسا دا غریبه سسی عکس اولوب رحمین فضاسیندا، اِکو کیمی گونبولده‌دی.
بو قورخونج سَسدن آناسی یوخودان دیک آتیلدی. گؤوده‌سینی سویوق تر باسمیشدی، اوره‌یی بولاندی، هؤوللو یورغانی کنارا آتیب آیاق یولونا ساری قاچدی. ایچینده باش وئرن عوصیانچیل دئوریمدن خبری یوخ ایدی...
قیزجیغاز سئویردی دونیایا گلسین
شیرین سؤز ائشیدیب گؤزللیک گؤرسون
بوللوجا، یاشامدا سئویب سئویلسین.
راحات، آیین-شایین عؤمور-گون سورسون.
گؤستردی کؤرپه‌یه پیس اوزون حیات،
گؤروب، گؤردوگوندن قارالدی باغری،
سوزولدو او اَنیک جانینا آغری.
آرتیق بو آجی‌یا دؤزه بیلمه‌دی،
بو قَدَر ظولماتی چؤزه بیلمه‌دی.
دونیانین قاراسی باسدی رؤیاسین،
زَهَرله یوغوردو شیرین خولیاسین.
گلمه‌میش، یاشامدان کوسدو قیزجیغاز،
بو قارا کولَک تک اَسدی قیزجیغاز.
قایغیسیز یاشاما واردیر هَوَسی،
قولاق وئر، طوفاندا اینیلدیر سسی!
#سحر_خیاوی
*یازیدا گیومه آراسیندا گلن سؤز، آلبرکامودان‌دیر.
@SheirOcagi
▫️اَتَنه (جنین)
او آخشام غریبه بیر آخشام ایدی. کولک دام-باجانی اوچوردوردو. نَم هارادان گلن توز-تورپاق، قزئت قیریغی، نایلون، زیر-زیبیل گؤیده اوچوشوردو. قاپیلار سیلکه‌لنیب، پنجره‌لر تیتره‌ییردی.
دوغولماغینا تکی بیر هفته قالیردی. آیاق قویاجاغی دونیایلا هئچ بیر تانیشلیغی یوخ ایدی. اورادا اونو نه حادیثه‌لر گؤزله‌دیگینی بیلمیردی. باپ-بالاجا اوره‌یینه هؤوشنه دولموشدو. بو سیجاق، دینج قیرمیزی ائوینی ترک ائتمک ایسته‌میردی. آمّا بورادا همیشه‌لیک قالا بیلمه‌دیگینی ده یاخشی دوشونوردو.
رَحِمین اَت پنجره‌سینی آرالادی، کیچیک اللرینی گؤزونه توتوب، بارماقلارینین آراسیندان دونیایا باخدی. گؤردویو اییرنج منظره‌لری هئچ خوشلامادی. دونیا اوره‌یی سئودییی کیمی دئییلدی. قیرخ آیاقلار کیچیک دیرناقلاری ایله سینیرلارینی پوزدولار، دریسینین آلتیندا عصبلنمیش سیچانلار چابالادی. وحشتلی گؤزلری گؤردوکلریندن آچیلا قالمیشدی. قورخودان ایلبیز کیمی اؤزونه بوزوشدو. دونیا بوتون اینسانلار اوچون، اؤزللیک‌له اونون کیمی "قیزلار" اوچون تهلوکه‌لی و سئویلمز ایدی. باشی هرَلَندی، گؤزونون اؤنونده قیزیل ساچلی گلینجیک‌لر گوللـه‌لنیب قانا بَلَشدیلر، دارا چکیلدیلر.
اؤزونه یازیغی گلدی، غملی گؤزلریندن نئچه داملا یاش آخدی، گؤبک باغیسینی اینجه بوینونا ساریییب، عوصیان ائتمیش بیر دئوریمچی کیمی اؤزونو دارا چکدی... رنگی گئت-گئده گؤردویو زَهَرلَنمیش مکتب قیزلاری کیمی قارالیردی، نفسی تنگه دوشوردو.
سون آنلاریندا بیری قولاغینا،"دونیا فایداسیزدیر، هئچ بیر شئی الدن وئرمه‌ییبسن، منیم بالام!"،* پیچیلدادی.
پیچیلداسا دا غریبه سسی عکس اولوب رحمین فضاسیندا، اِکو کیمی گونبولده‌دی.
بو قورخونج سَسدن آناسی یوخودان دیک آتیلدی. گؤوده‌سینی سویوق تر باسمیشدی، اوره‌یی بولاندی، هؤوللو یورغانی کنارا آتیب آیاق یولونا ساری قاچدی. ایچینده باش وئرن عوصیانچیل دئوریمدن خبری یوخ ایدی...
قیزجیغاز سئویردی دونیایا گلسین
شیرین سؤز ائشیدیب گؤزللیک گؤرسون
بوللوجا، یاشامدا سئویب سئویلسین.
راحات، آیین-شایین عؤمور-گون سورسون.
گؤستردی کؤرپه‌یه پیس اوزون حیات،
گؤروب، گؤردوگوندن قارالدی باغری،
سوزولدو او اَنیک جانینا آغری.
آرتیق بو آجی‌یا دؤزه بیلمه‌دی،
بو قَدَر ظولماتی چؤزه بیلمه‌دی.
دونیانین قاراسی باسدی رؤیاسین،
زَهَرله یوغوردو شیرین خولیاسین.
گلمه‌میش، یاشامدان کوسدو قیزجیغاز،
بو قارا کولَک تک اَسدی قیزجیغاز.
قایغیسیز یاشاما واردیر هَوَسی،
قولاق وئر، طوفاندا اینیلدیر سسی!
#سحر_خیاوی
*یازیدا گیومه آراسیندا گلن سؤز، آلبرکامودان‌دیر.
@SheirOcagi
سوسن خانیم نواده رضی‌نین یاشیل روحونا سونولور
▫️ائی وای، گلین باجی!
دونیام اوچولدو، گلدی غریب های، گلین باجی!
ائی وای دئدیم، بؤیوک باجیم، ای وای، گلین باجی!
خاطیرله‌دیم سوسوز، تپی‌یَن دیل-دوداغینی،
زَهر اولدو، ایچمه‌دیم کی شیرین‌چای، گلین باجی!
ائرکن گلیب پاییز نییه سولدوردو باغچامی؟!
گئتمک اوچون تلَسدی نه‌دن یای، گلین باجی؟!
سرسَم گئدیر باشیم، آه! اینانمیر بو نیسگیلی،
دئپرم قوپوب، آچیلدی بؤیوک فای، گلین باجی!
بوندان بئله، گولوم! بو اورک اولدو قورخولو،
دیکسیندیرَر اونو قورو بیر های، گلین باجی!
شعر و ادب باغی ایتیریب دیر دادین-دوزون،
یوخدور کی باغمانی سنه همتای، گلین باجی!
«سانجاق» قالیب یتیم، گَل، سیغاللا باشین-گؤزون!
یوخسا اؤزوم چالیم سنه لای-لای، گلین باجی!
اولدوزلار ایلا گؤی، گئجه‌نی بیرگه آغلاشیب،
قول بوینونا سالیب گونشین آی، گلین باجی!
آرزوم بو ایدی بلکه سنه بیر کیتاب سونوم،
افسوس بو مرثیه‌مدی سنه پای، گلین باجی!
#سحر_خیاوی
@SheirOcagi
▫️ائی وای، گلین باجی!
دونیام اوچولدو، گلدی غریب های، گلین باجی!
ائی وای دئدیم، بؤیوک باجیم، ای وای، گلین باجی!
خاطیرله‌دیم سوسوز، تپی‌یَن دیل-دوداغینی،
زَهر اولدو، ایچمه‌دیم کی شیرین‌چای، گلین باجی!
ائرکن گلیب پاییز نییه سولدوردو باغچامی؟!
گئتمک اوچون تلَسدی نه‌دن یای، گلین باجی؟!
سرسَم گئدیر باشیم، آه! اینانمیر بو نیسگیلی،
دئپرم قوپوب، آچیلدی بؤیوک فای، گلین باجی!
بوندان بئله، گولوم! بو اورک اولدو قورخولو،
دیکسیندیرَر اونو قورو بیر های، گلین باجی!
شعر و ادب باغی ایتیریب دیر دادین-دوزون،
یوخدور کی باغمانی سنه همتای، گلین باجی!
«سانجاق» قالیب یتیم، گَل، سیغاللا باشین-گؤزون!
یوخسا اؤزوم چالیم سنه لای-لای، گلین باجی!
اولدوزلار ایلا گؤی، گئجه‌نی بیرگه آغلاشیب،
قول بوینونا سالیب گونشین آی، گلین باجی!
آرزوم بو ایدی بلکه سنه بیر کیتاب سونوم،
افسوس بو مرثیه‌مدی سنه پای، گلین باجی!
#سحر_خیاوی
@SheirOcagi
▫️صیفیر- بیر
کیتابلاریمیز جیب تئلفونوموزدا؛
ائله‌جه ده شعرلریمیز،
شکیل‌لریمیز،
خاطیره‌لریمیز،
گولمک‌لریمیز،
آغلاماقلاریمیز...
ییغجاملاشیریق،
صیفیر- بیره دؤنوشوروک گونو-گوندن.
ائله توزلاشمیشق،
بیر اوفورمک بئله اوچماغیمیزا یئتر.
اوچاریق بیر ذرّه‌جیک توز کیمی یئر اوزوندن،
قالاریق ناغیللاردا.
فیرلاناجاق یئر کوره‌سی بیزسیز،
توکو اورپنمه‌دن.
گؤزدن ایتن همن،
خاطیرلاردان سیلینمه‌ییمیزه اوچ گون یئتر.
سونرا هر شئی بیتر،
یاددان چیخاریق یوخموش کیمی.
بئله بیر وفاسیز دونیا، قورغو قورماغا، آرا وورماغا،
کونول قیرماغا دَیَر؟!
...گئجه یاریسی‌دیر،
اودور بیر ده، یاپا-یالنیزلیق.
اوره‌یینده‌کی یاشانمامیش قیزلیق،
اوشاقلیقدان آتلادی بیر باشا اورتا یاشلیغا،
ایچینده‌کی بیر عؤمور دولمایان بوشلوغا.
بویلانیردی پنجره‌دن یالقیزلیق همدمی گوزل آی،
گولومسه‌دی: «گوزَلیم! بو شعریم ده سنه پای»
سون نوقطه قویدو شعرینه.
پنجره‌یه ساری گئدیب اؤپوش گؤندردی آی'ا،
پرده‌نی چکدی، گئتدی نه واختاجا اولدوزلاری سایا...
#سحر_خیاوی
@SheirOcagi
کیتابلاریمیز جیب تئلفونوموزدا؛
ائله‌جه ده شعرلریمیز،
شکیل‌لریمیز،
خاطیره‌لریمیز،
گولمک‌لریمیز،
آغلاماقلاریمیز...
ییغجاملاشیریق،
صیفیر- بیره دؤنوشوروک گونو-گوندن.
ائله توزلاشمیشق،
بیر اوفورمک بئله اوچماغیمیزا یئتر.
اوچاریق بیر ذرّه‌جیک توز کیمی یئر اوزوندن،
قالاریق ناغیللاردا.
فیرلاناجاق یئر کوره‌سی بیزسیز،
توکو اورپنمه‌دن.
گؤزدن ایتن همن،
خاطیرلاردان سیلینمه‌ییمیزه اوچ گون یئتر.
سونرا هر شئی بیتر،
یاددان چیخاریق یوخموش کیمی.
بئله بیر وفاسیز دونیا، قورغو قورماغا، آرا وورماغا،
کونول قیرماغا دَیَر؟!
...گئجه یاریسی‌دیر،
اودور بیر ده، یاپا-یالنیزلیق.
اوره‌یینده‌کی یاشانمامیش قیزلیق،
اوشاقلیقدان آتلادی بیر باشا اورتا یاشلیغا،
ایچینده‌کی بیر عؤمور دولمایان بوشلوغا.
بویلانیردی پنجره‌دن یالقیزلیق همدمی گوزل آی،
گولومسه‌دی: «گوزَلیم! بو شعریم ده سنه پای»
سون نوقطه قویدو شعرینه.
پنجره‌یه ساری گئدیب اؤپوش گؤندردی آی'ا،
پرده‌نی چکدی، گئتدی نه واختاجا اولدوزلاری سایا...
#سحر_خیاوی
@SheirOcagi
▫️یوخسوللوغون سسی اولماز.
یوخسوللوغون سسی اولماز، قاداسی!
ائشیدیلمز یوخسوللارین صداسی.
قیریش اولار، ائرکن دوشَر اوزونه،
حالقا ووروب سورمه چکَر گؤزونه.
سیقار-سیقار آلیشارسان فیکیردن،
گورَن اولماز بوروق-بوروق توستونو.
گاه قیزدیریب اوشودَرسن نَکیردن،
بیر اَدیال‌لا چکن اولماز اوستونو.
یوخسوللوغون سسی اولماز، قاداسی!
پینه-پینه اَللرینده سیزلایار.
آرزولارین اوره‌یینده چورویوب-
نوبار ایکن شاخاسیندا بوزلایار.
گاه بویلانار حسرت دولو گؤزونده،
گاه گؤرونر پوزغون، غملی اوزونده،
آغیز آچار شالوارینین دیزینده،
یوخسوللوغون سسی اولماز، قاداسی!
بوش الینده اوتانج اولار ترله‌یَر،
شیمشک کیمی اوره‌یینده گورله‌یَر،
آتا اولار خجالتدن چرله‌یَر،
یوخسوللوغون سسی اولماز، قاداسی!
بایرام چاغی گئیینَنده اوشاقلار،
یوخسول اوشاق دیزلرینی قوجاقلار.
دؤزگینن ده، دؤزه بیلسن بو چاغلار!
یوخسوللوغون سسی اولماز، قاداسی!
دابانیندا چارتلاق سالیب قانایار،
آغلار سنله صوبحه کیمی کور فانار.
ائشیتمزسه حاکیم، سنی کیم قانار؟!
یوخسوللوغون سسی اولماز، قاداسی!
بو کوچه‌نین آج ایت‌لری سیرداشین،
زیبیل‌‌لیکده پیشیک‌لردیر یولداشین.
والایلیرسان؛ ایچمه‌دن ایتمیش باشین.
یوخسوللوغون سسی اولماز، قاداسی!
یاشام دئییل، ذرّه-ذرّه اؤلومدور،
بؤیله یاشام اینسانلیغا ظولومدور.
قالخ آیاغا، حاق سسینی بیلیندیر،
یوخسوللوغون سسی اولماز، قاداسی!
آل حاقّینی بو تورپاقدان، بو سودان!
دای گیزلَنمه، چیخ قارانلیق پوسودان!
یالنیز اینان! سؤکوله‌جک بیر ده دان.
یوخسوللوغون سسی اولماز، قاداسی!
آلین‌یازی، قیسمت بوشدور، عبث‌دیر،
آلداتمادیر، اویدورما‌دیر، قفس‌دیر،
آییلماغین سنه یئنی نفس‌دیر.
یوخسوللوغون سسی اولماز، قاداسی!
#سحر_خیاوی
@SheirOcagi
یوخسوللوغون سسی اولماز، قاداسی!
ائشیدیلمز یوخسوللارین صداسی.
قیریش اولار، ائرکن دوشَر اوزونه،
حالقا ووروب سورمه چکَر گؤزونه.
سیقار-سیقار آلیشارسان فیکیردن،
گورَن اولماز بوروق-بوروق توستونو.
گاه قیزدیریب اوشودَرسن نَکیردن،
بیر اَدیال‌لا چکن اولماز اوستونو.
یوخسوللوغون سسی اولماز، قاداسی!
پینه-پینه اَللرینده سیزلایار.
آرزولارین اوره‌یینده چورویوب-
نوبار ایکن شاخاسیندا بوزلایار.
گاه بویلانار حسرت دولو گؤزونده،
گاه گؤرونر پوزغون، غملی اوزونده،
آغیز آچار شالوارینین دیزینده،
یوخسوللوغون سسی اولماز، قاداسی!
بوش الینده اوتانج اولار ترله‌یَر،
شیمشک کیمی اوره‌یینده گورله‌یَر،
آتا اولار خجالتدن چرله‌یَر،
یوخسوللوغون سسی اولماز، قاداسی!
بایرام چاغی گئیینَنده اوشاقلار،
یوخسول اوشاق دیزلرینی قوجاقلار.
دؤزگینن ده، دؤزه بیلسن بو چاغلار!
یوخسوللوغون سسی اولماز، قاداسی!
دابانیندا چارتلاق سالیب قانایار،
آغلار سنله صوبحه کیمی کور فانار.
ائشیتمزسه حاکیم، سنی کیم قانار؟!
یوخسوللوغون سسی اولماز، قاداسی!
بو کوچه‌نین آج ایت‌لری سیرداشین،
زیبیل‌‌لیکده پیشیک‌لردیر یولداشین.
والایلیرسان؛ ایچمه‌دن ایتمیش باشین.
یوخسوللوغون سسی اولماز، قاداسی!
یاشام دئییل، ذرّه-ذرّه اؤلومدور،
بؤیله یاشام اینسانلیغا ظولومدور.
قالخ آیاغا، حاق سسینی بیلیندیر،
یوخسوللوغون سسی اولماز، قاداسی!
آل حاقّینی بو تورپاقدان، بو سودان!
دای گیزلَنمه، چیخ قارانلیق پوسودان!
یالنیز اینان! سؤکوله‌جک بیر ده دان.
یوخسوللوغون سسی اولماز، قاداسی!
آلین‌یازی، قیسمت بوشدور، عبث‌دیر،
آلداتمادیر، اویدورما‌دیر، قفس‌دیر،
آییلماغین سنه یئنی نفس‌دیر.
یوخسوللوغون سسی اولماز، قاداسی!
#سحر_خیاوی
@SheirOcagi
▫️هئیکل‌لر
قهَر بوغازینی کسَن قاغایی‌لارین،
قوروموش زئیتون یارپاغی دیمدیکلرینده آغ گؤیرچین‌لرین،
یاز سئوینجیندن جیویلده‌شمه‌ین سئرچه‌لرین،
نه دوزلاغا چؤنموش دنیز هوسی قالمیشدی،
نه صولح نغمه‌سی،
نه سئوینج سسی.
فیکیرلشمیردیلر ده ماوی باغریندا اوچماغا.
یالنیز اورکلری قان،
خیاوان-خیاوان،
بؤیوک کدرلرینه سببکار اولان،
دئو هئیکل‌لری آختاریردیلار،
بوش بئینینه س...ماغا.
#سحر_خیاوی
@SheirOcagi
قهَر بوغازینی کسَن قاغایی‌لارین،
قوروموش زئیتون یارپاغی دیمدیکلرینده آغ گؤیرچین‌لرین،
یاز سئوینجیندن جیویلده‌شمه‌ین سئرچه‌لرین،
نه دوزلاغا چؤنموش دنیز هوسی قالمیشدی،
نه صولح نغمه‌سی،
نه سئوینج سسی.
فیکیرلشمیردیلر ده ماوی باغریندا اوچماغا.
یالنیز اورکلری قان،
خیاوان-خیاوان،
بؤیوک کدرلرینه سببکار اولان،
دئو هئیکل‌لری آختاریردیلار،
بوش بئینینه س...ماغا.
#سحر_خیاوی
@SheirOcagi
▫️اینانما گوزگولره!
نه اولار کی بیرآز پاییزلی‌دیر احوالیم،
بیرآز خینالانیب یارپاقلاریم.
گوزلریمده وار هله ده، یاتیب-دوران قولچاغیمین خومار باخیشی،
دوداقلاریمدا اوشاقلیقدا سئودیگیم کاکائو سورماسینین دادی.
دیلیمده شیرین-شیرناق، خییوو'ون اوزوملوک باغی،
اوره‌ییمده ییرمی ایکی یاشلیغیمین گَلین‌لیک شیلتاغی.
آچسان داریخدیران یاخامی،
اؤپسن حولقومومدا پئریکن یارالی قوشون بوغازینی،
آلسان کیشی قوللارینین چرچیوه‌سینه منی!
قادینجا قوللاریم سیجاق،
ساریلاجاق بوینونا سارماشیق سایاق.
چیچک‌له‌نه‌جک بارماقلاریم،
بار وئره‌جک قوجاق-قوجاق.
تک باشیما؛ هاندا خیالیندان کئچن باغ-باغاتام؛
شاختا قوروتماز،
دولو وورماز،
آفات دَیمز.
دولانسان دؤرد فصیل آچیلار اوره‌یین،
هر فصیل مین چئشید بویالی.
گَل، بو جانلی باغین باغمانی اول، سئوگیلیم!
#سحر_خیاوی
@SheirOcagi
نه اولار کی بیرآز پاییزلی‌دیر احوالیم،
بیرآز خینالانیب یارپاقلاریم.
گوزلریمده وار هله ده، یاتیب-دوران قولچاغیمین خومار باخیشی،
دوداقلاریمدا اوشاقلیقدا سئودیگیم کاکائو سورماسینین دادی.
دیلیمده شیرین-شیرناق، خییوو'ون اوزوملوک باغی،
اوره‌ییمده ییرمی ایکی یاشلیغیمین گَلین‌لیک شیلتاغی.
آچسان داریخدیران یاخامی،
اؤپسن حولقومومدا پئریکن یارالی قوشون بوغازینی،
آلسان کیشی قوللارینین چرچیوه‌سینه منی!
قادینجا قوللاریم سیجاق،
ساریلاجاق بوینونا سارماشیق سایاق.
چیچک‌له‌نه‌جک بارماقلاریم،
بار وئره‌جک قوجاق-قوجاق.
تک باشیما؛ هاندا خیالیندان کئچن باغ-باغاتام؛
شاختا قوروتماز،
دولو وورماز،
آفات دَیمز.
دولانسان دؤرد فصیل آچیلار اوره‌یین،
هر فصیل مین چئشید بویالی.
گَل، بو جانلی باغین باغمانی اول، سئوگیلیم!
#سحر_خیاوی
@SheirOcagi
▫️ترسه اوچوش
قوی هؤرومچک تورو ایله سئحیر توخویان ساحیره‌لرین،
اووسونونا دوشسون یاشیل قانادلاریم!
آدیم سیلینسین درگی‌لردن،
آدیم سیلینسین هر یئردن!
ترسینه اوچورام،
"نیچه" دئیَن،
ایچیمده‌‌کی قاپ-قارانلیق اوچوروملارا.
بارماقلاریمی جالاقلایاجاغام،
جهنّمده بیتَن شام‌آغاجلارینین گؤوده‌سینه.
دلی‌قانلی قانادلار بیته‌جک کوره‌ییمده.
ترسینه اوچاجاغام،
زققوم آغاجینین مئیوه‌سینی یئیه‌نه قدَر،
او چیلغین فیلوسوف منه "احسن" دئیه‌نه قدَر.
اورادا کسَردن دوشه‌جک اووسونلار،
چورویه‌جک سئحیرباز ساحیره‌لرین بارماقلاری،
اَله‌نه‌جک هؤرومچک تورلاری،
جوجره‌جک بارماقلاریم زامان-زامان جهنّمین شام آغاجیندا.
دینجَله‌‌جه‌یم شئیطان قوجاغیندا.
یئنه ترسینه اوچاجاغام دلی‌قانلی قانادلاریملا.
اودلو قانادلاریمین آلتیندان حقارتله باخاجاغام،
یئر اوزونده هله ده لئش اوستونده بوغوشان قوزغونلارا.
گوله‌جه‌یم آزغین‌لارا.
لاپبادان بیر باغیرتی گومبولده‌یه‌جک،
جهنّمین تن اورتاسیندا.
دووارلارینی تیتره‌ده‌جک:
"سن قالخان ذیروه‌یه ائنَن دئییلم"* هارای چکه‌جک.
هارا چیخسان بئله، تور توخویان هؤرومچک‌سن،
یازیق میلچک‌سن...
جهنّم ملَک‌لری بو سؤزدن شاققاناق چکیب گوله‌جک،
آغاراجاق قاپ-قارا دیشلری،
چَرله‌ده‌جک تانریچالاری گولوش‌لری.
هه... او گون شئیطان گوله‌جک،
"آللاه اؤله‌جک"!...
وئجیمه دئییل!
قوی آدیم سیلینسین درگی‌لردن،
آدیم سیلینسین هر یئردن!...
#سحر_خیاوی
*گیومه‌ده گلَن میصراع، اولو شاعیریمیز "بختیار واهابزاده"دن‌دیر.
@SheirOcagi
قوی هؤرومچک تورو ایله سئحیر توخویان ساحیره‌لرین،
اووسونونا دوشسون یاشیل قانادلاریم!
آدیم سیلینسین درگی‌لردن،
آدیم سیلینسین هر یئردن!
ترسینه اوچورام،
"نیچه" دئیَن،
ایچیمده‌‌کی قاپ-قارانلیق اوچوروملارا.
بارماقلاریمی جالاقلایاجاغام،
جهنّمده بیتَن شام‌آغاجلارینین گؤوده‌سینه.
دلی‌قانلی قانادلار بیته‌جک کوره‌ییمده.
ترسینه اوچاجاغام،
زققوم آغاجینین مئیوه‌سینی یئیه‌نه قدَر،
او چیلغین فیلوسوف منه "احسن" دئیه‌نه قدَر.
اورادا کسَردن دوشه‌جک اووسونلار،
چورویه‌جک سئحیرباز ساحیره‌لرین بارماقلاری،
اَله‌نه‌جک هؤرومچک تورلاری،
جوجره‌جک بارماقلاریم زامان-زامان جهنّمین شام آغاجیندا.
دینجَله‌‌جه‌یم شئیطان قوجاغیندا.
یئنه ترسینه اوچاجاغام دلی‌قانلی قانادلاریملا.
اودلو قانادلاریمین آلتیندان حقارتله باخاجاغام،
یئر اوزونده هله ده لئش اوستونده بوغوشان قوزغونلارا.
گوله‌جه‌یم آزغین‌لارا.
لاپبادان بیر باغیرتی گومبولده‌یه‌جک،
جهنّمین تن اورتاسیندا.
دووارلارینی تیتره‌ده‌جک:
"سن قالخان ذیروه‌یه ائنَن دئییلم"* هارای چکه‌جک.
هارا چیخسان بئله، تور توخویان هؤرومچک‌سن،
یازیق میلچک‌سن...
جهنّم ملَک‌لری بو سؤزدن شاققاناق چکیب گوله‌جک،
آغاراجاق قاپ-قارا دیشلری،
چَرله‌ده‌جک تانریچالاری گولوش‌لری.
هه... او گون شئیطان گوله‌جک،
"آللاه اؤله‌جک"!...
وئجیمه دئییل!
قوی آدیم سیلینسین درگی‌لردن،
آدیم سیلینسین هر یئردن!...
#سحر_خیاوی
*گیومه‌ده گلَن میصراع، اولو شاعیریمیز "بختیار واهابزاده"دن‌دیر.
@SheirOcagi
▫️استعفا
وئراندا کوشولدوردو سویوق کولَک،
کئچیردی کوچه‌دن او حزین مَلَک.
اوشویور ظاهیراً، اوره‌یینده کؤز،
چئویردی کبریا درگاهینا اوز.
بورونموش کَدَره، یانیقلی آها،
هؤنکوروب بیر مکتوب یازدی آللاها:
عفو ائله یا ربّیم! یورولموشام من،
داها قول-قاناددان قیریلمیشام من.
عزرائیل آدیندان قورو آد قالیب،
باخاسان اینسانلار عزرائیل اولوب.
یوخ ائدیر بیر آندا جانلی وارلیغی،
هله فخر ائله‌ییر بو اویغارلیغی.
من نئجه قَهَری ایچیمده اودام؟!
جنازه اوستونده رقص ائدیر آدام.
بوغازیم قَهَردن کانسئر باغلاییب،
گؤزلریم توتولوب بَس کی آغلاییب.
کؤرپه‌لر آچمامیش قینیندا سولور،
اوغول نعشی اوسته آنا باش یولور.
«بالا وای» ناله‌سی عرشی تیتره‌دیر،
سنین ده اوره‌یین بو سَسدن گئدیر؟!
بیر آندا هئچ اولور مین یاشیل یاشام،
ایلاهی مَله‌یم من، مگر داشام؟!»
یازیردی، سوزوردو گؤزوندن یاشی،
بوینونو آغیرلیر آغرییان باشی:
«داها چوخ باش آغری وئرمه‌ییم سنه،
استعفاء نامه‌می قبول ائت منه!
گئدیرم بیر عؤمور دینجه‌لیب یاتام،
بشری، دونیانی باشیمدان آتام.
گلمیشم جانا من؛ او خَلقین، او سَن،
نئینیرسن، یاخشیسین اؤزون بیلَرسن»
مکتوبون سونوندا ووردو امضاسین،
اوره‌کده توتموشدو بشرین یاسین.
نامه‌نی تاپشیریب چاپار مَلَکه،
اؤزونو سورودو گؤیلرده تَکه.
بولوددان یورغانی چکیب باشینا،
چئوریلدی تاریخین غم یادداشینا.
مکتوبو اوخودو تانری، باغری قان.
بویوردو: آه... بشر، اَلیندن آمان!
شیطان وئردی سندن اویارتی منه،
وئرمه‌یه‌یدیم گرک قول-قاناد سنه.
علاجین اولسایدی الینده، اَششی!
سؤندورردین گؤیده یانان گونَشی.
تؤکردین یئره سن اولدوزو، آیی،
تانری‌یا چکردین زَهَرلی یایی.
بئله کی گئدیرسن، آی اجلاف کیشی!
تئزلیک‌له چکرسن عَرشه آتَشی.
حاق وئردی مَلَه‌یه، دئدی: یاخشی یول!
مکتوبون آلتینا غَملی، چکدی قول.*
*قول: امضا
#سحر_خیاوی
@SheirOsagi
وئراندا کوشولدوردو سویوق کولَک،
کئچیردی کوچه‌دن او حزین مَلَک.
اوشویور ظاهیراً، اوره‌یینده کؤز،
چئویردی کبریا درگاهینا اوز.
بورونموش کَدَره، یانیقلی آها،
هؤنکوروب بیر مکتوب یازدی آللاها:
عفو ائله یا ربّیم! یورولموشام من،
داها قول-قاناددان قیریلمیشام من.
عزرائیل آدیندان قورو آد قالیب،
باخاسان اینسانلار عزرائیل اولوب.
یوخ ائدیر بیر آندا جانلی وارلیغی،
هله فخر ائله‌ییر بو اویغارلیغی.
من نئجه قَهَری ایچیمده اودام؟!
جنازه اوستونده رقص ائدیر آدام.
بوغازیم قَهَردن کانسئر باغلاییب،
گؤزلریم توتولوب بَس کی آغلاییب.
کؤرپه‌لر آچمامیش قینیندا سولور،
اوغول نعشی اوسته آنا باش یولور.
«بالا وای» ناله‌سی عرشی تیتره‌دیر،
سنین ده اوره‌یین بو سَسدن گئدیر؟!
بیر آندا هئچ اولور مین یاشیل یاشام،
ایلاهی مَله‌یم من، مگر داشام؟!»
یازیردی، سوزوردو گؤزوندن یاشی،
بوینونو آغیرلیر آغرییان باشی:
«داها چوخ باش آغری وئرمه‌ییم سنه،
استعفاء نامه‌می قبول ائت منه!
گئدیرم بیر عؤمور دینجه‌لیب یاتام،
بشری، دونیانی باشیمدان آتام.
گلمیشم جانا من؛ او خَلقین، او سَن،
نئینیرسن، یاخشیسین اؤزون بیلَرسن»
مکتوبون سونوندا ووردو امضاسین،
اوره‌کده توتموشدو بشرین یاسین.
نامه‌نی تاپشیریب چاپار مَلَکه،
اؤزونو سورودو گؤیلرده تَکه.
بولوددان یورغانی چکیب باشینا،
چئوریلدی تاریخین غم یادداشینا.
مکتوبو اوخودو تانری، باغری قان.
بویوردو: آه... بشر، اَلیندن آمان!
شیطان وئردی سندن اویارتی منه،
وئرمه‌یه‌یدیم گرک قول-قاناد سنه.
علاجین اولسایدی الینده، اَششی!
سؤندورردین گؤیده یانان گونَشی.
تؤکردین یئره سن اولدوزو، آیی،
تانری‌یا چکردین زَهَرلی یایی.
بئله کی گئدیرسن، آی اجلاف کیشی!
تئزلیک‌له چکرسن عَرشه آتَشی.
حاق وئردی مَلَه‌یه، دئدی: یاخشی یول!
مکتوبون آلتینا غَملی، چکدی قول.*
*قول: امضا
#سحر_خیاوی
@SheirOsagi
▫️آدامی یوللار یوخ...
اوزون یوللار گئدیب گاه یورولارسان،
گاه دره-دوز گئدیب، گاه بورولارسان،
اوزولمه! لیل‌لشسن ده، دورولارسان.
آدامی یوللار یوخ، آداملار یورور.
یولونا داش تؤکن دار گؤز آداملار،
اوره‌یی قیش-قیروولو، بوز آداملار،
دَله‌دوز، نانجیب، مین‌اوز آداملار،
آدامی یوللار یوخ، آداملار یورور.
یورولسان، اوتور بیر چشمه باشیندا،
یویوندور اوزونو صاف گؤز یاشیندا،
دینجین آل اَل‌آچیق صحرا داشیندا!
آدامی یوللار یوخ، آداملار یورور.
داش آتار یولونا، آیغین بودره‌سین،
چینقیللی یولاقدا دیزین تیتره‌سین،
اوندان یولداش اولماز، بیله‌سن کَسین!
آدامی یوللار یوخ، آداملار یورور.
بورنونون اوجوندان گؤرمز ساوایی،
"ییخیلسین کیمسه‌نی!"، مسموم دوعاسی.
اؤزونه قاییتسین نیفرین صداسی!
آدامی یوللار یوخ، آداملار یورور.
دئدین کی "صبر ائله!"...دؤزوم نه سایاق؟!
چکیرلر کؤکسومه زهَرلی بیچاق.
اؤز کؤلگه‌م گؤتوروب اوستومه آیاق،
آدامی یوللار یوخ، آداملار یورور.
#سحر_خیاوی
@SheirOcagi
اوزون یوللار گئدیب گاه یورولارسان،
گاه دره-دوز گئدیب، گاه بورولارسان،
اوزولمه! لیل‌لشسن ده، دورولارسان.
آدامی یوللار یوخ، آداملار یورور.
یولونا داش تؤکن دار گؤز آداملار،
اوره‌یی قیش-قیروولو، بوز آداملار،
دَله‌دوز، نانجیب، مین‌اوز آداملار،
آدامی یوللار یوخ، آداملار یورور.
یورولسان، اوتور بیر چشمه باشیندا،
یویوندور اوزونو صاف گؤز یاشیندا،
دینجین آل اَل‌آچیق صحرا داشیندا!
آدامی یوللار یوخ، آداملار یورور.
داش آتار یولونا، آیغین بودره‌سین،
چینقیللی یولاقدا دیزین تیتره‌سین،
اوندان یولداش اولماز، بیله‌سن کَسین!
آدامی یوللار یوخ، آداملار یورور.
بورنونون اوجوندان گؤرمز ساوایی،
"ییخیلسین کیمسه‌نی!"، مسموم دوعاسی.
اؤزونه قاییتسین نیفرین صداسی!
آدامی یوللار یوخ، آداملار یورور.
دئدین کی "صبر ائله!"...دؤزوم نه سایاق؟!
چکیرلر کؤکسومه زهَرلی بیچاق.
اؤز کؤلگه‌م گؤتوروب اوستومه آیاق،
آدامی یوللار یوخ، آداملار یورور.
#سحر_خیاوی
@SheirOcagi
▫️گون آیدین، یاشام!
بو گون ده اویاندیم، شوکورلر اولسون!
یاشام فیلیمینده رولوم وار یئنه.
بوتون کائیناتا "گون آیدین" دئدیم،
منی رئژیسسوروم¹ بیه‌نیر هله.
هر سحر باشلاییر یئنی باشلانیش،
دونیا گردیشینده، دونیا ایشینده.
هامینین رولو وار بؤیوک فیلیمده،
هرکس اؤز ایشینده، اؤزل پئشینده.
یاشام گؤزلریمده عادی‌لشمه‌ییب،
هله شاشیریرام گونش تاجیندان.
اوفاجیق بیر قوشلا هوَسله‌نیرم،
فیکیره دالیرام یال-یاماجیندان.
گئجه، نه واختادک قالیرام اویاق،
خیالدا قویورام "آی" اوسته آیاق.
سئیر ائدیب دویونجا گئنیش سمانی،
اولورام قویروقلو اولدوزا قوناق.
گاه حیات یولداشی، گاه آنا رولو،
چئشیدلی رول‌لارلا باریشمالی‌یام.
یارادان یاشاما بیه‌نیبدی سه،
گور آخان آخینا قاریشمالی‌یام.
هله اوندان ساوای، یازیچی‌یام دا،
رولومون متنینی یازام من گرَک!
نئیله‌مک؟ کلمه‌لر سئودالیسی‌یام،
بو یولدان ذرّه‌جه چیخماسا چؤرک.
یازیم دونیامیزا اولسا یاراشیق،
ائدرسه بیرآزجا یوللاری ایشیق،
گتیرسه موشتولوق، اولسا باریشیق،
دئمک کی رولومو دوز اوینامیشام،
یاشاسین آکتیور²، یاشاسین یاشام.
#سحر_خیاوی
¹- رئژیسسور: کارگردان
²- آکتیور: هنرپیشه
@SheirOcagi
بو گون ده اویاندیم، شوکورلر اولسون!
یاشام فیلیمینده رولوم وار یئنه.
بوتون کائیناتا "گون آیدین" دئدیم،
منی رئژیسسوروم¹ بیه‌نیر هله.
هر سحر باشلاییر یئنی باشلانیش،
دونیا گردیشینده، دونیا ایشینده.
هامینین رولو وار بؤیوک فیلیمده،
هرکس اؤز ایشینده، اؤزل پئشینده.
یاشام گؤزلریمده عادی‌لشمه‌ییب،
هله شاشیریرام گونش تاجیندان.
اوفاجیق بیر قوشلا هوَسله‌نیرم،
فیکیره دالیرام یال-یاماجیندان.
گئجه، نه واختادک قالیرام اویاق،
خیالدا قویورام "آی" اوسته آیاق.
سئیر ائدیب دویونجا گئنیش سمانی،
اولورام قویروقلو اولدوزا قوناق.
گاه حیات یولداشی، گاه آنا رولو،
چئشیدلی رول‌لارلا باریشمالی‌یام.
یارادان یاشاما بیه‌نیبدی سه،
گور آخان آخینا قاریشمالی‌یام.
هله اوندان ساوای، یازیچی‌یام دا،
رولومون متنینی یازام من گرَک!
نئیله‌مک؟ کلمه‌لر سئودالیسی‌یام،
بو یولدان ذرّه‌جه چیخماسا چؤرک.
یازیم دونیامیزا اولسا یاراشیق،
ائدرسه بیرآزجا یوللاری ایشیق،
گتیرسه موشتولوق، اولسا باریشیق،
دئمک کی رولومو دوز اوینامیشام،
یاشاسین آکتیور²، یاشاسین یاشام.
#سحر_خیاوی
¹- رئژیسسور: کارگردان
²- آکتیور: هنرپیشه
@SheirOcagi
▫️سئوگیسیز، اینامسیز آدیم
(بیر یاشام حیکایه‌سی)
اورتاق بیر علاقه یعنی یوخ ایمیش؟!
لال اولور کلمه‌لر ایکیمیز آرا.
گیله‌مده یاشلانیر گیلئیلی سؤزلر،
دیلیمه گلدیکده، قالیر آوارا.
بئینیمده قایناشیر دوشونجه‌لریم،
قلمه، کیتابا پناهلانیرام.
«ائوینه قایغیسیز، اَره قایغیسیز»
بو آغیر سوچلارا گوناهلانیرام.
گؤتوروب قلمی قارا گؤیومه،
بیر قوجاق یاغیشلی بولود چکیرم.
یئنه ده قلبیمین شورانلیغینی،
دیرناقلا شوملاییب اومود اکیرم.
نه تئز سونا چاتدی سئوگی سؤزلری!
نه تئز آلچاقلاشدی آرزو گؤیوموز!
سؤز وئردیک «سونادک آیریلماریق بیز»،
آخمادی بیر آرخا سانکی سویوموز.
ازلدن سهو ایمیش قدملریمیز،
بو یوک سون منزیله چاتمایاجاقمیش.
اوچوب اودامیزدان سعادت قوشو،
چیینیمیزده میشیل یاتمایاجاقمیش.
آمما کی بو تیترک یووانین ایچره،
پناهسیز، گوناهسیز سئرچه‌لر یاتیب.
اونلار نئیله‌سینلر یانلیش سئچمیشیک؟!
اونلار نئیله‌سینلر گَمی‌میز باتیب؟!
حوّا گوناهی تک بو آغیر یوکو،
اؤلوم چاغینادک دولاندیراجام.
یاشام آجیغینا، فلک رغمینه،
دئیه‌جم: "خوشبختم"، ایناندیراجام.
ائله یالان دئیه‌جم، اؤزوم اینانام،
چئوره‌دن آلقیشلار سئل‌لنه بیزه.
ائله یالان دئیه‌جم، آجی تیکانلیق،
اوتانجدان قیزاریب گول‌لَنه بیزه.
اوزاق صاباحلاردا، گُور تورپاغیمدا،
شورانلیق قلبیمدن تیکان بیته‌جک.
نه یاخشی «سئوگیسیز، اینامسیز» آدیم،
قالین تیکانلیقدا گؤزدن ایته‌جک!
#سحر_خیاوی
@SheirOcagi
(بیر یاشام حیکایه‌سی)
اورتاق بیر علاقه یعنی یوخ ایمیش؟!
لال اولور کلمه‌لر ایکیمیز آرا.
گیله‌مده یاشلانیر گیلئیلی سؤزلر،
دیلیمه گلدیکده، قالیر آوارا.
بئینیمده قایناشیر دوشونجه‌لریم،
قلمه، کیتابا پناهلانیرام.
«ائوینه قایغیسیز، اَره قایغیسیز»
بو آغیر سوچلارا گوناهلانیرام.
گؤتوروب قلمی قارا گؤیومه،
بیر قوجاق یاغیشلی بولود چکیرم.
یئنه ده قلبیمین شورانلیغینی،
دیرناقلا شوملاییب اومود اکیرم.
نه تئز سونا چاتدی سئوگی سؤزلری!
نه تئز آلچاقلاشدی آرزو گؤیوموز!
سؤز وئردیک «سونادک آیریلماریق بیز»،
آخمادی بیر آرخا سانکی سویوموز.
ازلدن سهو ایمیش قدملریمیز،
بو یوک سون منزیله چاتمایاجاقمیش.
اوچوب اودامیزدان سعادت قوشو،
چیینیمیزده میشیل یاتمایاجاقمیش.
آمما کی بو تیترک یووانین ایچره،
پناهسیز، گوناهسیز سئرچه‌لر یاتیب.
اونلار نئیله‌سینلر یانلیش سئچمیشیک؟!
اونلار نئیله‌سینلر گَمی‌میز باتیب؟!
حوّا گوناهی تک بو آغیر یوکو،
اؤلوم چاغینادک دولاندیراجام.
یاشام آجیغینا، فلک رغمینه،
دئیه‌جم: "خوشبختم"، ایناندیراجام.
ائله یالان دئیه‌جم، اؤزوم اینانام،
چئوره‌دن آلقیشلار سئل‌لنه بیزه.
ائله یالان دئیه‌جم، آجی تیکانلیق،
اوتانجدان قیزاریب گول‌لَنه بیزه.
اوزاق صاباحلاردا، گُور تورپاغیمدا،
شورانلیق قلبیمدن تیکان بیته‌جک.
نه یاخشی «سئوگیسیز، اینامسیز» آدیم،
قالین تیکانلیقدا گؤزدن ایته‌جک!
#سحر_خیاوی
@SheirOcagi
▫️یاشلاندیقجا اینسان‌اوغلو...
جاوان ایکن ماکیاژ، داراق،
وئریر ایچ اوزونه دوواق،
قارا اوز ده گؤرونور آغ،
سونوندا دوزه چیخاجاق.
سولدوراجاق خزان یئلی،
بو یاشیل گولشنی، گولو.
آغارداجاق سونبول تئلی،
ساریسی بئزه چیخاجاق.
گیزلَتسن ده اوز قارانی،
دئشه‌جک زامان یارانی.
کشف ائده‌جک ماغارانی،
آستاری اوزه چیخاجاق.
آشارسان سَکسَن سککیزی،
جاوانلیغین قالماز ایزی.
آیدینلادار قیریش، گیزی¹
تضییقین² یوزه چیخاجاق.
سانیرسان هله باهاردیر،
باغلار دولو گیله‌ناردیر،
هله عؤموردن چوخ واردیر،
لاپدان قار دیزه چیخاجاق.
ایبره‌لر³ قاچیشیر تووولو،
ائله گئدیر باشی لووولو.
یاشلاندیقجا اینسان‌اوغلو،
ایچ قاتی اوزه چیخاجاق.
کیمسه گئتدیکجه نورلاشار،
قوجایکن ده جاوان یاشار.
کیمسه‌لر ده مئیمونلاشار،
قینیندان تزه چیخاجاق.
گیلئی‌لنمه، آی خردَجَل!
باشیندا فیرلانیر اجَل.
کئچمیشینده دولاش، گیجَل!
پیس ایچین اوزه چیخاجاق.
#سحر_خیاوی
¹- گیز: سیرّ
²- تضییق: قان باسینجی
³- ایبره‌لر: عقربه‌لر
@SheirOcagi
جاوان ایکن ماکیاژ، داراق،
وئریر ایچ اوزونه دوواق،
قارا اوز ده گؤرونور آغ،
سونوندا دوزه چیخاجاق.
سولدوراجاق خزان یئلی،
بو یاشیل گولشنی، گولو.
آغارداجاق سونبول تئلی،
ساریسی بئزه چیخاجاق.
گیزلَتسن ده اوز قارانی،
دئشه‌جک زامان یارانی.
کشف ائده‌جک ماغارانی،
آستاری اوزه چیخاجاق.
آشارسان سَکسَن سککیزی،
جاوانلیغین قالماز ایزی.
آیدینلادار قیریش، گیزی¹
تضییقین² یوزه چیخاجاق.
سانیرسان هله باهاردیر،
باغلار دولو گیله‌ناردیر،
هله عؤموردن چوخ واردیر،
لاپدان قار دیزه چیخاجاق.
ایبره‌لر³ قاچیشیر تووولو،
ائله گئدیر باشی لووولو.
یاشلاندیقجا اینسان‌اوغلو،
ایچ قاتی اوزه چیخاجاق.
کیمسه گئتدیکجه نورلاشار،
قوجایکن ده جاوان یاشار.
کیمسه‌لر ده مئیمونلاشار،
قینیندان تزه چیخاجاق.
گیلئی‌لنمه، آی خردَجَل!
باشیندا فیرلانیر اجَل.
کئچمیشینده دولاش، گیجَل!
پیس ایچین اوزه چیخاجاق.
#سحر_خیاوی
¹- گیز: سیرّ
²- تضییق: قان باسینجی
³- ایبره‌لر: عقربه‌لر
@SheirOcagi
▫️اوزاقلاردا دئییلم، سئوگیلیم!
بولودلاردا گَزسه ده هاوالی باشیم،
یئر اوزونده‌دیر آیاقلاریم.
آخی «من تورپاق قیزییام» دئمیشدیم.
قارینجالار اؤزوندن بؤیوک دَنه‌لر داشیدیغی کیمی،
سیرتیمدا داشییرام آغیر یئر کوره‌سینی.
سَرت دونیا اوزوندن سیغینمیشام شعر دفتریمین سیجاق بوجاغینا،
یارالاریمی ساریییرام چیچک قوخولو ایپک مندیلی ایله.
او قَدَر یورغونام کی،
کهف کؤهولونون یولداشلاری کیمی
بوتون دونیانی باشیمدان آتماغیم،
اوچ‌یوز ایل یاتماغیم گلیر.
قورخورام آما…
قورخورام یاتدیغیمدا ظالیم زامانین آغیر تَکَرلری کئچر اوستومدن،
یئتیم قالار اوخونمامیش کیتابلاریم،
یاریمچیق قالار دئییلمه‌میش سؤزلریم.
اودور کی کیرپیک‌لریمین آراسینا سامان چؤپو قویورام،
بو ایکی گونلوک دونیادا،
یومولماسین گؤزلریم.
اونسوز دا اوزون-اوزون، مین ایللر یوخولایاجاغیق،
بئزه‌جه‌ییک یوخولاماقدان، اوره‌ییمیز بولاناجاق.
یادیندادیرمی؟
دئمیشدین: هر اینسان چاپا حاضیرلانان بیر کیتاب‌دیر
سهولرله دولو،
رئداکته لازیم‌دیر اینسانا.
هله دوزه‌لیش ائتمه‌لی سهولریم وار بوللوجا…
اؤزللیک‌له مین اوزلو آداملاری تانیماقدا چوووخ سویروشوب آیاغیم!
سهولرله دولو کیتاب یوز کره چاپ اولسون بئله، کیمه نه فایداسی وار؟!
درد اهلی اولاجاقسان بیر عؤمور هر آتدیغین آددیمیندان حساب چکسن
آمما الینی جیبینه قویوب وئییل ده گزه بیلرسن هئچ زادی وئجینه آلمادان،
الکتریک آغاجلاریندا،
ساختا گولوشلریندن اینسان قانی دامان،
اینسانلاری ایشیلدایان پوتونلاری آلتیندا دگرسیز بیر بؤجک سانان،
اؤزلرینی اورک یاندیران تانیدیب، اورکلری یاندیران،
ائو تیکن تانیتدیریب، ائولر ییخان، اللری بیر کاسادا جلّادلارلا قان ایچن،
بیرگه یئییب، آیری سی…ن بَی‌لر کیمی!
دئمیشدین: دورو اول، آیدین اول بولاقلار سایاق
او اوجالیقدا گؤی، سنه باش اَیه‌جک
اؤزونو سنده گؤرمه‌یه آیاقلارینا ائنه‌جک
گوندوزلر گونش، گئجه‌لر آی-اولدوز، سنده یویوناجاق، اوزونو اؤپه‌جک.
چارپاشیق سیناقلاریندان باش اوجا چیخماق چتین اولسا دا،
سنین درین سئوگینه لاییق بیری اولماق اوچون دورولماغا،
دۆرّ (dürr) اولماغا چالیشیرام، سئوگیلیم!
#سحر_خیاوی
@SheirOcagi
بولودلاردا گَزسه ده هاوالی باشیم،
یئر اوزونده‌دیر آیاقلاریم.
آخی «من تورپاق قیزییام» دئمیشدیم.
قارینجالار اؤزوندن بؤیوک دَنه‌لر داشیدیغی کیمی،
سیرتیمدا داشییرام آغیر یئر کوره‌سینی.
سَرت دونیا اوزوندن سیغینمیشام شعر دفتریمین سیجاق بوجاغینا،
یارالاریمی ساریییرام چیچک قوخولو ایپک مندیلی ایله.
او قَدَر یورغونام کی،
کهف کؤهولونون یولداشلاری کیمی
بوتون دونیانی باشیمدان آتماغیم،
اوچ‌یوز ایل یاتماغیم گلیر.
قورخورام آما…
قورخورام یاتدیغیمدا ظالیم زامانین آغیر تَکَرلری کئچر اوستومدن،
یئتیم قالار اوخونمامیش کیتابلاریم،
یاریمچیق قالار دئییلمه‌میش سؤزلریم.
اودور کی کیرپیک‌لریمین آراسینا سامان چؤپو قویورام،
بو ایکی گونلوک دونیادا،
یومولماسین گؤزلریم.
اونسوز دا اوزون-اوزون، مین ایللر یوخولایاجاغیق،
بئزه‌جه‌ییک یوخولاماقدان، اوره‌ییمیز بولاناجاق.
یادیندادیرمی؟
دئمیشدین: هر اینسان چاپا حاضیرلانان بیر کیتاب‌دیر
سهولرله دولو،
رئداکته لازیم‌دیر اینسانا.
هله دوزه‌لیش ائتمه‌لی سهولریم وار بوللوجا…
اؤزللیک‌له مین اوزلو آداملاری تانیماقدا چوووخ سویروشوب آیاغیم!
سهولرله دولو کیتاب یوز کره چاپ اولسون بئله، کیمه نه فایداسی وار؟!
درد اهلی اولاجاقسان بیر عؤمور هر آتدیغین آددیمیندان حساب چکسن
آمما الینی جیبینه قویوب وئییل ده گزه بیلرسن هئچ زادی وئجینه آلمادان،
الکتریک آغاجلاریندا،
ساختا گولوشلریندن اینسان قانی دامان،
اینسانلاری ایشیلدایان پوتونلاری آلتیندا دگرسیز بیر بؤجک سانان،
اؤزلرینی اورک یاندیران تانیدیب، اورکلری یاندیران،
ائو تیکن تانیتدیریب، ائولر ییخان، اللری بیر کاسادا جلّادلارلا قان ایچن،
بیرگه یئییب، آیری سی…ن بَی‌لر کیمی!
دئمیشدین: دورو اول، آیدین اول بولاقلار سایاق
او اوجالیقدا گؤی، سنه باش اَیه‌جک
اؤزونو سنده گؤرمه‌یه آیاقلارینا ائنه‌جک
گوندوزلر گونش، گئجه‌لر آی-اولدوز، سنده یویوناجاق، اوزونو اؤپه‌جک.
چارپاشیق سیناقلاریندان باش اوجا چیخماق چتین اولسا دا،
سنین درین سئوگینه لاییق بیری اولماق اوچون دورولماغا،
دۆرّ (dürr) اولماغا چالیشیرام، سئوگیلیم!
#سحر_خیاوی
@SheirOcagi
▫️اینانانمیرام.
هله ده، یئنه ده اینانانمیرام،
ایلدیریم پوسگوروب آلوو یاغیردین.
الینه آلمیشدین قهَر بایداسین،
قارا اژداهادان زهَر ساغیردین.
هله ده، یئنه ده اینانانمیرام،
سن ایدین قلبیمه مَرمی‌لر سیخان.
کولونگ اَله آلیب بیر آن ایچینده،
آرادا مین ایللیک کؤرپونو ییخان.
هله اینانمیرام گول-چیچک باغیم،
الین‌له بیر آندا خزانا چؤندو.
فلسفی یاراما ملهم‌لی دیلین،
نه اولدو کی افعی ایلانا دؤندو؟
بلکه آزدیرمیشدی شیطانلار سنی،
بلکه آلدانمیشدین کوپ قاریسینا.
اؤیله کی قیرمیشدین آجیق زینجیرین،
بنده‌لیک ائتمیردین گؤی تانریسینا.
هله ده اینانمیر بو ساده اورک،
او یابانجی آدام سَن اولدوغونا.
ایشیقلی گونومون قارشیسین توتان،
زهریمار تولوغو، چَن اولدوغونا.
ایلگی یولوموزو باسیب تیر-تیکان،
چکیبدیر آرادا سونگولَر قاتار.
قوووشماق یولونو ائله قاپاتدین،
قاییتما، تیکانلار آیغینا باتار!
هله ده شوک‌دایام، هله سرسَم‌‌اَم،
سندن گؤزله‌میردیم اؤیله شیدّتی.
اونسوز دا آز قالیر سون نفسده‌یَم،
اوتانما، گَل ائندیر آخیر ضربتی!
یوخسا گَل دئنن کی: «یۇخویدو بوتون
آجی کابوس ایدی، کئچیب گئدن‌دیر.
اینانما اویدوران بو کابوسلارا،
هله ده اوره‌ییم سنه وطن‌دیر»!
سئرچه اوره‌یی‌دیر شاعیر اوره‌یی،
نئجه تئز قیریلار، تئز یولا گلَر.
افیل-افیل اسَن بو کؤرپه اورک،
سیجاق اللرینده یاتار دینجه‌لر.
#سحر_خیاوی
@SheirOcagi
هله ده، یئنه ده اینانانمیرام،
ایلدیریم پوسگوروب آلوو یاغیردین.
الینه آلمیشدین قهَر بایداسین،
قارا اژداهادان زهَر ساغیردین.
هله ده، یئنه ده اینانانمیرام،
سن ایدین قلبیمه مَرمی‌لر سیخان.
کولونگ اَله آلیب بیر آن ایچینده،
آرادا مین ایللیک کؤرپونو ییخان.
هله اینانمیرام گول-چیچک باغیم،
الین‌له بیر آندا خزانا چؤندو.
فلسفی یاراما ملهم‌لی دیلین،
نه اولدو کی افعی ایلانا دؤندو؟
بلکه آزدیرمیشدی شیطانلار سنی،
بلکه آلدانمیشدین کوپ قاریسینا.
اؤیله کی قیرمیشدین آجیق زینجیرین،
بنده‌لیک ائتمیردین گؤی تانریسینا.
هله ده اینانمیر بو ساده اورک،
او یابانجی آدام سَن اولدوغونا.
ایشیقلی گونومون قارشیسین توتان،
زهریمار تولوغو، چَن اولدوغونا.
ایلگی یولوموزو باسیب تیر-تیکان،
چکیبدیر آرادا سونگولَر قاتار.
قوووشماق یولونو ائله قاپاتدین،
قاییتما، تیکانلار آیغینا باتار!
هله ده شوک‌دایام، هله سرسَم‌‌اَم،
سندن گؤزله‌میردیم اؤیله شیدّتی.
اونسوز دا آز قالیر سون نفسده‌یَم،
اوتانما، گَل ائندیر آخیر ضربتی!
یوخسا گَل دئنن کی: «یۇخویدو بوتون
آجی کابوس ایدی، کئچیب گئدن‌دیر.
اینانما اویدوران بو کابوسلارا،
هله ده اوره‌ییم سنه وطن‌دیر»!
سئرچه اوره‌یی‌دیر شاعیر اوره‌یی،
نئجه تئز قیریلار، تئز یولا گلَر.
افیل-افیل اسَن بو کؤرپه اورک،
سیجاق اللرینده یاتار دینجه‌لر.
#سحر_خیاوی
@SheirOcagi
▫️گَل
سارالیب باغچامیزین گول‌لری ده سنسیز، گل!
آغلاییر بوغدامیزین تئل‌لری ده سنسیز، گل!
اوخشایاردی ناز اَلین پنجره‌ده گول‌لرینی،
سوزالیر لاله-قرنفیل‌لری ده سنسیز، گل!
نه چؤرکده طامیمیز وار، نه سودا، نه هاوادا،
هئچ یاپیشمیر بو سحر یئل‌لری ده سنسیز، گل!
نفَسینچون داریخیر باخ بو ائوین داش-دوواری،
چیرپینیر پنجره‌نین میل‌لری ده سنسیز، گل!
موسیقی وورغونوسان سن، بو سینیق تار اوره‌ییم،
اؤزله‌ییر بم‌لری، هم زیل‌لری ده سنسیز، گل!
داریخیر گول اوزونو، گؤزلرینی اؤپمک اوچون،
آنانین اللرینه، اللری ده سنسیز، گل!
#سحر_خیاوی
@SheirOcagi
سارالیب باغچامیزین گول‌لری ده سنسیز، گل!
آغلاییر بوغدامیزین تئل‌لری ده سنسیز، گل!
اوخشایاردی ناز اَلین پنجره‌ده گول‌لرینی،
سوزالیر لاله-قرنفیل‌لری ده سنسیز، گل!
نه چؤرکده طامیمیز وار، نه سودا، نه هاوادا،
هئچ یاپیشمیر بو سحر یئل‌لری ده سنسیز، گل!
نفَسینچون داریخیر باخ بو ائوین داش-دوواری،
چیرپینیر پنجره‌نین میل‌لری ده سنسیز، گل!
موسیقی وورغونوسان سن، بو سینیق تار اوره‌ییم،
اؤزله‌ییر بم‌لری، هم زیل‌لری ده سنسیز، گل!
داریخیر گول اوزونو، گؤزلرینی اؤپمک اوچون،
آنانین اللرینه، اللری ده سنسیز، گل!
#سحر_خیاوی
@SheirOcagi