«پیرایه» اوچون یازیلمیش شعرلر 26

▫️گئجه، قار بیردن‌-بیره باسدیرمیش...
بم‌بیاض بوداقلاردان داغیلان قارغالارلا باشلادی صاباح.
گؤز آلا بیلدیگی قدر، «بورسا» چؤلونده قیش.
باشسیزلیق و سونسوزلوق گلیر عقله.

سئوگیلیم!
دَییشدی مؤوسوم،
چکیشن گلیشمه‌لردن سونرا بیر سیچراماقلا.
و قارین آلتیندا مغرور، هامارات*
سوروب گئدیر حیات...

#ناظیم_حیکمت
* چالیشقان، باجاریقلی
#شعر_اوجاغی
@SheirOcagi

▫️آغلاماق مسئله‌سی

نه تهر ائتمه‌لی ده آغلایا بیلمه‌لی،
باشا دوشمه‌دن؟
نه تهر ائتمه‌لی ده آغلایا بیلمه‌لی
عاییبسیز، آشیکارا، یاغمور میثالی؟

نئیلرسن، آلیشقانلیق.
ایچین قان آغلارکن، اوزون گولر،
دیکیلی‌داش کیمی یئرینده دورارسان یئنه.
یاوروم! یئتیشمک نه موشکول‌موش مگر-
آنالار کیمی آغلامانین ایگیدلیگینه؟

#ناظیم_حیکمت
#شعر_اوجاغی
@SheirOcagi