“የእስራኤል እራሷን የመከላከል መብት በአለም አቀፍ ህግ እንጂ #ህጻናትንና_ሴቶችን_በመግደል መሆን የለበትም!”
የስፔን ጠቅላይ ሚኒስትር!
የእስራኤልን የእውር ድንብር ህፃናትንና ሆስፒታልን ኢላማ ያደረገ  የፈሪ ብትር በተከታታይ ከተቃወሙ የአውሮፓ ሃገራት መካከል የቀድሞዋ የሙስሊሞች የሳይንስ ስልጣኔ መናኸሪያ የነበረችው“አንደሉስ” የአሁኗ"ስፔን" አንዷ ነች!
የስፔን መንግስትና ህዝብ ጦርነቱ ከተጀመረ ጀምሮ የእስራኤልን የአውሮፕላን ጥቃት ሲቃወም ነበር!በዛሬው እለትም የስፔን ጠቅላይ ሚኒስትር #Pedro_Sanchez የእስራኤልን የማያዛልቅ ኢሰብኣዊ ድርጊት ኮንኗል!ጠቅላይ ሚኒስትሩ“የእስራኤል እራሷን የመከላከል መብት በአለም አቀፍ ህግ እንጂ #ህጻናትንና_ሴቶችን_በመግደል መሆን የለበትም!” በማለት እነ #አሜሪካ የሚደጋግሙትን ውዳቂ ሎጂክ አጣጥሎታል!
“በጋዛ የተደረሰውን የእርቅ ስምምነት ዋጋ እንሰጣለን፤እናም ሁሉም ታጋቾች እንዲፈቱ እንፈልጋለን”ያለው ጠቅላይ ሚኒስትሩ፣“ተኩስ ማቆሙ ለ4ቀን ሳይሆን #ለዘለቄታው የተኩስ አቁም ጥሪያችንን እንቀጥላለን።
ሁከት ብጥብጥን ይፈጥራል!እናም ለፍልስጤማውያን ተስፋ ለመስጠት መስራት አለብን።በፍልስጤም እና በእስራኤላውያን መካከል የሰላም አድማስ መኖር አለበት።”ብሏል።አያይዞም“ጊዜያዊ እርቅ በጋዛ የቋሚ የተኩስ አቁም መጀመሪያ እንደሚሆን ተስፋ እናደርጋለን፤የአውሮፓ ህብረት ይህን ካላደረገ ስፔን ለፍልስጤም መንግስት እውቅና ለመስጠት እንደምትወስን ይታወቅልን”በማለት እንደ አንድ ሰብኣዊነት የሚሰማው ጤነኛ መሪ አስተያየቱን ሰጥቷል።
ከሰአት በፊት መግለጫ የሰጠው ሌላኛው የአውሮፓዊቷ ሃገር #ቤልጂየም ጠቅላይ ሚኒስትርም በተመሳሳይ“እስራኤል ዜጎቿን የመከላከል መብት አላት፣ነገር ግን የሰጠችው ምላሽ በጋዛ ብዙ ጉዳት አድርሷል፤የእስራኤል ምላሽ የአለም አቀፍ ህግን ማክበር አለበት እናም #የሲቪሎች ግድያ አሁን በጋዛ መቆም አለበት!”ያለ ሲሆን አያይዞም“በተኩስ አቁም ጊዜ የሚባክን ጊዜ አይኖርም! እናም ለጋዛ ሰብዓዊ ዕርዳታ አጠናክረን ማድረስ አለብን፤ለዚህም ወደ ጋዛ #ተጨማሪ ሰብዓዊ ዕርዳታ ለማድረስ #ሌሎችመሻገሪያዎችን መክፈት አለብን!”ብሏል።
በሁለቱ ሀገራት መግለጫ የተበሳጨችው ወራሪዋ እስራኤል በውጭ ጉዳይ ሚኒስትሯ እና  በጠቅላይ ሚኒስትሯ በኩል ተቃውሞ ማሰማቷን ሮይተርስ ዘግቧል።
“እስራኤል የስፔንና የቤልጂየም አምባሳደሮችን የሁለቱ ሀገራት ጠቅላይ ሚኒስትሮች በሰጡት ጋዜጣዊ መግለጫ ምክንያት ጠርታለች”ያለው ሮይተርስ፣
“የእስራኤል የውጭ ጉዳይ ሚኒስትር የስፔንና የቤልጂየም ጠቅላይ ሚኒስትሮች ያቀረቡትን ውንጀላ እናወግዛለን፣አሸባሪ ድርጅትን እየተዋጋን ሲሆን በአለም አቀፍ ህግ መሰረት እየሰራን ነው”በማለት መግለጫ አውጥቷል።
የእስራኤል ጠቅላይ ሚኒስትር ጽህፈት ቤት እንዳስታወቀው ደግሞ ኔታንያሁ የቤልጂየም እና የስፔን ጠቅላይ ሚኒስትሮች ሃማስ ለፈጸመው ወንጀል ሙሉ በሙሉ ተጠያቂ ባለማድረጋቸው የሰጡትን መግለጫ አውግዟል ብሏል።
አይሁዶችን ከየአውሮፓ ሀገራት ለቃቅመው ወደ ፍልስጢን ከላኳቸው የአውሮፓ ሀገራት ግንባር ቀደመቀደም የነበረችው #የብሪታኒያ የውጭ ጉዳይ ሚኒስትር በበኩሉ “በዌስት ባንክ የእስራኤል ሰፋሪዎች የፍልስጤም ሲቪሎችን መግደላቸውን የሚገልጹ ዘገባዎች አሰቃቂ ናቸው።እስራኤል በዌስት ባንክ ፍልስጤማውያን ላይ የሚደርሰውን ጥቃት መከላከል እና ተሳታፊ የሆኑትንም ተጠያቂ ማድረግ አለባት”በማለት የአዛኝ ቅቤ አንጓች አስተያየት ሰጥቷል።
የፍልስጤም ቀይ ጨረቃ ድርጅት እንዳስታወቀው አንድ ፍልስጤማዊ ልጅ በራማላ አቅራቢያ በሚገኘው ቤይቱኒያ ኦፈር ወታደራዊ እስር ቤት ፊት ለፊት በተተኮሰ ጥይት ቆስሏል ብሏል።
ዜናው የአልጀዚራ ነው
#𝓐𝓫𝓭𝓮𝓵𝓪𝔃𝓲𝔃_𝓑𝓲𝓷𝓜𝓾𝓱𝓪𝓶𝓶𝓮𝓭
https://t.me/Seyfel_Islam