#ኢራን ያጠቃችውና በፓኪስታን የሚገኘው “ጀይሸል_ዐድል”ስለተባለው ታጣቂ ቡድን ምንነትና አላማው በትቂቱ!
✍𝓐𝓫𝓭𝓮𝓵𝓪𝔃𝓲𝔃 𝓑𝓲𝓷𝓜𝓾𝓱𝓪𝓶𝓶𝓮𝓭

በፓኪስታንና አፍጋኒስታን ኢራን ድንበሮች አካባቢ የሚንቀሳቀሰው የ“ጀይሸል ዐድል” ወይንም በአማርኛ ትርጓሜው “የፍትህ ጦር”ቡድን “ኢራን ውስጥ ፍትህ እና እኩልነት እሻለሁ!”የሚል የታጠቀ #የሱኒ እንቅስቃሴ ሲሆን የኢራን መንግስትን ይቃወማል።
እራሱን "በኢራን ውስጥ የሱኒዎች መብት ተሟጋች" እንደሆነም ይገልፃል። በተለይም በሲስታን እና በባልቸስታን የተባሉ በፓኪስታን እና አፍጋኒስታን ድንበር አካባቢ በሚገኙት የኢራን ግዛቶች ላይ ትኩረት አድርጎ ይንቀሳቀሳል።
እ.ኤ.አ. በ 2009 ኢራን የእንቅስቃሴውን መሪ #ዐብዱልመሊክ_ሪጊን በቁጥጥር ስር ስታውል ቡድኑ በወቅቱ "ጁኑዱሏህ/የአሏህ ወታደሮች" በመባል ይታወቅ የነበረ ሲሆን የቡድኑ መሪም በኢራን ከተያዘ በኋላ በ 2010 ፍርድቤት በመቅረብ ለዩናይትድ ስቴትስ በመሥራት፣በኢራን ውስጥ የደህንነት አባላት ላይ ያነጣጠረ የቦምብ ጥቃት በመፈፀምና በሌሎችም ከባባድ ወንጀሎች ተከሶ የሞት ፍርድ ተፈርዶበት ተገድሏል።
በወቅቱ በኢራን ውስጥ የቀድሞ የፓኪስታን ዲፕሎማት መሐመድ ዐባሲ ሀገራቸው በሬጂ እስር ላይ ትልቅ ሚና ተጫውታለች ብለው ነበር።
የዩኤስ የስለላ ድርጅት የጀይሽል ዐድል ቡድን በኢራን ውስጥ በቀድሞው ፕሬዝዳንት ማህሙድ አህመዲ ነጃድ ላይ በ2005 የተሞከረውን ጥቃት ጨምሮ በርካታ የቦምብ ጥቃቶችን ሲፈፅም እንደነበር ገልጿል።
ምንጭ:BBC
https://t.me/Seyfel_Islam