#ያሳዝናል

ዛሬ ከመሸ እንደተለመደው አንድ የአፋልጉኝ መልዕክት ተላከልኝ:-

"ይህ ወንድማችን ሚኪያስ ተስፋዬ ይባላል!ትላንት የካቲት22 ራይድ በሚሰራበት ኮሮላ መኪናው ሰዎችን ቦሌ አየርማረፊያ አደርሳለሁ ብሎ ከቢሾፍቱ ከተማ ወጥቶ እስካሁን የት እንዳለ አልታወቀም!ወደ ቤትም አልተመለሰም!እባካችሁ አፋልጉን"አሉን!

ከደቂቃዎች በፊት የተፈጠረውን ነገር መረጃ ጠይቀን ወደ እናንተ ለማድረስ እየተዘጋጀን ሳለ "በቃ ተወው ሚኪያስ ሞቶ ተገኝቷል"አሉን"

"ምን ሆኖ ነው ምን ገጠመው?"ብዬ ጓደኛውን ስጠይቅ "ያው መኪና ለመስረቅ ብለው ነው"አለኝ!ይህ ታታሪ ወጣት ገድለውት አስክሬኑ ገላን መንገድ ላይ አገኙት"

Via ሄኖክ ፍቃዱ
#ዳጉ_ጆርናል

በኢንዶኔዥያ በጥሎሽ የሚሰጥ ሀብትን ለማግኘት ሲል ሴት በመምሰል ጋብቻ  የፈፀመው ግለሰብ በቁጥጥር ስር ዋለ

በሀሰተኛው ጋብቻ የተታለለው ወጣት ከተጋቡ ከ12 ቀናት በኃላ ሚስት ብሎ ያገባት እንስት ወንድ መሆኑን ማወቁ ድንጋጤ ፈጥሮበታል።

በዚህ ሳምንት መጀመሪያ ላይ የኢንዶኔዥያ መገናኛ ብዙሃን የ26 ዓመቱን ወጣት  ያጋጠመውን እንግዳ ጉዳይ በፊት ገፃቸው ይዘው ወጥተዋል። በዚህም ካገባት ከ12 ቀናት በኃላ ማስቴ ያላትን እንስት ወንድ ሆና መገኘቷን ተከትሎ ጉዳዩን ወደ ፖሊስ ወስዶታል።

ወጣቱ ከሙሽራዋ ጋር በኢንተርኔት አማካኝይመት ነው የተገናኙት የተባለ ሲሆን በኢንተርኔት የጀመረውን ትውውቅ ለማዳበር በማለት በአካል ይገናኛሉ። ኤኬ የተባለው ወጣት ታድያ ለመጀመሪያ ጊዜ ሲያያት ወድያውኑ በፍቅር እንደወደቀ ይገልፃል።

እራሷን አዲና ካንዛ አዛህራ በማለት ያስተዋወቀችው ሴት ሁል ጊዜ ሂጃብ ተጠቅማ ፊቷን ለመደበቅ ትሞክር እንደነበረ ይገልፃል ቢሆንም ግን ሀይማኖታዊ እንጂ የሆነ ለመደበቅ የፈለገችው ነገር እንዳለ በፍፁም እንዳልጠረጠረ ይገልፃል።

በዚህም ዓይናፋርነቷ የበለጠ ይሳባል። ትልቁን ጥያቄ ለማቅረብ ብዙ ጊዜ አልወሰደበትም ለትዳር ጠየቃት አዲናም ተቀበለች ነገር ግን እናቷ ስለሞተች እና አባቷ ለረጅም ጊዜ በአጠገባ ስላልነበሩ ትዳራቸው በሕግ አካል እንዲመዘገብ እንደማትፈልግ ትነገረውና በሰርጋቸው ቀን የምትጠራው የቅርብ ቤተሰብ እንደሌላትም ታሳውቀውቃለች።

በመጨረሻም ሁለቱ የፍቅር ወፎች የዋንጉንጃያ መንደር የሃይማኖት መሪ ባደረጉት ልዩ ሥነ ሥርዓት ላይ ተጋቡ ጥሎሹም በ5 ግራም ወርቅ ነበር ተብሏል። ነገር ግን እንስቷ ካጋብቻው በኃላም ቢሆን ፊቷን ከአዲሱ ባለቤቷ እንኳን ሳይቀር ደበቀች በትውልድ መንደሩ ካሉት ቤተሰቦቹ እና ጓደኞቹ ጋርም ለመገናኘት ፈቃደኛ ሳትሆን ቀረች።

በዚህም ኤኬ ቅሬታዎችን ማሰማት ጀመረ ይህንን ቅሬታውን የሰሙት ቤተሰቦቹም አዲሷን ሚስቱን ለመመርመር ወሰኑ። በምርመራቸውም የለም ያለችው አባቷ መኖሩን አረጋገጡ እሱም ሴት ሳትሆን ወንድ መሆኑን ይነግራቸዋል።

በዚህ ጉዳይን ወደ ህግ ይወስዱታል  ወንጀለኛውንም በወንጀለኛ መቅጫ ህግ አንቀጽ 378 ክስ ይመሰርቱበታል፤ ክሱን እየተመለከተ የሚገኘው ፍርድ ቤቱ እስከ አራት ዓመት በእስር ቤት ውስጥ የመቆየት አደጋ ሊያጋጥመው ይችላል ተብሏል።

በሚሊዮን ሙሴ
#ዳጉ_ጆርናል

በህንድ የአእምሮ ጤና እክል ያለባት ወጣት መለኮታዊ ኃይል አላት በሚል በመመለክ ላይ ትገኛለች

በታሚል ናዱ ግዛት የሂንዱ ከተማ በሆነችው ቲሩቫናማላይ ውስር ሚስጥራዊ ኃይል አላት የተባለችው ግለሰብ የአእምሮ የጤና ችግር ላይ ብትሆንም የሕንድ ማህበረሰብን ግን እያመለካት ይገኛል።

ህንዳውያን በርከት ያሉ አምላክ እና አማልክቶች ያሏቸው ሲሆን የሂንዱ አማልክቶች ሚስጥሮች እና እውነተኛ ህይወት ላይ በርካታ አወዛጋቢ ጉዳዮች ይነሳሉ። ከነዚህ መካከል ቶፒ አማ የምትባለው ኮፍያ የምታደርገው ሴት ብዙ ጊዜ ‘ሲድዳ’ እየተባለች በቅፅል ስም ትጠራለች። ይህችው ግለሰብ አዳኛችን ናት በማለት መመለክ ላይ ትገኛለች። አማኞች ፍፁም የሆነች ብሩህ ፍጡር ናት ይሏታል። ነገር ግን ዓለማዊ አመለካከት ላላቸው ሰዎች የህክምና እርዳታ የምትፈልግ የአእምሮ እክል ያለባት ሴት ናት።

ለአማኞች የሚታየቸው በቲሩቫናማላይ ጎዳናዎች ውስጥ ስትንቀሳቀስ ማንም በማይረዳው ጥንታዊ የታሚልኛ ቋንቋ ስትናገር ሲያዩ፣ ሌሎች ደግሞ ቤት የሌላት ምስኪን ሴት ያለ አላማ ስትቅበዘበዝ እና ስታጉረመርም ትውላለች ይላሉ። ሁሉም ነገር የአመለካከት ጉዳይ በመሆኑ ልዩነቶች መስተናገዳቸው ግድ ሆኗል።ቶፒ አማ የቲሩቫናማላይ ምልክት ከመሆኗ እና ብዙ ተከታዮችን ከመሳቧ በፊት የነበራት ህይወት እንቆቅልሽ ሆኖ በመቆየቱ ለታዋቂነቷ ትልቅ አስተዋፅኦ አበርክቷል።

ሁለት ወጥ ቃላቶችን እንኳን በአንድ ላይ አሰካክታ መናገር አለመቻሏን መለኮታዊ ኃይል ቢኖራት ነው ብለው ህንዳውያኑ እንዲያስቡ አስገዷቸዋል። በህንዳውያኑ የማህበራዊ ድህረ ገፅ ተጠቃሚዎች ዘንድ ቶፒ አማ ከተማዋን እየዞረች የጠጣችውን የቡና ትራፊ የተባረከ መስዋዕት ነው በማለት ሰዎች አንስተው ሲቀምሱ ይታያል። በሌላ በኩል ይህችኑ ሴት የአዕምሮ ጤና ችግር ያለባት ፣ የቆሸሸ ልብስ የለበሰች ፣ ሰውነቷ ከመታጠብ የራቀ እና በአንዳች እክል ውስጥ እንዳለች ማስተዋል ይችላል።

አንድ የኤክስ ተጠቃሚ ባጋራው ፅሁፍ አንዳንዶች በአእምሮ ህመም እየተሰቃየች ነው ብለው የሚያስቡ እና እርዳታ ትሻለች የሚል ሰዎች ቢኖሩም ስለ እርሷ ውዳሴ የሚያቀርቡና የሚዘምሩ በርካቶች መሆናቸውን ፅፏል።ጥልቅ የሆነ መንፈሳዊ ጥበቧ ካልተገለጠልህ እሷን ማግኘት የሚችሉት የታደሉት ብቻ ናቸው ሲሉም አማኞች ይደመጣሉ።

አስደናቂው ጉዳይ የአእምሮ እክል ላይ የምትገኘው ቶፒ አማ በአብዛኛው አምላኪዎቿን ችላ ብላ የእለት ውሎዋብ ስታሳልፍ አንዳች ምስጢራዊ ኃይል እየተገለጠላት ነው ብለው የሚያስቡ አሉ። በዚህም የተነሳ በሄደችበት ቦታ ሁሉ በርካቶች ይከተሏታል።

በስምኦን ደረጄ
#ዳጉ_ጆርናል

ስፔን፣ አየርላንድ፣ ኖርዌይ በዛሬዉ እለት ለፍልስጤም መንግስት እውቅና ይሰጣሉ

ሦስቱ የአውሮጳ ሃገራት የፍልስጤም ግዛት ዛሬ ማምሻውን በይፋ ዕውቅና በመስጠት 144 ሌሎች የዓለም ሀገራት ተርታ ይቀላቀላሉ፡፡

የአየርላንድ ካቢኔ ዛሬ ጠዋት በፓርላማ ከበርካታ ሰአታት ክርክር በኋላ ውሳኔውን ያረጋግጣል ተብሎ ይጠበቃል።

የአየርላንድ ጠቅላይ ሚኒስትር ሲሞን ሃሪስ ትናንት ሲናገሩ፡ “በእስራኤል እና በፍልስጤም ግዛት እናምናለን፣ በሰላም እና በመረጋጋት ጎን ለጎን እንኖራለን። እናም እኛም ይህንን እናምናለን ሲሉ ተደምጠዋል።

በስምኦን ደረጄ
#ዳጉ_ጆርናል

ሰርገኞች ላይ በተፈጸመ ጥቃት ሙሽሮቹን ጨምሮ ከ 20 በላይ ሰዎች ተገደሉ

በኦሮሚያ ክልል ምዕራብ ሸዋ ዞን ኖኖ ወረዳ ሰርገኞችን ዒላማ ባደረገ ጥቃት ከ20 በላይ ሰዎች መገደላቸውን የአካባቢው አስተዳደር ባለሥልጣን እና ነዋሪ ለቢቢሲ ተናገሩ።

የኖኖ ወረዳ ኮማንድ ፖስት ኃላፊ አቶ ተሾመ ሰቦቃ ቅዳሜ ሰኔ 8/2016 ዓ.ም. ንጋት ላይ በተፈጸመው በዚህ ጥቃት “ጽንፈኛ የአማራ ታጣቂዎች” ናቸው ያሏቸው ሰርገኞች የነበሩበትን ቤት ከውጪ በመቆለፍ ቤቱን በቦምብ አጋይተዋል ብለዋል።

“ሰርገኞቹ ቤት ውስጥ እያሉ በር ዘግተውባቸው ቦምብ ወረወሩባቸው። ቤት ውስጥ ከነበሩት አንድም በሕይወት የወጣ የለም። እዚያው ተቃጥለው አልቀዋል” ብለዋል።

ኃላፊው ጥቃቱን የፈጸሙት “ጽንፈኛ የአማራ ታጣቂዎች ናቸው” ከማለት ውጪ ስለታጣቂዎቹ ማንነት እና በአካባቢው የፀጥታ ኃይል ስለተወሰደ እርምጃ የሰጡት ዝርዝር መረጃ የለም።

አንድ የአካባቢው ነዋሪ ታጣቂዎቹ ሰርግ ቤቱ ላይ ከአንድ በላይ ቦምብ ወርውረው ሙሽሮቹን እና አብረዋቸው የነበሩ ሰዎችን መግደላቸውን ተናግረዋል።

ቢቢሲ ከኮማንድ ፖስት ኃላፊውም ሆነ ከነዋሪ እንደሰማው በሰርግ ቤት ላይ የተነሳውን እሳት ለማጥፋት የመጡ የአካባቢው ነዋሪዎች በታጣቂዎቹ የተኩስ እሩምታ ተከፍቶባቸው በርካታ ሰዎች ተገድለዋል።

የአካባቢው ነዋሪ የሟቾች ቁጥር ከ30 እስከ 50 ሊደርስ እንደሚችል ሲናገሩ፤ የወረዳው የኮማንድ ፖስት ኃላፊ አቶ ተሾመ ሰቦቃ ደግሞ በእሳት ተቃጥለው የሞቱ ሰዎችን ቁጥር መለየት አስቸጋሪ በመሆኑ ትክክለኛውን የሟቾች ቁጥር መለየት አልተቻለም ብለዋል።

ኖኖ ወረዳ ስልክ አምባ ከተባለችው የገጠር ከተማ ማዞሪያ ተብሎ በሚጠራው አካባቢ በተፈጸመው ዚህ ጥቃት ሙሽሪ እና ሙሽራውን ጨምሮ የሰርጉ ታዳሚዎች የሆኑ ሰዎች በሙሉ ሕይወታቸው ማለፉን ነዋሪው ተናግረዋል።

አቶ ተሾመ “በአሁኑ ወቅት የአስክሬን ማንነትን መለየት አይደለም፣ አስክሬንን ከተቃጠለ እንጨት መለየት በጣም አስቸጋሪ ሆኖብናል” ብለዋል። ታጣቂዎች ሰርገኞቹን ለምን ዒላማ እንዳደረጉ ግልጽ አይደለም።

በዚህ ጥቃት ሰርገኞች በነበሩበት ቤት ላይ ከደረሰው ጥቃት በተጨማሪ በስፍራው ያሉ 22 የመኖሪያ ቤቶች በእሳት እንዲያያዙ መደረጋቸውን የኮማንድ ፖስቱ ኃላፊ ተናግረዋል።

በወረዳው የተፈጸመውን ጥቃት የሚያሳዩ ናቸው የተባሉ እና ቢቢሲ ያላረጋገጣቸው ምሥሎች ማኅበራዊ ሚዲያዎች ላይ በስፋት ተጋርተዋል። ምሥሎች በእሳት በወደሙ ቤቶች ውስጥ በከፍተኛ ደረጃ የተቃጠሉ አስክሬኖችን አሳይተዋል።

አቶ ተሾም እስካሁን ድረስ 24 ሰዎች መሞታቸውን አረጋግጠናል ያሉ ሲሆን፣ በሌሎች በተቃጠሉ ቤቶች ውስጥ ተቃጥለው ሕይወታቸው ያለፉ ሰዎች ሊኖሩ ስለሚችሉ የማጣራት ሥራ እየሠራን ነው ብለዋል።

እንደ ኮማንድ ፖስት ኃላፊው ከሆነ በአካባቢው በሰላማዊ ሰዎች ላይ ጥቃት ሲፈጸም ይህ ለመጀመሪያ ጊዜ አይደለም። “ከሁለት ዓመት በፊት መቱ ሥላሴ በሚባል ቀበሌ የአማራ ጽንፈኞች በፈጸሙት ጥቃት 16 ሰዎችን በአንድ ጉድጓድ ቀብረናል” ብለዋል።

ባለፉት አምስት ዓመታት በተለያዩ የኦሮሚያ ዞኖች የመንግሥት ኃይሎች፣ የኦሮሞ እና የአማራ ታጣቂዎች ሰላማዊ ሰዎችን ዒላማ ያደረጉ ጥቃቶች ሲፈጸሙ ቆይተዋል።

በተለይ በአራቱ የወለጋ ዞኖች እና በምዕራብ ሸዋ ዞኖች የኦሮሞ ነጻነት ሠራዊት አባላት ናቸው የተባሉ ታጣቂዎች የአማራ ተወላጆችን፣ በሌላ በኩል የአማራ ታጣቂዎች የኦሮሞ ተወላጆችን ዒላማ አድርገው በፈጸሟቸው ጥቃቶች ሰላማዊ ሰዎች ሕይወታውን አጥተዋል።

Via ቢቢሲ አማርኛ
#ዳጉ_ጆርናል

የእስራኤል ተቺ በመባል የምትታወቀው ኢልሃን ኦማር በሚኒሶታ ዴሞክራቲክ ፓርቲ የመጀመሪያ ዙር ምርጫ አሸነፈች

የዴሞክራቲክ ዩናይትድ ስቴትስ ተወካይ ኢልሃን ኦማር "ስኳድ" በመባል ከሚታወቁት ተራማጅ የምክር ቤት አባላት መካከል አንዷ ስትሆን እስራኤል ድርጊት ጦርነት በግልጽ ተቺ የምትተቸው ግለሰቧ በሚኒሶታ የመጀመሪያ ዙር ምርጫ አሸንፋለች።

የ41 ዓመቷ ኢልሃን ኦማር የሚኒያፖሊስ አካባቢ 5ኛ ወረዳ መቀመጫን ለማግኘት ከቀድሞው የሚኒያፖሊስ ከተማ ምክር ቤት አባል ዶን ሳሙኤልስ ብርቱ ፉክክር ቢገጥማትም በስተመጨረሻ አሸንፋለች።በሚኒያፖሊስ ለደጋፊዎቿ ከድሉ በኃላ ባደረገችው ንግግር አንዳንድ የዴሞክራቲክ ፓርቲ እጩ እና የምክትል ፕሬዝዳንት ካማላ ሃሪስን ፕሬዚዳንታዊ ዘመቻ መሪ ሃሳቦችን አስተጋብታለች። በንግግሯም “የደስታ ፖለቲካን እንመራለን” ስትል ተናግራለች። ምክንያቱም ለጎረቤቶችህ መታገል አስደሳች እንደሆነ እናውቃለን። መኖሪያ ቤት ሰብአዊ መብት መሆኑን ማረጋገጥ አስደሳች እንደሆነ እናውቃለን።

ለጤና እንክብካቤ መታገል አስደሳች እንደሆነ እናውቃለን። ሰላማዊና ፍትሃዊ በሆነ ዓለም ውስጥ መኖር መፈለግ አስደሳች እንደሆነ እናውቃለን ብላለች። ከ217 አውራጃዎች መካከል የ216ቱ ድምፅ የተቆጠረ ሲሆን 56.2 በመቶ ድምፅ ስታገኝ ተቀናቃኟ ዶን ሳሙኤል 42.9 በመቶ ድምፅ ማግኘቱን ይፋዊ ውጤት አመላክቷል። ዶን ሳሙኤል የእስራኤል መንግስት በጋዛ ላይ የሚያካሂደውን ጦርነት በተመለከተ የኢልሃን ኦማርን ማውገዝ በመተቸት እስራኤል እራሷን የመከላከል መብት አላት ሲል ተደምጧል። ኢልሃን ኦማር በበኩሏ የፍልስጤም ቡድን ሃማስ እስራኤልን በማጥቃት እና ምርኮኞችን አግቶ በመውሰዱ ቡድኑን ተችታለች።

ይህንን ትችት ብታቀርብም ተቀናቃኟ ዶን ሳሙኤል ግን የአንድ ወገን ደጋፊ እና ከፋፋይ ናት ሲል ከሷል። ተሸናፊው ዶን ሳሙኤክ እ.ኤ.አ. በ2020 አንድ የቀድሞ የፖሊስ መኮንን ጥቁር ሰው የነበሩውን ጆርጅ ፍሎይድን በገደለበት በሚኒያፖሊስ እኔ ብመረጥ የህዝብ ደህንነት ጉዳዮች ላይ እሰራለሁ ሲል አፅንዖት ሰጥቷል። በሽንፈቱ ዶን ሳሙኤል በጣም ማዘኑን ገልጿል።  ባደረገው ቃለ ምልልሱ ላይ በግልጽ ከሆነ ገንዘብ በፖለቲካ ውስጥ ካሰብኩት በላይ አስፈላጊ ነው ብሏል። ከሶማሊያ በስደት ወደ አሜሪካ የመጣችው ኢልሃን ኦማር የምትከተለውን ፖለቲካ “ባለራዕይ፣ ደፋር እና ጮክ ያለ” ስትል ገልጻለች።

በአውራጃዋ ውስጥ ለማህበረሰብ ልማት የሚውል በሚሊዮን የሚቆጠር ዶላር የፌደራል ፈንድ እንደምታቀርብ ከድሏ በኃላ ተናግራለች። እንዲሁም በአውራጃው ለሚኖረው ከፍተኛ የስደተኛ ህዝብ በአብዛኛው ሱማሌዎችን ጨምሮ በከፊል ትላልቅ ባንኮች ሙስሊም የሆኑ ዜጎችን ያገላሉ የሚለውን ቅሬታ ለመመርመር ከፍተኛ ትኩረት እስጣለሁ ብላለች። ኢልሃን ኦማር በፀረ-አይሁዶች አስተያየት ከዚህ በፊት ከፍተኛ ትችት ገጥሟታል። በ 2023 የምክር ቤት ሪፐብሊካኖች ከውጭ ጉዳይ ኮሚቴ እንድትወጣ ድምፅ የሰጡ ሲሆን ምክንያታቸው ድፕግሞ በ 2019 በማህበራዊ ሚዲያ ልጥፍ ላይ ባጋራችው መልዕክት ነው። በመልዕክቱ የእስራኤል ደጋፊዎች ከመርህ ይልቅ በገንዘብ የተነሳሱ ናቸው ማለቷ ይታወሳል። ኢልሃም ኦመር ለዚህ ንግግሯ ይቅርታ በመጠየቅ መልዕክቱን አጥፍታለች።

በስምኦን ደረጄ
#ዳጉ_ጆርናል

በአሜሪካ በዘር ጥላቻ የተነሳ የሶስት ዓመቷን ህፃን በዋና ገንዳ ውስጥ ልታሰምጣት የሞከረችው ግለሰብ ክስ ተመሰረተባት

በዩናይትድ ስቴትስ ቴክሳስ የምትኖር አንዲት ሴት የሦስት ዓመቷን ፍልስጤማዊ አሜሪካዊት ልጅ ለማስመጥ ባደረገችው ሙከራ በፍርድ ቤት ክስ የተመሰረተባት ሲሆን ፖሊስ ድርጊቱ የዘር ጥላቻ መሆኑን ገልጿል።

የ42 ዓመቷ ኤልዛቤት ቮልፍ የተባለችው ተጠርጣሪ ላይ የተመሰረተው ክስ ከግድያ ሙከራ ባለፈ የጥላቻ ወንጀል ማሻሻያ ውስጥ ተካቷል ሲል የፍርድ ቤት መዛግብት ያሳያሉ። የተከሳሿ ወኪል አስተያየት እንዲሰጥ ማግኘት እንዳልቻለ የዘገበው አልጃዚራ ቮልፍ እድሜው ከ10 ዓመት በታች የሆነን ሰው በመግደል ሙከራ እና ሆን ብሎ በህፃን ላይ የአካል ጉዳት በማድረስ ወንጀል ተከሳሉች። ክሱ በጥላቻ ወንጀል ጥፋተኛ የሚላት ከሆነ ተከሳሿ ቮልፍ የቅጣቱን ክብደት ከፍ ሊያደርግባት ይችላል።

የፖሊስ ዘገባ እንደሚያመለክተው በግንቦት ወር ጥቃቱ የተፈፀመው በዳላስ ፎርት ዎርዝ በዩልስ ከተማ በሚገኝ የአንድ አፓርትመንት የመዋኛ ገንዳ ላይ ነው።በወቅቱ ተጠርጣሪው በውሃ ገንዳ ውስጥ የነበረችው የሶስት አመቷ ልጅ እናት ጋር በመቅረብ ከየት እንደመጡ ትጠይቃለች። ከዚያም ተጠርጣሪው የሶስት ዓመቷን ህጻን ውሃ ውስጥ ለማስመጥ ስትሞክር ሌላኛድ የስድስት አመት ወንድሟ ሊያተርፋት እንደሞከረ የፖሊስ ዘገባ ያስረዳል። እናትየው ልጇን ከውሃ ውስጥ ማውጣት መቻሏን ፖሊስ የገለፀ ሲሆን የአካባቢው የህክምና ባለሙያዎችም በቦታው ተገኝተው ለህፃናቶቹ የህክምና ድጋፍ ተደርጓል።

የአሜሪካ-ኢስላማዊ ግንኙነት ምክር ቤት እንዳስታወቀው ተከሳሿ ወደ ልጆቹ እናት በመቅረብ የዘረኝነት ድርጊት መፈፀሟን ወደ መዋኛ ገንዳው ጥልቀት ለመክተት መሞከሯን አጋርቷል።የሰብአዊ መብት ተሟጋቾች እስራኤል በጋዛ ላይ ጦርነት ከጀመረበት ጊዜ አንስቶ በፍልስጤም አሜሪካውያን፣ አረቦች እና አይሁዶች ላይ እየደረሰ ያለውን የጥላቻ ጥቃት ከፍተኛ ችግር ሊፈጥር እንደሚችል አስጠንቅቀዋል። በህዳር ወር መገባደጃ ላይ፣ በ20ዎቹ የእድሜ ክልል መጀመሪያ ላይ ያሉ ሶስት ፍልስጤማውያን ወንዶች በአሜሪካ ቨርሞንት በሚገኝ የዩኒቨርስቲ ካምፓስ አቅራቢያ በጥይት ተመትተው ሶስቱም መቁሰላቸው ይታወሳል።

በተመሳሳይ ከአንድ ወር በፊት አንድ የስድስት አመት ፍልስጤማዊ አሜሪካዊ ልጅ ኢሊኖ ውስጥ በስለት ተወግቶ መገደሉን የሰብዓዊ መብት ተሟጋቾች በማስታወስ የጥላቻ ድርጊት እየጨመረ ስለመምጣቱ አመላካች ተደርጎ ተወስዷል። ፖሊስ ህፃኑን በስለት ወግቶ ገድሎ እናቱን በከባድ የአካል ጉዳት በማድረስ የ71 አመት እድሜ ያላቸውን አዛውንት በቁጥጥር ስር በማዋል በግድያ እና በጥላቻ ወንጀል ክስ መስርቷል። እንደ ፖሊስ ገለጻ፣ አዛውንቱ ጥቃቱን ያደረሱት በጋዛ ውስጥ እየተካሄደ ባለው ጦርነት ድጋፋቸውን ለእስራኤል ለማሳየት ሲሉ ምላሽ የሰጡበት እንደሆነ አስታውቋል።

በስምኦን ደረጄ
#ዳጉ_ጆርናል

ኢትዮጵያ ከሶማሊላንድ ጋር ያደረገችውን የወደብ ስምምነት ከተገበረች ፤ ሶማሊያ በኢትዮጵያ ያሉ ታጣቂዎችን ትደግፈለች ሲሉ የሶማሊያ የዉጪ ጉዳይ ሚኒስትር ተነገሩ

ሶማሊያ የኢትዮጵያ አማጺያንን ልታስታጥቅ እንደምትችል አስጠነቀቀች፡፡
ኢትዮጵያ ባሳለፍነው ጥር ወር ላይ ከራስ ገዟ ሶማሊላንድ ጋር የወደብ ስምምነት ካደረገች በኋላ ከሶማሊያ ጋር ያላት ዲፕሎማሲያዊ ወዳጅነት ሻክሯል፡፡

የሶማሊያ ውጭ ጉዳይ ሚኒስትር አህመድ ሞዓሊም ፊኪ እንዳሉት ኢትዮጵያ ከሶማሊላንድ ጋር ያደረገችውን ስምምነት ከተገበረች የትጥቅ ትግል እያደረጉ ያሉ ኢትዮጵያዊያንን ታጣቂዎች ልንደግፍ እንችላለን ብለዋል፡፡

ሚኒስትሩ አክለውም “ስምምነቱ ከተተገበረ ታጣቂዎችን አልያም የኢትዮጵያን መንግስት ለመጣል የሚታገሉ አማጺያን ጋር ለመገናኘት እንሞክራለን” ብለዋል፡፡

“እስካሁን ታጣቂዎቹን ለማግኘት እየሞከርን አይደለም፣ ለችግሩ ሁሉ መፍትሄ ሊኖር እንደሚችል ተስፋ አለን” የሚሉት ሚኒስትሩ ኢትዮጵያ ስምምነቱን ወደ መተግበር ከገባች ግን አማጺያኑን መርዳት የምችልበት መንገድ ይኖራል ሲሉ መናገራቸውን ዳጉ ጆርናል ከቪኦኤ ዘገባ ተመልክቷል፡፡

በሰሜን ኢትዮጵያ ጦርነት ወቅት ህወሃትን ትረዱ ነበር? በሚል ለቀረበላቸው ጥያቄም “ተመካክረንበት ነበር፣ ነገር ግን እኛ ለሶማሊያ ፍላጎት ስንል ኢትዮጵያ እንድትበታተን አንፈልግም፣ ነገር ግን እነሱ ሶማሊያን ለመጉዳት ከገፉበት እኛም አማጺያንን ለመርዳት አማራጭ አለን“ ብለዋል፡፡

Via VOA
#ዳጉ_ጆርናል
ትለብሰው የላት…ትከናነበው አማራት

ደቡብ አፍሪካ እስራኤል በጋዛ የዘር ማጥፋት ወንጀል እየፈፀመች መሆኑን ለተባበሩት መንግስታት ድርጅት አዲስ ማስረጃ አቀረበች

ደቡብ አፍሪካ እስራኤል በተከበበችው የፍልስጤም ግዛት በጋዛ ሰርጥ የዘር ማጥፋት ወንጀል እየፈፀመች ነው የሚለውን ውንጀላ ለማጠናከር ለተባበሩት መንግስታት ድርጅት ከፍተኛ ፍርድ ቤት አዲስ ማስረጃ አቅርባለች፡፡

አዲሱ ማስረጃ እስራኤል “በጋዛ የሚኖሩ ፍልስጤማውያንን በማዉደም የዘር ማጥፋት ስምምነቱን በመጣስ፣ በተለያዩ አጥፊ መሳሪያዎች በመግደሏ፣ ሰብአዊ ርዳታ እንዳያገኙ በማድረግ” የሚያሳዩ አዳዲስ መረጃዎችን ያካትታል ሲሉ የደቡብ አፍሪካው ፕሬዝዳንት ሲረል ራማፎሳ ተናግረዋል።ማስረጃው የሚያሳየው የእስራኤል ድርጊት ፍልስጤማውያንን አካላዊ ውድመት ላይ ያነጣጠረ እንዲሁም በአለም አቀፍ የፍትህ ፍርድ ቤት የተሰጠዉን ዉሳኔ “ቸል በማለት እና በመቃወም” ላይ ያነጣጠረ መሆኑን ተናግረዋል፡፡

እስራኤል “ረሃብን እንደ ጦርነት መሳሪያ እና የእስራኤል አላማን ለማሳካት በጅምላ ሞት እና ፍልስጤማውያንን በግዳጅ በማፈናቀል የጋዛን ህዝብ ለማራቆት እየተጠቀመች ነው” ሲል ከ750 ገፆች በላይ በዝርዝር የቀረቡትን ማስረጃዎች በማጣቀስ ቀርቧል፡፡የአዳዲስ ማስረጃዎች ምንነት ለህዝብ ይፋ ላይሆን ይችላል ብሏል።እስራኤል በጋዛ የዜጎችን ግድያ እያጠናከረች ባለችበት በዚህ ወቅት  “በሊባኖስ ተመሳሳይ የጥፋት መንገድ ለመከተል ያሰበች ይመስላል” ሲሉ ራማፎሳ ማስረጃን መመዝገብ ያስፈልጋል ሲሉ ተደምጠዋል፡፡

እስራኤል ለአዲሱ ማስረጃ በሚቀጥለው አመት ሀምሌ 28 ምላሹን ማቅረብ አለባት።ደቡብ አፍሪካ በ2023 መጨረሻ ላይ በሄግ በሚገኘው ፍርድ ቤት በእስራኤል ላይ የዘር ማጥፋት ወንጀል ክስ መስርታ፣ ካለፈው ጥቅምት ወር ጀምሮ ጋዛን ያለ እረፍት መደብደቧን አስታዉቃለች፡፡ቱርኪዬ፣ ኒካራጓ፣ ፍልስጤም፣ ስፔን፣ ሜክሲኮ፣ ሊቢያ እና ኮሎምቢያን ጨምሮ በርካታ ሀገራት በጥር ወር የክስ ሂደቱን ተቀላቅለዋል።

በግንቦት ወር ከፍተኛው ፍርድ ቤት እስራኤል በደቡባዊ ጋዛ ራፋህ ከተማ የምታደርገውን ጥቃት እንድታቆም አዟል። ከጥቅምት 7 ቀን 2023 ጀምሮ ወደ 43,000 የሚጠጉ ፍልስጤማውያን በተለይም ህጻናት እና ሴቶች የተገደሉ ሲሆን 100,000 በላይ የሚሆኑት ደግሞ ቆስለዋል፡፡እስራኤል የዘር ማጥፋት ቅስቀሳዎችን እራሷን ለመከላከል የምትወስደዉ እርምጃ አስመስላ አቅርባለች ሲሉ ራማፎሳ ተናግረዋል። አለም አቀፉ ማህበረሰብ በጋዛ እየደረሰ ያለውን አደጋ ለማስቆም  ፣ጥፋቱ እና ስቃዩ ሊቀጥል በርካታ የተባበሩት መንግስታት አካላት እርምጃዎች እና ጣልቃገብነቶች ቢኖሩም እስራኤል አለም አቀፍ ግዴታዎችን ባለመወጣት ነዉ ሲሉ አክለዋል፡፡

በስምኦን ደረጄ
#ዳጉ_ጆርናል