أصدقاء البناء المنهجي الكرام ..

نقول لكم:

ترقبونا بعد شهرين -بحول الله- 😍

إنطلاقة التسجيل في الدفعة الثالثة ومفاجآت أخرى ✨

#البناء_المنهجي

🔺منشور تعريفي "لبرنامج البناء المنهجي" مهم🔺

تعريف بأقسام البرنامج ونظامه العام:

ينقسم برنامج (البناء المنهجي) إلى قسمين أساسيين ومسار ثالث موازٍ؛ على النحو التالي:

1⃣ قسم شرعي: وهو مخصص لدراسة الفنون الشرعية الستة التالية:
-الحديث
-الفقه
-الأصول
-العقيدة
-علوم القرآن
-اللغة العربية

▪️يُدرَس هذا القسم بتدرج ومنهجية عبر ثلاثة مستويات معنونة بمايلي:

▫️المستوى (١): التأصيل
▫️المستوى (٢): البناء
▫️المستوى (٣): التمكين

▪️كل مستوى ندرس فيه الفنون الستة نفسها ولكن بدرجة أرقى في كل مستوى عن سابقه.
▪️كل مستوى منها مقسم إلى عدة مراحل تُدرس بشكل متتالي.
▪️المواد المقررة في هذا القسم هي لمتخصصين في كل فن من هذه الفنون، فستمرون في مسيرتكم على أسماء كثيرة متخصصة في مجالاتها بإذن الله تعالى.
▫️والفقه يتم تدريسه على المذاهب الأربعة

2⃣ قسم ثقافي: وهو مخصص لبناء الثقافة الإسلامية والفكرية اللازمة لطالب العلم حتى يسد الفراغات ويمتلك الأدوات ويفهم المشكلات.

▪️يسير هذا القسم بالتوازي مع القسم الشرعي، وتغلب عليه الكتب -فيما يغلب على القسم الشرعي المحاضرات-
ويتناول الموضوعات التالية:
-الإيمان والتزكية.
-السيرة والتاريخ
-الأدب
-الفكر
-الثقافة الإسلامية
-فقه الواقع
-التراجم
وغير ذلك

🔺وكلا القسمين بإذن الله سيأتيانكم في جدول منظم مرتب مقسم على الأيام والأسابيع قريبًا بإذن الله.

3️⃣المسار الموازي: مسار حفظ القرآن الكريم.

▫️من أعظم ثمرات البرنامج أنه يتيح لك فرصة حفظ القرآن ((كاملا)) خلال سنواته الأربع، ويوفر لكم معلمين ومعلمات يتابعون هذا السير.

▫️كان الحفظ إلزاميا في الدفعة الأولى على الجميع وأما في هذه الدفعة فقد ألغينا الإلزام خلال المستوى الأول، وسيبدأ الإلزام بالحد الأدنى من الحفظ ابتداء من المستوى الثاني إن شاء الله -أي بعد سنة وعدة أشهر من البدء-.
▫️سيتاح خيار الدخول في مسار الحفظ من البداية إما في قسم حفظ القران كاملا أو قسم حفظ عدة أجزاء، وسننشر لكم حينها كل شيء وكيف تختارون.

🔺للتذكير:
نحن الآن في مرحلة ما قبل البدء، وحين نبدأ فسيأتيكم كل شيء:
مرتباً
مبيناً
مجدولاً
معنوناً
واضحاً
مفصلاً
مؤرخاً
مقسماً
ممرحلاً.. بإذن الله تعالى فلا تقلقوا.

منقول

https://t.me/BinaaManhaji/14

السنة الفاتت زي الوقت ده
رسلت لي صحبتي رابط تسجيل، قالت لي صفِيَّة سجلي هنا سريع
ده شنو..؟ كدي سجلي أول بعدَّاك بنتفاهم
أها أبيت اسجل بدون تورّيني، والرابط قفل
بعد أيام الناس دقت جرس، قامو فتحوه تاني وأنا ما شغالة بالموضوع كتير واعتبرتو زي اي تريند والناس قايمة وهايجة فيو
جاتني صاحبتي تاني، عايني الرابط فتح سجلي وما ح تندمي قلت ليك
قمت بي إلحاح منها سجَّلت في البرنامج الأنا ما عارفاو شنو ده!
وقَد كان مصداقًا لقولِ اللَّهِ "إنَّا فتحنا لكَ فتحًا مُبينا" ❤️
وسبحان الله برنامج البناء المنهجي كان تزامُنًا مع تاريخ دخولي للمعسكر وبدايتي في مشوار الحفظ
وده السبب اللي خلَّا حياتي تتقلب فوق تحت أو بالأصح = تتعَدِل فوق تحت ❤️

أنا طول حياتي زولة ساي لافَّة مع خلق الله ما عارفة روحي دايرة شنو ودايراهو متين وليه؟
أها سبحان الله
الفترة ديك أنا مرّيت بي ابتلاءات كتيرة وكلها يا مع بعض يا ورا بعض، بسم الله ما شاء الله!
قدَّر الله إنو في البناء كان وقتها المُقرر الإثرائي حلقات سلسلة "سويَّة المؤمن" ومن بعدها بقيت براي بكابِس في باقي مواد أستاذ أحمد السيد ومن سلسلة لي سلسلة كأني متابعة فيلم طويل أو مسلسل، لا ملل ولا كلل
حتى النِت بقيت ما شايلة همُّو، الباقة تنتهي نفعّل جركانة وهكذا .. 🤣❤️
رحلتي مع البناء هي رحلة طالب بقرا قبل الامتحان بي يوم
لكن أثر البناء كان واضح في شخصيتي بي صورة كبيرة الحمدلله حتى وأنا طالبة علم ما مجتهدة، فما بالكم بالمجتهدين والنُّجباء؟!

البناء هوَ كما اسمه تمامًا = بناء
من تحت الصفر زاتو!
حاجة ما بتتوَصِف إلا تعيش التجربة
ورغم إنو يادوب مشينا سنة، ورغم إني ما درست كل المواد
إلا اني اقول ليكم
وقت ابتلاءاتي = ماف شي رفعني وخلَّاني أقدر أقوم على حيلي زي القُرآن والبناء

وقت الشتات = ماف شي وجَّهني وورَّاني الطريق زي البناء المنهجي

وقت التعب، والجِّرسة من تفاصيل الحياة المُرهقة = ماف شي كان بخفف عني ويشد من همّتي زي المواد الصوتية الفي البناء المنهجي

وقت غسيل العدَّة ياخوَانَّا 😂
أستاذ أحمد ما عارفني إني غسلتَ العدة بي صوتيات البناء فما تكلّموه..! 😂❤️

لربَّما أنا ما درست كل المواد، وقطعًا كان النقلة بالنسبة لي حتكون كبيرة لو كنتَ ملتزمة بالبرنامج زي ما هو أو على الأقل قدر لا بأس به
لكن
حتى القليل ده.. حتى الممكن يكون ما بجيب ولا 10٪ من حصيلة مواد البناء
إلا إني ممتنة كل الامتنان لما قدَّمهُ لِيَ البناء المنهجي
واسأل الله إني أكون من اليوم ولي قِدَّام طالبة علم زي أولاد الناس

النصيحة الأبدية لي كل زول بقرا في المنشور ده أو يوصلو كلامي ده =
أيًا كانت برامجك وخططك ومواضيعك، أيًا كان وضعك النفسي أو الديني أو أي شي
شفتا لو قالو ليك ح تموت بكرة الصباح
الليلة المساء سجِّل في البناء!

وحا تجي بعد كم شهر بس تقول إنك ما نفس الزول الدَّخلت البناء!
واسألوا الله التوفيق والسداد في كل خطواتكم لي ربنا ❤️
شِدُّوا الهمَّة يا شبابَ هذي الأمة، قَد يكونُ الدَّربُ صعبًا لا تمِيلوا❤️

وشُكرًا
وعفوًا
#صفِيّة_مُصطفى
#البناء_المنهجي
#تجارب_البناء_المنهجي_السودان

اليوم الساعة ٥:٠٠ مساء سيفتتح التسجيل في #البناء_المنهجي الدفعة الرابعة بإذن الله تعالى، ونسأله سبحانه التوفيق.

الواحد كان مخطط إنو حدث زي ده يقعُد ويكتب ليو بي روَاق لكن قدر الله

قبل حوالي تلاتة سنوات كده
حياتي اتغيرت من زولة عندها بلاي لست في التلفون اسمها "غسيل العدة" كلها عبارة عن أغاني
لي واحدة بتنتَظر متين تقيف في حوض العدة عشان تفتح بلاي لست جديد تمامًا اسمو "تسجيلات شيخ أحمد السيد" ..وللهِ الحمد♥️
تسجيل ورا التاني
وسلسلة ورا التانية

الإنسان وجد في تغيير نفسو، وإنشراح في صدرو، وبلاغة في كَلِماتو، واِنتِقَاء عالي على مستوى العلاقات ابتداءً من "بتتابع منو وتقرا لي منو" وانتهاءً بالأصحاب

واسأل أي زول دخل في برنامج #البناء_المنهجي
لو حضر دروس بالعدد منو وما كمَّل دراستو
ح يقول ليك التغيير الملحوظ اللي حسَّا بيهو هو في نفسو

أنا أي زول لقيتو ثابت في عز المِحَن المارّين بيها دي
اكتشفت إنو يا إما علاقتو بالقرآن اتحسَّنت، يا إما داخل في واحد من برامج شيخ أحمد السيد المعرفِيَّة دي وأشهرها البناء المنهجي

زمان قرّونا في المدرسة "طلبُ العِلمِ فريضة على كل مسلم"
وخصوصاً في زمننا ده
لو ما اتعلَّمتا عشان تنفع نفسك وغيرك
فحسبُك بس إنك تتعلم عشان ترفع الجهل عن نفسك وعشان الخَم والسُّواقة الزمن ده بقو يلاقوك في أي ملف!

لو باقي ليك في عُمرَك ساعة بَس
سجّل فيها في البناء المنهجي وما حا تندم

وبالمناسبة
التسجيل بقفل بكرة

وختامًا..
لا وقتَ للانهيار
اغرس فسيلتك وأنتَ تبكي😁♥️ ..

نتلاقى في البناء يا شباب، الرابط في أول تعليق🥳

#البناء_المنهجي
#تجارب_البناء_المنهجي_السودان
#صفية_مصطفى