🇷🇺 Skulptura "Mëmëdheu na thërret” është elementi më i famshëm i kompleksit memorial "Për Heronjtë e Betejës së Stalingradit", i cili ndodhet mbi kodrën #Mamaev #Kurgan në qytetin e #Volgogradit. Ajo është statuja më e lartë në Rusi dhe Evropë dhe një prej statujave më të larta në tërë botën.

Vepra e skulptorit Evgenij #Vuçetiç dhe inxhinierit Nikollaj Nikitin është në fakt një figurë e një gruaje, që bën një hap përpara me një shpatë të ngritur lart në dorën e djathtë. Statuja është një imazh alegorik i Mëmëdheut, e cila është duke thirrur bijtë e saj për të luftuar kundër armikut. Ndërtimi i monumentit filloi në maj 1959 dhe përfundoi në 15 tetor 1967.

Beteja e #Stalingradit filloi më 17 korrik 1942 dhe përfundoi më 2 shkurt 1943. Rezultati i saj ishte shpartallimi i ushtrisë gjermane. Kjo fitore e Ushtrisë së Kuqe shënoi fillimin e "kthesës rrënjësore" jo vetëm për Luftën e Madhe Patriotike, por edhe Luftën e Dytë Botërore.

#Victory78 #9may #Победа78 #9мая #VictoryDay #LuftaeMadhePatriotike #Rusia #2WW #деньпобеды78