ប្រិយមិត្តជាទីមេត្រី! តើដំណើរ ស្វែងរកការពិត របស់ អ្នករាយការណ៍ ពិសេស អង្គការ សហប្រជាជាតិ អាច ធ្វើឱ្យ ស្ថានភាព សិទ្ធិមនុស្ស និង សិទ្ធិនយោបាយ នៅ កម្ពុជា មាន ការ ប្រែប្រួល ឬទេ?
តើនឹងមានអ្វីប្រែប្រួលក្រោយពីលោកបានជួបជាមួយភាគីពាក់ព័ន្ធ?

អ្នករាយការណ៍ ពិសេស អង្គការ សហប្រជាជាតិ ទទួល បន្ទុក សិទ្ធិមនុស្ស នៅ កម្ពុជា លោក វិទិត មុនតាប៉ន (Vitit Muntarbhorn) បានបញ្ចប់ ដំណើរ ទស្សនកិច្ច ស្វែងរក ការ ពិត ពី ស្ថានភាព សិទ្ធិមនុស្ស នៅ កម្ពុជា រយៈ ពេល ១១ថ្ងៃ កាល ពី ពេល ថ្មីៗនេះ។ លោក បាន ថ្លែង នៅ ក្នុង សន្និសីទ កាសែត មុន ពេល បិទបញ្ចប់ ដំណើរ ស្វែងរក ការ ពិត នេះ ដោយ បន្ត ជំរុញ រដ្ឋាភិបាល ឱ្យ ធ្វើ កំណែ ទម្រង់ ប្រព័ន្ធ យុត្តិធម៌ និង ដោះ លែង អ្នក ជាប់ ឃុំ នយោបាយ ទាំង អស់។ សង្គម ស៊ីវិល ថា បញ្ហា លើក ឡើង នេះ មិន មែន ជា រឿង ថ្មី ទេ។ លោក វិទិត មុនតាប៊ន លើក ឡើង ក្នុង សេចក្ដី ថ្លែង ការណ៍ ថា ប្រព័ន្ធ យុត្តិធម៌ នៅ កម្ពុជា មិន ទាន់ មាន ភាព ឯករាជ្យ នៅ ឡើយ ទេ ដោយសារ ខ្វះ ភ្នាក់ងារ អនុវត្ត ច្បាប់ ប្រកប ដោយ គុណភាព និង ប្រសិទ្ធភាព ក្នុង ដំណើរ ការ សម្រេច ក្ដី នានា។
រូប៖ CCHR/Facebook
#RFAKhmer #Cambodia #HumanRights #politics #HunSen #UN