នាយករដ្ឋមន្រ្ដី​វ័យក្មេង​របស់​កាណាដា​លោក ចាស់ស្ទីន ត្រូដូ (Justin Trudeau) បាន​អញ្ជើញ​មក​ដល់​ប្រទេស​កម្ពុជា​ហើយ នៅរសៀលថ្ងៃសៅរ៍ ទី១២ ខែវិច្ឆិកា ដើម្បី​ចូលរួម​កិច្ចប្រជុំ​កំពូល​អាស៊ាន​លើកទី៤០-៤១ និង​កិច្ចប្រជុំ​កំពូល​ពាក់ព័ន្ធ​នៅ​រាជធានី​ភ្នំពេញ។
គិតត្រឹមរសៀលថ្ងៃសៅរ៍នេះ បណ្តាមេដឹកនាំពិភពលោក បាន​ធ្វើដំណើរ​មក​ដល់​ប្រទេសកម្ពុជា​ជាបន្តបន្ទាប់​ក្នុងនោះ​រួមមាន ប្រធានាធិបតី​អាមេរិក​លោក ចូ បៃឌិន (Joe Biden), នាយករដ្ឋមន្ត្រី​ជប៉ុន​លោក ហ្វូមីអូ គីស៊ីដា (KISHIDA Fumio), នាយករដ្ឋមន្រ្ដីអូស្រ្ដាលី​លោក អែនតូនី អ៊ាល់បាន (Anthony Albanese), អនុប្រធានាធិបតី​នៃ​សាធារណរដ្ឋ​ឥណ្ឌា​លោក ចាឌីប ដាំងខា (Jagdeep Dhankhar), អគ្គលេខាធិការ​នៃ​អង្គការ​សហប្រជាជាតិ​លោក អង់តូនីញូ គូទែរ៉េស (António Guterres), ប្រធានាធិបតី​កូរ៉េខាងត្បូង​លោក យន្ត ស៊ុកយ៉ុល (Yoon Suk Yeol), នាយករដ្ឋមន្រ្ដីចិន​លោក លី ខឺឈាង (Li Keqiang) និងរដ្ឋមន្ត្រីការបរទេសរុស្ស៊ី​លោក សឺហ្គៃ ឡារូវ (Sergei Lavrov) ជាដើម។
រូបភាព៖ Reuter, ASEANCambodia
#RFAKhmer #Cambodia #ASEAN2022 #ASEANCambodia #ASEANSummits #USA #JoeBiden #SouthKorea #India #Australia #Russia #Japan #China #UN

លោក ចូ បៃឌិន (Joe Biden) ប្រធានាធិបតី​អាមេរិក​បានជួប​ប្រជុំ​ទ្វេរភាគី​ជាមួយ​លោកនាយករដ្ឋមន្ត្រី ហ៊ុន សែន នៅល្ងាច​ថ្ងៃសៅរ៍ ទី១២ ខែវិច្ឆិកានេះ។
សេចក្តី​ប្រកាស​ព័ត៌មាន​របស់​សេតវិមាន (White House) កន្លងមកបានឱ្យដឹងថា លោក Biden ​នឹង​បញ្ជាក់​ជា​ថ្មី​អំពី​ការ​ប្តេជ្ញា​ឥត​ងាករេ​របស់​សហរដ្ឋ​អាមេរិក​ទៅ​កាន់​តំបន់​អាស៊ីអាគ្នេយ៍ ​និង​មជ្ឈភាព​អាស៊ាន ព្រមទាំងបញ្ជាក់និងពិនិត្យឡើងវិញ​នូវ​ភាព​ជោគជ័យ​ដែល​បាន​មក​ពី​កិច្ច​ប្រជុំ​ពិសេស​ជា​ប្រវត្តិ​សាស្រ្ត​រវាង​អាមេរិក​និង​អាស៊ាន​នៅ​រដ្ឋធានី​វ៉ាស៊ីនតោន​ កាល​ពីខែ​ឧសភា​កន្លងទៅ។
រូបភាព៖ AP
#RFAKhmer #Cambodia #ASEAN2022 #ASEANCambodia #ASEANSummits #USA #JoeBiden #SouthKorea #India #Australia #Russia #Japan #China #UN

កម្ពុជា​ក្នុងនាម​ជា​ប្រធាន​ប្តូរវេន​អាស៊ាន (ASEAN) បាន​រៀបចំ​ពិធីលៀង សាយភោជន៍​នៅ​រាត្រី​ថ្ងៃទី១២ ខែវិច្ឆិកា​ម្សិលមិញ​នេះ ជូន​ដល់​ប្រមុខរដ្ឋ​/​ប្រមុខ​រដ្ឋាភិបាល​ថ្នាក់​ដឹកនាំ​អាស៊ាន និង​មេដឹកនាំ​ពិភពលោក​ដែល​បាន​អញ្ជើញ​ចូលរួម​ក្នុង​កិច្ចប្រជុំ​កំពូល​អាស៊ានលើកទី៤០,៤១ និង​កិច្ចប្រជុំ​ពាក់ព័ន្ធ​នានា។ ពិធី​លៀងសាយភោជន៍​នេះ រៀបចំ​ធ្វើឡើង​នៅ​មជ្ឈមណ្ឌល​ពាណិជ្ជកម្ម និង​ពិព័ណ៌​ជ្រោយ​ចង្វារ (OCIC)។
រូបភាព៖ Reuters
#RFAKhmer #Cambodia #ASEAN2022 #ASEANCambodia #ASEANSummits #USA #JoeBiden #SouthKorea #India #Australia #Russia #Japan #China #UN

ព័ត៌មានដែលគេចូលមើលច្រើនជាងគេក្នុងសប្តាហ៍នេះ៖ «លោក ចូ បៃឌិន លើក​ពី​កង្វល់​មូលដ្ឋាន​ទ័ព​ជើង​ទឹក​រាម និង​ជំរុញ​បើក​លំហ​សេរីភាព​ពលរដ្ឋ និង​នយោបាយ​មុន​បោះឆ្នោត»។
តើហេតុអ្វីបានជារឿងនេះ មានគេចូលមើលច្រើនជាងគេក្នុងសប្តាហ៍នេះ?
តើរឿងនេះមានអ្វីគួរឱ្យចាប់អារម្មណ៍?
រូបភាព៖ AP

👉 អានព័ត៌មានឡើងវិញ

#RFAKhmer #Cambodia #HumanRights #Democrasy #ASEAN2022 #ASEANCambodia #ASEANSummits #USA #JoeBiden #SouthKorea #India #Australia #Russia #Japan #China #UN

ប្រធានាធិបតីអាមេរិកលោក ចូ បៃឌិន (Joe Biden) បានចាកចេញពីប្រទេសកម្ពុជា ហើយ​តាមរយៈ​យន្តហោះ​ពិសេស Air Force One បន្ទាប់ពីលោកបានចូលរួមកិច្ចប្រជុំកំពូលអាស៊ាន-អាមេរិក និងកិច្ចប្រជុំកំពូលអាស៊ីបូព៌ានៅភ្នំពេញ។ លោកនឹងបន្តដំណើរទៅកាន់ប្រទេសឥណ្ឌូនេស៊ី ដើម្បីចូលរួមកិច្ចប្រជុំកំពូល G20 នៅកោះបាលី។
រូបភាព៖ AFP
#RFAKhmer #Cambodia #HumanRights #Democrasy #ASEAN2022 #ASEANCambodia #ASEANSummits #USA #JoeBiden #SouthKorea #India #Australia #Russia #Japan #China #UN

កម្ពុជា និង​សហរដ្ឋ​អាមេរិក បន្ត​ប្ដេជ្ញា​ចិត្ត​ពង្រឹង​កិច្ច​សហ​ប្រតិបត្តិ​ការ​អនុវត្ត​ច្បាប់​ប្រយុទ្ធ​ប្រឆាំង​នឹង​អំពើ​ជួញដូរ​មនុស្ស និង​ឧក្រិដ្ឋកម្ម​ឆ្លង​ដែន។ មន្ត្រី​សង្គម​ស៊ីវិល យល់ថា នេះ​ជា​សញ្ញា​ល្អ​បន្ថែម​ទៀត​ដែល​កម្ពុជា​នឹង​ទទួល​បាន​យុទ្ធ​សាស្ត្រ​បង្ក្រាប​ក្រុម​ឧក្រិដ្ឋ​ជន និង​អនុវត្ត​ច្បាប់​ឱ្យ​មាន​ប្រសិទ្ធិ​ភាព។

👉 អានព័ត៌មានពិស្តារ...

#RFAKhmer #Cambodia #ASEAN2022 #ASEANCambodia #ASEANSummits #USA #JoeBiden #SouthKorea #India #Australia #Russia #Japan #China #UN