#កម្រងរូបភាព​៖ ក្រុមប្រជាកសិករជាង ២០០នាក់ នៅព្រឹកថ្ងៃទី២២ ខែឧសភា នាំគ្នាធ្វើដំណើរចេញពីវត្តសាមគ្គីរង្សី ដើម្បីបន្តទៅប្រមូលផ្ដុំគ្នា នៅខាងក្រៅរបងក្រសួងមហាផ្ទៃ ក្នុងរាជធានីភ្នំពេញ ទាមទារឱ្យសមត្ថកិច្ចដោះលែងលោក ថេង សាវឿន និង និងសហការីរបស់លោកពីរនាក់ទៀត គឺលោក ញិល ភាព និងលោក ថាន់ ហាច។ ក្រុមអ្នកតវ៉ា ភាគច្រើនជាប្រជាសហគមន៍ ដែលមានជម្លោះដីធ្លីមកពីខេត្តកំពង់ស្ពឺ កោះកុង និងខេត្តផ្សេងៗ ទៀត អះអាងថា សមាគមសម្ព័ន្ធសហគមន៍កសិករកម្ពុជា មិនបានបង្រៀនកសិករពីបដិវត្តផ្ដួលរំលំរដ្ឋាភិបាល ដូចការចោទប្រកាន់របស់ក្រសួងមហាផ្ទៃនោះឡើយ។ ពួកគេបន្តថា សមាគមបង្រៀនកសិករតែពីមេរៀនកសិកម្ម និងសិទ្ធិក្នុងការទាមទារដីធ្លីរបស់ខ្លួនវិញតែប៉ុណ្ណោះ។ គិតមកដល់ថ្ងៃទី២២ ខែឧសភា អស់រយៈពេល៥ ថ្ងៃ ហើយ ដែលអាជ្ញាធរខេត្តក្រចេះចាប់ខ្លួនប្រធាន និងមន្ត្រី នៃសមាគមសម្ព័ន្ធសហគមន៍កសិករកម្ពុជា និងបញ្ចូនទៅសាកសួរនៅតុលាការខេត្តរតនគិរី។
---
#RFAKhmer #Cambodia #Humanrights #ThengSavoeun #ThanHach #NhelPheap #CCFCCambodia #Land

#កម្រងរូបភាព​៖ ក្រុម​ប្រជាកសិករ​ជាង​ ​២​០​០​ ​នាក់​ ​មកពី​តាម​បណ្ដា​ខេត្ត​ផ្សេងៗ​ ​គ្នា​ ​នៅ​រសៀល​ថ្ងៃ​ទី​ ​២​៣​ ​ខែ​ឧសភា​ ​បាន​ធ្វើដំណើរ​ដោយ​ថ្មើ​ជើង​ចេញពី​ក្រសួងមហាផ្ទៃ​ ​ឆ្ពោះទៅ​ក្រសួងយុត្តិធម៌​ ​ដើម្បី​ដាក់​ញត្តិ​ស្វែងរក​កិច្ច​អន្តរាគមន៍​ឱ្យ​សមត្ថកិច្ច​ខេត្ត​រតនគិរី​ដោះលែង​ថ្នាក់​ដឹកនាំ​សមាគម​ស​ម្ព័ន្ធ​សហគមន៍​កសិករ​កម្ពុជា​ទាំង​បី​នាក់​មាន​សេរីភាព​វិញ​។​ ​ក្នុង​ពេល​ធ្វើដំណើរ​ឆ្លងកាត់​នៅ​តាម​ដង​ផ្លូវ​នានា​ក្នុង​រាជធានី​ភ្នំពេញ​ ​ក្រុម​ប្រជាកសិករ​ទាំងនោះ​ ​បាន​លើក​បដា​ដែល​មាន​ពាក្យ​ថា​ ​ដោះលែង​លោក​ ថេ​ង​ ​សាវឿន​ ​លោក​ ញិ​ល​ ​ភាព​ ​និង​លោក​ ​ថា​ន់ ​ហា​ច​ ​អម​ដោយ​រូបថត​របស់​ពួកគេ​ទាំង​បី​នាក់​ ​និង​ ​ស្រែក​ទាមទារ​ឱ្យ​សមត្ថកិច្ច​ដោះលែង​ពួកគេ​ ​ដោយ​ឥត​លក្ខខណ្ឌ​។​​ ​ ​
---
#RFAKhmer #Cambodia #Humanrights #ThengSavoeun #ThanHach #NhelPheap #CCFCCambodia #Land

#កម្រងរូបភាព៖ ក្រុមប្រជាកសិករមក​ពី​តាម​បណ្ដា​ខេត្ត បន្ត​ប្រមូលផ្ដុំ​គ្នា​នៅ​ក្រសួង​មហាផ្ទៃ នៅ​ថ្ងៃ​ទី ​២៦ ​ឧសភា ដើម្បី​ទាមទារ​ឱ្យ​ដោះលែង​ប្រធាន​សមាគម​សម្ព័ន្ធ​សហគមន៍​កសិករ​កម្ពុជា (CCFC) លោក ថេង សាវឿន និង​សហការី​របស់​លោក​ទាំង​ពីរ​នាក់ ឱ្យ​មាន​សេរីភាព​វិញ​។ ​ក្រុមប្រជាកសិករអះអាងថា អាជ្ញាធរមូលដ្ឋាន បាន​ដាក់ពង្រាយ​កម្លាំង​សមត្ថកិច្ច នៅ​តាម​ផ្ទះ​របស់​ពលរដ្ឋ និង​ស្ទាក់​នៅ​តាម​ផ្លូវ ដើម្បី​រារាំង​ និងគំរាមកំហែង​មិន​ឱ្យ​ក្រុម​ពលរដ្ឋ​ផ្សេង​ទៀត ធ្វើ​ដំណើរ​មក​ទីក្រុង​ភ្នំពេញ ដើម្បីប្តូរវេនគ្នា​ចូលរួម​ការ​តវ៉ា​នេះ​។
---
#RFAKhmer #Cambodia #Humanrights #ThengSavoeun #ThanHach #NhelPheap #CCFC #CCFCCambodia #LandConflict #PheasantRevolution