ពលរដ្ឋខ្មែររស់នៅប្រទេសអូស្ត្រាលីរាប់រយនាក់ កាលពីថ្ងៃអាទិត្យ ទី១៦ កក្កដា បានជួបជុំគ្នាតវ៉ាទ្រង់ទ្រាយធំប្រឆាំងនឹងការបោះឆ្នោតជ្រើសរើសតំណាងរាស្ត្រ២០២៣ ដែលពួកគេចោទថា ជាការបោះឆ្នោតក្លែងក្លាយ និងបង្គ្រប់កិច្ចតាមការចង់បានរបស់លោក ហ៊ុន សែន ។ លើសពីនេះ ពួកគាត់ បានធ្វើរូបទីងមោងលោក ហ៊ុន សែន និងក្ដារមឈូសដាក់រូបលោក ហ៊ុន សែន ដែលពួកគេចាត់ទុកថា ជាអ្នកសម្លាប់ប្រជាធិបតេយ្យនៅកម្ពុជា និងជាមេដឹកនាំផ្ដាច់ការ។ ក្រុមអ្នកតវ៉ា ក៏ទាមទារលែងឱ្យដោះលែងអ្នកទោសមនសិការដែលកំពុងជាប់ឃុំដោយអយុត្តិធម៌ មានដូចជា ប្រធានគណបក្សសង្គោះជាតិលោក កឹម សុខា អនុប្រធានគណបក្សភ្លើងទៀន លោក ថាច់ សេដ្ឋា មេធាវីសញ្ជាតិអាមេរិក និងជាអ្នកការពារសិទ្ធិមនុស្សដ៏ឆ្នើមនៅកម្ពុជា កញ្ញា សេង ធារី និងកញ្ញា ឈឹម ស៊ីថរ ជាដើម។
#RFAKhmer #Cambodia #HunSen #ElectionKH2023 #ElectionCampaign #ShamElection #CNRP #Protest #CNRP #CandlelightParty #CLP #Democracy #HumanRights #TakMengHeang #HongLim #MenVanna #SimSovandy
---
👉 ទស្សនាវីដេអូ សូមចុចនៅត្រង់នេះ៖