ប្រធាន រដ្ឋសភា អាមេរិក អ្នកស្រី ណេនស៊ី ផេឡូស៊ី (Nancy Pelosi) បានចាកចេញពីកោះតៃវ៉ាន់ ហើយ នៅរសៀលថ្ងៃទី៣ ខែសីហានេះ។ ដូចការគ្រោងទុក ប្រធាន រដ្ឋសភា អាមេរិក អ្នកស្រី ណេនស៊ី ផេឡូស៊ី (Nancy Pelosi) បានធ្វើដំណើរ ទៅដល់ កោះ តៃវ៉ាន់ (Taiwan) ហើយ កាលពីយប់មិញនេះ បើទោះបីជាប្រទេសចិន បានព្រមាន យ៉ាង ណាក្តី។ អ្នកស្រីបាន ស្នាក់នៅ ទីនោះ រយៈពេល មួយ យប់ ហើយ បាន ជួប ជា មួយ មន្ត្រី រដ្ឋាភិបាល កោះ តៃវ៉ាន់ នៅ ថ្ងៃ ពុធ នេះ មុននឹង ធ្វើដំណើរ ទៅកាន់ ប្រទេស ដទៃទៀត ក្នុង តំបន់ ឥណ្ឌូ-ប៉ាស៊ីហ្វិក។
រូបភាព៖ AP
#RFAKhmer #politics #world #USA #China #taiwan

ប្រិយមិត្តជាទីមេត្រី!
តើកម្ពុជាគួរប្រកាន់ជំហរបែបណាដើម្បីបញ្ចៀសពីហានិភ័យនៃការធ្លាក់ចូលក្នុងអន្ទាក់ជម្លោះភូមិសាស្ត្រនយោបាយ ប្រសិនបើចិនសម្រេចលើកទ័ពឈ្លានពានដណ្តើមយកអធិបតេយ្យរបស់ កោះតៃវ៉ាន់មកគ្រប់គ្រង នាពេលខាងមុខនេះ?
ប្រទេសចិនកុម្មុយនិស្តបានប្រកាសបន្តធ្វើសមយុទ្ធយោធាដោយគ្មានកាលកំណត់បញ្ចប់ ដោយ ផ្តោត លើការប្រឆាំងនឹងនាវាមុជទឹក ក្រោយពីបានបញ្ចប់សមយុទ្ធយោធារយៈពេល៤ថ្ងៃកន្លង ទៅ ភ្លាមៗ ក្រោយដំណើរទស្សនកិច្ចរបស់ប្រធានរដ្ឋសភាអាមេរិកអ្នកស្រី ណេនស៊ី ផេឡូស៊ី (Nancy Pelosi) ទៅកោះតៃវ៉ាន់ ដែលស្មើនឹងការបិទខ្ទប់ចរាចរណ៍តាមផ្លូវសមុទ្រ និងអាកាសនៅ កោះតៃវ៉ាន់។ ការបន្តធ្វើសមយុទ្ធយោធារបស់ចិននេះ កំពុងធ្វើឱ្យសភាពការណ៍នៅតំបន់ច្រកសមុទ្រតៃវ៉ាន់ កើនកម្តៅខ្លាំង និងធ្វើឱ្យប្រទេសក្នុងតំបន់ រួមទាំងកម្ពុជាផង ព្រួយបារម្ភយ៉ាងខ្លាំង។
រូបភាព៖ Reuters
#RFAKhmer #Taiwan #China #Cambodia #MilitaryDrills