អ្នកនិពន្ធ និងយុវជន លើកឡើងថា ការអានសៀវភៅច្រើន ជំរុញឱ្យពលរដ្ឋចេះគិតពីប្រយោជន៍ជាតិ និងដោះស្រាយបញ្ហាជីវិត។ ពួកគាត់ ថា រយៈពេល៥ឆ្នាំចុងក្រោយនេះ អត្រាអ្នកអានមានការកើនឡើង ក៏ប៉ុន្តែ ត្រូវយកចិត្តទុកដាក់ជំរុញឱ្យបានទូលំទូលាយបន្ថែមទៀតពីសំណាក់ស្ថាប័នពាក់ព័ន្ធ តាមរយៈបង្កើនកម្មវិធីអំណានថ្នាក់ខេត្ត និងជាតិឱ្យបានច្រើន។

ការលើកឡើងនេះ ស្របពេលការតាំងពិព័រណ៍សៀវភៅត្រូវបានរៀបចំឡើងរយៈពេលបីថ្ងៃ ពីថ្ងៃទី៩ ដល់១១ មីនា នៅវិទ្យាស្ថានបច្ចេកវិទ្យាកម្ពុជា ឬហៅថា សាលាតិចណូ នារាជធានីភ្នំពេញ ដើម្បីអបអរសាទរទិវាអំណាន លើកទី៩ ក្រោមប្រធានបទ «អំណានជាមូលដ្ឋានគ្រឹះសម្រាប់ទាំងអស់គ្នាក្នុងជីវិត»។ អ្នកនិពន្ធសៀវភៅលើកឡើងថា ការអានសៀវភៅជារឿងសំខាន់សម្រាប់ពលរដ្ឋគ្រប់រូប ដើម្បីជាមូលដ្ឋានគ្រឹះនៃចំណេះដឹង ឆ្ពោះទៅរកការអភិវឌ្ឍគ្រួសារ សហគមន៍ និងប្រទេសជាតិឱ្យមានភាពរីកចម្រើន និងលុបបំបាត់អំពើអយុត្តិធម៌សង្គម។
👉 ទស្សនាវីដេអូ សូមចុចនៅត្រង់នេះ៖
#RFAKhmer #Cambodia #NationalReadingDay #NRD2024 #CambodiaBookFair #InstituteofTechnologyofCambodia