🔆 Ці будзе сёлета @radakultury каардынаваць Дні беларускай культуры?
На жаль, не.
Ці азначае гэта, што свята не адбудзецца?
Таксама не. Кожны з вас можа зладзіць імпрэзу пад гэтым брэндам.

Цягам трох гадоў мы клапаціліся, каб Дні беларускай культуры жылі. Летняе свята, задуманае ў 2021 годзе як фэст паэзіі, песні, супольнасцяў і традыцый, за гэты час паяднала больш як паўтары сотні падзей у 16 краінах, святочная грамада збірала тысячы беларусаў у розных кутках планеты.

Але настаў час для Рады адпусціць гэты праект. Мы будзем вельмі ўсцешаныя, калі вы яго падхопіце і Дні беларускай культуры будуць квітнець у вашых вялікіх і маленькіх суполках.

✔️Канцэпцыя святкавання, прапанаваная летась, актуальная. Фарматы – таксама. Вы па-ранейшаму можаце ладзіць імпрэзы ў гонар Янкі Купалы, Марка Шагала ці адзначаць Купалле вясёлым пікніком. На жаль, сёлета не будзе абнаўляцца мапа падзей, але хэштэгi #SpeakBelarus i #By_Culture_Global дапамогуць знайсціся ў сацсетках.

Беларусь там, дзе жывуць беларусы!