‼️ Затрыманы музыка Андрэй Задзяркоўскі

Праваабаронцы паведамляюць, што ў Менскім раёне 5 траўня супрацоўнікі міліцыі затрымалі 38-гадовага Андрэя Задзяркоўскага. Вядома, што яго даставілі ў ІЧУ Менскага раёна на вуліцы Скарыны. Верагодна, складзены пратакол адміністрацыйнага правапарушэння.

У чым абвінавачваюць Андрэя, пакуль невядома. Суд павінен быў прайсці 6 траўня. Інфармацыі пра яго няма.

Андрэй Задзяркоўскі закончыў гістарычны факультэт БДУ, у вольны час піша электронную музыку, заўсёды размаўляе на беларускай мове.

📷 novychas.online

#Задзяркоўскі #затрыманне #музыка #праваабаронцы

‼️ 77 гадоў таму завяршылася Другая сусветная вайна

У вайне ўдзельнічалі больш за 60 дзяржаў, ваенныя дзеянні праходзілі на тэрыторыі сарака дзяржаў. Агульныя людскія страты склалі да 65 мільёнаў чалавек, з якіх 27 мільёнаў былі забітыя на франтах. Найбольшыя страты панёс Савецкі Саюз, а таксама Кітай, Германія, Японія і Польшча.

😢 Другая сусветная вайна прынесла Халакост – масавае знішчэнне яўрэяў на тэрыторыі Германіі, яе саюзнікаў і на акупаваных тэрыторыях.

У большасці краін Еўропы, а таксама ў ЗША🇺🇸 і Вялікабрытаніі🇬🇧 перамога ў Другой сусветнай вайне адзначаецца 8 мая, паколькі менавіта ў гэты дзень у 1945 годзе ў 22.43 па цэнтральна-еўрапейскім часе была падпісаная поўная капітуляцыя нацысцкай Германіі. Па маскоўскім часе, з прычыны розніцы ў часе, капітуляцыя была падпісаная ў 00.43 наступнага дня – 9 мая.

📷 з адкрытых крыніц

#вайна #Савецкі_саюз #Германія #халакост

🇵🇱 Польскія ўлады імкнуцца да самастойнасці бежанцаў з Украіны

🔻Намеснік міністра ўнутраных спраў і адміністрацыі Павел Шэфернакер паведаміў, што працягваецца праца па зменах у Спецзакон аб бежанцах. Цяпер гаворка ідзе пра адукацыю, догляд за дзецьмі і доступ да рынку працы:

- Мы запусцім партал, які дазволіць скараціць “дарогу” паміж працадаўцам і працаўніком; як польскім, так і ўкраінскім працаўніком.

🔻Палітык дадаў, што польскія ўлады хочуць, каб да канца чэрвеня як найбольшая колькасць бежанцаў з Украіны🇺🇦 стала самастойнымі.

📷 РАР

#бежанцы #Польшча #Украіна #Шэфернакер

‼️ Вялікабрытанія перадасць Украіне дадатковую ваенную дапамогу на 1,6 млрд даляраў

Гэта амаль удвая перавышае папярэднія абавязацельствы Вялікабрытаніі🇬🇧 па выдатках па Украіне.🇺🇦

🔻 У прыватнасці, пакет уключае ў сябе контр-батарэйныя радыёлакацыйныя сістэмы, абсталяванне для глушэння GPS і прыборы начнога бачання. Адзначаецца, што гэта самы высокі ўзровень вайсковых выдаткаў Вялікабрытаніі з часоў войнаў у Іраку і Афганістане.

🔻Брытанскі прэм’ер Борыс Джонсан заявіў, што жорсткі напад Уладзіміра Пуціна не толькі прыводзіць да незлічоных разбурэнняў ва Украіне — ён таксама пагражае міру і бяспецы ва ўсёй Еўропе.

Крыніца: nashaniva.com

#Украіна #Расея #вайна #Вялікабрытанія #дапамога

📌 Падляшскія ўлады ўшанавалі памяць загінулых падчас Другой сусветнай вайны

У Дзень Нацыянальнай Перамогі ваявода Падляшскі Багдан Пашкоўскі, ваяводскі маршалак Артур Касіцкі і віцэ-прэзідэнт Беластока ўсклалі вянкі да помніка польскім жаўнерам на Вайсковых могілках па вуліцы 11 лістапада ў Беластоку.🇵🇱

📌 Усе ў адзін голас падкрэслілі, што ў сувязі з вайной ва Украіне🇺🇦 святкаванні ў гэтым годзе маюць асаблівае вымярэнне.

📌8 мая адзначаецца Міжнародны дзень Перамогі ў памяць аб заканчэнні Другой сусветнай вайны ў Еўропе. У гэты дзень, у 1945 годзе, быў падпісаны акт аб безумоўнай капітуляцыі Трэцяга рэйху.

📌Значэнне 8 мая 1945 г. польскія гісторыкі трактуюць па-рознаму. Адны падкрэсліваюць, што гэты дзень сімвалізуе, перш за ўсё, перамогу над нацызмам, іншыя ж прызнаюць гэтую дату днём паразы краін, якія трапілі ў сферу ўплыву Савецкага Саюза на наступныя дзесяцігоддзі.

📷 wrotapodlasia.pl

#Падляшша #вайна #загінулыя #Савецкі_саюз