🇪🇺 Большасць беларусаў - за еўрапейскі выбар – выступ Паўла Латушкі ў Бруселі

"Беларускае грамадства змянілася, яно гатовае далучыцца да сям’і дэмакратычных і свабодных краін", — заявіў польскі прэм’ер-міністр Матэвуш Маравецкі на канферэнцыі Каліноўскага ў Еўрапарламенце. Польшча, па яго словах, застаецца "на баку дэмакратычнай Беларусі", і беларускія дэмакраты могуць разлічваць на яе падтрымку. "Выратаванне Украіны будзе сігналам Беларусі, што змены магчымыя", — дадаў Маравецкі.

Кіраўнік Народнага антыкрызіснага ўпраўлення Павел Латушка гаварыў падчас свайго выступу пра тое, што большасць беларусаў выбірае еўрапейскі шлях развіцця:

Большасць беларусаў супраць вайны, за еўрапейскі выбар, а не "рускі мір", - дадаў Павел Латушка, спасылаючыся на дадзеныя сацыялагічных апытанняў.

❗️ У Беларусі падоўжылі да 25 чэрвеня вайсковыя вучэнні, якія адбываюцца на 13 палігонах, у тым ліку на мяжы з Украінай.

Ва Украіне назіраюць за вучэннямі і працягваюць умацоўваць мяжу з Беларуссю, адзначаючы, што пагрозы з беларускай тэрыторыі застаюцца. Як паведамляе афіцыйны сайт Ровенскай абласной вайсковай адміністрацыі, цяпер фартыфікацыйныя збудаванні на мяжы з Беларуссю пераводзяць з часовых у сталыя. У той жа час кіраўнік Ровенскай адміністрацыі Віталь Коваль лічыць, што ўварванне Узброеных сіл Беларусі ва Украіне будзе вельмі складаным для беларускіх вайскоўцаў, у якіх няма ні досведу, ні матывацыі. Акрамя таго, Узброеныя сілы Украіны ўзмоцнена дзяжураць на мяжы з Беларуссю.

📌‼️ У судзе Савецкага раёна Менска 30 чэрвеня будуць разглядаць справу Аніты Бакуновіч, якую абвінавачваюць ва ўдзеле ў дзеяннях, якія груба парушаюць грамадскі парадак (ч. 1 арт. 342 КК). Працэс будзе весці суддзя Сяргей Шаціла.

Палітзняволеную затрымалі 4 месяцы таму. Зранку дзверы ў кватэру, дзе яна жыла з маці і братам, выламалі невядомыя. Яны не прадставіліся, правялі вобшук і забралі Аніту і яе брата Яна. Спачатку палітзняволеную асудзілі на 15 сутак, а ейны брат пасля допытаў у РУУС і ГУБАЗіК трапіў у лякарню ў перадінфарктным стане. Пазней у яго атрымалася сысці адтуль.

Вясна

#рэпрэсіі #Аніта_Бакуновіч

📌‼️⚡️ Патрыярх Кірыл параўнаў расейскіх вайскоўцаў са святымі падзвіжнікамі.

📌⚡️ Ён наведаў ваенны шпіталь, дзе ляжаць параненыя расейскія вайскоўцы, і сказаў, што «сучасныя воіны здзяйсняюць свой подзвіг, як гэта рабілі святыя падзвіжнікі», паведамляе «Бі-бі-сі».

#патрыярх_Кірыл #вайна_ва_Украіне

📌🚛 Літва пашырыла абмежаванні па транзіце ў Калінінград на аўтамабільны транспарт.

📌 Пра гэта паведамілі «Інтэрфаксу» ў пресс-службе літоўскага ўрада.

📌 Гэтую інфармацыю агенцтву пацвердзілі ў некалькіх кампаніях, якія займаюцца аўтаперавозкамі.

📌 18 чэрвеня Літоўскія чыгункі спынілі транзіт паміж РФ і Калінінградскай вобласцю тавараў, якія патрапілі пад еўрапейскія санкцыі. Расея запатрабавала аднавіць перавозкі ў поўным аб'ёме і прыгразіла наступствамі.

#санкцыі #Літва #Калінінград

📌 Дырэктарку беларускага дзіцячага садка №14 у Беластоку хочуць замяніць. Бацькі супраць.

📌 Па выніках конкурсу на пасаду дырэктара дзіцячага садка №14 у Беластоку выбраны новы працаўнік, а даўняя дырэктарка ўстановы, Люцыя Неміровіч, у хуткім часе страчвае свае паўнамоцтвы. Бацькі выхаванцаў садка плануюць знайсці шлях абскарджання такога рашэння.

Больш на сайце Радыё Рацыя.

#Беласток #беластоцкі_дзіцячы_садок_14 #беларусы_Беласточчыны

📌 Беларусь вымушана пераарыентавацца ў закупках марской і далікатэснай рыбы і морапрадуктаў са Скандынавіі на Расею.

📌 Найбуйнейшы ў Беларусі вытворца рыбнай прадукцыі кампанія "Санта Брэмар" адчувае цяжкасці з закупкай і лагістыкай астуджанага ласося і фарэлі.

📌 У 2021 годзе беларускія кампаніі атрымалі права здабыць у Баранцавым моры 5021 тону траскі і 1805 тон пікшы.

📌 Інфармацыю аб квотах на вылаў рыбы ў расейскіх водах Мінсельгасхарч сёлета не публікаваў.

#рыба #Санта_Брэмар #морапрадукты #санкцыі

📌‼️ Уладзімір Някляеў заступіўся за Васіля Быкава перад міністрам адукацыі і навукі Украіны.

📌 Тэкст ліста ў абарону Васіля Быкава, адрасаваны міністру адукацыі і навукі Украіны Сяргею Шкарлету, Уладзімір Някляеў надрукаваў у Фэйсбуку.

📌 Ён нагадвае звязаныя з Украінай старонкі біяграфіі Васіля Быкава, а таксама тое, што «Васіль Быкаў — найвыбітная асоба не толькі ў сучаснай беларускай літаратуры, але і ў нашым сённяшнім жыцці. Ён пісьменнік, які ў сваёй творчасці заўсёды адстойваў праўду. Ён змагаўся за нашу мову, за нацыянальную культуру і гісторыю. За тое, каб Беларусь была Беларуссю, як і Украіна — Украінай».

#Васіль_Быкаў #беларуская_літаратура #вайна_ва_Украіне

📌 Затрымалі магілёўскага студэнта Якава Гаранага, паведамляе Вясна.

📌 Праўладныя тэлеграм-каналы паведамілі пра затрыманне магілёўца Якава Гаранага, студэнта адной з мясцовых ВНУ, паведамляе «Вясна».

📌 Па папярэдняй інфармацыі, на маладога чалавека склалі пратакол аб адміністрацыйным правапарушэнні па арт. 19.11 КаАП РБ (распаўсюд «экстрэмісцкіх матэрыялаў»).

#Якаў_Гаранавы #Магілёў #пераслед #арышты #рэпрэсіі

📌 Паўтара года "хатняй хіміі" — за каментар у 2020 годзе, паведамляе Вясна.

📌 21 чэрвеня 2022 года ў судзе Ленінскага раёна Гародні вынесены прысуд 58-гадовай Юліі Каваленка.

📌 Пацярпелыя па справе — былая супрацоўніца гарадзенскага АМАПа Марыя Мазуркевіч і цяперашняя супрацоўніца гродзенскага АМАП Дар'я Бандарчук. Яны вядомыя тым, што 9 жніўня ў Гародні жорстка збілі фармацэўтку Марыну Палікарпаву. 17 снежня жанчыне прысудзілі два года "хатняй хіміі": абараняючыся ад прыёму здушэння, жанчына інстынктыўна ўкусіла адну з супрацоўніц міліцыі.

📌 Згодна з тэкстам абвінавачання, маючы намер публічна абразіць прадстаўнікоў улады, 4 верасня 2020 года Юлія Каваленка у суполцы "Hrodna.life" на Facebook пакінула абразлівы каментар у бок Мазуркевіч і Бандарчук.

📌 Пракурор Аляксандр Седач папрасіў пакараць Юлію Каваленку 1,5 гадамі абмежавання волі без накіравання ў ПУАТ — "хатняй хімііі". Суддзя Руслан Гурын пагадзіўся з тэрмінам.

#Юлія_Каваленка #Гародня #суды #хімія #Марыя_Мазуркевіч

🎥 22 чэрвеня гістарычны клуб «Beer&History» ладзіць сваю першую сустрэчу і запрашае ўсіх на сумесны прагляд фільма Руслана Кулевіча пра Гародню 1930-40-х «Апошнія сведкі старога Гродна». Пачатак а 19.00.

Месца: B4 / Beer4u, Legionowa 14/16 lok. 2, Беласток.

🎬🎥 У цэнтры сюжэта — гісторыі карэнных гарадзенак пра 1930-я, савецкае «вызваленне» ў 39-м, нямецкую акупацыю і вымушаны ад’езд на Захад.

#клуб_Beer_History #Гародня #Беласток #міжваенная_Гародня #Руслан_Кулевіч

📌 Судом Партызанскага раёна Менска 20 чэрвеня вынесены прысуд палітзняволенаму Сяргею Паўловічу па крымінальнай справе аб абразе Прэзідэнта Рэспублікі Беларусь (ч. 1 арт. 368 Крымінальнага кодэкса ) і прадстаўнікоў улады (арт. 369 Крымінальнага кодэкса), паведамляе Вясна.

📌 Сяргей Паўловіч быў затрыманы 13 студзеня 2022 года па адміністрацыйнай справе. Спачатку яго асудзілі на 15 сутак, затым яшчэ на 12, але на волю ён не выйшаў. Да суда знаходзіўся ў следчай турме № 8 у Жодзіна.

📌 Па сукупнасці злачынстваў шляхам частковага складання пакаранняў канчаткова прызначана абвінавачанаму пакаранне ў выглядзе пазбаўлення волі на тэрмін два гады з адбываннем пакарання ў папраўчай калоніі ва ўмовах агульнага рэжыму і штрафу ў памеры 200 базавых велічынь, што складае 6 400 рублёў.

#Сяргей_Паўловіч #Мінск #суды #Еўрапейскі_марш #папраўчая_калонія

📌Агляд прэсы: пад прыкрыццём прынцыпаў

🔻Беларусь як зона ўплыву Пуціна.

🔻 Як і калі прымаць Украіну ў Еўразвяз?

🔻 Страйк чыгуначнікаў: Вялікабрытанія ў паралічы.

🔻Энэргетычная бяспека важнейшая за экалогію?

Падрабязнасці свежых матэрыялаў замежнай прэсы на сайце Радыё Рацыя

#Пуцін #Украіна #Беларусь #страйк #бяспека

⚡️⚡️Сілавікі ў Берасці прымусілі ўкраінку адклеіць з машыны герб Украіны і замяніць на дзяржсцяг Беларусі

🔸 Праўладныя тэлеграм-каналы паведамляюць, што ўраджэнка Украіны, якая ўжо восем гадоў жыве ў Беларусі, «вырашыла пашукаць экстрыму» і стала чытаць не тыя інтэрнэт-крыніцы і «рэпосціць экстрэмісцкія матэрыялы».

‼️Адзначым, што ўкраінскі герб і ўкраінскі сцяг не ўключаныя ў Спісы экстрэмісцкіх матэрыялаў у Беларусі.

Крыніца: @zerkalo_io

⚡️⚡️Пад Віцебскам ваенны Урал, які перавозіў асабовы склад, трапіў у аварыю з бензавозам MAN

🔸Урал выкінула з праезнай часткі. Сярод вайскоўцаў ёсць пацярпелыя.

Відэа: @zamkadomby

❗️Палітвязень Мікалай Статкевіч этапаваны з СІЗА №3 у Гомелі

Пра гэта напісала ў Фэйсбуку ягоная жонка Марына Адамовіч. Куды этапавалі Статкевіча, яна дакладна не ведае.

"Калі "па законе", то ў Глыбокае. Толькі там ёсць асаблівы рэжым, то бок, "камернае ўтрыманне" - такая сабе турма ў калоніі. Застаецца толькі чакаць і маліцца, каб этап не быў занадта цяжкім. Хаця гэта цяжка заўжды.

Нагадаем, што ў снежні мінулага году суд у Гомелі прысудзіў аднаму з лідараў беларускай апазіцыі Мікалаю Статкевічу 14 гадоў пазбаўлення волі.

‼️Цяпер і Ірландыя. Краіна замарозіла расійскія актывы на 1,7 млрд еўра. Гэта фінансавыя актывы ў банках і фондах, прыватныя самалёты і яхты, элітная нерухомасць.

Цэнтральны банк Ірландыі разаслаў арганізацыям лісты з напамінам ім пра сваю ролю ў наглядзе за фінансавымі санкцыямі.

Крыніца: https://t.me/euroradio