📌 У новым відэазвароце прэзідэнт Украіны Уладзімір Зяленскі звярнуўся да беларусаў.

📌 “Хачу звярнуцца да грамадзян Беларусі: і цывільных, і ў пагонах. Вас уцягваюць у вайну. І нават актыўней, чым гэта было ў лютым і ў веснавыя месяцы. У Крамлі за вас ужо ўсё вырашылі, вашы жыцці для іх нічога не каштуюць”.

📌 Цягам апошняга тыдня з’явілася інфармацыя, што на мяжы з Украінай цяпер знаходзіцца каля 3-4 тысяч беларускіх вайскоўцаў. 26 чэрвеня з тэрыторыі Беларусі зноў паляцелі ракеты ва Украіну, у тым ліку ў Кіеў. Акрамя таго, у сувязі з тым, што Літва часткова спыніла транзіт тавараў у Калінінградскую вобласць, узраслі рызыкі для Беларусі. Так, Пуцін упершыню прыстрашыў Захад размяшчэннем у Беларусі ядзернай зброі.

#вайна_ва_Украіне #Пуцін #ядзерная_зброя #беларусы_і_вайна #Калінінградская_вобласць